|
محمد اشرف اليساري
|
يا اخوانا السلام عليكم
في عضو في سودانيز اون لاين اسمه محمد اشرف (ان كنت كتبت الاسم صحيحا بدون همزة) عضو يحمل فكر يساري ان لم اكن مخطئا ( يعني يا شيوعي جدجد ولا حقاوي ) هذا العضو كان له معي تاريخ في هذا المنبر ايامئذ كان يراني مثلي مثل يونس محمود ما حصل واتفق معي في شيئ , ودائما تقاطعه معي ردم هذا العضو لي زمن او قل سنوات افتقده في هذا المنبر لا ادري ان كان غائبا بالمرة او مقل في كتاباته او باع القضية الزول دا انا بسأل منه لله كدا وحقيقة مفتقده ومداخلاته في المنبر بالله لو كان موجود ويقرأ كلامي فانا ابلغه التحايا وان كان غائبا فبلغوه عني السلام والاشواق لخلافات الايام الخوالي
|
|
|
|
|
|
|
|
Re: محمد اشرف اليساري (Re: تماضر الخنساء حمزه)
|
تسلمي اختي تماضر علي المرور
عهد الشكلات ولي , من يكتب في هذا المنبر لا حاجة به الي البحث عن شكلات , اي بوست تفتح بامكانك افتراع ما تريد من شكلات والكل علي اهبة الاستعداد
فقط تذكرت محمد اشرف عرضا وانا اقرأ احد البوستات اليسارية وقلت دعني اسأل عنه
| |
|
|
|
|
|
|
Re: محمد اشرف اليساري (Re: اساسي)
|
اساسي
محمد اشرف زميل عمل سياسي فحينما كنت متحدث لمؤتمر الطلاب المستقلين بجامعة الخرطوم كان محمد اشرف متحدث باسم الجبهة الديمقراطية ... وبرغم ان هنالك خصومات بيني وبين عدد من كوادر الجبهة الديمقراطية (سياسية) ... كان محمد اشرف اقرب الي الصديق من الخصم ... فهو رجل محترم بمعني الكلمة ... هادئ وصادق ذكي ولبق ..... نفتقد وجوده معك .. وانشالله يجي عشان يردمك مرة تانية
------------ انت وخدر مالكم الايام دي بتفتشوا في الثيران البيض يكوتن يتشابه عليكم الثيران ولا شنو
| |
|
|
|
|
|
|
Re: محمد اشرف اليساري (Re: وليد محمد المبارك)
|
سلامات يا أساسي
فيك فائدة والله ؛ وده تساؤل حميد ، وكثير من ناس المنبر ده يتسـآلون (عن النبإ العظيم)مفتقدين كتابات بعض الزملاء القدامى وردمـياتهم! ويبدو لي "والله أعلم" أنّه ربما ذكــَّرك الطـِّعان القديم وقد كنتَ ناسـياً..! بوستٌ يُلفت كثير القُـرّاء عن لعبثات البعض من منسوبي النظام العام ..!! فاختلطتْ عليك الأسماء ! أو ربما كنتَ مُصيــباً ككثير عاداتك .
جعفر بشير سلامات .. أكافح أن أزورك منذ حين ولم أنجز بعد .. فاعذرني ..
| |
|
|
|
|
|
|
Re: محمد اشرف اليساري (Re: Gafar Bashir)
|
Quote: ستظل تكافح طويلا اذ تعتقد اني بالرياض ... |
آفو آ جعفر !
يا خي معقول نسيت تمثـّلي مرّةً لكَ بِــ:
حـلـّتْ سُليمى ببطن قوٍّ فَــ عرعرا ..... إلخ
--- أدري أدري أنك مابرياض .. ولا أنا ..
===
خلـِّيك بالبيت ، أو بالبوست، وسأُنجز زيارتي ..
تحيــاتي
| |
|
|
|
|
|
|
Re: محمد اشرف اليساري (Re: محمد أبوجودة)
|
اساسي الاساسي
اشكرك كتير على السؤال عني و احوالي
يا اساسي البورد ده مدرسة كبيرة تخلي الزول يتعلم غصبا عنه يحترم المتفقين معاهو والمختلفين على قدم المساواة
الزول بجي البورد ده جديد و عندو استعداد يحارب طواحين الهوا
بعد شوية بيروق ويبدا يدردش مع الناس و يكتشف فيهم جوانب انسانية عظيمة
تجي البورد ده في البداية و تفتكر نفسك مقطعها
و مكمل الفهم
بعد شوية تبدا تكتشف نواقص نفسك وتصلحها
شكرا ليك يا اساسي عشان اتعلمت منك و اخرين حاجة مهمة شديد
قبل ما تفتش على نقاط الاختلاف بينك وبين الاخرين فتش عن نقاط الالتقاء اولا
بالمناسبة يا اساسي
معظم بوستاتك لو ما كلها في الفترة السابقة انا قريتها واستمتعت بيها وده ما كسير تلج ليك
| |
|
|
|
|
|
|
Re: محمد اشرف اليساري (Re: Gafar Bashir)
|
جعفر بشير
رفيق الايام الخوالي
شكرا لكلماتك الطيبة في حقي
Quote: وبرغم ان هنالك خصومات بيني وبين عدد من كوادر الجبهة الديمقراطية (سياسية) |
اظنك قاصد على موسى
حقو نعمل ليهو تزكية عند بكري يجي يردم اساسي ده
| |
|
|
|
|
|
|
Re: محمد اشرف اليساري (Re: محمد اشرف)
|
محمد ابو جودة
عماد الطيب
شكرا كتير وتسلموا كتير
يا عماد الجامعة و اركان النقاش كانت محطة مهمة في تشكيل وعيي
و برضو في تخريبه
اسوا ما يمكن ان يتعلمه الكادر الخطابي من الاركان
انو الاخرين هم دايما مشاريع للاختلاف
وانو فكرتك لابد ان تنتصر مقابل فكرة الاخرين
تحياتي
| |
|
|
|
|
|
|
Re: محمد اشرف اليساري (Re: محمد اشرف)
|
Quote: اظنك قاصد على موسى |
ياخي مافي داعي تجها شديد كدة ..
لكن المشكلة صاحبك بكري ده بقي زول لئيم جدا ... ترسل ليهو ما يرد ليك تفتح بوست يمسحو ليك
ما خاتي عليهو الهكر واساسي يحمد الله كان جاهو علي موسي ... الا يتلب بالشبك بتاع البورد
| |
|
|
|
|
|
|
|