|
Re: أحمد هارون يقرر تخفيض راتبه الى أربعة ملايين جنيه (Re: فتحي الصديق)
|
Quote: علما بأن راتب الحاكم كان أربعة عشر مليون جنيه.وراتب نائبه كان ثلاثة عشر مليون جنيه. |
يعني يا فتحي
26 حاكم ضرب اربعة عشرة مليون
زائد
26 نائب ضرب تلاتة عشرة مليون
زائد
26 ضرب سبعة وزراء ضرب عشرة مليون
زائد خرتمائة معتمد ضرب ستة مليون
نحن محتاجين ميزانية
قدر ميزانية مدن ابليس في مثلث برمودا
غايتو الله في
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: فتحي الصديق)
|
Quote: زائد خرتمائة معتمد ضرب ستة مليون |
جلجغمائة يارجل لان خرتمائة هو عدد الوزراء وهو اقل من عدد المعتمدين! اربعة ملايين فوق الطاولة وعشرين مليونا تحت الطاولة ليصبح الناتج اربعة وعشرين مليونا بالتمام والكمال وبذلك يتم ضرب اهل كردفان على راسهم بجزمتهم! اكبر اهانة لأهل كردفان تولية أحمد لاهاى على فرسان شيكان! جنى
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: فتحي الصديق)
|
أخوي فتحي
بطل حسد.
يعني شنو (24) مليون جنيه راتب حاكم إقليم قدر الدنيا وكما جزء من كردفان الغره أم خيرا بره.
تعرف المبلغ دا أقل من راتب أي واحد هلفوت وكمان مدير إدارة بس في شركة اي كلام.
أظن المشكلة الحقيقية مش في الراتب، ولكن في المخصصات الأخرى... سيارات فارهه للبيه والمدام والأطفال والخدم والحشم.
والسكن المريح المؤثث، المدارس الخاصة، العلاج المجاني ...... وهلمجرا ....هذه واحدة، الأخرى هي هل الإنتاجية المطلوبة
مقابل هذا الراتب فعلا هي بما يرضي الله ورسوله.
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: فتحي الصديق)
|
.. .
Quote: علما بأن راتب الحاكم كان أربعة عشر مليون جنيه. وراتب نائبه كان ثلاثة عشر مليون جنيه |
يعنى من 6 الف دولار الى 2 الف دولار .. بعتبرها معقولة لحاكم انا بعتقد عمدة نيويورك بياخد اضعاف المبلغ دا ..
___________
غايتو يا احمد هرون انا شايف لو طبقت سياسة الطاهر ايلا وعفيت نايبك دا وكل الوزراء والمحافظين والمعتمدين واخدت كل مخصصاتهم وصبتتها فى التنمية من مياه وكهرباء وتعليم وصحة ودورت الشغل دا براك حتى الانتخابات بتكون انجزت شئ ولو قليل ..
والله اعلم؛
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: Tabaldina)
|
Quote: غايتو يا احمد هرون انا شايف لو طبقت سياسة الطاهر ايلا وعفيت نايبك دا وكل الوزراء والمحافظين والمعتمدين واخدت كل مخصصاتهم وصبتتها فى التنمية من مياه وكهرباء وتعليم وصحة ودورت الشغل دا براك حتى الانتخابات بتكون انجزت شئ ولو قليل ..
والله اعلم؛ |
اسجل اعجابى بخطوة السيد الوالى أحمد هارون والكلام الفوق دا برضو خطوة ثورية اذا اتنفذت ..
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: عابدون محمد عابدون)
|
Quote: اسجل اعجابى بخطوة السيد الوالى أحمد هارون |
نحن برضو كمان يا أخي نسجل اعجابنا به وبخطوته المباركة هذه...مع الأمنيات الغاليات أن تتمدد هذه الخطوة أفقيا لتشمل بقية زملائه واللي تحتهم واللي فوقم من رئيس ورئيس وزاء ونواب رئيس ووزاء ووزراء دولة مركزيين . ووزراء اقليميين ووزراء دولة اقليميين ومعتمدين ...وبقية الأخوة الكرام. كذلك نتمنى أن تتمدد الخطوة راسيا لتشمل المخصصات والسيارات والعمولات والشركات والبدلات بما فيها بدل الموبايل .
| |
|
|
|
|
|
|
Re: أحمد هارون يقرر تخفيض راتبه الى أربعة ملايين جنيه (Re: Tabaldina)
|
Quote: انا بعتقد عمدة نيويورك بياخد اضعاف المبلغ دا |
دي نيويورك يا تبلدينا.. نحن لسة بنتكلم عن مكافحة الناموس واجلاس التلاميذ ..قرأت قبل سنوات دراسة أشار كاتبها ألى أن نسبة التسرب الدراسي في مرحلة الأساس في تلك الولاية تحديدا قد تجاوزت التسعين بالمائة ممن هم في سن الدراسة..
| |
|
|
|
|
|
|
|