|
|
 نحن شنو؟ (٢)
|
نحن شنو؟ (٢)
زيطة وزنبريطة (٤)
خلاص ما تقول!
نحن شنو؟
ونحن منو؟
وبدت الزيطة يا حلوين
كمان تعليمة ليها سنين
لسة الجوطة حارسة دحين
والفانة والحنانة ما جايين
طرشق لستكم في الصين
وقال ندى القلوعة حالفة يمين
إلا نجيبها بي لموزين
مطنقعة من زمان زامنين
متين يا رب علقولنا تلين
أريت الصوت يرن ويبين
نشاز كوريك أضانا تصن
وناس الساوند القاعدين
يقولوا الليلة نورها يبين
لسة الخلق منتظرين
وناس ندوية تب غايبين
حفلة وباسطة من عابدين
وحب الكرتة ليو عابدين
كروش مليانة شحمها سمين
وعقولنا ملانة جكس وعوين
==============================
نضمي وبوبار (٥)
خلاص ما تقول، ووقف قول!
تقول لي شنو؟
وتقول لي منو؟
منو القال ليك أساسنا متين؟
ومنو القال ليك كمان ناوين؟
وعزا للبلاد عاوزين؟
هجص ونضمي مو كافين
عمار لبلادنا مو حابين؟
وللأوطان دمعنا دفين
وللأحباب تمرنا يبين
وللتعمير وللتنوير أرح ماشين ...!
=============================
نضاري وشيش (٦)
خلاص ما تقول، ووقف قول!
تقول لي شنو؟
وتقول لي منو؟
نحن الدنيا جابتنا
وجِهلانها … وهدمناها
حويش في حويش
وعفص لجميلها جزمة جيش
وضوها راح بلمحة بشيش
وما سوينا غير تهميش
وما عمرنا حتى حويش
وداخل في حشانا دحيش
تقول صاطلين ببنقو حشيش
خفيفة قلوبنا وزنها ريش
أخير نسكت نضاري وشيش
د.محمد بدوي مصطفى
|
|
 
|
|
|
|
محمد بدوي مصطفى
فيس بوك
تويتر
انستقرام
يوتيوب
بنتيريست