|
|
 اذا كان الخبر صحيح!!!!.. فهو مقرف حد الوجع
|
اتصلت بأحد قريبات لاطمئن على نتيجة قبول ابنتها فى الجامعات. قالت لسه ما عارفين والله
بس مستنين المؤتمر الساعه 5 مساء و بعد ما ينتهى نرسل لسودانى عشان نعرف النتيجة
سألتها ان توضح قالت انتى ماعارفة ما ناس سودانى ترسلى ليهم نسبتك فى رساله يرسلو ليك النتيجة!!!!!
انتهت المكالمه بعد صببنا كل ما نعلم من لعنات على من بيدهم القلم.
بعدها قلت انقل الشمار لبنات المكتب و معاهو الدهشه اكتشفت انو الدهشه فى صحبتى فقط
وواحده من البنات الصغار قالت لى يا خالتو ما نحن لمن امتحنا برضو عملو لينا كده فى نتيجة الامتحان ذاااتها موش القبول!!!!
السؤال:
هل صحيح ان شركة سودانى للاتصالات اشترت نتيجة القبول؟؟؟؟؟؟؟؟؟؟!!!!!!!!!
واذا كان هذا صحيح
من هى الجهة لمستفيدة؟
وكيف تم هذا الامر؟
|
|
 
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: مزمل خيرى)
|
| Quote: وواحده من البنات الصغار قالت لى يا خالتو ما نحن لمن امتحنا برضو عملو لينا كده فى نتيجة الامتحان ذاااتها موش القبول!!!! |
يا سهام كدي اسه خلينا من سوداني وشراهم للامتحان
انتي البنات الامنتحنو شهاده بقو ينادوك يا خالتو؟؟؟؟؟؟؟؟؟؟؟؟؟؟؟؟؟؟؟؟؟
اسه دي ما مصيبه وخبر اسوأ من الخبر الانتي جايباهو ده
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
Quote: قالت انتى ماعارفة ما ناس سودانى ترسلى ليهم نسبتك فى رساله يرسلو ليك النتيجة!!!!!
|
مش كدا وبس يا سهام
الرقم البترسلي ليهم الرسالة منو لازم يكون رقم سوداني
يعني موباتيل نهي
كنارتيل نهي
( إمارات تيل ) - زى حالاتنا- نهي
هسع نسوي شنو ؟؟؟
مش جمال فرفور عندو أغنية
أعمل شنو ( في النتيجة ) أعمل شنو ؟؟
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: جعفر محي الدين)
|
| Quote: سؤال: قبل وجود هذه الخدمة كيف كان الناس بيعرفو نتائج القبول (ومثلها نتائج امتحانات الشهادة)؟ |
يا ايمن سلام نشيل سؤالك و نمشى للاخ جعفر محى الدين
نسلم عليهو و نشيل منو ده:
Quote: زمان القبول بدقوهو لينا بره في راكوبة لجنة القبول
وبذيعوهو لينا في الرادي
أنا سمعت توزيعي في بص شركة الجزيرة في الطريق إلى مدني
|
وللتوضيح كان زمان بيزيعو نمرة القبول بالجامعة و الكلية
تسلمو الاتنين
_______________________
يا بوب و تقول لى ما خالتو؟؟؟
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
سهام تحيات وكيفنك:
Quote: هل صحيح ان شركة سودانى للاتصالات اشترت نتيجة القبول؟؟؟؟؟؟؟؟؟؟!!!!!!!!!
واذا كان هذا صحيح
من هى الجهة لمستفيدة؟
وكيف تم هذا الامر؟ |
سمعت في آخر زيارة لي للسودان، أن شركة سوداني مملوكة لجهاز الأمن، وربما يفسر لك هذا بعضاً من أسئلتك أعلاه يا الاخت. طبعاً بحكم السن وكدا "اقصد سنِّي أنا" من غير المناسب أن أقول يا "خالتو"!
سلام..
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: عاطف عمر)
|
الأخت سهام
السلام عليكم.
لا أدري ما وجه القرف في هذا الخبر.
فهذه خدمة أراها كوالد بنت تنتظر نتيجة قبولها في الجامعة مريجة وغير مكلفة (50 قرش للرسالة)، وهي لا تلغي الطريقة القديمة المجانية في معرفة نتيجة الطالب، وللطالب أن يختار، يعني خدمة موجودة لو أردتها ولو لم تردها فلست مجبرا عليها.
