|
كتب الكاتب الفاتح جبرا المتوفرة بمعرض الدوحة
|
|
 Re: شوو يا خليل بتضربو البنت عشان لابسة بنطلون (Re: khaleel)
|
| Quote: وكيف افهمهم حكاية النظام العام دي |
** الباشمهندس خليل..
## عشان يفهموا حكاية النظام العام تعزمهم شيشه ومعاها قهوه مُدنكله أو شاى كُشرى :-
** النظام العام عندنا يعنى زى (جماعة الامر بالمنكر والنهى عن المعروف ) (وأنا قاصدا إنها تكون كده) وهم فرع من الشرطه ,, أُستحدث بعد أن دخل إلينا الاسلام فى يونيو 1989 وهم فئه من العساكر يتم إختيارهم بعنايه من الفاقد التربوى ويتلقون تدريباً بحيث أن يُعامل جمهور الشعب الفضل بإعتباره عدو يريد أن يهدم دولة الاسلام التى ظهرت فى التاريخ المذكور (وهم يشبهون جنود الامن المركزى الذين يتم إحضارهم من صعيد مصر ونسبة الاميه بينهم 99.9%) ..
## التمهيد الفوق دا مهم جداً ..
## نزل ليهم حجر شيش تانى :-
** وبما أن العساكر ديل مُتلقيين تعليمات وينفذوها بحذافيرها :- فأى واحد ماشى اوقاعد فى مكان عام ومعاهو واحده بغض النظر عما إذا كانت أخته ,, زوجته ,, قريبته ,, خطيبته فهو مُنتهك لقانونهم وفى حالة خلوه غير شرعيه على حسب قانونهم اللاشرعى.. (وهنا البخارجو منهم إما يكون منهم اى مُنظم ,, او يكون شايل معاهو قسيمة الزواج "علماً أن قسيمة الزواج لاتوجد به صورة الزوج والزوجه"
** الاحتمال الثانى أن يتخارج يقوم يزبلم "ولشرح يزبلم" يلزمك تُرجمان..
** اما إذا كانت البنت لابسه بنطلون ,,او شعرها كاشف ,, فيعتبر ذلك من الكبائر الى تستوجب جرجرتها الى أقسام الشرطه والتشهير بها كأنها إرتكبت جريمة الزنا..
** وهذا هو اللانظام واللاقانون التى تطبقه شرطة النظام العام والتى تُخالف النظام العام الذى حدده دستور البلاد والذى أصبح حبر على ورق ,, وغير معمول بنصوصه..
## أها ناسك ديل كان مافهموا بعد دا أعمل ليهم تأشيره لدولة سازونيا الاسلاميه الجديده وخليهم يسوقو زوجاتهم معاهم عشان يكون تطبيق بيان بالعمل وعلى الطبيعه.... بعد داك بيفهموا !!!! ها ها ها ها ...
(ودام الود بيننا)
(ابو محمد فؤاد) - الماكيكى...
(عدل بواسطة عبدالكريم أحمد الامين on 08-05-2009, 06:28 PM)
| |
 
|
|
|
|
|
|
|
 Re: شوو يا خليل بتضربو البنت عشان لابسة بنطلون (Re: Mohammed Haroun)
|
خلّي يا عمك
سالني عمر زميلنا الاماراتي قال سمع في اذاعة الشارقة المذيعة علّقت على الموضوع وقالت من وجهة نظرها اللبس محتشم
فقام فتش النت ولما شاف الصورة قال برضو اللبس محتشم جدا و "الشيلة" كبيرة خالص , انتو السودانيين لازم تلبسو الحريم "الشيلة العودة" - قصدو التوب - ولاّ كيف؟
اتحيّرت طبعا ما عرفت اقول ليه شنو؟
في النهاية اضطريت اعمل ليه فيها شمايل النور و شبكتو ليك القصة ما البنطال ما البنطال وشيئ آخر غير البنطال
و سياسة وامم متحدة واستهداف و بتاع لمن اقتنع
احمد الفاضل اتعوّق ياخ وسيدا جاب ليه قون سينما من فاول برة الخط
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: محمد البشرى الخضر)
|
لزمن قريب جداً لبس البنطلون مستهجن في السودان..
وحسي نص المناصرين لبنى الآن قد لا يسمحون به لبناتهم.. لكن دي ما القضية..
