|
|
 ***** المشاهدة لغير المتزوجات فقط ****
|
المشاهدة لغير المتزوجات فقط
الرومانسية فى المسلسلات المدبلجة اصبح حلم يراود السودانيات
فى صحوهن ومنامهن
واصبح البعض يفكر بان تضم الافلام والمسلسلات الرومانسية
الى قائمة الممنوعات السوداء
التى يحظر تعاطيها من قبل الزوجين حتى يضمنو
بقاء حياتهم الزوجية على قيد الحياة
احدى السودانيات قالت وهى بتشاهد نور ومهند
الحياة النحنا عايشنها دى بتسموها حياة
هووووى انا مالى ده ماكلامى (وش خايف)
خارج الشيكه
انتو بتختو الوشوش المعبره دى كيف ؟
|
|
 
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
Quote: الحياة النحنا عايشنها دى بتسموها حياة
|
منال
سلامات
طبعا ده تمثيل...
الرومانسية أيام الجكّيس والخطوبة.. او خلط الجامعة..
يعني الرومانسية دفع فاتورة الزواج قبل الدخول فيه..
تشوفي البت قبل الزواج.. حنكشة وإستايلات وكريمات..........
أول ما تقبض وتكون ست بيت تنسى نفسها..
الرومانسية دي تجي كيف!!
تحياتي
عبدالعزيز
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: Abdlaziz Eisa)
|
منال
Quote: سلامات
طبعا ده تمثيل...
الرومانسية أيام الجكّيس والخطوبة.. او خلط الجامعة..
يعني الرومانسية دفع فاتورة الزواج قبل الدخول فيه..
تشوفي البت قبل الزواج.. حنكشة وإستايلات وكريمات..........
أول ما تقبض وتكون ست بيت تنسى نفسها..
الرومانسية دي تجي كيف!!
تحياتي
عبدالعزيز |
طبعا ياعبدالعزيزالمرأة والسودانيه خاصه
بعد ما تنتقل من خانة البنت الى خانة الزوجه
تنسى كل حاجه حلوه فيها
ابتداءا من زوجها وانتهاءا بنفسها
حتى تتحول هى الى كائن اخر كل همه الطبيخ والغسيل والاولاد
وتنسى زوجها تماما
وانا لاحظت وعايشت الظاهره دى فى السودانيات
الا عدد قليل منهم
تسلم ياعبدالعزيز ..
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: محمد الجزولي)
|
اختنا منال ..سلامات
Quote: احدى السودانيات قالت وهى بتشاهد نور ومهند
الحياة النحنا عايشنها دى بتسموها حياة |
اذا كانت تقصد مسلسل نور فما عارف وين الحياة فيها اصلاً دعك من الرومانسية ؟!! مهند متزوج من نور وينجب من اخري بالحرام .. وشقيقته دانا بتحب انور وتنجب منه من غير زواج ثم بعد خمسة سنوات يتزوجان ..ووالده يحب اخري غير امه .. وامه تقفل على المحامي ..وكبيرهم شاداوغلو يلقي جلكينة زيو يفحط معاها ...واخفاهم سوءاً زوج عمة مهند الذي يتزوج بالسر وينجب من اخري ...
اها وين الرومانسية هينا ؟!!!
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: فايزودالقاضي)
|
Quote: اذا كانت تقصد مسلسل نور فما عارف وين الحياة فيها اصلاً دعك من الرومانسية ؟!! مهند متزوج من نور وينجب من اخري بالحرام .. وشقيقته دانا بتحب انور وتنجب منه من غير زواج ثم بعد خمسة سنوات يتزوجان ..ووالده يحب اخري غير امه .. وامه تقفل على المحامي ..وكبيرهم شاداوغلو يلقي جلكينة زيو يفحط معاها ...واخفاهم سوءاً زوج عمة مهند الذي يتزوج بالسر وينجب من اخري ...
اها وين الرومانسية هينا ؟!!! |
لكن يا ود القاضي متابعتك لصيقة شديد.