في نتيجة الشهادة السودانية، كانت هناك شركة سوداني وشركة زين بالإضافة للإنترنت والطريقة التقليدية من المدرسة، بالنسبة لي عرفت نتيجة بناتي من المدرسة لأن القلق استبد بالبنات لتأخر رسالة سوداني وزين، ذهبت للمدرسة التي لا تبعد كثيرا عن سكني ووجدت النتيجة مطبوعة في أوراق معلقة على سبورة وضعت على كرسي في فناء المدرسة. وقبل أن أغادر المدرسة وصلتني رسائل سوداني.
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: عاطف عمر)
|
عاطف عمر سلام كبييير
والله قبل ما نسوى اى حاجة وال هى غالبا لو ما ح نشوف سودانى و نرسل!!!!
اتخيل اول نعرف الحاصل شنو؟؟؟
زول يرد علينا يقول هل صحيح سودانى اشترت النتيجة؟
و كيف تم ذلك؟ يعنى ليه ما زين والا ام تى ان
يعنى كان فى عطاء ورسى على سودانى والا كيف يعنى كيف تمت؟
و يوينا من هى الجهة المستفيدة يااااااخ؟
اها انا بقترح الناس الما عندها سودانى تتعاون مع الناس العندها
سودانى و تكون كلها نظر وكدى يعنى!!!!!
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
طيب إذا سعر الرسالة للحصول على النتيجة: 50 قرش
فتكلفة المواصلات للتوجه إلى المدرسة أو الوزارة بالتأكيد لن تكون أقل من ذلك..
وإذاعة النتيجة بالراديو لخمسين ألف طالب بالتأكيد ليست خياراً منطقياً.. فعلى الأقل إتاحة الخدمة عبر الSMS تخفف الكثير من الضغط على شبابيك الوزارة وتلفوناتها..
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: mayada kamal)
|
الاخ نزار سلام
مافى زول قال لا للتكنولوجيا وتقللة التكلفة
المقرف ان يعقد المؤتمر الصحفى متاخر بحيث لا يمكن التوجة بعده للمدارس والا مكاتب القبول لمعرفة النتيجة
عشان سودانى تسترزق من القادرين وغير القادرين حتى تشرق الشمس
ال50 قرش بسيطة صحيح لكن اصل الخدمة ان تكون مجانية وفى متناول الجميع بمنتهى العدالة
المؤتمر الصحفى يكون الصباح بدرى (عندك لغاية 10 بقت بدرى) و بعدها الناس تمشى تشوف نتيجتها مجانا
او عن طريق سودانى اذا حبت
لكن قفلها الخيارات كده ده هو المقرف
السؤال كيف استطاعت شركة سودانى الحصلعلى هذا الامتياز
ما سمعنا و لاقرينا لينا عطاء فى الجرايد
ولا سمعنا و لا قرينا لينا خبر عن شراكة ما بين الشركة و الجهة المستفيدة
ولا كمان عارفين الجهة المنحت سودانى الامتياز منو؟
انا قلت دايرين نعرف وكده
تسلم يا نزار
سيف بشير ياخ مشتاقين كتير والله يا اخ خالة خالة فيها شنو يعنى؟؟
ما ابقى خالة كان بقيت يا جدو :)
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
مرحب شهام
انا اوريك
1)اولا تزاع النتيجة بصورة عامة الان في المؤتمر
2) المقدمين للقبول 142 الف اكيد ما حا يزيعوهم واحد واحد
2) النتيجة زمان كانوا بختوها في البوردات في الشارع الخلف الادارة العامة للقبول - الان لا يمكن هذا لانه عدد المقدمين كبير الا يقفلوا شارع الجامعة
3) النتيجة موجوده على الموقع الخاص بالقبول وده في الساعات الاولى بكون الدخول عليه صعب جدا لانه في ظرف الساعة الفاتت دي بس دخلوا عليه 7 الف شخص في ساعة واحده
4) العاوز يعرف نتيجته يمشي بكره وزارة التربية والتعليم العام حا يلقى الموظفين هناك يشيل نتيجتو
وبعد ده كله
ختو النتيجة في سوداني عشان الما عاوز يمشي القبول وما عاوز يمشي محل نت تجيه النتيجة لحدي عنده خصوصا ناس الولايات
اها كمان دي دايرنها مجاني
