|
|
 المبدع والفرماله ...
|
المبدع مرات ربنا يلهمو بعمل من جمالو وجودتو
يبقى فى النهاية وبالا عليه ..و( يفرمل ) ليك مسيرتو
الابداعية ..الطيب صالح قضى من عمره الكثير
موظفا واسيرا لدى (موسم الهجرة للشمال) ..
صلاح احمد ابراهيم (الطير المهاجر) بقت ليهو( سيك
سيك معلق فيك) ... وصبحى لاعب الهلال بقى
مدرب والناس (للحين) ماسكه ليك فى هدف صبحى
فى الزمالك ... واظنو قوون كرنقو فى الاهلى برضو
حايتعلق ليهو فى (رقبتو) وان جاب بعدو مائة هدف
الناس حاتمسك ليهو فى قونو فى الاهلى ..
على فكرة مرات بتجى حاجات حلوه بعد (الفرامله)
لكن صخب وضجيج الفرماله بغطى عليها ...
ياخى فى المنبر دا طارق جبريل يمشى ويجى راجع
لبوست الامتداد ...ههههه.. مع انو بوست (الطلبة ) جميل
ياخ ..لكن نسوى شنو فى فرمالة الامتداد ...
وهكذا (دواليبك) ..
|
|
 
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
قال ليك ناس مدنى لو الله جاب عبدالعزيز المبارك
فى حفله عندهم وماغنى ليهم (بتقولى لا) مابقدر امشى
اهلو .. وابوعركى الناس بقت من يبدا يغنى فى
(اضحكى ) بتبدا تلم حاجاتا وتتوجه على الباب ...وخوجلى
عثمان لما مات (اسمعنا مره) متلحاهو ..وجا يتلحوها
بعد ( كمية فنانين ) لايعلم بهم الا الله ...مع انو اصلا اغنية
(اسمعنا مره ) كان مفروض تؤدى من قبل ا لبلابل لكن
زعل بشير عباس من ملحنها (ودالحاوى ) اجبر الاخير
لتحويلها لخوجلى عثمان بالصدفة ...
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
ماعارف (موسم الهجرة الى الشمال ) كانت قبل (عرس الزين )
ولا بعدها ..لكن لو كانت عرس الزين فى الترتيب بعد
(موسم الهجرة الى الشمال ) بقدر اقول انو الطيب صالح
فلت من الفراملة بعمل لايقل عنها ..لكن عموما الناس
اعطت موسم الهجرة (البرنجى) مافى طريقة بعد دا ..
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
هلا محمد عبدالرحمن
سؤال :
لكن من يفرمل الفرمالة ، الفنان أم المعجبون ؟
في رأي كلاهما
فالمعجبون يظلون يلحون على المبدع ليغني لهم أغنية بعينها
كما نفعل نحن مع الفنان صلاح عبدالله بشأن { أجمل أيامي }
وإجماع المعجبون قد يكون دليل على إجادة الفنان لها
او قد تكون لمست وتر في قلب أحدهم فحذت حذوه البقية ، بروح القطيع
وقد يكون الفنان نفسه يتعمد ان يظهر الأغنية لأنها تلامس وتر فيه
ويبدع فيها حتى تقع في قلوب وآذان ومشاعر الناس وقوع حسن
فيطفقون يطالبونها ويعيدوها وعيونهم مغرورقة من فرط الإعجاب
| |
|
|
|
|
|
|
|
|
|
Re: المبدع والفرماله ... (Re: أبو ساندرا)
|
والعجب فراملة الجكس...
يكون عندك جواب وااااااحد فيهو نفس الحنك وعندك جملتين فهم نفففس التعابير فقط ما عليك إلا إنك تغير إسم البت ..
صاحبنا شييين شديد اسمو ايمن كان عندو فرمالة واااحدة مع كل الجكس يقعد مع الواحدة يقول ليها عايني يا هناية نحن اهم حاجة في علاقتنا دي انها لازم تقوم على الصراحة والوضوح ونكون باب قلبين مفتوحين على بعض وووو ياخ لممن البت تدمع من كلامو ..
يوم في حفلة وبعد الحفلة انتهت جر كرسيهو مشى ليك لي بت نجاااضة كده وبدا ليك ليها في الطقم ده وقال ليها نحن اهم شي بيناتنا الصراحة والوضوح ونكون بابين مفتوحين في بعض واهم شي الواحد مننا يقول الحقيقة ..قالت ليهو كلامك صاااح والله لكن ياخ نحن لسة ما اتعرفنا إسمك منو ؟
قال ليها ايمن ..
