|
|
 يا بكري: باسووردك مـا بناباهو... لكن الفيـك إتعرَفَـتْ
|
والله ما حلفتَ..
لكن قلت في نفسي: بعد دة لو بكري أبوبكر رسَّل ليْ فيزا لأمريكا ما دايرا.. خليك من باسوورد..
زعِلتَ زعل شديد وحمبكتَ وحرِدتَ سودانيز أون لاين والجاب سودانيز أون لاين زاتو ورسَّلت رسالة لبكري ولصحبي عماد محمود قلت ليهو نزِّلها في البوست وكانت رسالة عجيبة "لن أطرق بابك بعد الآن".. "لن أستجدي.." قلت يا "ود" يا علاء: الواحد عندو شنو غير كرامتو وعزة نفسو؟ الشغلة ما مستاهلة.. إنت المنتديات البتكتب فيها هينة؟..
المُهم.. بعد كم شهر كدة لقيت إيميل من بكري.. قلت يا ود خليك تقيل.. وإرضاءً لنفسي العزيزة وأنا ماري بمؤشِر الماوس فوق الـ Subject .. قمت قلت ليها: بكري دة منو المرسِّل ليْ إيميل الساعة تلاتة الضُهُر؟؟؟.. نفسي طبعاً تفتيحة شديد عارفة إنها "فيها" والقليب مابيها..
مع إني ما حلفتَ.. لكن برضو حأصوم تلاتة أيام.. كدة كدة رمضان الكريم على الباب.. عساكم كلَّكم من عتقاهو آميين يا رب.. أنا "صالحتَ" بكري غايتو.. لو في واحد فيكم "مُحارب" ليهو زول أخير تتصالحو والله..
أنا غايتو ما عارف لكن بتخيَّل ليْ كدة إنو بكري دة قاصِد إنو "يلِمَّنا في البيت" مع تباشير الشهر الفضيل أهو منها يكسب أجُر ومنها يكفينا عناء البحث اليومي عن "لُقمة" الفطور أو نبيت القوا..
بكري:
أنا عارفو قلبك أبيض وكُلَّك حسن نية.. بس عليك الله تاني ما تخلي الناس واقفة تخبِّت كتير على بابك.. إنت قايل شنو.. البرلوم.. أي برلوم (حتى لو كانت صلعتو زي صلعتنا أنا وأخوي الكاشف إنت دة) قليبو رهيف وما بيقدر على الهبباي في عز الصيف.
أولاً بالتبادي.. شكراً لكل الأعضاء الذين وقفوا معي في بوست أخي عماد محمود علي.. ذلك البوست الذي أخذت منه الدرس التالي: ما تعمل لنفسك هالة سرحان لمجرَّد إنك خلاص عامل فيها الود كَتَّاب شديد وتقيان.. لو كنت رئيس تحرير أو حتى شنو ما بَعرفو داكا.. لمن تجي هنا لازم تاخُد ليك "جِزا" وتعمل خطوات تنظيم قِدَّام باب البيت لحدي ما يبان ليك آخِر.
شكراً بكري أبوبكر..
كُنت قايلك زول بتاع مزاجات.. لكن الحمد لله عرفتَ إنَّك زول طيِّب شديد وقلبك أبيض وبكدة تكون الفيك إتعَرَفَـتْ.. لأنو الما بيعرفَك بيجهلك.
وتانياً بالتبادي لأنَّك أديتني الفرصة عشان أتعرَّف على الناس الجميلة دي..أشكُرَك حتى يوم الخميس القادم.
|
|
 
|
|
|
|
|
|
|
|
Re: يا بكري: باسووردك مـا بناباهو... لكن الفيـك إتعرَفَـتْ (Re: نصار)
|
Quote: علاءالدين نصار يرحب بعلاءالدين صالح
و يصلح ساعات |
ياااااااه
أهذه الحروفُ خطَّها بنانك المهذَّبُ يا علاء الدين نصار؟؟
والله ليك وحشة يا عزيزي نصَّار.. دي تقريباً عشرين سنة من أيام الـ Sea View.. تهانينا ومبروك الأمورة واخوانها.
لك مودَّتي
وقتنا لفحة البأساء بونا.. سقاها الله بالماء العميمِ
نزلنا دوحها فحنت علينا.. حُنوّ المرضعاتِ على الفطيمِ
| |
|
|
|
|
|
|
|
|
|
Re: يا بكري: باسووردك مـا بناباهو... لكن الفيـك إتعرَفَـتْ (Re: هويدا شرف الدين)
|
Quote: مرحب بيك يا علاء الدين والبيت بيتك
تخريمه
مكتبك دا مالو جايط كدا |
الأخت هويدا لكِ مني التقدير والاحترام وشكراً على الترحيب.
تقولي شنو بس يا هويدا.. دة حال العزابة في البيوت وفي المكاتب. ياما طلبتَ سكرتيرة للقسم وفي كل مرة يقولوا ليك شنو؟ "يصير خير".. "أبشِر ما يصير إلا خير".. سبعة سنين بيبشِّرو ليْ سااااكت.. ومافي أي خير صار.
| |
|
|
|
|
|
|
|
|
|
Re: يا بكري: باسووردك مـا بناباهو... لكن الفيـك إتعرَفَـتْ (Re: قلقو)
|
Quote: الأخ علاء الدين
مبروك الباس ورد لكن اوعك تدخل التلاتة يوم بتاعة الصيام مع رمضان .تصوما براااااها. |
الله يبارك فيك أخي قلقو وشكراً على مرورك الطيِّب.
تعرِف يا قلقو.. مع إني أنا حلفاوي "تجميع أمدرمان" لكن رمضان دة نهائي ما بهزِّر فيهو..
علشان كدة:
التلاتة أيام بتوع بكري دول راه نِخصمهم من الستوت.
| |
|
|
|
|
|
|
|
|
|
Re: يا بكري: باسووردك مـا بناباهو... لكن الفيـك إتعرَفَـتْ (Re: كمال ادريس)
|
| Quote: مرحبا علاء....بس ما حا اقول ليك قلت شنو لود الصايم لما كنت معاهو في الصورة ... شرفت البورد يازميل. |
والله يا أستاذ كمال ترحيبك دة شرف عظيم بالنسبة ليْ باعتبارك من سناير بورداب جدة ومن سناير جمعية الصحفيين السودانيين بالمملكة وانا والله سعيد جداً بمرورك.
أستاذنا كمال: يا زميل دي شوييييية كدة بتعمل ليْ حساسية زي مُلاح السمك.. مُمكن تقول ليْ: يا فردة؟؟
لك عميق احترامي
| |
|
|
|
|
|
|
| |
علاء الدين صالح
طارق جبريل
نصار
ناذر محمد الخليفة
رغيم عثمان رغيم الحسن
هويدا شرف الدين
فيصل محمد خليل
قلقو
محمد عبد الماجد الصايم
كمال ادريس
فيس بوك
تويتر
انستقرام
يوتيوب
بنتيريست