أنا مرة واحدة قعدت في مسلسل ما استحملت أكتر من 5 دقايق .. وما لقيت شئ يشدني.
منال هاك الوش ده .. بينفعك في حالات كتيرة ...... 
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: فايزودالقاضي)
|
Quote: اذا كانت تقصد مسلسل نور فما عارف وين الحياة فيها اصلاً دعك من الرومانسية ؟!! مهند متزوج من نور وينجب من اخري بالحرام .. وشقيقته دانا بتحب انور وتنجب منه من غير زواج ثم بعد خمسة سنوات يتزوجان ..ووالده يحب اخري غير امه .. وامه تقفل على المحامي ..وكبيرهم شاداوغلو يلقي جلكينة زيو يفحط معاها ...واخفاهم سوءاً زوج عمة مهند الذي يتزوج بالسر وينجب من اخري ...
اها وين الرومانسية هينا ؟!!! |
لااااااحولااااا
تصدق انا ما شفت منها ولا حلقة واحدة
بلاى الحاجات دى كلها حصلت ؟؟؟
اها والنهاية كانت كيف يافايز ؟؟؟
ياجماعه الوشوش بختوها كيف ؟ (وش شرير )
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: فايزودالقاضي)
|
Quote: النهاية كل واحد اخد ولد ماولدو وعمل ليه نقل ملكية والعندو ولد ماشرعي اكد شرعيته بالتسجيل الرسمي ..
الغريبة الكان مهند في مسلسل( نور ) اسمه خليل في مسلسل ( خليل وميرنا ) الشغال هسي ... فما عارف خليل دي تجي كيف مع مهند ؟!!! غيتو خليل عندنا زول مختلف جداً جداً عن حقهم ؟!!
الوشوش بالطلب يامنال ...اكتبي جواب ورسليه لبكري بالبريد العادي ..( وش ماعارف كيف كده ) |
زمان تابعت لى واحد اسمو كاسندرا
وما شفت النهاية
اها يافايز ماعارف لى نهايته تحكيها لى ؟
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
| Quote: عشان بمارسها مع غير زوجته |
عجييييييييييييييييييييييييب !!!
حقيقه انا ما فهته الحته الفوق دي ... !
وبمارسوها مع  ولكن ...... كلهم ؟
مهند السوداني ... بظهر في القرن القادم بعدما يلقي نفسو من ضياعو !!
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: Abdlaziz Eisa)
|
منال ازيك...
المشكلة انه الزواج نفسه بقوم على خطأ... عشان كده الرومانسية ما بتستمر.. دي حاجه ما ممكن يتم تمثيلها.. والبحصل في الخطوبة عبارة عن مسرحية ضخمة الانتاج!.. كيف بقوم الزواج على خطأ... بتكون اسس الاختيار خطا... الراجل بفتش على مواصفات البنت كلها سطحية شكلية، شعرية، لونية.. إلخ... كلها حاجات بتتغير سريع جدا بعد الزواج والولادة زي ما قلت.. المرأة بالمقابل بتتزوج عشان وضعه المادي.. قروشه.. مرتاح.. مهندس دكتور... إلخ من الprototypes الكتيره الموجودة... لما اتنين كل واحد فيهم جاي بأجندة زي دي.. لما يتزوجوا، صعب يزيفوا ليهم مشاعر ما موجوده...
وصلت؟
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: مريم بنت الحسين)
|
Quote: منال ازيك...
المشكلة انه الزواج نفسه بقوم على خطأ... عشان كده الرومانسية ما بتستمر.. دي حاجه ما ممكن يتم تمثيلها.. والبحصل في الخطوبة عبارة عن مسرحية ضخمة الانتاج!.. كيف بقوم الزواج على خطأ... بتكون اسس الاختيار خطا... الراجل بفتش على مواصفات البنت كلها سطحية شكلية، شعرية، لونية.. إلخ... كلها حاجات بتتغير سريع جدا بعد الزواج والولادة زي ما قلت.. المرأة بالمقابل بتتزوج عشان وضعه المادي.. قروشه.. مرتاح.. مهندس دكتور... إلخ من الprototypes الكتيره الموجودة... لما اتنين كل واحد فيهم جاي بأجندة زي دي.. لما يتزوجوا، صعب يزيفوا ليهم مشاعر ما موجوده...
