|
|
 أسئلة محيّرة لعناية المريخاب...
|
من واقع ردود الأفعال على أم الفضائح
أولا :
الحكم كعب دي ما دايرة اتنين تلاتة
كونو مرتشي الله اعلم
اذا افترضنا انو زيسكو اشتراه
ح نلقى انو طرد ليهم لاعب و حسب عليهم بلنتي و كمية من الأوفات و الفاولات
واذا قلنا المريخ اشتراه ح نلقاه طرد لاعب من المريخ و نقض ليه هدف وحسب عليه ضربة جزاء
يا ترى الحكم دا كان مقيّل و ما عارف باع لمنو
ولاّ يكون باع للإتنين
ولاّ يكون مافي بيع اصلا بس حكم كعب ساي و مجلّي
السؤال : الهلال دخلو شنو في الموضوع دا ؟
كم بوست بلوم الهلال على سوء الحكم بل بلومو على انحياز الإتحاد الافريقي و تآمرو على المريخ
آي والله تآمر الكاف عديل كدا على المريخ
حاجة تحير مش
ثانيا :
المريخ خسر كورة ... عادي برشلونة بيخسر
المريخ ما ادى كويس .. عادي برضو
المريخ خسر في أرضو .. عادي الأهلي المصري بخسر في ارضو
بعد كل خسارة اول تصريح للمريخاب من الادارة للاعلاميين للبورداب للجمهور بكون دايما داير حول ...
سيظل و المريخ باق قلوبنا وبلا بلا بلا ... تأكيد على انتماؤهم و تشجيعهم له
السؤال : الغالطكم منو ؟
ما عادي الدنيا دي كلها بتتغلب ما سمعنا بمشجع بدل فريقه عشان هزيمة
(سالت السؤال دا امس في اكتر من بوست ومافي اجابة مقنعة)
هل هي حالة من عدم الثقة ام محاولة لنفي فرضية ان المريخاب ماهم إلاّ هلالاب زعلانين قد يعودوا في اي لحظة لقواعدهم
قد تكون الإجابة هنا
ثالثا :
امس كان في سوء سلوك و فليق و شتايم وهتاف ضد اللعيبة و محاولات اعتداء على الحكام من الجمهور
  
السؤال : ما المقصود بالضبط بحكاية جمهور المريخ صفوة ؟ وهل لا زالت قائمة؟
رابعا :
سموأل بدر الدين كان ببرطم بقول شنو و هو نازل  ؟
خامسا : اساسي امس اتعشّى ؟
يتبع ..
|
|
 
|
|
|
|
|
|
|
 Re: أسئلة محيّرة لعناية المريخاب... (Re: محمد البشرى الخضر)
|
سلام ود البشري
Quote: ومنواللي قال أنو الهلال من مصلحتو هزيمة المريخ أمام زامبيا ."?.
...الهلال مصلحتو كانت في التعادل!! والعائز يشتري حكم كان ممكن يخليهو
يطلعها تعادل!!!
وكمان إنتصار فريق ضعيف زي المريخ في أرضه أفضل للهلال من فوز منافس
خطر مثل الفريق الزامبي خارج أرضو!!! |
| |
|
|
|
|
|
|
|
|
 Re: أسئلة محيّرة لعناية المريخاب... (Re: كمال عباس)
|
Quote: السؤال : الهلال دخلو شنو في الموضوع دا ؟
كم بوست بلوم الهلال على سوء الحكم بل بلومو على انحياز الإتحاد الافريقي و تآمرو على المريخ
آي والله تآمر الكاف عديل كدا على المريخ
حاجة تحير مش |
..
| Quote: خامسا : اساسي امس اتعشّى |
.. .. والله يا بيضة اخشى ما اخشاهـ أن تكون كاتبي المفضل لهذا الربع .. 
اشكرك على هذا البوست
| |
|
|
|
|
|
|
|
|
|
Re: أسئلة محيّرة لعناية المريخاب... (Re: tmbis)
|
| Quote: سيظل و المريخ باق قلوبنا وبلا بلا بلا ... تأكيد على انتماؤهم و تشجيعهم له |
مش كدا بس ياودالبشرى فى حنك تانى بتاع
انهم الافضل فنيا بالنسبة للهلال وان امكانيات
لاعبى المريخ افضل من لاعبى للهلال بما لايضاهى
(حلوه يضاهى دى )...بائن ضربة امبارح دى مافوقتهم
عايزين ليهم تانى واحده جامدة وان شاء الله من الهلال
عشان الناس تعرف مقاماتا ...
