|
كتب الكاتب الفاتح جبرا المتوفرة بمعرض الدوحة
|
|
 Re: أكتب أجمل تعليق على هذه الصورة ... واستلم جائزتك فورا (Re: برير احمد إبراهيم)
|
عاوزه تبقي خوة
•
نشرت: 16/08/2009 - 04:40 عدد رقم 6449
•
* عندما اوقعت القرعة الافريقية لمرحلة المجموعات فريقي الهلال والمريخ في مجموعة واحدة..وكان المريخ علي رأس المجموعة وهو حديث عهد ببطولة الاندية الافريقية الابطال...خرج جمال الوالي بعد اجراء القرعة يدعو الي (تعاون) بين الهلال والمريخ وينادي بتلطيف الاجواء.
* تعاون مين يا عم؟.
* تلقاها عند الغافل.
* جمال الوالي بعد اجراء القرعة لمرحلة المجموعات ..كان (عاوزه تبقي خوة).
* الهلالاب...لم تعجبهم دعوة جمال الوالي...قالوا ليه كان غيرك اشطر.
* خوة في البرد دا.
* تعاون بينا وبينكم ما بجمعنا.
* من بعد هذا تحرك اعلام المريخ نحو الهلال بعد ان فقد الامل في المريخ... قنعوا من ناس العجب وطمبل ووارغو..قالوا يقبلوا علي (الشكاوي).
* شكاوي في البرد دا.
* حاولوا ان يخلقوا بطولات وهمية وان يصنعوا لنفسهم مكانة بعد ان فشل وارغو...وفشل طمبل وخسروا بطولة سيكافا التي نظموها واقيمت في ارضهم ووسط حكامهم.
* المريخ خسر في سيكافا 2 مليون دولار.. وخسر العجب بسبب الاصابة..وخسر كأس البطولة بعد ان خسر امام اتراكو صفر/1.
* (حورجونا) في الدنيا دي ..دخلونا في ضفورنا...بيت النضارة بقينا نشوفو كبير.
* بقينا نشوف بيت النضارة متل (الحوش).
* ليت بطولة سيكافا انتهت علي هذه الخسائر.فقد خسر المريخ مدربه بعد هذه البطولة بسبب النتائج المتواضعة التي خرج بها في سيكافا.
* بعد هذه الخسائر..كان لا بد لاعلام المريخ ان يصرف الانظار عن هذه الكوارث بالاتجاه نحو الهلال ولاعبيه الجدد لنشاهد ونقرأ عن مسلسلات اعتدنا ان نشاهدها في كل فترة تسجيلات.
* كل سنة بعملوا كدا.
* بعد هذا التصعيد الاعلامي الذي افسد الاجواء بين الهلال والمريخ وجعل العلاقة بين القمة السودانية اكثر توترا مما كانت عليه.عاد جمال الوالي مرة ثانية يدعو الي (التعاون) ولكن هذه المرة بشكل عملي.
* حيث سجل جمال الوالي زيارة لاستاد الهلال بعد اكتمال صيانته.
* تاني يا جمال الوالي.
* تاني عاوزه تبقي خوة.
* خوة وين مع البتعملوا فيه دا.
* نحن الوصيف دا ما في حاجة بتلمنا معاه.
* بعدين نحن ذاتو ناس ما بعرفوا يكتبوا الشكوي ..ما بنعمل معاهم خوة.
* كدا اتعلموا اكتبوها اول.
* ن..نمر...ل..ليمون ..وسا سادومبا.
* نمشي معاكم خطوة ..خطوة...حرف ..حرف.
* كا شنو؟.
* كا كابوندي قلنا ليكم.
* قال ايه ..قال : عاوزه تبقي خوة.
* خوة مين يا عم؟.
* علي طريقة الدكتور عبداللطيف البوني هذه الرمية قصدت منها ان اقول ان المريخاب هذا العام جربوا كل الطرق ..حاولوا التقرب من الهلال ..فكان نداء جمال الوالي مرفوضا..وحاولوا النيل من الهلال ومخاصمته عبر زوبعتهم الاعلامية ففشلوا في ذلك ايضا.
