كتب الكاتب الفاتح جبرا المتوفرة بمعرض الدوحة
|
ملوك العضة
|
عزيزي المشاهد
هل انت عضاض
وبتاكل كتير وهداف من الطراز الاول
|
|
|
|
|
|
|
|
Re: ملوك العضة (Re: khaleel)
|
ايام الجامعة البت لما تشتري ليها ساندوتش
تعمل ليك فيها رقيقة (وتنقدو نقد)
لكن في صفرة داخلية البنات قالو الواحدة لقمتها قدر راس العتود
| |
|
|
|
|
|
|
Re: ملوك العضة (Re: khaleel)
|
نسيبنا عصام مصطفي حينما ياكل معنا في البيت
يقول لنا انتو ما مشجعيين وانا ماشي اكل مع ابو قرون نسيبو الاخر
وهو هداف من طراز قودوين
| |
|
|
|
|
|
|
Re: ملوك العضة (Re: khaleel)
|
هلا ياعضة.. وفتحت ابواب السفسافيين وديل ناس يعجبوك في اكلهم وفي ونستهم عن الاكل.. عندي ودخالي انا مصنفو كاحسن زول في العالم بيعرف ياكل عصيدة.. عندو قطعة للقمة مميزة وبعملها بزاوية ثابتة (زاويا كده اتخيل لي بتكون 37 درجة ونص) لوول.. وعند حضور العصيدة بخلي اي حاجة وبهتم وبعالج الاكل بمهارة وحرفنة تشهيك الاكل \ وسنعود
| |
|
|
|
|
|
|
Re: ملوك العضة (Re: khaleel)
|
خلي يا هندسة تعرف مرة الحاج سايق قندرانه ماشي الدالي والمزموم قمت نطيت معاهو عجبني غناء العتالة قلت امشي افطر معاهم يمين يا الحبيب العيشة الواحدة في لقمة يعني عشرة عيشات بي عشرة لقمات خلوني خشمي ملح ملح
| |
|
|
|
|
|
|
Re: ملوك العضة (Re: طارق جبريل)
|
سلام يا خليل ورمضان أب ملاحاً حلو (على قول جدنا دريس ود كرchـا) مبارك عليكم.
حسن ود شيخ ياسين قاعد يفطر معاهو واحد لُقمتو قدُر راس الجرو. قال ليهو: يا ولدي لقمتك دي ما تصغرها شوية قالو ليك في مجاعة في طرف الحلة؟!
قال ليهو: أصلو دي السدادة آعم حسن!
قال ليهو: الله يكتلك آلكلك كُلو سدايد.
شفتا شدايد عمك حسن ود شيخ ياسين! مرة قال لواحد جا طاير (هؤلاء يسميهم عم حسن "الطيار" وهو النوع البجيك مع ختة الصينية) قرب يقع فوق الصينية فبرر عجلته بي إنو عطشان لاحق الموية. عم حسن قال ليهو: بيك الموية وألا بيك "الحدوية"!...و"الحدوية" هي "حدقان" أفضل المواقع وأكثرها قرباً من أطايب الطعام.
الدعاء الرئيسي لعم حسن حين نزول المائدة إلى أرض الديوان هو: الله يكفينا شر الطيار والملاح الحار.
آمين يا رب وتصوموا وتفطروا على خير.
| |
|
|
|
|
|
|
Re: ملوك العضة (Re: Adil Al Badawi)
|
Quote: آمين يا رب وتصوموا وتفطروا على خير. |
تعرف يا عادل
الجماعة في شارع مدني الخرطوم بطلعو الاكل برة الشارع
وفطور ناس الجزيرة في رمضان عصيدة جق ابري جق ليمون وبليلة
المهم واحد سائق كريسيدا وماشي سريع
المهم الجماعة اعترضوهو اقيف اقيف الفطور الفطور
الراجل مفلهم نزل وقال ليهم افتحو الصينية دي وافتحو دي وافتحو كلها عصيدة
قام قال ليهم علي الطلاق ما عليكم صيام كان دا فطوركم
| |
|
|
|
|
|
|
Re: ملوك العضة (Re: طارق جبريل)
|
Quote: عجبني غناء العتالة قلت امشي افطر معاهم
|
طارق جبريل
العتالة مبالغة طبعا ومكنة مصطفي سيد احمد بتاعة عتالة المواني والغبش التعاني
دي ما ماشة معاهم
والله الواحد ياكل تقول مسكون رسمي
| |
|
|
|
|
|
|
|