|
Re: إليـك يا أميـرة الشـيخ .. أروع لقطـة للسـاحـر ميـدو (Re: omer osman)
|
امبارح بعد الكورة ونحن طالعين من الاستاد دار حوار طويل بيني واتنين من اصحابي المريخاب عن ميدو
هم برددوا في النغمة المشروخة بتاعة الزول ده بتاع حركات وما جادي واسه من دخل عمل شنو ... ؟؟؟؟؟
قلت ليهم زول بقول ميدو مابعرف كورة وما لعاب يراجع فهمه للكورة عبدالحميد موهوب وموهبته الحقيقية في احراز
الاهداف من وضعيات صعبة واذا عملنا مقارنة بين عدد اهدافه وعدد الدقائق التى يلعبها لاصبح هداف السودان في كل المواسم
| |
|
|
|
|
|
|
Re: إليـك يا أميـرة الشـيخ .. أروع لقطـة للسـاحـر ميـدو (Re: حسين يوسف احمد)
|
تعرف يا حسين واحدة من خلع من المنبر دا تجى وتلقى اسمك معلق فى عنوان بوست بتجيك الرجفة والكبكبة ... وممكن تضيع كم قون بالحالة دى اها الخلعة الكبيرة تجى تلقى اسمك معلق مع اسمو ميدو والله قرببببببببببت اشيل كورتى واشتت
لكن بعد تصريحاتى عمت القرى والحضر ماعندى طريقة غير التهديف ومن برة خط 18
زى ماقلت قبل كدا حبوبة بتقول فى اولاد امك عندك ودام وفى اولادك عندك ولد بمعنى اذا ختينا لعيبة المريخ فى حتة اولاد امك(اخوانك) او فى حتة اولادك بتلقى فى زول بتخصو بشئ من المعزة والمودة ......ب
اها ميدو دا غايتو انا السليكتف عندى..
شكرااااااااااااااااااااا يا حسين..
شكراااااااااااااااااا,,,
نواصل ..
| |
|
|
|
|
|
|
Re: إليـك يا أميـرة الشـيخ .. أروع لقطـة للسـاحـر ميـدو (Re: Amira Elsheikh)
|
Quote: الله ياحسين دى منى السمحة وزينة دى الله يسالنى هيبة هيبة عديل كدا واتقطعت فى فكرة التوب....
يعنى اسى انا بروفايلى دا يشيل كم صورة ...
دايرة اخت صورة الزولة دى ياحسين...
ياخ مش قلت ليك وجودك مهم ...
خليتنى ابحلق فى الصورهنا وهناك زى المجنونة .... |
دي الأستاذة سعدية عبد السلام يا أميرة .. وهي عضو لجنة المرأة المريخية وزولة نشطية جدا وفاعلة للغاية ... بالنسبة لبروفايلك ولا يهمك بكرة إن شاء الله ندمج الصورتين في صورة واحدة ..
وهاكي بحلقي كويس يا ماما :
1/ دي هي بالتوب التاني :
2/ الطفلة التي أرهقت وأزعجب الصفيراب : اسلام بابكر سلك :
3/ الزعـيم عالـم جميـل :
| |
|
|
|
|
|
|
Re: إليـك يا أميـرة الشـيخ .. أروع لقطـة للسـاحـر ميـدو (Re: Amira Elsheikh)
|
حسين وأميرة سلام
لقطة ميدو الطائر فى مباراة هلال كادوقلى فعلاً ملفتة للنظر، و تدل على مدى سرعة رد الفعل لديه و تطويعه لجسمه وحسن تقديره.
السعودى مظلوم ولم يعط الفرص الكافية للعب. فى مباراة هلال كادوقلى دفع به مازدا لحظة خروج صانع الألعاب عبد الكريم الدافى فكان ذلك خصماً على السعودى. الذى إجتهد فى التحرك و الرجوع للخلف كثيراً. و يبدو أنها تعليمات مازدا وأرى أنها جهجه للسعودى. كما أن كلتشى لا يتعاون معه و حرم السعودى من إحراز هدف بعدم تمرير الكرة له فى مناسبتين. و أمل أن يوجه مازدا كلتشى للتعاون. فى رأيى عبد الحميد السعودى أخطر من كلتشى فى إحراز الأهداف، ومازدا عليه إعطائه فرص اللعب مباريات كاملة و مع الدافى.
| |
|
|
|
|
|
|
|