|
|
 من قبل الشمس تشرق ...خليك الليلة ازرق
|
من قبل الشمس تشرق ...
خليك الليلة ازرق..
اعصابك ما بتحرق
عيونك ما بتبحلق
حلقك... ما بشرق
سكرك
ضغطك
هادىء, مبسوط ومفرق
صحيت من الصباح
من قبل الشمس تشرق
لبست لى جلابية بيضاء
وطاقية مزركشة بازرق
عملت شاى
فى كباية
دعاية لشركة
الصافى
شعارها ابيض وازرق
لقيت
السماء صافية
جميلة ولونها ازرق
عربيتى الذهبية
شايف لونها ازرق
اشارة طب الاسرة
حمراء ولونها ازرق
دخلت سوق عتيقة
كل شىء لونه ازرق
البصل البطيخ
الجزر البنجر
البرتقال
شايف لونه ازرق
معقولة منتوجات
جديدة من مصدر شعاره
ازرق,,,
قلت الليلة بشترى
اى شىء لونه ازرق
ليمون لونه ازرق
خيار لونه ازرق
سالت سيد الخضار
انتو الليلة ما عندكم
الا اللون دا
قال لون شنو ياخوى
قلت ليه كل شىء
انا شايفو ازرق
قال انت شارب ليك
كحول زرقاء,,,
ولا لابس نظارات
زرق,,
يازول فى مستشفى
فى شارع الملك فهد
اسمها الهلال الازرق
السعودى,,,
قلت ليه لكن انا نصراوى
قال لى خلاص
امشى مستشفى زرقاء اليمامة
قلت ليه دى وين
قال لى فى شارع
الحريرى,,مش هو قال ابتسم والسماء زرقاء
مع تقاطع ابو الازرق الدولى
هناك بتلقى دكتور
اسمه عبد الرازق الازرق
هو سودانى مثلك..من ناس النيل الازرق
وساكن فى قرية تسمى حدب الزرقه
وعندو بيت فى مرزوق
هناك بدوك علاج ازرق
تستخدمو لما السماء تزرق
توكلت على الله وسمعت نصيحة
الراجل دا..ومشيت لذلك الدكتور
حكيت ليه السالفة ههههها ههها حلوة
قالى انا ذاتى الليلة عندى المرض
دا....ياساتر يعنى الشغلة عامة
قلت ارجع البيت واصحى ام العيال
واسالها هل هى شايفة كل شىء ازرق
قالت لى انت ياراجل جنيت
انا ياتو يوم بشوف بالازرق
لكن الليلة بغلبوكم 3
تذكرت الليلة مباراة الهلال
ودى حالة طارئة قاعدة تحصل لى
قبل كل مباراة ل كبير اسياد
البلد,,,
والله لكن انا كتير مبسوط
عشان النقطة السابعة
ابقوتة من المنزل
ابتسم والماء زرقاء
(عدل بواسطة abuguta on 08-14-2009, 09:17 AM)
|
|
 
|
|
|
|
|
| |
abuguta
khaleel
عبدالوهاب علي الحاج
بشير حسـن بشـير
فيس بوك
تويتر
انستقرام
يوتيوب
بنتيريست