قالت ليهو اهااااااااااا بدينا الكضب؟؟
| |
|
|
|
|
|
|
|
|
|
Re: المبدع والفرماله ... (Re: khaleel)
|
اكاد لا اصدق قصيده يغنيها كابلي لعبدالعزيز جمال الدين
عمر الفاروق الظاهر انك من زمن تحيه الاسلام الخالده
طبعا اخر مره كتبت جواب متين ما بتذكر لكن قطع شك بكون فيه
اذا دار محور سؤالكم عناالخ الخ الخ
| |
|
|
|
|
|
|
|
|
|
Re: المبدع والفرماله ... (Re: ود الخليفه)
|
Quote: الفنان عثمان مصطفي
بعد الذكريات تاني الا يشتغل في التدريس |
يا خليل الكلام ده في حالة غنا والله مشتاقين في الأول ..
لكن لو غنا الذكريات في الأول فحا يمشي المحاضرة بعد اغنية والله مشتاقين طوااااالي..
هم فرمالتين ياخ ما تظلم الراجل ..:)
| |
|
|
|
|
|
|
|
|
|
Re: المبدع والفرماله ... (Re: عمر الفاروق)
|
سكران في حفلة ... بشر مع الفنان وقال ليهو غنية ...... يا استاذ .....
الفنان : انا غنيته قبيل في بداية الحفلة
السكران : شنو يعني ؟ ما تغنيها تاني ! انت عندك غيرهـ .................
| |
|
|
|
|
|
|
|
|
|
Re: المبدع والفرماله ... (Re: عمر الفاروق)
|
Quote: يا خليل الكلام ده في حالة غنا والله مشتاقين في الأول ..
|
عمر يا فاروق
عثمان مصطفي عنده اغاني جميلة جدا
راح الميعاد وزماني راح
وفيها ايه ومشتاقين طبعا
لكن الذكريات هي سيدة الموقف
| |
|
|
|
|
|
|
|
|
|
Re: المبدع والفرماله ... (Re: khaleel)
|
انا غايتو كان خيرونى فى ابوعركى شايف
ليهو اغنية اجمل من (اضحكى) ..
شوفوا المقاطع دى بالله ..
لو كنت ناكر للهوى زيك كنت غفرت
ليك كل العذاب العشتو فى حبك
وكنت حنيت عليك ..
لكنى عايش للهوى ،، لكنى عايش للشقى ..
وكل يوم بترجى فيك ..
ورينى كيف اغفر انت شقاى سببتو بايديك ...
حاولت اخدع نفسى يا ظالم
واهجر حبى ليك ..
حاولت امنع نفسى منك
وتانى ما امشى واجيك
ورحلت عنك وعن ديارى
وهدمت املنا بيــــك
وبرضو ما قادر اسيبك
لما انساك بشتهيك
***
بالله (لما انساك بشتهيك ) دى ما باضحكى كلها ...لكن عركى
دا باقى عليهو كلام ابوساندرا انو هو العايز يرسخ الفرمالة
بتاعتو عند المتلقى ...
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
بالله ياعمر الفاروق رايك فى قوون اقجى
القالوا خليل دا شنو؟...هو فى الحقيقة الهلال
الايام ديك كان (حالو بالبلى) قون اقجى دا
مع جمالو جا فى وقت الهلال كايس ليهو لى
انتصار على ا لمريخ باى ثمن ..ياخ الايام
ديك كانوا فى جنس لعيبة ماانزل الله بهم
من سلطان .. ابوالليل و معز شندى وماعارف
منو ماكانوا يحلموا يتسجلوا فى هلال نيالا
خليهو الهلال سيد الاسم ...
| |
|
|
|
|
|
|
|
|
|
Re: المبدع والفرماله ... (Re: khaleel)
|
صدقت يا محمد عبد الرحمن
خالد محجوب عاجبني شديد لكن بعد شريطو الفيهو
من جديد ولحظات ندية وقف كما وقف حمار الشيخ
في العقبة.
اتمني والله أن يتحلي خالد الصحافة بالثقة في نفسه
ويتجاسر أكثر في طريق الإبداع كونه يملك المقومات .
وفي السياق :
لم يفرمل المريخ بعد اول بطولة خارجية يحصل عليها ..
بل أطلق لابداعه العنان فكان بطولة مانديلا وسيكافا
التانية ودبي والشارقة و..و..
المريخ يبدع ويبدع ويبدع إلى ما لانهاية .
| |
|
|
|
|
|
|
|
|
|
Re: المبدع والفرماله ... (Re: عزام حسن فرح)
|
عزام ياخوى
الخواجه قال لبدرالدين بهناك مابهنا ..
بوستى دا ماليهو علاقة بالبوست البهناك ..
ثم ان الخواجه ماعندو فرمالة اينما كتب
اجاد وابداع .. تجدنى معجبا و(الاخرين ايضا)
بكل ماخطه يراعه من جمال وابداع ..فقد
شكلت كلماته وجدان ومشاعر اجيال واجيال ..
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
Quote: صدقت يا محمد عبد الرحمن
خالد محجوب عاجبني شديد لكن بعد شريطو الفيهو
من جديد ولحظات ندية وقف كما وقف حمار الشيخ
في العقبة |
ياطلحه ..
مامتففق معاك طبعا ..خالد بعد شريطو دا قام
بأكبر عمل فنى وتوثيقى ..فقد اعاد تقديم
مدائح اولاد حاج الماحى بأروع مايكون ..
ولو خيرنى خالد لنصحته بالتخصص فى
المدائح النبوية فقط ..المديح النبوى على
فكرة جزء من ثقافتنا السودانية مابتلقاهو
فى اى ثقافة تانية ...
| |
|
|
|
|
|
|
|
|
|
Re: المبدع والفرماله ... (Re: Rawia)
|
| Quote: ...أول مرة جا يعرفني بنفسه قال لي أنا بتاع كبو الري |
هههههه
هلا راويه ..
الايام ديل عندو فراملة جديدة اللهى (فراملة ابيى)
لو كان قابلك فى الايام دى كان قال ليك انا كيكي
بتاع (خريطة ا بيى )...
اللذيذه شهر كدا ا راسو ينقطع يمش يقطع ليك
شخصية من شخصيات الكمبو ويجى يفتح بيها
بوست .. مع انو زول كتب كمبو الرى دا مفروض
اسى يكون طبع الرواية الثانية ليهو ...
الله يفك عوارضو
| |
|
|
|
|
|
|
|
|
|
Re: المبدع والفرماله ... (Re: Rawia)
|
المهم....
تقوم الفرمالة تشيل فوقك
وتصدق الحكاية زي جماعتنا
فرمالة وارغو في الهلال خلتنا
ندفع دم قلبناومن ديكـ
وعيييييييييييييييييييييييييكـ
منتظرنك ياعمكـ
| |
|
|
|
|
|
|
|
|
|
Re: المبدع والفرماله ... (Re: haroon diyab)
|
Quote: ياخى فى المنبر دا طارق جبريل يمشى ويجى راجع
لبوست الامتداد ...ههههه.. مع انو بوست (الطلبة ) جميل
ياخ ..لكن نسوى شنو فى فرمالة الامتداد ...
|
كدي في الأول خلينا نشكرك كونك اعتبرتني مبدع ياخ
يا سيدي والله بوست الامتداد هو عبارة عن جسر
ونوع من الحنين لي منطقة انا احببتها جدا ولا زلت ارتبط بها بحكم وجود الاسرة هناك
دي كل الحكاية
اما لو جيت للفرمالات في حاجتين انا كتبتهم باعتبرهم على المستوى الشخصي محببات الى القلب
الأولى:
حكاوي حبوبات وجلاكيم
وحكاوي الحبوبات دي صراحة بلقى فيها متعة لا توصف
والتاني:
حواء بت الخضر ود كنيش نازلي الخرطوم
ودة يمكن مواصلة للأول لأنه يدخل في نفس الشكلية ودة النوع الانا بحبه من الكتابة (فرمالاتي)
أما دة:
أي بت شديدة بتحب ليها طُلبة (صبي بناي)
والله غلبني اتمو لي اسباب موضوعية تتعلق بالاشخاص
تليشة:
صحبك من ما رجع السودان بقى ما شغال بي
| |
|
|
|
|
|
|
|
|
|
Re: المبدع والفرماله ... (Re: haroon diyab)
|
محمد عبدالرحمن
Quote: الخواجه قال لبدرالدين بهناك مابهنا ..
