كتب الكاتب الفاتح جبرا المتوفرة بمعرض الدوحة
|
|
 عثمان محي الدين سحر الكمنجة يذوب في سحر الحقيبة
|
في التجربة الشجاعة الثانية يواصل الموسيقار وعازف الكمان الشاب المجتهد عثمان محي الدين السير في الخط الذي رسمه لنفسه في تقديم شكل جديد للفهم الموسيقي من خلال الة الكمان وهو بصدد إنتاج الألبوم الثاني " سحر الحقيبة " وهو يقدم مجموعة من الأعمال من درر الحقيبة قام فيها بمعالجة وتوزيع هذه الألحان مستخدماً عبقريته وحسه الفني ومستخدماً أنامله الساحرة في تطويع الأوتار ..
بالأمس قدم عثمان محي الدين ومن خلال سهرة قناة الشروق مجموعة من الأعمال المسموعة اضافة لأعمال خاصة من تلحينه ..
صورة لغلاف كاسيت سحر الحقيبة
صراحة انا واحد من الناس المعارضين لتقديم الحان مسموعة من قبل في تجربة العزف المنفرد او عزف المجموعة ودوماً ما كنت احادث صديقي عثمان في تقديم الاعمال الخاصة ولكن يبدو ان لعثمان محي الدين فهم معين في تقديم ما هو مسموع في قالب جديد خصوصاً لأعمال قدمت من خلال الفنانين الشباب ولكن استعجلوا في تقديمها دون وضع بصمات ..
اتوقع ان تجربة عثمان محي الدين في هذا الكاسيت والذي استمعت لكل الاعمال المطروحة من خلاله أنه قام بدور الفنان وكأنه يبعث برسالة للفنانين الشباب يمكنكم وضع اصواتكم بدلاً لالة الكمان لتقديم عمل غنائي متكامل في اللحن والاداء والتوزيع ..
كل التمنيات للفنان المجتهد والعازف الجميل عثمان محي الدين بالتوفيق ومواصلة السير في الطريق الذي قرر ان يسلكه رغم كل العوائق والأشواك الملقاة على قارعة هذا الطريق..
|
|
 
|
|
|
|
|
|
|
|
Re: عثمان محي الدين سحر الكمنجة يذوب في سحر الحقيبة (Re: محمد عبد الماجد الصايم)
|
عمر يا ود يا فنان ..
ياخي من أجمل منضفات الأضان في الزمن أب شُمّاره ده إنك تسمع فيما تسمع عزف الزول الجميل الإسمو عثمان ده ..
بيجضم الكمنجه زي ما الله خلقها .. و يأدبها جد .
شغل نضيف و مرتاح و منجض و مجيه صاح .
لكن أصلك ما تشوف عثمان و هو بيعزف .. ( ده راي شخصي )
بديني إحساس إنه بيستعرض و بيمثل كعب و مديها كوز كوز كده و مضيقها أكتر مما يجب ياخ .
حضرت ليهو في مرتين فقرتين حيات .. قربت أمشي ليهو اعضيهو في بدلتو أم ضنبين ديك .
تاني قلت توبة .. نسمعو بس .
......
طبعا و لانه صاحبك ح تجي تفك فيني حنكك الكج داك ..
بررررررررضو هو صاحبي .. و بررررضو بعضيهو في بدلتو أم ضنبين ..
... و أعضيك .
| |
|
|
|
|
|
|
|
|
|
Re: عثمان محي الدين سحر الكمنجة يذوب في سحر الحقيبة (Re: Hussein Mallasi)
|
| Quote: .. قربت أمشي ليهو اعضيهو في بدلتو أم ضنبين ديك . |
باقى لى ياعماد البدلة ام اضنين واحده ( امها وابوها) ..
نتوقع من الشناف الفنى عمر الفاروق مايراعى قصة الصداقة
دى ويكلمو بموضوع البدلة دا ..خليهو يلحقا (حلاقة عمنا السر قدور) ..
غير كدا عثمان فنان ياخ ...احساسو عالى جدا ....
موهبة + صقل اكاديمى + مواكبة =عثمان محى الدين ..
| |
|
|
|
|
|
|
|
|
|
Re: عثمان محي الدين سحر الكمنجة يذوب في سحر الحقيبة (Re: محمد عبدالرحمن)
|
الفاروق
سلامات
| Quote: ولكن يبدو ان لعثمان محي الدين فهم معين في تقديم ما هو مسموع في قالب جديد |
بالضبط ،، و ذلك حتى ينال القبول من المستمع و بعد ذلك ينتقل لمرحلة المقطوعات الخاصة ..
لكن هل تعتقد أن المقطوعات الخاصة ستنال القبول عند المستمع السوداني (الغير معتاد على سماع الموسيقى البحتة) ؟
تحياتي للعزيز عثمان و نبارك له صدور "سحر الحقيبة" ..
| |
|
|
|
|
|
|
|
|
 Re: عثمان محي الدين سحر الكمنجة يذوب في سحر الحقيبة (Re: عبدالحافظ عثمان)
|
Quote: عثمان محى الدين سلام
الشوق كيمان كيمان
ودائما على البال
الى الامام كمان وكمان |
و أنا أقول شنو
يا عثمان الشوق بحر و لا زلت أتذكر حفلة وداعى و أتذكر الكمنجة الفيولا Viola كانوا أمبارح ومستمتع بالسى دى شديد وخصوصا المقطوعة بتاعتك أفتكر تراك ٨ وتمنياتى لسحر الحقيبة بالتوفيق و طبعا زى ما مرة ذكرت ليك أمام أخونا أبوبكر سيد أحمد أنت رجل تمتلك Know how
يا أخ عمر الفاروق رسلت ليك رسالة راجع ماسنجرك
وشكرا على البوست الساحر لأنسان ساحر
إبراهيم عبد الحليم
| |
|
|
|
|
|
|
|
|
|
Re: عثمان محي الدين سحر الكمنجة يذوب في سحر الحقيبة (Re: عادل التجانى)
|
عثمان فنان بمعنى الكلمة ارجو الا يسجن فى مجالس الصفوة اتمنى مع علمى التام بان احساسه يعانق السماء ان يشدو بالكمان للغلابة يحكى الامهم واحلامهم بحنين الاوتار وحنانها فهو ابن الارض وود الحواشة والترعة اتمنى ان يحكى بالكمان بكائيات النوبيين على الارض لتتذوقو صدق الاحساس بالالم .
وللامانة وبها .... هو فنان رائع وانسان ننتظر منه الخاص الخاص بكل الشوق
| |
|
|
|
|
|
|
| |
عمر الفاروق
خدر
محمد عبد الماجد الصايم
Emad Abdulla
Elmosley
Hussein Mallasi
حيدر حسن ميرغني
محمد عبدالرحمن
Alsa7afa_30
عبدالحافظ عثمان
إبراهيم عبد الحليم
بدر الدين الأمير
عادل التجانى
osama dahab
haroon diyab
فيس بوك
تويتر
انستقرام
يوتيوب
بنتيريست