القروش ماشة لنقابة العاملين في التعليم العالي
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: وليد محمد المبارك)
|
| Quote: المقرف ان يعقد المؤتمر الصحفى متاخر بحيث لا يمكن التوجة بعده للمدارس والا مكاتب القبول لمعرفة النتيجة |
تشابه عليك البقر يا سهام
نتيجة القبول ما عندها علاقة بالمدارس
ولا في لنك بين القبول والمادرس
الاولى تتبع لوزارة التربية والتعليم
والثانية لوزارة التعليم العالي
التي تذهب للمدارس هي نتيجة الشهادة السودانية
وحتى الان تذهب للمدارس
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: وليد محمد المبارك)
|
سلام الف يا وليد
وشكرا ليك للايضاح وفعلا فى الحتة الاخيرة انا تشابهت على نتيجة الامتحانات و نتيجة القبول
مافى مشكلة باعتبار المقصود من كلامى هو توفر الاماكن المجانية
ويا وليد راجع ردى على الاخ نزار
انا جيت باسئلة و انت ما قصرت
وريتنى الجهة المستفيدة لكن كيف رسى الامر على سودانى؟
ومن هسه يا وليد دا ما اى شى غير سؤال للعلم
كويس انو الجهة المستفيدة هى النقابة
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
مرحب سهام اولا انا بدافع عن الموضوع لانه كان مقترح مني للنقابة بحكم تخصصي
والقصد منه اراحة الجمهور وايجاد عائد للنقابة
تم اختيار شركة سوداني عن غيرها لسبب واحد
هي الشركة الوطنية الوحيده وتحمل اسم سوداني
بالمناسبة لو كانوا ناس النقابة مشوا لي زين مثلا كان عائدهم حا يكون اعلى
لكن هم اختاروا مشوا للشركة وطنية حسب وجهة نظرهم
حسب ما اخبروني هم
والله يا اماني لو بتعرفي كيف تمت عملية القبول تشكرينا دبل
نحن من ما ظهرت نتيجة الشهادة السوانية بنرجع كل يوم الساعة 8 مساء
شغالين 12 ساعة في اليوم عشان النتيجة تمرق في وكتها
قدم للقبول 142 الف شخص
كل شخص عنده 45 رغبة
تدخل رغباته ثم تراجع مرتين
عدد مدخلي البيانات مع الادارين والعمال تقريبا 100 شخص
عدد الاجهزة المعدة للادخال 70 جهاز حاسوب
والله يا سهام تعبنا شديد
ده كله عشان نتيجتكم تصلكم لحدي عندكم وانتو مرتاحين
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: وليد محمد المبارك)
|
كدى يا وليد اولا اشكرا على اجابتك على اسئلتى
و تثبيت انو الخبر صحيح و قد يكون غير مقرف :)
لانو القروش ماشه للنقابة وكده
قد اعلق بأن الطريقة التى تم بها الاختيار جديدة
على و لكنها مقبولة ايضا على حسب فهم اهل النقابة
ورغبتهم!!!!
يعنى عكلته مافى
يا وليد انا اقدر و اثمن مجهود كل شخص فى مكان عمله
ونسألله يديكم العافية و يأجركم خير
لكن شكر مافى :)
اهاااااا بقى عندى سؤال تانى ارجو الرد
امانى دى منو ياوليد؟؟؟؟!!!
Quote: والله يا اماني لو بتعرفي كيف تمت عملية القبول تشكرينا دبل
|
الليله وووووووووووووووب
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: معتصم الطاهر)
|
معتصم الطاهر:
الرابط هو :
www.admission.gov.sd
بصراحة كانت عملية مريحة جدا جدا
التعرف على مكان التوزيع من الموقع
المذكور اعلاه .. لكن بسبب (الضغط)
الهائل كما ذكر وليد كان من الغير
ممكن الحصول على النتيجة فور اعلانها
في الخامسة من مساء أمس .. لكن تغير
الوضع صباح اليوم و (سلك) الموقع معانا ...
صدقوني الأخ وليد من أحد الجنود المجهولة
التي تعبت و شقت من اجل راحة أولياء الامور ..
انشاء الله في ميزان حسناتك يا وليد ..