* بل فشلوا حتي في كتابة شكوي ضد الهلال بعد ان رفضت شكوتهم شكلا.
* سا شنو؟.
* سا سادومبا.
* بصم ..ما بصم ..بصم..ما بصم.
* من الواضح ان المريخاب بعد ان عرفوا ان الهلال سوف يكون بأسه شديدا في هذا العام ،قرروا ان يتجنبوا شره بالتقرب منه ..فكان تقربهم مرفوضا..فحاولوا من بعد ذلك تحطيم الهلال ولو معنويا ففشلوا في ذلك كما فشلوا في دعوة التعاون التي نادي بها رئيسهم.
* قال ايه؟..قال : عاوزه تبقي خوة.
* واضح جدا ان الهلال باذن الله وتوفيقه سوف يفوز بكأس الاندية الافريقية التي يمضي الهلال فيها الان بعيدا.
* الجميل ان مستوي الهلال يمضي الي الامام وهنالك تقدم ملحوظ في مستوي الهلال من مباراة لاخري.
* هذا التطور الذي يحدث في الهلال من سمات الاندية التي تحقق البطولات.
* الهلال في المواسم السابقة كان اذا فقد اي لاعب ظهر ذلك في مستوي الهلال بشكل سلبي.
* كنا نخت ايدنا في قلبنا ..متل القنقر الفي الجمر..يطقطق براه زي الشباك الفاتح.
* الفاتح مين يا عم؟.
* هذه العلة زالت من الهلال بحمد الله وفضله.
* وشفنا حبيب بنريدو غير علة أهلا بيه الهلال هل.
* قولوا كمان ما عارفين الاغنية دي.
* السنة كلها تغالطوا....والشكوي ما بتعرفوا تكتبوها.
* المهم ان الهلال الان اصبح لا يشكو من شيء اذا فقد احد لاعبيه الاساسيين.
* يمكن ان نثبت ذلك بشيء مادي واضح لا جدال حوله.
* في مباراة الهلال امام زيسكو كان اسامة التعاون يلعب في الطرف اليمين اضطراريا حيث كانت الخانة فارغة لعامل الاصابات.
* أحسن اسامة التعاون هذه المباراة ..بل كان له تسجيل هدف المباراة الوحيد.
* في مباراة اول امس التي لعبها الهلال امام كانو بلاريس النيجيري غاب اسامة التعاون لعامل الاصابة التي افقدته الفورمة وان كان قد شفي منها لكنه لم يكن جاهزا للمباراة.
* اشرك مدرب الهلال بديلا لاسامة التعاون اللاعب حمودة بشير فكان ان فاز حمودة بشير بنجومية المباراة.
* بل كان حمودة بشير علي طريقة اسامة التعاون ومن الطرف اليمين ايضا يسجل هدفا.
* شوفتوا النظام دا كيف؟....نحن اي حاجة عندنا بي نظام.
* هذه الخانة كان يلعب فيها الموسم السابق يوسف محمد لاعب المنتخب النيجيري ومع نجاحات يوسف محمد الكبيرة في الموسم السابق جاء لاعبو الهلال في هذا الموسم وفي الخانة نفسها وحققوا نجاحات اكبر حيث كان اسامة التعاون صاحب هدف زيسكو الذي كفل للهلال الثلاث نقاط.
* وكان حمودة بشير في مباراة كانو صاحب هدف الامان الذي امن نقاط الهلال الثلاث في وقت كان فيه فريق كانو ينشط من اجل ادراك التعادل.
* الملاحظة الثانية التي يجب ان نقف عندها هي ثبوت دفاع الهلال الذي يمضي بعيدا الان دون ان تستقبل شباكه هدفا.
* شبكة الهلال (مسكول) ما بتستقبلو.
* هنالك تنظيم دفاعي متين يلعب به الهلال وهذا التنظيم يعود فيه الفضل الي مدرب الهلال كامبوس الذي جعل استقبال شباك الهلال لهدف امرا اقرب للمستحيل ان لم يكن هو المستحيل بعينه.
* لقد اصبحنا نشاهد هيثم مصطفي حفظه الله ورعاه يدافع ويرجع للخلف بعد ان كان هيثم مصطفي في السابق يكتفي بالدور الهجومي فقط..وكان يتفرغ لصناعة اللعب دون ان تكون هناك مهام دفاعية مكلف بها.
* غير هذا التنظيم الدفاعي للهلال اصبح من الممكن ان تتغير تشكيلة الهلال الدفاعية من مباراة لاخري وتتكون من رباعي جديد دون ان يؤثر ذلك في اداء الدفاع او اداء الهلال في شيء.
* الشيء شنو؟.
* حقيقة لقد اصبح الفرق واضحا بين دفاع الهلال في الموسم السابق ودفاع الهلال في هذا الموسم.
* وضح ان الهلال كان يدفع الثمن غاليا بسبب لاعبي دفاعه في الموسم السابق.
* ريتشارد في الموسم السابق كان في كل مباراة يتسبب في ولوج هدف في شباك الهلال.
* ريتشارد دا لو قعد في (الكشافات) بعمل ليك مشكلة.
* ريتشارد نقل اخطاءه بالكربون الي دفاع المريخ..لتصبح شبكة المريخ الشبكة الاكثر استقبالا وسط الشبكات العاملة في مجال الاتصالات الان.
* الى جانب التنظيم الدفاعي الجيد الذي اصبح طابعا للهلال اصبحنا نلحظ بشكل واضح الدور الكبير الذي يقوم به مهاجمو الهلال.
* في مباراة الهلال و(كانو) اول امس شاهدنا الدور الكبير الذي قام به (سادومبا).
* سادومبا كان اهم لاعب في المباراة وما قام به هذا اللاعب كان سببا رئيسيا في ان ينتصر الهلال ويخرج بالنقاط الثلاث.
* سادومبا لاعب كبير ..ما يقدمه في الملعب يجعل دفاع الهلال يلعب مرتاحا.
* بختك يا المعز..بقيت ما بتشيل هم.
* كذلك كان مدثر كاريكا يقوم بدور كبير في وسط الملعب .. لكن لم يلحظه احد.
* اما امبيلي فقد استطاع ان يقدم مستوي مذهلا...وما قدمه في الدقائق التي شارك فيها يساوي ما يقدمه اي لاعب يبدأ منذ بداية المباراة ويكملها وقد كان امبيلي نجما .
* قوة دفاع الهلال وحسن تنظيمه ناتج من ذلك الدور المخفي والكبير الذي يقوم به هجوم الهلال.
* كامبوس دا شغال (كمبسة) صاح.
* من الظلم في ظل هذا الدور الكبير الذي يقوم به هجوم الهلال ان نلومه او نعاتبه على عدم التسجيل رغم ان الفريق في النهاية ينتصر والاهداف يفرضها الاداء الجماعي للهلال، وليس الاداء الفردي.
* الهلال الان يمضي بعيدا وهو مازال في مرحلة بناء فدعونا نعمل جميعا من اجل ان نصل للمستوي الذي نريده للهلال والذي نحلم ان يصل إليه الهلال.
* هناك لاعب ظلمناه جميعا ..قسا عليه الاعلام ورفضه الجمهور بشكل لا يخرج من الفظاظة.
* مع ذلك تحدي هذا اللاعب الجميع واثبت اننا نجهل الكثير فاستوجب ذلك ان نعتذر له.
* ذلك اللاعب لا احتاج ان نسميه لانكم عرفتوه جميعا..
* انه خليفة اللاعب الذي ظلمته الموردة عندما شطبته لسوء السلوك وجاء الهلال وظلمه ظلما كبيرا عندما قسا عليه الاعلام ورفضه الجمهور.
