|
|
 Re: طـــقــوس خــاصـه ... فــى شــهــر رمــضــان (Re: عادل عبدالعزيز عبد الرحيم)
|
تعالو نوثق ونحكى عن ليالى رمضان ( زمان)
وزمان دى لانه رمضان دلوقت بقى زيه وزى اى شهر دخلت فيه ماديات الحياة وحولته من شهر له طقوس خاصى الى شهر عادى جدا جدا
اذكر فى سنة 75 و76 و78 فى بابنوسة عندما كان الوالد فى السكة حديد كنا نخرج للفطور فى الشارع وكان هنالك برش فطور كبير جدا تتحلق فيه حوالى 20 اسرة من سكان الحى وكان دورنا نحن الاطفال والصبيان واضح ومحدد من قبل اباءنا ويتمثل فى الاتى
1/ تحديد موقع البرش وتحويره بالرمل ونجعل له حاجز زى التقنت كده ومن الامام نجعل فيه محراب فى اتجاه القبلة
2/ نملى الاباريق بالماء للوضوء والغسيل
3/ نفرش البرش قبل الاذان بنص ساعة ونلم البرش قبل صلاة العشاء بقليل
4/ نجيب الصوانى وهى محملة بصحانة البليلة والتمر والعصيدة والقراصة والفول والحلومر والليمون البارد والكركدى .( لا توجد عصيرات حديثة كالتانك وغيره )
5/ نجيب الشاى بعد الفطور مباشرة .
6/ نرمرم فى الصحون التى كانت بعيدة عن متناولنا فى وقت الفطور
7/ نجمع الصحون والكوارى ونعيد الصوانى والبراد والكفتيرة والكبابى الى البيت
8/ نستعد بعدها لصلاة العشاء والتراويح ومن بعدها تبدا السهرة الخاصة بنا فى اللعب .
| |
 
|
|
|
|
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست