كتب الكاتب الفاتح جبرا المتوفرة بمعرض الدوحة
|
|
 العلاقة بين بقرة عباس (زول ساكت) ولاعب المريخ وارقو !!
|
اخونا عباس زول ساكت عضو المنتدى اووول حاجة سلامة العودة من الإجازة في السودان ..
وفي زيارة خاطفة مني عشان امشي اسمع ونسة العائدين حقت السودان بقا فيهو شوارع ظلط وشوفت الصينية بتاعت شارع هناي ديك شاااالوها ويا زول والله البلد ماشة ماشي عمارات سااااي والناس شغالة تبني ..الرواتب اتصلحت السودان بقا سمح يا عمر لكن عايز جري .. والعجب اللبس اوووو البنات بقن يلبسن لبس غريب ..
فاجأني عباس بحكاية مغاييرة تمااااما فلا جاب لي سيرة سودان ولا جاب لي سيرة شوارع ولا يحزنو ..
قصة واااااحدة بس خلتني اضحك من ما سمعتها ولحدي اسة وربما يمتد الضحك شهر لي قدام ..
جات سيرة وارغو ونحن بنحضر في هلال خرطوم تلاتة فجأة عباس ضحك وقال لي ياتو وارغو ؟ وارغو حق المريخ ولا وارغو البقرة ؟
ما فهمتو ..
قال لي لالالالا عشان نحن في الجزيرة هناك عندنا اتنين وارغو ..
قال لي عندو ود عمو اشترى ليهو بقرة قبل شهرين كده من لاسوق وفي مزاد ..
البقرة سعرها وصل لي مبلغ خياااالي كأغلى بقرة تتباع في سوق يوم الإتنين وظفر بيها ود عم عباس ومشى بيها البيت فرحااان والحلة كلها تتكلم عنها ..
بقرة سميينة وامييينة ماشاء الله عليها ..
اها قووووووومي يا البقرة طلع ما فيها لبن والبتحلبو بستلة صغيرووونة ما بتملاها كل يوم يقول بكرة بكرة بكرة ..ولحدددددي اسة البقرة رطلين ما حلبتهم ..
برااااهو سيد البقرة الاشتراها مشا ليها فييي زريبتا وقعد يتكلم معاها وقال ليها والله انتي مااا بقرة انتي اظنك وارغو ..قروشك كتيييرة ولبنك حببببة :)
حالياً البقرة دي أشهر بقرة في حلة ناس عباس وماف زول بيعرفا الا بي وارغو ...
|
|
 
|
|
|
|
|
|
|
|
Re: العلاقة بين بقرة عباس (زول ساكت) ولاعب المريخ وارقو !! (Re: عمر الفاروق)
|
وارغو دا تطير عيشتو
هنا مطلعنو بقرة وحسين ملاسي طلعو بطة
الناس حقو تصبر على المحترف وما تستعجل وارغو دا اكيد مكسب
يعني ممكن في اي لحظة يفتح
في الممتاز قال انتظروني في سيكافا
سيكافا راحت قال انتظروني في الابطال واحتمال يجي منو
اها هسه بقرة صاحبك دا مش ممكن تكون بتنتج جبنة
شوف رطل اللبن بكم وشوف كيلو الجبنة بكم ؟
ما تستعجلوا ياجماعة اتريثوا دايما
التوقيع :
ضكر البط
| |
|
|
|
|
|
|
|
|
|
Re: العلاقة بين بقرة عباس (زول ساكت) ولاعب المريخ وارقو !! (Re: عبدالله كع)
|
وارغو ..مشبهنومن قبل ب محل فى الخرطوم2 شرق القوصى,,,هذا المحل فتحوه اى حاجة ما نفع
والمحلات الجنبو شغالة قرف,,,,اها صاحب المحل اطلق عليه اسم وارغو,,,
لكن ياعمر وارغو دا يقوم يجيب قون فى الهلال,,اما انشلت رجلو,,او علق من الفرحة
عموما الزول دا خالتو معانا هناك,,وهو خاطب بنتها,,,لو ادونا ليه اعارة للاهلى ابقوتة
يكونو ما قصروا,,,
تسلم
هااااااااااااك وارغو دا,,,هاك اوكامبو دا اشهر مداعبة للرئيس مع مواطن
فى مباراة المريخ والنيل الاخيرة,,لو ما طلع وارغو,,كان المريخ طوى
ملف دورى 2011
تحاتى
| |
|
|
|
|
|
|
| |
عمر الفاروق
وليد محمد المبارك
محمد عبدالرحمن
فيصل نوبي
عبدالوهاب علي الحاج
اساسي
عبدالله كع
abuguta
haroon diyab
ارصد محمد جلال
الطيب رحمه قريمان
فيس بوك
تويتر
انستقرام
يوتيوب
بنتيريست