* ها هو خليفة يقدم اوراق اعتماده كنجم كبير..لا يتميز بالموهبة فقط ..بل يتميز بالارادة والقوة والعزيمة.
* حق علينا ان نعتذر لهذا اللاعب وإنا لنعتذر له.
* ما نتوقف عنده هو ان اللاعب خليفة وجد مساندة وتشجيعا كبيرا من لاعبي الهلال بقيادة هيثم مصطفي ومهند الطاهر وفييرا حتي تجاوز المرحلة التي هاجمه فيها الاعلام ورفضه الجمهور.
* كذلك نشكر كامبوس الذي منح خلفية الثقة واعده في هدوء في معسكر القاهرة ليقدمه لنا في الخرطوم لاعب كبير.
* الزميل كبوتش دون الناس كلها كان يراهن علي خليفة منذ ان كان في الموردة.
* ملحوظة: بتابع في كورة المريخ ما قادر اركز..اكملها وارجع ليكم في الهوامش.
هوامش
* يا العجب غايتو (نومتك) الكانت في برنامج صدي الملاعب جيت وتميتها في مباراة الامس.
* الفريق كلو امس كان نائم.
* الجمهور ذاتو نام ..وقت صحي قام يجدع.
* الباشا حارس مرمي..وجمال الوالي في كنبة الاحتياطي..ومحمد عبدالله مازدا في المقصورة.
* جنس لخبطة.
* يا جمال الوالي انت في (المقصورة) بتلخبطها ..كمان عاوز تقعد في كنبة الاحتياطي.
* اول مرة اشوف لي رئيس نادي بقعد في كنبة الاحتياطي.
* آخرتها يا الباشا ناس المريخ بقوا يلعبوك (حارس مرمي).
* انت ناقص.
* دا انت طلعت اي كلام.
* كمان بقيت تلعب حارس مرمي.
* الباشا في المريخ مرة ليبرو ومرة طرف يمين ومرة محور ومرة حارس مرمي.
* بكرة بنشوفك تلعب في اهلي شندي.
* يا ناس المريخ طمعتوا فينا زيسكو.
* الفرق بين الهلال والمريخ في الدوري الممتاز 6 نقاط..والفرق بين الهلال والمريخ في البطولة الافريقية برضو 6 نقاط.
* يعني الفرق بيناتنا بقي (كلية طب) عديل.
* بينا وبينكم يا عالم (كلية طب).
* ابونقطة..... عارفين ليه ماعرف يكتب (الشكوي).
* عشان الشكوى فيها ثلاث نقاط.
* وثلاث نقاط..ما تحلموا بيها.
* دي حاجة اكبر من قدرتكم.
* انتوا فاضين لي من الاعارات الوهمية.
* تاني قولوا لينا في مطر.
* غايتو المطر دي إلا تكون صبت في اكرم الهادي سليم براه.
* احتمال تكون في مطرة...لكن نحن ما شفناها.
* مطرة الزمن دا بتجي بالقطاعي.
* بعدين اكرم دا بكون الي الان متأثر بي مطرة الاردن.
* البرد الدخل فيه الي الان ما طلع.
* مطرة صبت في اكرم الهادي سليم وريتشارد وكلتشي.
* (اولادنا) سابقا.
* طمبل في كنبتو صبت فيه مطرة.
* لكن يا الوالي بالغت عديل ..بقيت تقعد في الكنبة مع اللاعبين.
* عاوزين يغلبوا كيف وانت قاعد ليهم في الاحتياطي.
* اقول ليكم حاجة...استفيدوا من الوقت واعملوا ليكم (طابق ثالث).
* الصفوة بقت تجدع.
* ما تجدعوا فينا.
* في الممتاز يجدعوا....في سيكافا يجدعوا ..في البطولة الافريقية يجدعوا.
* الطيشنة البتعملوا فيها دي شنو؟.
* الطيش دا نحن في (الجري) بنكجنوا.
* قرار متوقع ..اعفاء مازدا ..وتعيين جمال الوالي مديرا فنيا للمريخ.