بوستى دا ماليهو علاقة بالبوست البهناك ..
ثم ان الخواجه ماعندو فرمالة اينما كتب
اجاد وابداع .. تجدنى معجبا و(الاخرين ايضا)
بكل ماخطه يراعه من جمال وابداع ..فقد
شكلت كلماته وجدان ومشاعر اجيال واجيال .. |
أنا عارِف الكِتبا أكانت بِهِناك ... بس أنا عاوز
أكتِبا بِهِنا ده ... عِندك مانِع؟ وحتى لو عِندك مانِع
بكتِبا ... وكَونت مُعجب بيهو ده ما تنزيل مُقدس جاي
مِن رب السموات السبع ... ولا حقو أنا برضو أعجب
بيهو طالماإتْ مُعجب بيهو ... عِندو فرمالات مُش واحدة
وأهو هسِع عرج وما قِدِر يفصل < المُبدِع > عن < الزول
البِستعملو في حياتِياتو > وده كلامو
| Quote: لا اقبل الفصل بين المبدع ومواقفه الحياتية |
شاعِر بِحجم محمد المكي إبراهيم كتب
اقذف اصنام السطوة و التخويف
الصق نيشاناً فوق نصاعة هذا الزيف
يِقوم يكتِب ده
Quote: هنالك طمبارة عند الحلفاويين يكونوا مبارين
الفنانين من حفلة لحفلة ومن قرية لقرية وبيسموهم ضبان
العسل وأنت يا سيد ضبانة عسل |
وإن عُدت عُدنا
| |
|
|
|
|
|
|
|
|
|
Re: المبدع والفرماله ... (Re: عمر الفاروق)
|
موضوع جميل بتاع الفرمالات ده بس بالله انا زميلكم وماتجيبو سيرتي
لكن انا جايي قاصد عمر الفاروق ده
طيب وين
مابعاتبك مابلومك هااخ (ياخي دي تبكي الحجر)
وين ومابتنشتل الزهره في الارض اليباب
وين طال علينا فراقكم
(هسع يقوم علي) ها ها ها
| |
|
|
|
|
|
|
|
|
|
Re: المبدع والفرماله ... (Re: Elmosley)
|
والله يا موصلي من هبشت عثما مصطفى ده قلت الليلة سجمممنا والباص هجمنا وابو هديل حا يخلي ريحتي طير عديل 
أها اسة عشان اتخارج حا اقاوم اطاعنك واشغلك فييي نفسك دي واقول ليك انت فرمالتك الأماني السندسية
بتكتب ليك رسالة يا أمي ديك ما فرمالة لالالالا ديك والله بييي تعاشيييقا حولااااااا
اما على قدر الشوق فهي في طريقها لي إنها تبقا ابنص ..
يا زول حاجاتك السمحة مالا كترت كده وانا جاي داخل ليك زول مشاكل بقيت اشكر فيك ..
| |
|
|
|
|
|
|
|
|
|
Re: المبدع والفرماله ... (Re: عمر الفاروق)
|
محمد عبدالرحمن
Quote: ثم ان الخواجه ماعندو فرمالة اينما كتب
اجاد وابداع .. تجدنى معجبا و(الاخرين ايضا)
بكل ماخطه يراعه من جمال وابداع ..فقد
شكلت كلماته وجدان ومشاعر اجيال واجيال .. |
ودي فرمالتك
Quote: اتفاجات شنو ( اتخلعت خلعة لايعلم بها الله ) ..والحمد لله على كل حال ..
كون الناس تهتم بمحمد المكى ابراهيم وبمراجعة مواقف محمد المكى ابراهيم
وقراءة سيرته واعادتها وتكرارها مرات ومرات فهذا شيء طبيعى جدا
فكون محمد المكى ابراهيم شاعر ومبدع عظيم يجعل امر هذه المتابعة
والملاحقة شيء مبرر ..لكن غير المبرر هو أن يضيق شاعرنا بهذه
الاهتمام ويكتب كلام مثل ماقد قرانا اعلاه ...