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: محمد ابراهيم قرض)
|
Quote: تم اختيار شركة سوداني عن غيرها لسبب واحد
هي الشركة الوطنية الوحيده وتحمل اسم سوداني
بالمناسبة لو كانوا ناس النقابة مشوا لي زين مثلا كان عائدهم حا يكون اعلى
لكن هم اختاروا مشوا للشركة وطنية حسب وجهة نظرهم
حسب ما اخبروني هم |
تعرف يا أخ وليد ...ده محل اللعب زاتو......ولو جبت أي مراجع قانوني حيقول ليك نفس كلامي
يا سهام الكيزان ديل اصلهم ما بشبعوا
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
العزيزه سهام ...
رايت ان وليد قد كفى ووفى شرحا وتفصيلا ...
وزياده في الفائده .. # نتيجه الشهاده السودانيه تذاع في المؤتمر الصحفي بالتلفزيون القومي منذ سنيين عده ...
# تذاع النتيجه منذ عده سنوات الساعه الخامسه وذلك نسبه لانشغال الوزير او نائبه صباحا, وللعلم لم يعترض احد
على الموعد ..
# يمكن الحصول على النتيجه من عده اماكن :(1) موقع وزاره التربيه والتعليم (بالمناسبه حصل ابن خالتي علىيها
من هذا الموقع اثناء اذاعه المؤتمر بدون استخدام خدمه سوداني )
(2)رساله الهاتف النقال ( وهي لسنين سابقه كانت متاحه لشركه زين
معا وقبل ذلك كانت متاحه لشركه موبيتل .. وهي طريقه مستخدما في كل دول
العالم المتحضر اللي فيهو ناس بتمشي لقدام وبتلقى ناس بتشجعها ...
(3) وزاره التعليم العالي .. ادراه القبول ..
ارقدوا عافيه الى ان اعود اليكم
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: Siham Elmugammar)
|
والله يا سهام سوداني ساهم نوعا ما
طلبنا منهم حاجات
منها فيروول وانتي فايرس رجستر لي وب سيرفر وراك وبطارية كبيرة للوب سيرفر
ما قصروا قالوا تمشي تشيلوها من داتا نت على حسابنا
مشينا داتا نت ما لقيناها عندهم
قالوا جيبوا فواتير ونحن ندفع
لكن لسع محتاجين
سنه ورا سنة حا نجهز سيرفر روم كويسة
السيرفر روم الهسسع دي خدمت والله قريب السبع سنوات
كفاية عليها
تحياتي يمه
وخالص الشكر
| |
|
|
|
|
|
|
|
|
|
Re: اذا كان الخبر صحيح!!!!.. فهو مقرف حد الوجع (Re: وليد محمد المبارك)
|
Quote: يا سهام
خبر مفرح حد الوجع
تم قبول ابنتي أسماء بطب الخرطوم، وآلاء بكلية العلوم الإدارية الخرطوم.
وعرفنا النتيجة عبر سوداني مباشرة بعد الؤتمر، والحمد لله. |
يا نزار الجاب الوجع عندك شنو
انت تمشى تضبح خروفين لكل واحدة من البنات
واوعك تعمل ذى امى الله يديها العافية
اتخرجناانا واختى و ما ضبحت لينا
مع انها بتضبح فى الصغيرة و الكبيرة
وقالت اتخرجتو لرقبتكم دى امشو انفعو روحكم
مالى ما عندى ناس اتخرجو قبلكم:)
كانت مكاواة منها سااااى لكن نحن لليله ماسكنها ليها
مبروك مليون وقول ليهم بعد ده امشو انفعو رقبتكم بس بعد الضبيحة :)
داليا سلام
فعلا نشكر وليد لمساهماته
وليد سلام
يدفعو ولا على كيفهم ال 50 قرش دى تكون دخلت ليهم
قدر خرتومية سيرفر كده
بسم الله ماشاءالله عينا باردة
وما عندنا تربيزة ):
| |
|
|
|
|
|
|
| |
Siham Elmugammar
saif massad ali
مزمل خيرى
Omar Bob
عاطف عمر
جعفر محي الدين
saif basheer
نزار محمد عثمان
mayada kamal
وليد محمد المبارك
معتصم الطاهر
Osama Mirghani
داليا الكباشى
عادل عبدالعزيز عبد الرحيم
فيس بوك
تويتر
انستقرام
يوتيوب
بنتيريست