وصلت؟ |
وصلت حبيبتى
لكن يامريم حتى لو فى حب بين الزوجين بكون فى خجل
يعنى مثلا ممارسة الرومانسية مع الزوج فى نظر السودانية عيب
بعدين مابتعرف تقدم نفسها لزوجها راضية مختارة حتى وان كانت ترغب
ومابتعرف تمارس ارق انواع انوثتها ودايما بتنتظر ان يبدا هو
بعدين كمان الزوج او الزوج السودانى بخيل فى مشاعره
مع زوجته لكن لو عرف وحده غير زوجته بتلقيهو يطلع رومانسية الدنيا
(وش مغيوظ من الرجال )
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
Quote:
النهاية كل واحد اخد ولد ماولدو وعمل ليه نقل ملكية والعندو ولد ماشرعي اكد شرعيته بالتسجيل الرسمي ..
|
ود القاضي
لا حوووووووووولااااااااااااااااااااااااااااا
متابع قدر ده
بالله قول لي بتشوف متين
(أنا غايتو شفت جزء من حلقة المستشفى مع الدكتور وتبرع نور لمهند فقط لا غير)
ونحن منتظرنك تشوف لينا هسه الاولاد ديل وين
كي جي ون واللا في المدارس
واللا يمكن خشوا جامعات
وطالعين شبه منو هسه
انا منظر يا ود القاضي
(وش متحير)
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: جمال السنوسي)
|
Quote: ونحن منتظرنك تشوف لينا هسه الاولاد ديل وين
كي جي ون واللا في المدارس
واللا يمكن خشوا جامعات
وطالعين شبه منو هسه
انا منظر يا ود القاضي
(وش متحير) |
جمال ..ازيك ...
ماتابعت المسلسل بعد ماانتهت لكن قطع شك بقوا هلالاب (وش كده خايف شكلة )
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
Quote:
النهاية كل واحد اخد ولد ماولدو وعمل ليه نقل ملكية والعندو ولد ماشرعي اكد شرعيته بالتسجيل الرسمي ..
|
ود القاضي
لا حوووووووووولااااااااااااااااااااااااااااا
متابع قدر ده
بالله قول لي بتشوف متين
(أنا غايتو شفت جزء من حلقة المستشفى مع الدكتور وتبرع نور لمهند فقط لا غير)
ونحن منتظرنك تشوف لينا هسه الاولاد ديل وين
كي جي ون واللا في المدارس
واللا يمكن خشوا جامعات
وطالعين شبه منو هسه
انا منتظر يا ود القاضي
(وش متحير)
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: جمال السنوسي)
|
منال...........ازيك ويمنل راسك
شفتى ليك زول بطعم ليه سمكة بعد يقبضها؟؟؟؟؟؟؟؟
لووووووووووووول..
قالت نور ومهند بالله؟؟
بعدين نور ما شبه البدللو..
يعنى دايرة مهند ده يدوه زى نور دى ويصرصر وشو؟؟
غايتو جنس حساده..
وازيدك فى الشعر بيت قالو خلا ليها التمباك الكان بريدو،،،
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: صديق الموج)
|
Quote: منال...........ازيك ويمنل راسك
شفتى ليك زول بطعم ليه سمكة بعد يقبضها؟؟؟؟؟؟؟؟
لووووووووووووول..
قالت نور ومهند بالله؟؟
بعدين نور ما شبه البدللو..
يعنى دايرة مهند ده يدوه زى نور دى ويصرصر وشو؟؟
غايتو جنس حساده..
