|
|
 سودانى
|
الأخ العزيز بكرى أبوبكر
لك الشكر على أتاحة الفرصة لى للمشاركة والاستظلال بدوحتكم العامرة التى تمثل ديوان لكل السودانيين.
,أريد أن أحيى عبركم كل مواطن سودانى وأريد أن أشارككم فى رد عفوى على موضوع نشر على موقع أسفيرى حاول صاحبه ممارسة بعض النقد على الشخصية السودانية فأحببت أن أبين بعض قيم هذا الشعب النبيل والتى نريد أن نغرسها فى جيل المستقبل حتى يشب معتدا بنفسه وأهديها لأهلى فى السودان عامة ولسودانيى المهجر على وجه الخصوص:
سودانى
تعال دحين أقوليك وتسمع منى وتعرف أيه معنى أنك تكون سودانى.
أنت منسوب لبعانخى والنيل وتهراقا
وللفارس البشد الحيل وفى الدواس ما بتلاقى
نحن أولاد عمارة دنقس وملوك تقلى وأسود الغابة
ونحن البنينا هيا وانجمينا فى الشكابة
أسعل عننا غلام الله ود عايد
واسعل عننا الولعوا نار القرءان فى المسايد
نحن الشلك والنوير
وعيال الجويلى الكمبلوا وعرضوا
ونحن البنينا المساجد ضانقيل
ونحن البنشد الحيل
ونكرم الضيف ونجبر المكسور
ونحن عشا البايتات وعوج الدرب وقدح الكنداكة الكبير
ونحن الحاربنا بسيف العشر وهاجمنا المكسيم بالخيل
ومننا المهدى وود تورشين
الما فرا فى الحارة وفرش الفروة وقابل ربو عديل
أسعل عننا كررى وتشرشل يوم قدمنا عشرين ألف قتيل
والزارعنا غير الله اليجى يقلعنا
نحن الكدنكة والطورية وأب عشرين والسرابة
نحن عرس الزين وحد الزين وموبايل زين
ومريود وبندر شاه ومصطفى سعيد
والطيب صالح وأحمد فالح وبحر المالح
نحن المليون ميل وما بنعرف الميل وكرمنا بتكيل كيل
نحن عرس الكورة
وفك البورة
والعرس الجماعى والفرح البتم الأربعين
وشارع الأربعين ودرب الأربعين والميل أربعين
نحن الخلوة والعنقريب
وعشا الضيفان
والكرم البى المجان
وبخور التيمان
نحن فى السودان نهوا أوطانا وأن رحلنا بعيد نطرا خلانا
وات يا جنا جيتنا من وين وما عندك غير كشف الحال
ونحن لبسنا أبيض وقلبنا أبيض ونيلنا أبيض
وسواد جلدنا من حرارة شمسنا وقلبنا
نحن البنشد الحيل وبنقنع الكاشفات
ونحن للرجال هامة
وفى الأمم شامة
وبنركز للجايات
نحن كنانة والرهد
ونحن البنقطع الرحط
نحن شرابنا من النيل
مننا المهدى والحيران
ومننا نميرى والأخوان
وسلفاكير وجبر الدار
وقدم الخير وأبيل ألير
وعمر البشير
وعلى عثمان
وياسر عرمان
وأبو دجانة
وعبد الفضيل الماظ
والقرشى الأدى الأمانة
وود نفاش
وأبو زهانة
ونحن البنصوم فى السخانة
زمان كنا بنستورد الفركة والصابون
والأبرة والمعجون
وهسع صنعنا الطيارة
والسيارة
وبنينا السدود
وأنبتنا الورود
ما بندور الحقارة بالمرة
وما فينا زولا جبان
سافرت كتير..
واتغربت كتير..
بس ما لقيت زى أهلنا فى السودان
وفينا سوار الدهب
وكسار قلم ماكمين
وعثمان دقنة
وأبراهيم شمس الدين
وتوشكى
وكررى
ومنواشى
والنخيلة
والميل أربعين
بيشهدوا لينا ودمانا روت أرض الخير
نحن مكوار
وسنار
وعد الفرسان
ودوكة والقلابات
ومروى
والمسيد وواراب
وتشكيلة من ألوان
ومننا حسن النحلان
وصايم ديمة
والبرعى
وأبو شرا
وصقر البرزن
ومريخ النجوم
وهلال الخير
وعبد الخير
وأبو العايلة
وكيجاب
وجمال الوالى
والباب العالى
وصلاح أدريس
والتوم كديس
وكاكى
وزروق
وحمور
وطيفور
وشاخور
وسودانا الفوق الرقاب محمول
وفينا الكاشف وحنان النيل
ود اليمنى وبادى والطنبور
والنحاس المدقوق
وعد الفرسان
وجمل الشيل
وعجب الدور
وكدفور
ومجوك
وأوهاج
وحاج نور
ودرديب
وعرديب
وطنبور
والجاك
وروضة الحاج
وعبود
والسراج
وضوالبيت
ودوبيت
وكركوج
وسقدى وتلودى وأم ضبان
ونمولى والحواتة
وأمدرمان فلاتة
وقيسان
وأم دقرسى
وأم جريس
والكسمبر
وأم صفقا عراض
والهشابة
وأم سنط
والقرضات
وأم شوكة
وأبو حراز
والقلابات
نحن الأكلنا ضرابة
وجدعنا درابة
وسلامنا بالأحضان
ودارنا مفتوحة للضيفان
وما فينا واحدن ما انفرد زندوا
والبقع بيناتنا بنسندو
والفينا معروفة
نحن البننجد اللهفان
ونحن اللقمة للجيعان
والسقيا للعطشان
وقدحنا ممدود للضيفان
بنواسى الحزين
وبنسير عريسنا بالعديل والزين
ونحن الفطورنا بالملاح البايت
والبيعادينا نهارو مش فايت
وياهو دا السودان
وجدى حتم أصون ودادو
وفى الفؤاد ترعاهو العناية
بين ضلوعى الوطن العزيز
مننا نقد وسقد وتقد
وعبد الخالق ومصطفى سند
وفينا عوض الجراح
وعلى عبد الفتاح
البى شعرو صداح
أمير الدبابين
الفى الدواس رزين
وعبيد الختم القرءان
وعوض عمر
وصديق حمدون
ونحن الغنة الفوق النون
ومننا بت نمر
وبت بتى
وبت قضيم
وأبو آمنة
وأبو قناية
وأبو اللمين
وود نفاش
ودقاش
والدمازين
ودبلوك
ودلدوم
وقدح الدم
ودارفور خرطوم
ونحن البنينا فوق النيل طابية
ومراكب خيرنا فيهو راسية
بعرفنا ود الخديوى أسماعيل
وهكس وغردون
وخدام اسرائيل
نحن أولاد الفرسان
الدقو النقارة
وحرسو الحدود
وترسو النيل
زرعنا أخضر
وجوازنا أخضر
هامتنا عالية
وشعارنا
الله أكبر
والمى غريق ما لعب قعوى
ويمى غريق
احذرنى هووى
وتقولى شنو
وتقولى منو!!
د.بابكر مصطفى أسماعيل
لندن فى 17 يوليو 2009
|
|
 
|
|
|
|
Babikir Ismail
طارق جبريل
جلال عثمان
فيس بوك
تويتر
انستقرام
يوتيوب
بنتيريست