|
هل كانت مباراة الأمس بين المريخ السوداني والنيل اليوغندي؟
|
تابعت بالأمس ومن خلال الإذاعة التحليل الفني للشوط الأول بين المريخ والنيل على لسان عبد الرحمن عبد الرسول ومدرب اسمه خالد على ما اعتقد.. من خلال التحليل للشوط الأول شعرت ان المباراة مباراة تنافسية افريقية وليست في الدوري الممتاز باعتبار الإنحياز الواضح للمريخ على حساب النيل الحيصاحيصا .. النيل كان متقدم بهدف في الشوط الأول فكان عبد الرحمن عبد الرسول والمدرب يشنون هجوم على فريق المريخ وكللل التحليل عن كيفية امكانية رجوع الفريق في الشوط الثاني وكيف يقوم المريخ بتغيير اللاعبين في الهجوم ليتمكن من ادراك التعادل ومن ثم تحقيق الفوز .. عبد الرحمن عبد الرسول كان منزعج جداً جداً لم يتحدث عن فريق النيل وأنه احد فرق الممتاز والمباراة مباراة محلية لا انحياز فيها فصار يحلل اداء المريخ عيوب المريخ ومميزات المريخ المدرب والاخطاء وو ووو ووو وو وو.
|
|
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: وليد محمد المبارك)
|
شاهدت مباراة الهلال والخرطوم والحكم يا وليد ظلم الهلال اكتر من الخرطوم تلاتة بي اللعب العنيف اللي تعرض ليهو لاعبين الهلال ولو كانت هناك غلطة للحكم ففعلاً هو نقض ضربة جزاء للخرطوم تلاتة واضحة وده بيحصل عااادي يا عمك في كورة القدم والنتيجة اظنها كانت 2-صفر لحظة المخالفة دي .. يا وليد امبارح عبد الرحمن عبد الرسول كان بيزببببد عديييل كده وهو بيتكلم عن المريخ .. بالمناسبة اتكلم عن حاجة بتهمك وهي تغير الحارس بين كل مباراة والتانية وكيف انو حافظ كان اساسي في كورة كانو وجاء اكرم عشان يعلب اساسي في كورة امبارح فهل دي حا تعمل احباط لي حافظ بافتراض انو هو كان السبب في خسارة المريخ حسب قول الجمهور وفي نفس الوقت ترجع الثقة لي اكرم بافتراض الاشاعة اللي طلعت وانو مازدا ومن يوم السبعة اياها واكرم ومازدا الود بيناتهم مفقود ..؟ انا عارف يا وليد السودان كلو هلال مريخ وان كانت النسبة 2 الى واحد فكل هلالبيين قصادهم مريخابي لكن عبد الرحمن والله سرح وانا متأكد هو امبارح بيتكلم وناسي انو النيل فريق دوري ممتاز..
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: khaleel)
|
عمر الفاروق سلامات انا ما حضرت الكوره لكن تلفون من السودان اكد ان مباراة امس كانت فى المصارعه وليست كرة قدم ضرب بكره و بدون والحكم يتفرج والتلفون خبرنى انو اكرم ضرب بدون كره لاعب حتى سالت دمائه وده اثناء الكره وبدون كره والغريب الحكم انذره بياتو قانون ؟ وعندما شاهد الجهاز الفنى هذا حرك الحارس الاحتياطى حافظ للاحماء ظانا ان الحكم طارد اكرم طارد اكرم ( هلا فعلا يا عمر الكلام ده حصل ) .... واذا حدث فعلى كرة قدم فى السودان مليون سلام
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: عمر الفاروق)
|
Quote: بالمناسبة اتكلم عن حاجة بتهمك وهي تغير الحارس بين كل مباراة والتانية وكيف انو حافظ كان اساسي في كورة كانو وجاء اكرم عشان يعلب اساسي في كورة امبارح فهل دي حا تعمل احباط لي حافظ |
بي مناسبه حافظ دي ياعمر ..ما ملاحظ انو مازدا قال ليهو قوم سخن بعد هدف المريخ التعادلي !!اها اكرم دا شكي من اصابه لي مازدا ولا مازدا اتيقن من طرد اكرم بعد البلطجه العملا في لاعبي النيل !!