وازيدك فى الشعر بيت قالو خلا ليها التمباك الكان بريدو،،، |
بس زكرتنى خالى لما اتزوج على زوجته
قال الواحد لو عندو جلابية واااحده مش بزهج منها(يعنى ده العزر)
يعنى انت قصدك السودانيات مابشبهو نور ولاشنو ياصديق ؟
(وش فتنه )
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: جمال السنوسي)
|
ود القاضي
لا حوووووووووولااااااااااااااااااااااااااااا
متابع قدر ده
بالله قول لي بتشوف متين
(أنا غايتو شفت جزء من حلقة المستشفى مع الدكتور وتبرع نور لمهند فقط لا غير)
ونحن منتظرنك تشوف لينا هسه الاولاد ديل وين
كي جي ون واللا في المدارس
واللا يمكن خشوا جامعات
وطالعين شبه منو هسه
انا منتظر يا ود القاضي
(وش متحير)
غايتو ياجمال ودالقاضى نفعنا كتير فى الحته دى
اها يافايز تابع (وش منتظر )
| |
|
|
|
|
|
|
|
|
 Re: ***** المشاهدة لغير المتزوجات فقط **** (Re: منال)
|
منال ازيك
علي اليمين يا منال انتي ظلمة السودانيين شديد
تقولي لي مسلسل نور!!
انا الرومانسية العندي بضربوا بيها المثل في السودان
ولمن جات مسلسل نور قال شفنا رومانسية اكتر عند اشرف
ده طبعا من البحكوه اهل زوجتي لاهلهم ومعارفهم
وكيف انو بهتم بكل صغيرة وكبيرة
وامكن السبب في كده انو الجو بارد عندنا
عشان كده الواحد اخلاقه ما بتكون في مناخيره
وامكن عشان عايش نص عمري في لندن
وبعرف الكثير عن الرومانسية
المهم يا حبوبة ما تظلمي السودانيين كلهم
لازم يكون في فلتات
وحوا والدة
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: ASHRAF MUSTAFA)
|
Quote: أحسن الما عرستهم ذاتو ! ( دائما ما تتكرر عندي ) !
كمية قصصي الغرامية قبل أن أمتلك قسيمة زواج ،
في نعيم الدنيا غرقنا وفي العسل إنغمسنا نتعاطى منه ما أحله الله لنا
في البداية
وفي الوسط
أصبح الحب بيننا وسيلة نعبر به الى تلك اللحظة (الفِطره) ،،
ونفوق منتسبين لي ناس الدنيا الجارية وطلباتها المتناثره
ودوماً نختلف في الرأي – هي تجذب الى هناك وأنا أسحب الى هنا
حتى الخروج العائلي الذي كنا نحلم به قبل الزواج ونتحدث فيه كثيراً- أصبح نقطة ممكن تحول خمسة ايامي بعده الى سفر جفاف وصحراء بدون مُعينات السفر – التخطيط لمستقبل الأسرة الصغيرة هو أكبر معضلة أثبتت جدارتها بيننا –
هي : هنا ما بسكن – أنا : هناك ما بسكن (هناك قريب من أهلها وأنا مُقتنع بـ المقولة السائده – ما تسكن الا يكون بينك وأهلها مشوار بي العربية ) دا مثال بس !!
من قبل كانت تسمع كلامي وبصراحة اسمع كلامها
تُرى هل للحب مدى ومســـافة أوجـ====سر لما بعد الزواج؟
يعني التغيير الكامل في الصفات والمجابده والنقه ( كما يقولون ) لماذا أصبحت موقنا ان الزواج برميل أوله شهد وآخره زفت ) ما ألومها إن هي أيضاُ إقتنعت بهذه المقولة
أصبح من حولنا هم همنا – أصبح همنا الأهل والأطفال ناسين ما بيننا وأنه كان أصل الحكاية !
أصبحت أحن الى قصص غرامي الفاتت - متنقلاُ بين عباراتـه ومشاهده ولقطاته الرائعه ! وأحلى ما قيل فيه هو ما أجد فيه ما ينقصني !