* المرة القادمة يمكن يلعب ليكم عديل...الزول دا ما قصر معاكم ..يعمل ليكم شنو تاني.
* المريخ لعب 3 مباريات وجاب ليه من المباريات الثلاث نقطة واحدة.
* المفارقة ..ان الهلال في ثلاث مباريات (هدف) ما سجلوه فيه.
* شفتوا الفرق كيف بين طيش المجموعة ومتصدر المجموعة.
* واضح ان الذي صنف المريخ ووضعه علي رأس مجموعة الهلال (احوص).
* جاسوس احوص يا عالم.
* المريخ الذي صنف علي رأس مجموعة الهلال جاء وتذيل مجموعة الهلال بعد انتهاء مباريات الدورة الاولي للمجموعات.
* لا يصح إلا الصحيح.
* نحن شغلنا عملي ..بنتكلم بي الارقام.
* الهلال مطلوب منه بعد فوز زيسكو ان يخرج بنتيجة ايجابية امام كانو في نيجيريا.
* لابد ان يحقق الهلال هنالك نتيجة جيدة وعلي اسوأ الفروض ان يأتي من هناك بنقطة.
* واضح ان المريخ سوف يكون (تكية) لفرق المجموعة..اي فريق يجي ويشيل منو نقاطه.
* يا ناس الوصيف سوكفتونا ..وتوكستونا.
* بكرة ان شاءالله صفحة من الغلاف للغلاف التي اجلتها بعد خسارة المريخ لاجراء التعديلات اللازمة فيها.
* عمود بكرة ان شاءالله سوف يكون تحت عنوان (سوكهتونا).
* اي حاجة نحن عندنا بي نظام.
* ريتشارد من الواضح انو في الهلال كان شايلو (مرق).
* فات مرق واتشتت (الاهداف).
* خايف اعلام المريخ يقول لينا ريتشارد لم (يتأقلم) حتي الان.
* وارغو طبعا معذور.
* احتمال ..اي حاجة جائزة في المريخ.
* مفاجأة.
* بعد مباراة امس المريخ قرر يشتكي.
* يشتكي في شنو كمان؟.
* قالوا فريق زيسكو كان عندو لاعب سنة 1943 اعير الي نادي استرالي.
* المفاجأة ان الاعارة كانت وهمية.
* بس ان شاءالله تعرفوا تكتبوها.
* انتوا تلفون عماد الطيب ما عندكم.
* في حاجة زي دي ما بتلفت بقيف معاكم.
* دي شكوي وطنية.
* المشكلة المريخ لعب في بطولة الاندية الافريقية للابطال بنفس الاسلوب الذي يلعب به في سيكافا.
* سيكافا خربت طبعكم.
* خبر عاجل : يا ناس المريخ يا ريت لو جات امس مطرة ..كنتوا ليقتوا ليكم عذر.
مقال الكاتب الرائع دوما محمد عبد الماجد فى جريدة قوون
| |
 
|
|
|
|
|
|
|
|
Re: أكتب أجمل تعليق على هذه الصورة ... واستلم جائزتك فورا (Re: برير احمد إبراهيم)
|
الأخ
برير احمد إبراهيم
سلام وتحية ومرحب بيك في الحوش ..
يازول انت متأكد ده المقال ماالصفحات كلها لووووووول
ــ
بمناسبة التعليق والله انا عندي تعليق خَايف
اَقولو يَرْدُمونا طوب في البوست ده انا وانت
ولو بانلينا مئات من الأصحاب ..
ـــ
ننشٌر؟
ــــ
بعيد من كل ذلك
انت عندك علاقة بناس الدويم او شبشة او العرشكول
.. وذلك فقط لإسم برير ...
ولك تقديري
| |
|
|
|
|
|
|
| |
برير احمد إبراهيم
معاوية عوض الكريم
7abib_alkul
محمد الجزولي
Hani Arabi Mohamed
الحاج حمد الحاج
صديق الموج
وجن
فيس بوك
تويتر
انستقرام
يوتيوب
بنتيريست