كورة امبارح فيها مهزله تحكيميه غريبه والحكم دا حا يتوقف اكيدلانو ضعيف الشخصيه وعكس حالات كتيره جدا لصالح المريخ وصرف ضربتي جزاء اوضح من الشمس (ريتشارد-سفاري)
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: Maawya Hussein)
|
يا عمر الامس دي ما كانت كورة كانت بلنجات أو مصارعة اللعيبة إحتكو مع بعض بدون كورة بطريقة غريبة الشوط الاول فيهو 5 دقائق زمن بدل ضائع و التاني نفس الحاجة الحكم ما كان عنده أي شخصية و لا اي اساسيات تحكيم في ضربتين جزاء للنيل ما حسبهم كل ما يكون في هجمة علي المريخ الحكم يصفر و يعمل فاول ما أظن الزول ده يواصل لقدام بعد الكورة ما إنتهت أكرم الهادي إحتكـ و إشتبكـ مع حارس فريق النيل بالايدي و لعيبة المريخ حاولو الاعتداء علي لعيبة النيل و لعيبة النيل حاولو الاعتداء علي الحكم ( وده كان يستاهل) .. بعد ما الكورة انتهت الناس دي كلها مرقت من الميدان بالبوليس و اما كاميرا الـ ART
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: عمر الفاروق)
|
دا راي صحفي مريخي (علم الدين هاشم) في مستوي التحكيم ونقضه ضربه جزاء للنيل (عمل نايم من التانيه مع اهنا اوضح)
Quote: لم يقصر المدرب مازدا واستجاب لكل صيحات الغاضبين فى اعلام المريخ فادخل فى التشكيلة من طالبوا بادخاله وابعد من نادوا بابعاده ورغم ذلك جاء الفوز على النيل بعد ولادة متعثرة فى مباراة شابها التوتر بسبب التحكيم الضعيف الذى كاد ان يشعل فتيل الشغب بين اللاعبين لولا حكمة اعضاء الاجهزة الفنية والادارية فى المريخ والنيل حيث تساهل الحكم مع مسلسل العنف واللعب على الاجسام وفلت زمام القيادة والسيطرة منه اكثر من مرة خلال مجريات الشوط الثانى مما ادى الى ان تمتد المباراة لاكثر من خمسة دقائق بعد انتهاء زمنها الاصلى كما انه جامل المريخ فى الشوط الثانى عندما تغاضى عن ضربة جزاء صحيحة للنيل من المخالفة التى ارتكبها سفارى داخل منطقة الجزاء وهو يلامس الكرة بيده بصورة واضحة ،، عموما ان التجربة كانت قاسية على المريخ و جماهيره قبل ان ينتفض نجومه فى الشوط الثانى ويقلبوا الطاولة فى وجه تماسيح النيل بفضل تحسن الاداء وبعد ان عادت الحيوية لوسط المريخ ولاطرافه خاصة الجهة اليسارية التى اشعلها عبد الكريم ( الساخن ) بتحركاته التى ازعجت دفاع النيل ولم يجد وسيلة للحد من خطورته سوى تعطيله بالعنف الزائد حتى توج ادائه المميز بهدف ثالث حفظ للمريخ انتصاره فى هذه المباراة ،، النتيجة الايجابية كانت مطلوبة وهامة للمريخ حتى يسترد ثقة جماهيره ويتأهب لمواجهة زيسكو الزامبى فى المباراة الافريقية القادمة ،، اعتقد ان المريخ كان افضل حالا من مبارياته السابقة سواء على المستوى المحلى فى الدورى الممتاز او مقارنة بادائه امام كانو النيجيرى فى المباراة الماضية ،، نقول ذلك رغم الاخطاء التى تكررت من بعض المدافعين فى الشوط الاول وادت الى تأخر الفريق بهدف كرنقو الذى يتحمل مسؤوليته اكرم الهادى قبل زملائه فى الدفاع وهى اخطاء ستظل تهدد المريخ فى مبارياته القادمة اذا لم يجد مازدا علاجا لها باعادة الدفاع للفورمة المطلوبة ،، واعادة النظر فى مشاركة كليتنشى كلاعب اساسى حيث كان بالامس خارج الشبكة رغم مشاركته فى ترجيح كفة المريخ بالهدف الثانى |
