كتب الكاتب الفاتح جبرا المتوفرة بمعرض الدوحة
|
طارت السكرة وجات الفكرة ..الدافي عجيييب والتحكيم منصف بس اتعودنا الظلم..
|
بعيداً عن نتيجة مباراة الأمس وردود افعالها وشماتة ابلة ظاظا فييية إلا أنني وكشخص بستمتع بي كورة القدم فقد ادهشني جدا جدا جدا اللاعب عبد الكريم الدافي اللاعب اللي يبدو إنو جا السودان عن طريق الغلط فلا هو في قامة المريخ ولا هو في قامة الاحتراف في الكورة السودانية .. لاعب كامل متكامل لياقة بدنية وذهنية عاااالية حركدة دؤوبة في الملعب غيرة وشجاعة اختراق ومراوغة تمرير وتسديد تمثيل وشفتنة رجالة وفنيات لعب بي القدمين والراس .. مراوغة مجدية ولي قدام تهديف في المرمى من كل الاتجاهات احسن زول بيشوت وهو ماشي وهدف اسطوري لو كنت مكان الحكم كنت حسبتو ليهو بي قونين ..المريخ كلللللللللللو كوم والدافي كوم تاني براهو... 75 الف دولار بس قيمة تسجيل اللاعب الدافي لكن يبدو إنو الزول اللي رشحو للمريخ زول بيعرف كورة .. اتمنى واتمنى فعلا فعلا فعلا انو لو في طريقة مننننن اسة الهلال يزاحم المريخ في اللاعب ده لانو بصراحة كتييييير عليهم وما بيشبهم .. المريخ طيييييييلة مسيرته الاحترافية ما نجح في استجلاب محترف ملفت للنظر .. اما بالنسبة للتحكيم والشماعة اللي جمهور المريخ عايز يقنع بيها روحو فهي شي من نسج الخيال !!!! تعودنا إننا نظلم الفرق التانية وإنو التحكيم الافريقي لازم يلعب مع صاحب الارض والجمهور وعليه فأي نتيجة غير الفوز واي احتساب لي قرار ضدنا يدخل في الظلم !!! لو حسبناها من ناحية الموازنات والترضيات فالمريخ البادي والبااادي اظلم .. هل يستحق لاعب الفريق زيسكو الزامبي الطرد ؟؟؟؟ والمخالفة كانت شبه اعتراض او اصطدام اقرب لي انو يكون عادي في الاحتكاك مع الدافي !!! نقارن بين طرد اكرم وبين طرد لاعب مازيمبي.. ودي حالة مشتركة أولى ضربات الجزاء المحتسبة ضد الفريقين من نسج خيال الحكم وكان المريخ هو البادئ فلماذا الاحتجاج؟؟ الحالة الوحيدة المثيرة للجدل هي هدف ايداهور الملغي لكن لو عاينا اووول شي الحكم صفر قبل ان يلعب ايداهور الكورة واحتساب مخالفة على كيلتشي لدفع المدافع من الخلف.. لكن نفرتض انو حتى الدفع ما حاصل راجعوا عبد الكريم الدافي كان وين لحظة تمرير الكورة ليهو قبل ما يعكسا !!! كان في وضعية تسلل مكشوووفة .. ده كلو كوم وتأخير الحكم بين الشوطين ده كوم تاني والخواجية وانتظارها في البوابة ده كوم تااالت .. ما عايزة درس عصر الجماعة اختلفوا مع الحكم في المبلغ ويبدو انو الخواجية قالت ليهم يا فيها يا نفسيها .. بس الأوضح إنها سألت عن الزول اللي دخل مرة تانية من ناس المريخ (زول لابس جلابية وعمة ) رجع لي غرفة الحكام يبدو فهي كانت عايزة تعرف الزول د ه خش وين وليي وفوق كم وفي شان شنو .. اسرار وخبايا الخواجية دي لازم يطلع
|
|
|
|
|
|
|
|
Re: طارت السكرة وجات الفكرة ..الدافي عجيييب والتحكيم منصف بس اتعودنا الظلم.. (Re: مهدى الصادق السيد)
|
مهدي صادق يا حبوب: والله وبدون مجاملة وعارف كلامي حا يوجعك ويهري فشفاشك بس صدقني حكم مبارة الهلال كان حكم شجاع وعادل غير متحامل وان كنت بتتكلم عن ضربة الجزاء فهي مثار شك وهي لقطة وحيدة قابلة للصاح والخطأ لكن تاني لا قبلها لا بعدها الحكم ده عمل حاجة للهلال بس نحن عندنا عقلية انو لازم يكون في حاجة بين الحكم والنادي صاحب الارض والجمهور.. انت انت تعال وريني الحكم بتاع كورة الهلال عمل شنو ؟؟؟؟ بعدين يا مهدي وانت سيد العارفين منو القروشو اكتر الوالي ولا صلاح ؟؟؟ يعني لو صلاح اشتراهم بي مليون الوالي بيدفع خمسة مليون .. وصلاح الاشترى الحكم عشان المريخ يتغلب تلاتة كان يشتري الحكم حق الهلال عشان نغلب سبعة مش كده افضل واحسن ؟؟؟ الهلال ما من مصلحتو المريخ يتغلب ولو بي الشراية كان خلاهو يطلعا درون ..
| |
|
|
|
|
|
|
Re: طارت السكرة وجات الفكرة ..الدافي عجيييب والتحكيم منصف بس اتعودنا الظلم.. (Re: Maawya Hussein)
|
معاوية يا حبوب: طلب بسيط عايز اتأكد بيهو من لقطة ما قبل الهدف الملغي.. ياريت تجيب لي اللقطة بتاعت الكورة وهو ملعوبة لي عبد الكريم الدافي عايز اشوف الزول ده كان متسلل ولا لأ ... لانو اتوقع لحظتها كان برااااهو لحظة التمريرة الأولى .. شوفا واديني ليها ولو ما تسلل برضو وريني وتكون ما قصرت .. بلينتي ايداهور وبلينتي ريتشارد خفيفات لكن 1-1 يا يخليهم يا يحسبهم ..وهو حسبهم يبقا تاني الظلم وين ؟ جيب لي لقطة الطرد برضو لي لاعب زيسكو يا معاوية ..
| |
|
|
|
|
|
|
Re: طارت السكرة وجات الفكرة ..الدافي عجيييب والتحكيم منصف بس اتعودنا الظلم.. (Re: عمر الفاروق)
|
يا عمر لو الحكم منحاز ..كان عندو خيار يطبق القانون ويلغي المباراة بعد 15 دقيقه بعد الاحداث ويدي النتيجه لي زيسكو ومعاها عقوبه ويلغي احتساب اهداف المريخ ..يعني النتيجه كان حا تكون 2 صفر لي زيسكو ..الحكم وقف الكوره 13 دقيقه واستأنف اللعب وادي المريخ زمن ضائع 10 دقائق كان ممكن يدرن فيها ويغلب (المباراة اتوقفت في الدقيقه 90)..
المريخ لو شالوا الغشاوه من عيونوم وشافوا الكوره تاني حا يلقوا الحكم طرد ليهم لاعب في الدقيقه 30 واداهوم بلنتي وهم متاخرين بي هدفين ..بعد دا واصل الكوره رغم الاحداث واداهوم 10 دقائق زمن بدل ضائع ..وبرضو ظالم !!!
| |
|
|
|
|
|
|
|