القضية هي تراكمات من الإذلال للنساء بصورة لم تعتد عليها الفتاة السودانية، على الرغم من انها تتعرض لها منذ 1989... ولهذا وقفت لبنى ومعها جميع البنات...
لكن البنطلون.. نقاشه مختلف...
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: khaleel)
|
Quote: في النهاية اضطريت اعمل ليه فيها شمايل النور و شبكتو ليك القصة ما البنطال ما البنطال وشيئ آخر غير البنطال
و سياسة وامم متحدة واستهداف و بتاع لمن اقتنع
ود البشري
ممكن نقول ليهم القصة لها علاقة بالانتخابات وتسجيل النقاط ونرتاح
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: khaleel)
|
والله ياخلى انا هنا مزرزرة اكتر منك....
وخصوصا نحن هنا53 جنسية من كل القارات ..الاديان..الثقافات..
والمؤسسة بتاعتنا فلسفتها كلها قايمة على الدايفرستى..
بما اننا نحن 2سودانيات هنا...فترت من الشرح والتوضيح
تجى داخل الكافتريا اى زو شايل جريدة يناديك والبتفرج فى التلفزيون
يسالك...شئ عربئ وشئ افرنجى وشئ مشكلة دارفور...
انا قلت الررروب ياخلى..
صعب صعب توضح كل شئ
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: Abu Eltayeb)
|
| Quote: ** النظام العام عندنا يعنى زى (جماعة الامر بالمنكر والنهى عن المعروف ) (وأنا قاصدا إنها تكون كده) |
الاخ محمد ابوفؤاد (الما كيكي) و قطعت قول كل خطيب و هذا هو بيت القصيد
تخريمه اعذرني اذا ناديتك بأسم كيكي في احد المداخلات السابقة قبلها و لكنني كنت اراك تتداخل بهذا الاسم, علي اي حال افتقدك في حوارتك مع ملاسي, فاضطررتني للدخول عنوة معه.
لك خالص سلامي و تقديري
لطفي
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: Abu Eltayeb)
|
Quote: والله ياخلى انا هنا مزرزرة اكتر منك....
وخصوصا نحن هنا53 جنسية من كل القارات ..الاديان..الثقافات..
والمؤسسة بتاعتنا فلسفتها كلها قايمة على الدايفرستى..
بما اننا نحن 2سودانيات هنا...فترت من الشرح والتوضيح
تجى داخل الكافتريا اى زو شايل جريدة يناديك والبتفرج فى التلفزيون
يسالك...شئ عربئ وشئ افرنجى وشئ مشكلة دارفور...
انا قلت الررروب ياخلى..
صعب صعب توضح كل شئ |
انت يا بت الشيخ
الروووووب ده ما قلتي زمان و بالصور البركه في الشبلي
| Quote: صعب صعب توضح كل شئ |
لا صعب و لاشئ
تقولي ليهم لسوء الحظ انا مريخابيه احمر من الطماطم و احمر من الدم كمان
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: Abu Eltayeb)
|
Quote: لزمن قريب جداً لبس البنطلون مستهجن في السودان..
وحسي نص المناصرين لبنى الآن قد لا يسمحون به لبناتهم.. لكن دي ما القضية..
القضية هي تراكمات من الإذلال للنساء بصورة لم تعتد عليها الفتاة السودانية، على الرغم من انها تتعرض لها منذ 1989... ولهذا وقفت لبنى ومعها جميع البنات...
لكن البنطلون.. نقاشه مختلف... |
مريم بت الحسين عمتي بت خالة ابوي و بت عمة امي
ياسر عرمان في محادثة تلفونيه مع وزيرة الصحة, قالت ليه انا من اليوم ده سوف البس بنطلون النشوف ناس النظام العام بعملوا معاي شنو
لطفي
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: Abu Eltayeb)
|
Quote: قول ليهم الحقيقية
إنو نحن ناس العقد الجنسية أصبحت لحد كبير جزءاً اصيلاً من ثقافتنا
و إنو نحن تتوفر في بعضنا درجة كبيرة من السذاجة .. فيثارون بدمية أسمها محمد ، أو بكاريكاتير يرسم على بعد الآف الأميال ، أو ببرنامج كوميدي ، و دائماً ما تأتي ردة فعلنا مثيرة لمزيد من السخرية و الشفقة .