Quote: كما انه جامل المريخ فى الشوط الثانى عندما تغاضى عن ضربة جزاء صحيحة للنيل من المخالفة التى ارتكبها سفارى داخل منطقة الجزاء وهو يلامس الكرة بيده بصورة واضحة ،، |
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: وليد محمد المبارك)
|
Quote: وضرت معز لمهاجم الخرطوم بعد ما مسك الكورة
دي ما بتشوفوها |
مافي اي مقارنه ياوليد بين لعبه مشتركه بين مهاجم وحارس..وبين حارس يكون بضرب اكتر من لاعب والكوره اصلا واقفه (لاحظ بعد انسحاب لاعبي النيل لاعب النيل جابتوا لكاميرا فيها دم ) لو داير تعمل مقارنه بين الحالتين قارن بعد انفراد علاء الدين بابكر بي اكرم في الشوط الاول وبين حالة المعز لو دي بتستحق طرد ديك بتستحق بلنتي وطرد
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: وليد محمد المبارك)
|
طيب يا وليد من الصور دي وين الفاول بالتحديد !! علاء الدين ما ضرب اللاعب ..رجل اللاعب لامست علاء الدين وتماها بي نطه مسرحيه ..
الحته التانيه انت قلت اللاعب منفرد شوف اللاعب رقم 23 من الهلال وين !! دا غير انو الصوره من زاويه واحده يعني لوجبت الزاويه الشمال لدفاع الهلال حا تلقي لاعبين اقرب للمعز من لاعب الخرطوم ولاعب الهلال رقم 23
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: Maawya Hussein)
|
الليلة يا معاوية بحددها معاك عديييييييييييييييل
هاك شوف الصور دي بالتفاصيل
الصورة الاولى فيها حركة ارجل علاء الدين عند الدخول
الرجلين (1) و (2) كانو الاتنين ثابتات في الارض
الصورة التانية
الرجل (3) شابته في الارض الرجل (4) اتحركة الى الاعل للاعاقة
الصورة الثالثة
الرجل (5) تحركة الى الاعلى بعد ان كانت في الارض في اللقطة اثنين لانه علاء الدين عرف انو اللاعب طلع من مدى رجله الاولى
الرجل (6) لسع في السما
السوال الواضح
ليه علاء الدين حركة رجل الشمال من مكانها في الارض ولاحظ انو الكورة كانت مافيشة وكراعة كانت في الارض
حركها عشان يسوي بيها شنو ؟
بلنتي وكرت احمر
| |
|
|
|
|
|
|
Re: هل كانت مباراة الأمس بين المريخ السوداني والنيل اليوغندي؟ (Re: عمر الفاروق)
|
رجع اللقطه كم مره ياعمر وشوف ...اوضح دي ياوليد ولا حقة ريتشارد !! شوف لاعب النيل بعد ما اتخطي ريتشار البطيء ريتشارد جر اللاعب من الفنيله لحدي ماوقع ..البيستحق الطرد ريتشارد ولا علاء الدين !! نخلي بلنتي سفاري ..
قبل كدا قلت لي هيثم بيستحق الكرت الاصفر في مباراة المريخ الاخيره للاعتراض علي قرار الحكم ..رايك شنو يا وليد في حالة الدافي امبارح !! اعتراض وجدع كوره للحكم وهو اصلا عندو كرت اصفر !! الدافي بيستحق الطرد ولا لا !!! اكرم بيستحق الطرد ولا لا !!
| |
|
|
|
|
|
|
|