|
Re: اون بهاف اوف بورداب جدة .... حبابك عشرة ياعمر التوم .... (Re: عمر التوم)
|
Quote: اخ علاء / ود الصائم ده حبابو الف, على الأقل الراجل كلف نفسو من الرياض جانا غاشي , المشكلة سنايرنا في جدة عاملين فيها اضان الحامل طرشا حاجة غريبة
تحياتي |
والله يا عمر.. أنا لي 12 سنة في جدة وبعترف إنو إجتماعياتي ضعيفة جداً بسبب المشاغل وطبيعة عملي.. لكن يشهد الله إنو الواحد نفسو يتعرَّف على بورداب جدة سناير وجناير. نديهم جانص لو عملوا أضان جِلِد.. بعد داك بكون بيناتنا كلام تاني.
فُتَّك بعافية وأفراح عصام
| |
|
|
|
|
|
|
Re: اون بهاف اوف بورداب جدة .... حبابك عشرة ياعمر التوم .... (Re: عمر التوم)
|
Quote: يا جيمي ياخ لينا زمن نفتِّش ليك وجيتنا الليلة كايسنا.. ياخ ما تقول كدة من الصباح
سجِّل عندك في الكشِف: علاء الدين صالح 200 ريال
نزوغ من ناهد بشير هناك نجي نلقى أميرة الشيخ هنا؟؟ |
علاء الدين مرحب بيك يابرلوم ....
بعدين قوة عينك اصلى ماشفتها
عندك كلام مع جيمى دا بوصف ليكم زريبتم على وين
المهم خت 200 ريالك هنا واتخارج.....
عفيت منها ناهد .....
ود الصايم ... مالك الزول دا معاكم فى السعودية... والله كنت داير اكتب اون بهافاوف بورداب الرياض بس لحقتى روحى فى اخر دقيقة
بورداب الرياض ديل كلهم هلالاب وشينين
| |
|
|
|
|
|
|
Re: اون بهاف اوف بورداب جدة .... حبابك عشرة ياعمر التوم .... (Re: كمال ادريس)
|
Quote: مرحبا بالزملاء عمر التوم وعلاء الدين... نيابة عن الريس يوسف وبقية البورداب لغاية مايصلوا. |
أخي كمال أشكرك على ترحيبك ومرورك الطيِّب مع إنو أنا خشيت في بوست عمر دة سلبطة ساي. أنا عندي بوست بي غادي البيقرا عنوانو ساي بيرمي الماوس ويفك البيرك.. إسمو: يا بكري: باسووردَك ما بناباهو.. لكن الفيك إتعرَفَتْ.
احتراماتي
| |
|
|
|
|
|
|
Re: اون بهاف اوف بورداب جدة .... حبابك عشرة ياعمر التوم .... (Re: Amira Elsheikh)
|
Quote: علاء الدين مرحب بيك يابرلوم ....
بعدين قوة عينك اصلى ماشفتها
عندك كلام مع جيمى دا بوصف ليكم زريبتم على وين
المهم خت 200 ريالك هنا واتخارج.....
|
عارفة يا بت الشيخ في ناس كُتار بيقولوا ليْ "ضحكتَك عَوْرة" لأني متربي مع شفوت الموردة والعباسية.. غايتو الضحكة الفكيتا بعد كلامِك دة ما عارِفا جات من ياتو حِلَّة والحمد لله إنو الليلة جُمعة.. صدقيني لو كنت في المكتب كانوا رحَّلوني بتهمة مضايقة الشعور العام.
| |
|
|
|
|
|
|
|