|
ناس جامعة الجزيرة .. النش ... الاعدادية .. حنتوب .. ابوحراز .. النساجة وووو اجمل ناس فى الدنيا
|
سلام لى كل الناس الحلوين البى جاى .... اخوكم طبعا استلم ليهو باسويرد جديد كرت من ورقتو ... وقلت كدى اول شى النشوف ناس جامعة الجزيرة ديل .... الجامعة الوحيدة الفى بلدنا البتصحى من 5 صباحا وتانى مابيجيها النوم الا 11 بالليل ... الجامعة العلمتنا انو مهما كانت ظروفك ووضعك المادى او الاجتماعى ممكن تقرا وتبقى زول بالجد بفضل ارث قديم وتاريخ طويل من السماحة الاجتماعية المالية الجامعة دى ....
|
|
|
|
|
|
|
|
Re: ناس جامعة الجزيرة .. النش ... الاعدادية .. حنتوب .. ابوحراز .. النساجة وووو اجمل ناس فى الد (Re: خالد احمد محمد)
|
ازيك يا خالد
وحبابك وحباب كل الدفعة 16 اقتصاد وكل النشابة وضواحيها
شكلك جاي مسخن وحاني للماضي ماضي الجزيرة الوحيد الما بولي ويروح وواحده من امنياتي الكثيرة اللسع ما تحققت اني ارجع من تاني واشوف النش وحنتوب وابو حراز والاسكوير يا خالد وخالتي فاطمة وبسكويت بركة مع شاي المغيرب ... للاسف الجامعة بلغ بها التدهور ان صار طلاب الامس من الدفعات الحديثة عمداء للكليات واصبحت الكليات الطرفية اقطاعيات يمارس فيها عمداء الجبهة الاسلاموية كل اشكال الارهاب والخداع وفداسي التي كانت حلما لطلاب يتمنون ان يغزو الفضاء بعلوم الاتصال يكتشفون بمرارة ان الكلية للاتصال الروحي فقط وناسك الكلية هو قائد السفينة الروحية !!! كلية التربية تتحول لكلية حنتوب الطرفية يحولها عميد الكلية علي النعيم بليل الى كلية خاصة بالبنات فقط وهي في هذا المكان النائي لماذا لا تكون للاولاد فقط ؟!!! ولكن مسئول الطلاب الذي يشفق على البنات في داخلياتهم المعزولة عن المدينة يخاف الله فيهم فيعمل على تفقد احوالهم كزائر ليل في ليلة ظلماء ... فلا يجدن غير الصراخ خوفا وفزعا فيغضب النيل ويثور كمدا وغيظاوتسري امواجه ببكائهن الى ديوان الكركون على الضفة الاخرى فلا تجد غير رفيف مراكب الصيد ... ويرتد صدا صوتهن فيفر الذئب الرعديد كما فرت جحافل الدفاع الشعبي بالنشيشيبة في عام 1998م وسقط من سقط في وحل الفضيحة ولم يجد الا اعلان اسمه من ضمن الماهدين المفوجين الي الجحيم ...
لقد علمتنا الجزيرة معنى الصمود والتضحية من اجل الوطن وعلمتنا معنى الانتماء ...
| |
|
|
|
|
|
|
Re: ناس جامعة الجزيرة .. النش ... الاعدادية .. حنتوب .. ابوحراز .. النساجة وووو اجمل ناس فى الد (Re: azz gafar)
|
جامعة الجن دى تجيها من الصباح يامولاى كماخلقتنى خال تماما من اى اثر للقطع والاوراق النقدية تقول بسم الله تدخل النشيشيبة تشرب شاى الصباح وتديها فنجان قهوة كااااااارب من ( تونة ) وتقعد تخلط لمن الله يغفر ليك وبعد داك تشوف باقى الوجبات تباريهن بالدور وامورك ماشة عال العال ... وطبعا خلطة الليل اساسية لانو بتكون مع الحبيبة الاساسية وبى فلسك ده بارد فى البلد ماتخليهو ... لامن تجيك الساعة عشرة مواعيد دخول البنات الداخلية تقوم تلقط كرعيك وتوصل البنية داخليتها وتتوكل على الله تشوف بيتك وين !!!!!!!! عجبى !!!!!
| |
|
|
|
|
|
|
Re: ناس جامعة الجزيرة .. النش ... الاعدادية .. حنتوب .. ابوحراز .. النساجة وووو اجمل ناس فى الد (Re: خالد احمد محمد)
|
Quote: هنا يادوب ناس خالد التعب بيظهر ليهم ويقعدو يجرجرو في الكرعين يوفتشو للريال او العليق في الدفار لحدي البوابة هههههه
وكان فيها تحويلة مصاريف رودي جاك نفر
يا سلااااااااااام ياخ |
طبعا اهم شى وانت طالع تشوف ليك زول ( تقصوا ) وتطلع منو حق المرقة ورجعة بكرة الصباح وياريت لو كان زول جاييى من البيت قريب وكبيت ليهو كم مكنة عن انو فلان داك عيان وراقد فى البيت ووالله حق الدوا ما لاقينو ليهو ههههههه وهو طبعا عارف انك زول قصاص ساكت لكن بكون دفنها ليك وراجيك لى يوم عوزة ...
| |
|
|
|
|
|
|
Re: ناس جامعة الجزيرة .. النش ... الاعدادية .. حنتوب .. ابوحراز .. النساجة وووو اجمل ناس فى الد (Re: ايوب عبدالرحيم)
|
Quote: ياكا خالد ود الابيض ولا انا غلطان
ود العمدة سلامات وينك ياراجل |
ايوب عبد الرحيم سلامات يارجل ونورت البوست ... واسف جدا انى ما الزول الجميل ده على الاقل كنا استمتعنا بى قصة ود العمدة دى ( وش مرحب بيك شديد ) المهم ماتقول الزول ده ماياهو وتمشى ماتجى تانى خليك قريب ياصاحب وادى البوست ده دفرة .. وادينى فرصة ادخل مود البلد دى وبركب صورتى قريب فضا للاشتباك اصلو الزول ده كان معذبنى شديد حتى ايام يعلقو النتيجة فى بورد الكلية كان بجهجه اخوك شديد ...
| |
|
|
|
|
|
|
|