|
|
|
 Re: وأدرك "لبنى" الصباح وسكتت عن الكلام المباح ... (Re: تبارك شيخ الدين جبريل)
|
تبارك...
المهم:
أغلب الصحف القطرية/الدوحة، ابرزت في صفحاتها الأولى، وبصورة ملونة، الفارسة لبنى...
وضمن سياق الخبر "المهم"
موكب نسائي بالخرطوم تضامنا مع صحفية "البنطلون"..
لن تتراجع عن قضيتها ولو جلدت أربعين "ألف"، جلدة..
والمهم بالنسبة "لي"...
ان لبنى ابرزت للناس، أجمعين (الوجه الحضاري، للمشروع الحضاري)، الذي لا يحترم قلب الحياة، وقلب الكون "المرأة"، ويهينها بصورة بشعة، ..
| |
 
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: مؤيد شريف)
|
غايتو يا انعام حركات التايم اوت بتاعت السله و الطائره دي زمااان كان مدربنا بيعملها لمن
الفريق التاني يكون ماشي كويس و غالبنا، و سبحان الله، ليها تاثير عجيب غالبا في تغيير
مجري اللعب it diffuses the energy of the winning team
ارجو انه الناس تستثمر الحاجه دي لصالح القضيه الكبري ضد القوانين المخالفه للدستور
----------
سؤال في محله يا تبارك، و اضيف عليه، فماذا نحن فاعلون؟
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: تبارك شيخ الدين جبريل)
|
| Quote: وتمالاعتداء بالضرب على الناشطات والصحافيات وامام كاميرات المراسلين وجهارا نهارا |
يا مؤيد الشريف انا فتّشت تأكيد لى كلامك دا ...
وقلت بتكون فى صورة ثابتة أو متحركة ... من "كاميرات المراسلين" .... ما لقيت ...
بالله لو الكلام دا ما كذب .... تجيب لينا صورة أو رابط من اى حتة ... عشان نشوف البدقوا النسوان ديل منو؟
لأنو فى "ود قبايل" و "أخو بنات" هنا (اسمو دينق قوك) .... جاب معلومات بتاعة شاهد عيان مختلفة عن معلومة الإعتداء ... فى البوست بتاع:
موتى...أفضل من قهرى (توجد جسارة)
... المهم ...
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: مؤيد شريف)
|
Quote: تم تأجيل المحاكمة حتى جلسة 7/9/2009
حتى تتمكن المحكمة من الإستوثاق من وزارة الخارجية
من الحصانة التي تمسكت بها الأمم المتحدة |
وكأنه وزارة الخارجية ستحتاج الي شهور للبحث عن الفايل الخاص بالاتفاقية الخاصة بالقوات الاممية مع حكومة السودان..
ثم تحتاج لوقت آخر لتقرأ الفقره الخاص بالحصانة ثم لوقت اطول لتقرر ان كانت ستلتزم بها بعد ان قبلتها في الماضي أم لا!
تمديد الوقت لماذا؟؟
هل للبحث عن مخرج من الورطة؟؟
| Quote: بالله لو الكلام دا ما كذب .... تجيب لينا صورة أو رابط من اى حتة ... عشان نشوف البدقوا النسوان ديل منو؟ |
ويعني لو ماحصل في كاميرا لحقت صورت..يبقي المضروبات كذابات والشهود كذابين؟؟
وايه الغريبه في ضرب قوات النظام من بوليس وأمن للنساء في السودان؟؟
ماهي دي طريقتهم من اول يوم!
سبحان الله..نساء تضرب في الدفاع عن حقوقهن والتي هي حقوق كل المجتمع ورجال يشككون فيما حدث لهن!!
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: Muna Khugali)
|
سبحان الله..نساء تضرب في الدفاع عن حقوقهن والتي هي حقوق كل المجتمع ورجال يشككون فيما حدث لهن!!
أكاد لا اصدق ان الذي يكتب ويشكك هو تبارك الذي نعرف!
ياخي أ. شادية يدها مسلخة من امبارح وانته مصر على التشكيك!!!
ويا تبارك ود الشريف
واضح ان الرفض عندك هو موقف جاهز
وليس موقفا يبنى على وقائع
وفعلا يا حليل الرجال والرجالة
وانته وصفتنا ب"الباطلين" فقط لاننا لم نقف سدا بين الشرطة والنساء
فما يكون وصفكم وانتم تشككون في وقائع يشهد الناس جميعا بها؟؟
أعف عن الوصف واترك لك التخيل!
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: مؤيد شريف)
|
| Quote: سبحان الله..نساء تضرب في الدفاع عن حقوقهن والتي هي حقوق كل المجتمع ورجال يشككون فيما حدث لهن!! |
Quote: وفعلا يا حليل الرجال والرجالة
وانته وصفتنا ب"الباطلين" فقط لاننا لم نقف سدا بين الشرطة والنساء
فما يكون وصفكم وانتم تشككون في وقائع يشهد الناس جميعا بها؟؟ |
يا منى خوجلى ... انا بشكك فى شنو ... دى اتفهمت لى الناس الأنا قاصدم ...
ووصفتهم بـ "الباطلين" ... لأنو - بغض النظر عن مجريات المحكمة - ما معقول يكون البوليس بدق فى النسوان ... والباطلين واقفين ودايرين يتحوّلوا لى شهود ... بعد ما إتحوّلوا لى باطلين ..