شاعرية محمد المكى وتفرده ليس محل جدال .. لكن مواقف الاستاذ
المكى هى التى محل خلاف ..لو كان محمد المكى سياسيا كعامة
سياسى بلادى لما نالت مواقفه السياسية هذه الضجة ..و لما نال
هذا الاهتمام الكبير فى غدوه ورواحه ... و لكن لان (مكى ) مبدع
يصبح الامر هنا خطير وخطير جدا (كمان) ..فالمبدع يتقرب الى
السياسة بتفرده وحضوره القوى و من هنا يأتى
الاهتمام ... على أى حال كنت اتوقع رد فعل غير الذى قراته
اعلاه .. |
إن ما عُدت بعود ... حرم أكان مات زول أكان أعزي أهلو بِهنا
| |
|
|
|
|
|
|
|
|
|
Re: المبدع والفرماله ... (Re: عزام حسن فرح)
|
خلي العيش حرام :
Quote: فرمالة عمر الفاروق
هي بوست اوباما
والله تاني عمر الفاروق لو رجع الورشة عطبرة
ما يكتب بوست زي دا |
إنت قايلني متزكرو ؟؟؟؟؟
ده ياتو ده ؟؟
ابشرك انا بعد اكتب تاني ما بعرف زاااتي كتبت شنو ولي منو وعشان شنو :)
كللللو يزول بي زوال المؤثر..
لكن للضمان كده ولحدي ما اضمن القمصان تصلني فانا اعتبر أجمل ما كتبت هو بوست بدر الدين الأمير :)
| |
|
|
|
|
|
|
|
|
|
Re: المبدع والفرماله ... (Re: عمر عبد الله فضل المولى)
|
عزام ...تحياتى
ياعزيزى الفاضل ذكرت لك ان الخواجه كتب لبدرالدين
فى بوست آخر وذلك لاننى كتبت فى ذلك البوست مستنكرا
ماكتبه محمد المكى ابراهيم لبدرالدين ..وخشيت ان من يقرا
مداخلتك فى هذا البوست يربطها بمداخلتى فى بوست بدرالدين
فيفهم اننى اقصد بهذا البوست الشاعر محمد المكى ..فقد
خشيت ان يساء فهم نواياى فى كتابة هذا البوست ...
كتبت فى مداخلتى هناك مستنكرا الكلمات التى خطها
محمد المكى فى حق بدرالدين ..وفصلت هناك ايضا
بين محمد المكى الشاعر وبين محمد المكى الممارس
للسياسة والمتوسل اليها بحضوره الادبى القوى ..
محمد المكى الشاعر مبدع لاخلاف عليه ولااحد يستطيع
ان ينكر حضوره القوى وتأثيره فى وجدان الكثير ...
ولكن محمد المكى الذى يكتب هذا الكلام الغير لائق
ومحمد المكى الممارس للسياسة عبر بوابة الانقاذ
فهذا فيه اقوال (لاتحصى ولاتعد ) ... ومداخلتى فى ذلك
البوست هى بداية فتح حوار مع محمد المكى ابراهيم
وقد مهدت لها بهذا الفصل البين (بين الشاعر والشاعر
الممارس للسياسة ) ...
الخلاصة اننى معجب (جدا) بمحمد المكى الشاعر
الكبير ومستنكر (جدا) لمحمد المكى الذى يضيق
بالآخر ويصفه بهذه الاوصاف الغير لائقة ...ورافض
(جدا جدا ) لمحمد المكى المتوسل للسياسة بحضوره
الادبى والداخل اليها عبر بوابة الانقاذ ...والاخيرة دى
كنت جاى ليها بتفصيل وقد مهدت لها بالفصل بين
الشخصيتين فى بوست بدرالدين ...لكن الحمد لله
على كل حال ..
عموما اعتقد ننى افصحت عن وجهة نظرى ..
...... طبعا ياعزام المرة دى (اتخلعت
خلعة لاليها اول ولا اخر ) من مداخلاتك الفوق
دى .... لكن حصل خير يازول ...
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
Quote: ثم ان الخواجه ماعندو فرمالة اينما كتب
اجاد وابداع .. تجدنى معجبا و(الاخرين ايضا)
بكل ماخطه يراعه من جمال وابداع ..فقد
شكلت كلماته وجدان ومشاعر اجيال واجيال .. |
بعد ماعايز امشى لقيت انو الحتة الفوق دى
عايزة توضيح اكثر ..انا فوق ياعزام بتكلم
عن محمد المكى الشاعر بقولى اينما كتب اجاد
وابداع واقصد ماكتب من شعر ..وبهذا الفهم
هذه المداخلة لاتتعارض مع مداخلتى فى بوست
بدرالدين بأعمال مبدا الفصل بين محمد المكى
الشاعر ومحمد المكى الكاتب العادى والسياسى ..
| |
|
|
|
|
|
|
|
|
|
Re: المبدع والفرماله ... (Re: محمد عبدالرحمن)
|
اخونا محمد عبد الرحمن
اتكلم عن الغناء كضرب من ضروب الابداع اجاده
خالد محجوب ذات مرة ثم لم يفعل بعدها .