تستهويني كل أغاني وعبارات الشوق والوله والحب والقصص الرومانسية حتى أني أبحث عنها في خيالي عند كل متزوج قُربي سكناً وعلاقه ! ( كيف كانت عندهم ) فحسن بتاع البقاله متزوج ! وعبد الله الموظف جواري متزوج ! هل يمرون بما امر به انا ؟
اصبحت ارشح نفسي لكل من عبرت أو قاربت الأربعين فقيل عنهن انهن أكثر النساء ولعاً بالرجال وبحثاً عنهم ! فالجزء الاخير لديهن قد بدأ !!
لا أرشح نفسي لكلهن بل لمن تملك مقومات مادية دنيويه تُعين على أن اجد عندها ما أنشده لا أضيف حمولة على حمولتي ! فأحلم بشراكه أساهم فيها برأس مال أملكه !
أحياناً كثيره أسأل عن صاحبة حب قديم فيني وأين سار بها الزمن ، وحجتي هي العشرة القديمة وحيلة أقنع بها نفسي فقط .
أصبحت نصيحتي لكل عاشق أن لا ترتبط بمن تُحب ،، ففي الحياة بعد الزواج ما يختلف كلياً عن ما قبله ،
هل أسير الى ما فيه راحتي ام هذه خطرفات ومنحنى يمر به كل المتزوجين ! ام تراه الزمن وحوائجه وضـغـوطـاتـه !
سأزيل ما جد في خاطري ( بأن إمراءة واحده لا تكفي ) ،،
لسبب : هي إذا رأت ذلك ( رجل واحد لا يكفي العمر )
حالياً .......
قررت ان أمشي به بين الناس ( زواجي )
التوقيع ...
المتزوج حالياً
|
أختنا منال
الكلام الفوق دا !!!
دا من كراس جاراً لينا - في بوست قبل أيام
هشام
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: ASHRAF MUSTAFA)
|
Quote: منال ازيك
علي اليمين يا منال انتي ظلمة السودانيين شديد
تقولي لي مسلسل نور!!
انا الرومانسية العندي بضربوا بيها المثل في السودان
ولمن جات مسلسل نور قال شفنا رومانسية اكتر عند اشرف
ده طبعا من البحكوه اهل زوجتي لاهلهم ومعارفهم
وكيف انو بهتم بكل صغيرة وكبيرة
وامكن السبب في كده انو الجو بارد عندنا
عشان كده الواحد اخلاقه ما بتكون في مناخيره
وامكن عشان عايش نص عمري في لندن
وبعرف الكثير عن الرومانسية
المهم يا حبوبة ما تظلمي السودانيين كلهم
لازم يكون في فلتات
وحوا والدة |
قلت لى قالو شفنا رومانسية اكتر عند اشرف ؟
معناها انت بتمارس رومانسيتك قدام الناس
والبجهر برومانسيتو وحبه لزوجته قدام الناس
ده لما ينفرد مع زوجته بطلع ليها قرونو
يعنى قدام الناس بس (وش اتغاظ منك )
نورتنى يا اشرف وماتغيب ..