| |
|
|
|
|
|
|
|
|
|
Re: أسئلة محيّرة لعناية المريخاب... (Re: محمد البشرى الخضر)
|
يا و البشري
الاجابات دي لو ممكن يعني بالنيابه عن اميره الشيخ لانو حالتها النفسيه وما بتسمح وكده
| Quote: السؤال : الهلال دخلو شنو في الموضوع دا ؟ |
اي الهلال اشتري الحكم وكان في واحد قطب هلالابي كبير اجتمع بالحكم في شقه في الخرطوم 2 ولا 3 ما عارف (للتكد يمكن الرجوع للبوست المفتوح بهذا الموضوع) ودفع ليهو القروش
والظرف السلم بيهو القروش للحكم حيصل اليوم بال DHL
| Quote: قد تكون الإجابة هنا |
بس كتلتها يا عمك الاجابه هناك
| Quote: وهل لا زالت قائمة؟ |
طبعا ما زالت قائمه
يا زول نحنا كتلنا الصحفي بتاع سيكافا عديل و الصفوه ما زالت قائمه عايزا تسقط مننا عشان جدعنا لينا 5 و لا 6 حجاره
السؤال الرابع
محول للسمؤال و اساسي حال ان يزول عنهم الالم
| |
|
|
|
|
|
|
|
|
|
Re: أسئلة محيّرة لعناية المريخاب... (Re: Omar Bob)
|
الزول ده حقو يعاين للجانب الايجابي في الملطشة دى, لو استمرت كده ح يفط العشاء كتير و ربما وجبات أخرى و ينزل كم كيلو ... ريجيم يعنى
محيرنى بس عمر بوب البقا عامل فيها ناقد رياضي ده!!!! ياهو الفضل
| |
|
|
|
|
|
|
|
|
|
Re: أسئلة محيّرة لعناية المريخاب... (Re: esam gabralla)
|
| Quote: محيرنى بس عمر بوب البقا عامل فيها ناقد رياضي ده!!!! ياهو الفضل |
يا عصام يا مغرض:
البورد ده طلعك احسن كادر خطابي في تاريخ الجبهه الديقراطيه في جامعه الخرطوم والجامعات المجاوره
الما يخليني ابقي فيه ناقد رياضي شنو؟
| |
|
|
|
|
|
|
|
|
|
Re: أسئلة محيّرة لعناية المريخاب... (Re: السمؤال بدرالدين)
|
كمال عباس
مصلحة الهلال كانت في التعادل او فوز المريخ كما تفضلت , لكن الشماتة سمحة برضك
وان كنت اخشى ان نندم على فوز زيسكو بعدين
لكن البقنع الديك منو ؟
تمبس .. كل سنة وانت طيب 
انت يت متين ياخوي , مش اسي كنت موقوف
Quote: .. والله يا بيضة اخشى ما اخشاهـ أن تكون كاتبي المفضل لهذا الربع ..
اشكرك على هذا البوست |
لا يا خوي كان كدا اخشى خشيانك ساي
المريخ حالف السنة يمتعنا لمن نقول بس
شكرا للمريخ على الحالة دي
محمد عبد الرحمن | Quote: وان امكانيات لاعبى المريخ افضل من لاعبى للهلال |
غالبا تكون المقصودة الامكانيات المادية رواتب و سيارات و خلافو
وفي دي معاهم حق النصيحة
عمر بوب ... جيهتها جيهة
باللاي السلام لبت الشيخ
عصام يا عمك
بفط العشا لكن المشكلة الصباح بقرا الجرعة من مزمل و يلقى الضرب بالدور و المريخ بمن حضر و شامي لي ريحة نفسو تتفتح و يدوس في الفطور بالطريقة الصاح
هلا يا عمر و تحياتنا للرشاشة الكبير حاتم
بلغه اشواقنا بالله و تشكراتنا على الكليب
ابوبكر يا عمك | Quote: لعمرى لم تأتِ بعد. |
الضمير في تأتِ عائد على ردود الأفعال ولاّ المقصودة أم الفضائح
كان التانية فـ (الليلة ووووووووب) دايرين تهببوا شنو مع كانو هنا كمان
أووووو سموأل صاحب الوجه التلفزيوني
كفارة ياخ
المرة الجاية اقشر ليك ببدلة وكرفتة الظروف ما معروفة و الأيه آر تي منتشرة على مستوى العالم زي ما عارف
| |
|
|
|
|
|
|
| |
محمد البشرى الخضر
كمال عباس
tmbis
محمد عبدالرحمن
Omar Bob
omer abdelsalam
أبوبكر أبوالقاسم
السمؤال بدرالدين
طارق جبريل
حيدر حسن ميرغني
عمر التوم
فيس بوك
تويتر
انستقرام
يوتيوب
بنتيريست