|
|
|
 Re: إشتريتو حاجات رمضان ؟ (Re: مريم بنت الحسين)
|
بت الحسين مريم :
| Quote: دليل الافلام بجيبوه ليك مجاناً ناس Dominos Pizza... جرب البيتزا بالاعشاب.. عجيبة..! |
لكن لقيييتك مباااالغة في التأثر بي الدعايات ..
يعني اسة انتي النوع البيتسووك بي الكلوز أب الأحمر داك صاح ؟
وبتغسلي شعرك بي الصانسيلك..
والله انا لو محل نادر اشغل ليك القناة السعودية 1 و 2 بس تبقي زولة أرضي ساااااي
دومينوز بيتزا خلت الأعشاب ..احباااب..
تخريمة :
والله يا مريم انا البيتزا دي باكلا من السبت لحدي يوم الإتنين ومن بيتزا إن غايتو نادر كان بيغشك نظام بيجيبا كتيرة في البيت فأبشرك لأنو تشيل واحد بيدوك التانية مجاناً ..
دليل المسلسلات ده شوفيهو في الصب واي ..
| |
 
|
|
|
|
|
|
|
 Re: إشتريتو حاجات رمضان ؟ (Re: مريم بنت الحسين)
|
..
.
خلينا من الحاجات ديك انت الحاجات دى عندك ؟؟
الحلو مر لو انت فى غربة وما رسلوهو ليك ناس بيتكم ولا نسابتك
يكون رمضانك ناقص ..
وكورية الرقاق لو ما جنبك ومعاها
ترموس لبن دافئ بتكون حالتك صعبة تانى يوم
ومع الفطور لو مافى بليلة عدسية او مليل
جنب صحن عصيدة بنعيمية اعتقد مفترض تعود من غربتك
ما اجمل رمضان فى بلدى .. ( غيظة كدا )
________
للعلم شوال سكر كنانه 145 جنية ..
زيد مصاريف الشهر دا للاهل وذو القربي ..
| |
|
|
|
|
|
|
|
|
 Re: إشتريتو حاجات رمضان ؟ (Re: مريم بنت الحسين)
|
والله مع إنو راسي مصدع لكن الضحك خلا الصداع يتراجع شوية
موتوني من الضحك مريم وعمر
تصدق رمضان الفات مشينا صلينا أول يوم التراويح في الحرم رجعنا زي الساعة حداشر كده غشينا السوبر ماركت
قلنا نتبضع وكده أها عينك ما تشوف الأَّ النور في الكاشير قريب الأربع ساعات لما خفتى السحور يفوتني
أها قلت للضمان كده أشرب لي موية قبل أصل البيت
الناس بتجيها زلعه غريبة إنت بس إتفرج في العربات البلزوها قدامن شايلة شنو
أما ناس السودان لا فرجة ولا يحزنون
ناس أكل ونوم وبس
شغل صباحي نوم ضهراوي مطبخ نصت نهاري بعد داك
أكل وشرب مويااااااات وهاك يا رخيييييييييييييم ونوم
ولو صلوا التراويح ما قصروا
ماعارفة غايتو أخيرا بقى في توجه جديد في صلاة التراويح في صحوة ماشاء الله وعيني باردة عليهم
أها بعد الصلاة نفاخ النار ما بتلقاو
دا زمااااااااااان طبعا زمن كنت هناك
لكن جيل الخيم الرمضانية مابعرفوا بسمع بيو بس
بس ما يجيبوا لينا الشباب زي ناس مصر في برنامج عجيب كده شفتوا قبل فترة في التلفزيون
بسألوهم عن مكان تواجدم إتخيل في دسكو وبملابس عجيبة وقالوا في رمضان قال
والأدهي والأمر شاردين بدون علم أهاليهم
أها يا سيدي رمضان السنة دي ماعارفة كيف بتلون عندي بلون عجيب
وطعموا غريب ما ضايقة فيو غايتوا الطعم الكنت بضوقوا زمان طعم الكورن فليكس وكده
أها يازول فتك بعافية الصداع بدء يزحف تاني
تصوموا وتفطروا على خير
| |
|
|
|
|
|
|
|
|
|
Re: إشتريتو حاجات رمضان ؟ (Re: عمر الفاروق)
|
| Quote: البيتزا عرفتها انت يا يابا يا الكنت بتأكل البطاطس المحمرة بي العيش .. |
ههههههههههه
ياخ البوست دا ليهو اسبوع ..اسى الذكرك ليهو شنو ؟
اسمع انت متاكد دا الفنان ..مايكون لحس قروشى
ساكت ؟ ...الزول دا باقى لى علاقتو بالفن زى علاقتك
انت بيهو ...
| |
|
|
|
|
|
|
| |
عمر الفاروق
مريم بنت الحسين
محمد عبدالرحمن
فادية اليمني
ممدوح أبارو
وجن
فيس بوك
تويتر
انستقرام
يوتيوب
بنتيريست