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
Quote: قلت لى قالو شفنا رومانسية اكتر عند اشرف ؟
معناها انت بتمارس رومانسيتك قدام الناس
والبجهر برومانسيتو وحبه لزوجته قدام الناس
ده لما ينفرد مع زوجته بطلع ليها قرونو
يعنى قدام الناس بس (وش اتغاظ منك )
نورتنى يا اشرف وماتغيب .. |
اها تاني ظلمتيني يا منال
انتي ما تعاملي الناس بالظاهر
القصة وما فيها انهم شافو سلوكياتي واحتكوا بي كتير
وارسلت دعوات وزيارات
وهي بنفسها بتحكي ليهم
ولمن يكون في مناسبة مثلا بنكون محتفلين في البحر او خلافه
وفعلا بنتصل بيهم ونخبرهم
بعدين انا بتصل بالسودان كتير
وبتصل بكل الناس باستمرار
لكن ما عشان اوريهم ولا حاجة
فقط عشان صلة الرحم والاطمئنان علي الجميع
ولو لاحظتي كلامي في المنبر
مافيه لف ولا دوران
يعني لو بظلم زوجتي والله اقولها بدون خوف
لكن ما تفتكري عشان ذكرت الموضوع هنا معناها رياء
الموضوع فقط عشان اوضح ليكي ما تظلمي السودانيين ساكت
ولو ما وضحت انتي ما حاتفهمي
وانا طبعا ما زعلان من انك متغاظة
لانو ليكي الحق تتغاظي مني وتفتكري انا كلام ساي
وده من حقك واحترم رايك جدا
لكن رايي السودانيين لا يمكن ان تقارنيهم بالاتراك او غيرهم
بس مرات عشان السخانة والمشاغل الكتيرة الناس بتكون وضعها متغير
لكن عموما السودانيين لو اتيحت لهم الامكانيات
ممكن يصبحوا اكتر رومانسيين في العالم
وقليل من التوعية والتعليم ايضا يفيد
معليش لو ذكرت ليكي نفسي وخليتك تفهميني غلط
لكن قصدت اضرب ليكي مثال انو الموضوع ده مهم جدا
ولا يمكن للرجل اهماله فالمراة لا تستحق الاهمال
وامكن مرات بخوني التعبير
لكي ودي الاكيد
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: ASHRAF MUSTAFA)
|
Quote: اها تاني ظلمتيني يا منال
انتي ما تعاملي الناس بالظاهر
القصة وما فيها انهم شافو سلوكياتي واحتكوا بي كتير
وارسلت دعوات وزيارات
وهي بنفسها بتحكي ليهم
ولمن يكون في مناسبة مثلا بنكون محتفلين في البحر او خلافه
وفعلا بنتصل بيهم ونخبرهم
بعدين انا بتصل بالسودان كتير
وبتصل بكل الناس باستمرار
لكن ما عشان اوريهم ولا حاجة
فقط عشان صلة الرحم والاطمئنان علي الجميع
ولو لاحظتي كلامي في المنبر
مافيه لف ولا دوران
يعني لو بظلم زوجتي والله اقولها بدون خوف
لكن ما تفتكري عشان ذكرت الموضوع هنا معناها رياء
الموضوع فقط عشان اوضح ليكي ما تظلمي السودانيين ساكت
ولو ما وضحت انتي ما حاتفهمي
وانا طبعا ما زعلان من انك متغاظة
لانو ليكي الحق تتغاظي مني وتفتكري انا كلام ساي
وده من حقك واحترم رايك جدا
لكن رايي السودانيين لا يمكن ان تقارنيهم بالاتراك او غيرهم
بس مرات عشان السخانة والمشاغل الكتيرة الناس بتكون وضعها متغير
لكن عموما السودانيين لو اتيحت لهم الامكانيات
ممكن يصبحوا اكتر رومانسيين في العالم
وقليل من التوعية والتعليم ايضا يفيد
معليش لو ذكرت ليكي نفسي وخليتك تفهميني غلط
لكن قصدت اضرب ليكي مثال انو الموضوع ده مهم جدا
ولا يمكن للرجل اهماله فالمراة لا تستحق الاهمال
وامكن مرات بخوني التعبير
لكي ودي الاكيد |
خلاص با اشرف بتديك استثناء
اها فى واحد كده عايزه ارسلو ليك
تديهو لي درس درسين ,,,,
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: ASHRAF MUSTAFA)