كونو اعتزل الغناء واتجه للمدائح النبوية
دا شيتا آخر ما قصدتو لاني ما حصل سمعت ليهو
مدحة .
كنت اعتقد ان موضوع البوست بتاعك منحصر فقط
في الغناء والكورة .
| |
|
|
|
|
|
|
|
|
|
Re: المبدع والفرماله ... (Re: khaleel)
|
Quote: علي عبد العزيز لاعب من القضارق لعب في المريخ
احرز هدف فرمالة في مرمي الهلال
وتاني (فص ملح وداب)
|
تماما كما فعل شمس الدين وأقجي اللذان قادتهما
ليلة القدر للتسجيل في شباك الإمبراطور المريخي ثم ...
لا من شاف ولا من دري
| |
|
|
|
|
|
|
|
|
|
Re: المبدع والفرماله ... (Re: طلحة عبدالله)
|
Quote: تماما كما فعل شمس الدين وأقجي اللذان قادتهما
|
طلحة
اذا قرات البوست جيدا تجد اني قد كتبت عن اقجي
وذكرتني شمس الدين وزروق الذي احرز هدف الهلال في مرمي الزمالك
ومن ديك وعيييك
| |
|
|
|
|
|
|
|
|
|
Re: المبدع والفرماله ... (Re: haroon diyab)
|
وسوف يظل هذا البوست فرمالة العريس المرتقب
محمد عبدالرحمن
قبل الزواج
اما بعده.....
تنهدات:قيل ( ان الزواج هو القرار السهل للذين يعيشون على هامش الحياة
وهو القرار الصعب للذين يشاركون في صنع الحياة)
| |
|
|
|
|
|
|
|
|
|
Re: المبدع والفرماله ... (Re: بدر الدين الأمير)
|
يا هارون وعزام :
ما يا انتو ما فاهمين موضوع البوست يا عايزين تجوطو في عبد اللطيف ده ساي؟؟ :)
عبد اللطيف والله اعلم اتوقع انو قصد عثمان حسين مستحيييل يكون عندو فرمالة فكل اغانيه الواحدة اجمل من التانية تمسك قصتنا ولا تمسك انا والنجم والمساء ولا تمسك شجن ولا تمسك في محراب النيل ولا ولا ولا ولا ..
احححححححححي من المريخاب ديل ...
خوووووووووووووووووود أهو كمان جاكم طلحة ..
عااااايرة وادوها سوووط ..:)
شمس الدين كان مدافع وهدفه لو فراملة فعبد السلام حميدة كمان هدفه في الهلال كان فرمالة .. بس انا خايف طلحة زااااتو ما يكون متزكر غنو عبد السلام جاب قون ..
لكن النصييييييييحة أقجي بالغ .. ياخ من شدة ما فرمالة لممممممن قال ليهم لمن سألوهو اقجي عايز شنو ؟
قال ليهم عجلة وتاقية وندااااااارة ..:)
| |
|
|
|
|
|
|
|
|
|
Re: المبدع والفرماله ... (Re: saif massad ali)
|
بوست لطيف جداً
وهاكم ديل
فرمالة حمد الريح (يا قلبي المقتول كمد) بس هي فعلاً روعة
محمد ميرغني (اشتقت ليك)
ود الأمين، فرامله ضاربه، كل أغانية قرماله
ترباس (العمة) بسم الله قصدي يا ريت
عمر الجزلي اسماء في حياتنا
وقناة النيل المذيعة السمحة ديك،اسمها منو؟؟
| |
|
|
|
|
|
|
| |
محمد عبدالرحمن
أبو ساندرا
عمر الفاروق
khaleel
ود الخليفه
omer osman
طلحة عبدالله
عزام حسن فرح
Rawia
haroon diyab
طارق جبريل
Elmosley
عمر عبد الله فضل المولى
بدر الدين الأمير
saif massad ali
بت قضيم
فيس بوك
تويتر
انستقرام
يوتيوب
بنتيريست