دا إتجار بى قضية "قهر النساء" ... وإتجار لى صالح مكاسب سياسية النساء غير معنيات بيها ... وتنازل عن عادات وقيم سودانية ... بيبقى من الصعب الدفاع عنها والمطالبة بيها بعد التنازل عنها ..
انا عشان اقدر اطالب بأن تعود المرأة السودانية محترمة كما كانت ... لابد أن أعود رجل سودانى محترم كما كنت ... وما ممكن يجى زول يدق ليهو مرا بى بسطونة قدامى ... وانا واقف مربع يدينى وبكلم فى المصوّر بتاع "الجزيرة" عشان يوثق ...
زى دا انا بقول ... يا إما الضرب ما حصل قدامو ... يا إما الضرب حصل لاكين هو باطل .. والتانية هى الحقيقة ... بس انا ما اتعودت أفك شتايم فى الناس بدون مبررات ...
(هو الشخصية السودانية عموماً اتلحست!)
... المهم ......
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: عمر دفع الله)
|
Quote: زى دا انا بقول ... يا إما الضرب ما حصل قدامو ... يا إما الضرب حصل لاكين هو باطل .. والتانية هى الحقيقة ... بس انا ما اتعودت أفك شتايم فى الناس بدون مبررات ...
|
تفتكر يا تبارك الحلول الاقترحتها دي ممكن مع جهاز دولة
يعني الناس تشيلها الهاشمية وتقع ضرب في البوليس مثلا ؟!
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: عبداللطيف حسن علي)
|
وانا واقف مربع يدينى وبكلم فى المصوّر بتاع "الجزيرة" عشان يوثق ...
ذي ما قلته ليك انته الظاهر موقفك ده جاهز وبتحاول تسندو بي اسانيد واهية جدا
ومافي زول طلب من المصور التوثيق
المصور وثق ونحنه نبهناه لانو انحنه تأكدنا من توثيقوا لكل البهدلة الحصلت
ولاننا عندنا تجارب كتيرة مع ناس الجزيرة بالذات حذرناه من الاستمرار في دسدسة اللقطات المحرجة للناس ديل
وفعلا حذفت لقطات الضرب وجابوها في نهايته !!
وانته بتقول انك ما اتعودته تشتم
بس الظاهر انك بتكتب وبعدين بتفكر
لانك انته اصلا ما كتبته غير الشتائم
وعموما شتايمك دي لا يتزيدنا شي لا بتنقصنا شي
سلام
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: مؤيد شريف)
|
Quote: لو احببت التاكد عد متفضلا الى البوست خاصتي وتابع الشهادات للاخوات انفسهن أ. نجلاء و استاذة شادية وبالامكان متابعة نفس الشهادات على بوست الاخ قوج
|
الاخ مؤيد
كل ما اوردتة بخصوصي كان صحيحا0 حاولت الدخول في البوست لتاكيد ما نقلته ولكن لاسباب تتعلق بسخف الحياة الذي يذداد يوميا ففشلت في الدخول في وقتها وما جعلني ارتاح ضميريايا مؤيد هو ان الاستاذة نجلاء اكدت ماذكرتة0 ومازالت اثار الضربة موجودة(كدمة كدة تحت العين اليمني) 0
اهاااا اكتر من كدا نقول شنو؟
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: Manal Awad Khugali)
|
| Quote: انا عشان اقدر اطالب بأن تعود المرأة السودانية محترمة كما كانت ... لابد أن أعود رجل سودانى محترم كما كنت ... وما ممكن يجى زول يدق ليهو مرا بى بسطونة قدامى ... وانا واقف مربع يدينى وبكلم فى المصوّر بتاع "الجزيرة" عشان يوثق |
حقوق المرأة في السودان قشرة رجال لا غير..\ بمجرد ما تختلف مع واحد حول اي موضوع يبدأ طوالي في اظهار الوجه الحقيقي
يلمح ويعرض ويشتم ويتفه الانجازات..
المهم....
| |
|
|
|
|
|
|
|
|
|
Re: وأدرك "لبنى" الصباح وسكتت عن الكلام المباح ... (Re: Manal Awad Khugali)
|
الاخ مؤيد
كل ما اوردتة بخصوصي كان صحيحا0 حاولت الدخول في البوست لتاكيد ما نقلته ولكن لاسباب تتعلق بسخف الحياة الذي يذداد يوميا ففشلت في الدخول في وقتها وما جعلني ارتاح ضميريايا مؤيد هو ان الاستاذة نجلاء اكدت ماذكرتة0 ومازالت اثار الضربة موجودة(كدمة كدة تحت العين اليمني) 0
اهاااا اكتر من كدا نقول شنو؟
الاخت الكريمة استاذة منال خوجلي
اتمنى لكي السلامة من كل قلبي
تحاياي
| |
|
|
|
|
|
|
| |
تبارك شيخ الدين جبريل
عبدالغني كرم الله
انعام عبد الحفيظ
Rihab Khalifa
حمور زيادة
محمد ابو القاسم
Haydar Badawi Sadig
Muna Khugali
عمر دفع الله
عبداللطيف حسن علي
Manal Awad Khugali
فيس بوك
تويتر
انستقرام
يوتيوب
بنتيريست