|
Quote: السوداني الرومانسيه حقتو مختلفه عن باقي خلق الله ,,, يحسها وتحسه وتحس ناقته بعيره,,
و لا يتعاطها كاشياء ملموسه او مسموعه ( ممكن تتشمه بس ) |
\
كـع
أتفق تماما معاك وأعتقــد أننـا في الســودان ما زالت
تشــغلنا مقومات الحياة الأسـاسـية قبل الزواج أما بعده فتسـتمر
في ( شراء الأرض , قفة الملاح علاج الأولاد وقرايتهم , بناء البيت .... الخ )
والزوجـة يصبح همهـا تأمين المســتقبل وتبدأ نقـة الدهب
والبيت ,والخـوف على الزوج والأولاد من كترة حبهــا
ما دامت الحياة اليومية هاجسـنا حنلقى نفس للرومانسـيات من وين
و كدي بنصاب بجفاف وتصحـر في التعبير وليس في المشـاعر
ودا من الجانبين ,
عارفـة يا منال عندنا واحـد صديقنـا قام حب بت الجيران
حب شــديد , بس ما يرجـع البيت تلقيهـو متعلق في الحيطـة
وهي واقفـة بهنالك وهاك يا نقــة وتزوجهـا
بعـد 15 ســنة زواج قابلوا واحـد صاحبو ســألوا
( ياخي بالله لســع بتحبهــاذي زمان , اليوم كلو متعلق في الحيطة )
رد عليهـو ( ياخي ,, انت قايلني أنـا خـواجا , كمان قول لي
بتمشـو ترقدو في الشـاطي تحت الشمس وتتونســوا )
يا منال لما نرتقي في سـلم التطـور ونصـل قمـة هـرم ماسـلو
وقتها سـوف تأتينـاالرومانســية منقــادة
تعديل قايلين الى قايلني
(عدل بواسطة عبدالله احيمر on 08-09-2009, 02:54 PM)
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: عبدالله احيمر)
|
Quote: عارفـة يا منال عندنا واحـد صديقنـا قام حب بت الجيران
حب شــديد , بس ما يرجـع البيت تلقيهـو متعلق في الحيطـة
وهي واقفـة بهنالك وهاك يا نقــة وتزوجهـا
بعـد 15 ســنة زواج قابلوا واحـد صاحبو ســألوا
( ياخي بالله لســع بتحبهــاذي زمان , اليوم كلو متعلق في الحيطة )
رد عليهـو ( ياخي ,, انت قايلين أنـا خـواجا , كمان قول لي
بتمشـو ترقدو في الشـاطي تحت الشمس وتتونســوا )
يا منال لما نرتقي في سـلم التطـور ونصـل قمـة هـرم ماسـلو
وقتها سـوف تأتينـاالرومانســية منقــادة |
حالتو ده سالوهو بعد15ستة
لكن حسى بس ايام شهر العسل
وكل واحد يدى التانى ضهرو ..
مودتى ياعبدالله ..
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: منال)
|
Quote: خلاص با اشرف بتديك استثناء
اها فى واحد كده عايزه ارسلو ليك
تديهو لي درس درسين ,,,, |
منال درســك أنتي ح يكون ويـن ( بامــانة ),
لأنــو انــا عـــارف واحــــدات كتار
و عاوزن يحضــرن معـاك
( مجموعة بتكون الرسـوم أقـل )
| |
|
|
|
|
|
|
|
|
|
Re: ***** المشاهدة لغير المتزوجات فقط **** (Re: عبدالله احيمر)
|
الأستاذة / منال
تحية طيبة
من الناس من يؤمن بأن هنالك ساعات صفاء مشرقة في حياته ، وهي ساعات
يحب فيها الإنسان حبيبا ، وتشرق نفسه فيها . ساعات يدعوها بعض الناس
ساعات التجلي والرومنسية ، وانا أدعوها ساعات الصفاء .
ما أحب هذه الساعات إلى نفسي ، وليتها تشرق في حياة الناس أجمعين
لكي مودتي واحترامي
وإلى الملتقى
| |
|
|
|
|
|
|
| |
Abdlaziz Eisa
محمد الجزولي
عبدالله كع
فايزودالقاضي
محمد أبوالعزائم أبوالريش
مريم بنت الحسين
جمال السنوسي
صديق الموج
ASHRAF MUSTAFA
Hisham Ibrahim
العوض المسلمي
فيس بوك
تويتر
انستقرام
يوتيوب
بنتيريست