إنو عقولنا من البساطة بحيث أن أي حكومة شمولية أو منظمة إرهابية أو جهة متطرفة دينية لا تغلب حيلة في تسييرنا كالقطيع ... فإما بالمزايدة على ( الشرف الجنسي ) أو إثارة عواطفنا الدينية الثائرة دائماً .
إنو نحن ندعي أن أخلاقنا هي الأفضل في العالم ... أخبرهم ما هي أخلاقنا و أترك الحكم لهم ... أننا لا نمانع في قتل الآلآف بآلة الحرب و لا نتعاطف معهم ، و نقبل بسهولة أي تبرير لتلك الجرائم ، أننا عنصريين تقريباً ضد كل أجناس العالم ، أننا مؤخراً بدأنا نطبع مع الفساد و إستغلال النفوذ ، و أصبح المشبوهين و غاسلي الأموال نجوماً للمجتمع أينما يحلون .
أننا كريمين و شهمين مع أندادنا ... قساة فظين متعالين و مستغلين لكل من يرميه حظه التعيس بيننا من لاجئين أو فقراء أو ضعفاء أو مضطهدين
و أننا نظن أننا الأفضل في العالم في كل شيئ ، رغم أننا أصبحنا نتمتع بثقافة قاتلة للتميز و الإبداع ، و رغم أنه لا توجد دلائل موضوعية تؤيد إدعاءنا الغريب بتفوقنا العلمي و الفني و الأدبي !!!!!!
و أننا تدريجياً نقوم بعملية إحلال للأشياء الإيجابية لدينا .. و إستبدالها بالإنغلاق و الإستلاب و الجهل و الهوس ..
و أن ( العهر ) حاضر دوماً في عقل الرجل السوداني ، ففي معظم الوقت تفكيره يكون منشغلاً إما بنفي العهر عن قريباته ، أو إتهام الغريبات به ، أو السعي إليه ، أو تفسير أي حدث تشارك فيه إمراءة به من السياسية إلى الحياة اليومية .. و من منزل الجيران إلى خارج الحدود .. |
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: Abu Eltayeb)
|
Quote: خليل يا هندسه
انتو ناس الرياضيات حروف تحولوها لاعداد مع المتواليات, اخري زي الغلوتيات المتواليات الهندسيه و حساب المثلتات ناس جتا وظتا و ما شابه ذلك
|
ابو الطيب
تعرف الاعراب ينظرون الينا باننا ناس اقل (quality)
لذا لا بد من قيادة المعركة بحكمة
| |
|
|
|
|
|
|
|
|
|
Re: شوو يا خليل بتضربو البنت عشان لابسة بنطلون (Re: عبدالله كع)
|
مريم بنت الحسين
سلام
اللبس خيار شخصى وليس لاحد التدخل فيه
وربما انت لم تكونى حاضرة عندما كانت المرأة تلبس المينى جيب فى السبيعينيات وترفع الشعر لأعلى ولا يوجد شئ اسمه الطرح أو الحجاب
وقتها كان الاخلاق احسن بملايين المرات عن الآن
لم يثبت لى احد أن ارتداء الحجاب او الزى المحتشم أو تطبيق قوانين النظام العام او الامر بالمعروف و النهى عن المنكر سوف تنتج مجتمعا فاضلا
بالعكس كلما طبقت هذه القوانين زاد نسبة التحلل والانفلات الاخلاقى ودونكم الممكلة العربية السعودية التى تطبق فيها هذه القوانين منذ اكثر من مائتى عام والآن لا تستطيع المرأة السير بمفردها فى الشارع رغم انها ترتدى الحجاب.
للاسف يا خليل يريد البعض نقل النظرة المتخلفة لغلاة البدو فى الجزيرة العربية للمرأة ولكن لا تخف سوف يهزمون اليوم او غدا و سوف تعود البلاد لأخلاقها و نقائها وحريتها
خاتمة
قمع الحريات ومن اهمها حرية اللبس لا يمكن أن تأتى بشئ ايجابى على الاطلاق
| |
|
|
|
|
|
|
|
| |
khaleel
عبدالكريم أحمد الامين
Mohammed Haroun
محمد البشرى الخضر
مريم بنت الحسين
amin siddig
مجدى محمد مصطفى
Siddig A. Omer
عبدالله كع
هشام المجمر
فيس بوك
تويتر
انستقرام
يوتيوب
بنتيريست