|
Re: افتتاح قهوه للنساء بالسعودية لا توجد شيشه (Re: Sabri Elshareef)
|
الحظوة و( الدلع ) الذي يجدنه النساء في السعودية يا صبري يجعلنا نحسدهن عليه , ياخي انت قاعد لي في شيكاغو ولا كولارادو بتاعة اهل العوض بتاعين امريكا وقاعد تتفاصح في الواقع السعودي , تعال شوف بعينك واتحداك نص كلامك دا تلحسه والباقي تديهو موية , اي كافي او مقهي او كوفي شوب او مطعم تجد فيه قسم الافراد وقسم العوائل والعوائل هذه تعني النساء هنا , يعني مستعد احلف ليك من هنا للصباح انا قاعد في السعودية دي خمسة سنوات قبل الزواج الاماكن والمرافق الزرتها بعد الزواج تجعلني اقسم قسما مغلظا انه لي يوم الدين ما كان ادخلها لولا زوجتي شفت كيف , بعدين زي ما قلت ليك اي كوفي شوب يقدم شيشة تجده كما اسلفت مناصفة بين العوائل والافراد يعني اقدر اقسم ليك بكل ارتياح انه الشيشة الشربوها النسوان في مقاهي السعودية وقاعدين يشربوها للان لو كانوا في لاس فيجاس ما كان لقو طريقة يشفطوها , بعدين ياخي المساواة بقت في حجر شيشة ؟ ؟؟ ياخي هنا في معلمات , معسلات شنو وشيشة شنو ياخي والله ديل الواحدة تقوم ليك بالجراك والزغلول دا تحلف انها شغالة بي كمبرسور اها الجراك والزغلول دا انت الفصيح دا لو جربتهم كان ما جاك كتكوتة وانفلونزا الحمير اكون ما اساسي
| |
|
|
|
|
|
|
Re: افتتاح قهوه للنساء بالسعودية لا توجد شيشه (Re: اساسي)
|
اساسي الاساسي
تحية طيبه
لقد افتتحت قهوة امس بجده اسمها السموار ما تم قديما لا اعرفه الحقيقه انني لا ارغب في ان تطا قدمي تلك البلاد التي لا تحترم الانسانية
لك التقدير وما قلته من حوش للنساء واخر للرجال مصدقك لكن حال المراة الملفلفة زي النيناجاوات حال ما بسر
| |
|
|
|
|
|
|
Re: افتتاح قهوه للنساء بالسعودية لا توجد شيشه (Re: Sabri Elshareef)
|
السلام عليكم صبري اراك هذه الايام تتجه صوب السعودية بشدة والدليل انك مشيت نكتا ليك موضوع من السبعينات وعملت منو بوست وها انت تفتح بوست جديد ايضا لمجرد قراءتك لافتتاح قهوة بمدينة جدة الكلام القالو ليك اساسي دة هو الحقيقة وانا عايش قبلو هنا في جدة اثني عليهو في شنو بالظبط كدة ؟؟؟؟؟؟
| |
|
|
|
|
|
|
Re: افتتاح قهوه للنساء بالسعودية لا توجد شيشه (Re: salee)
|
Quote: السلام عليكم صبري اراك هذه الايام تتجه صوب السعودية بشدة والدليل انك مشيت نكتا ليك موضوع من السبعينات وعملت منو بوست وها انت تفتح بوست جديد ايضا لمجرد قراءتك لافتتاح قهوة بمدينة جدة الكلام القالو ليك اساسي دة هو الحقيقة وانا عايش قبلو هنا في جدة اثني عليهو في شنو بالظبط كدة ؟؟؟؟؟؟ |
الاخ جمال الباقر
ايا تري انت جمال الباقر احد افراد اسرة الكارب؟
اما تشابه اسماء في كلا الحالات
التحية والاجلال لك
شكرا لمرورك وفي فكر وهابي متخلف قلب حياة الجميع لجحيم
ولزاما علي فضح هذا العقل وكشف تخلفه
واذا عشت او اتولدت في هذا المناخ الوهابي اول حاجه حق التعبير والتفكير والتنقل غير متاح لك او للاخرين
وهنا هذه القهوة افتتحت قبل يومين اساسي قال في حديثه ان الحياة مستقره وفي حتات تشمل الجنسين بعد ان يفصلو او يفجوا الطريق للحريم
قولي انني قلت ان قهوة سعودية اسمها السموار شاهدت صاحبتها سعودية وقد عملت قناة العربية استطلاع
مع ضيفات بالقهوة
الفكر الوهابي يثير الضحك بفرضه لشكل حياة غريبه وعجيبه
| |
|
|
|
|
|
|
Re: افتتاح قهوه للنساء بالسعودية لا توجد شيشه (Re: Sabri Elshareef)
|
حبيبنا صبري الشريف
طيب المشكلة شنو بتاع القهوة ماعايز يعمل شيشة اسع عليك الله بارات امريكا فيها مريسة وعرقي طيب ده مش التهميش زاتوو مفروض انت تناضل في المنطقة الانت موجود فيها وتطالب البارات بعمل مرايس وعرقي لزوم المزاج السوداني وكده . اها وفي بقالات كمان مافيها سجاير تدخل البقالة تلاقي مكتوب نحن لا نبيع ا لسجاير برضو مافيها حاجة . تمشي بقالة تانية وتشتري
كل ناس بيشوفو القانون او الاجراء المريح بالنسبة ليهم اسع امريكا دي مش كل ولاية عندها قوانين بتختلف من التانية يعني ممكن تلاقي ولاية لا تسمح بحمل الخمور بدون اكياس وفي ولاية تانية ممكن تشيلها عادي
فانت ركز لينا علي موضوع امريكا السعودية دي خليها لينا نحن الغلابة ولو ربنا هداك كده وقلت تعمل ليك عمرة ح نجي نعمل معاك العمرة من باب الاستشارة وكده عشان ممكن تعمل حاجات وانت محرم لو ضبحت جمل مابيمرقك كاااااااااك
عارف لو مالبس العباية انا واساسي زمان كنا متنا
يازول اقول ليك حاجة معزوم عمرة على حسابي
تحياتي
زاتوووو
| |
|
|
|
|
|
|
Re: افتتاح قهوه للنساء بالسعودية لا توجد شيشه (Re: ALZOLZATOO)
|
ود شيخ الدين
تحياتي الطيبه
تعرف ان اطالب بشيشه لنساء السعودية دي كثيره لان نساء السعودية عايزين اتفكوا من سواقه رجالهن
والباكستان والهند والسند دايرين يسوقن براهن ما قدرن
العنوان لفت انتباهي في النشره بالصدفه
شفت القهوة الجديدة لا توجد شيشه دي من بوستات الشباب هنا يقولوا توجد ابتسامه وقيامه او يوجد صور او توجد محبه او محنه بكسره او فتحه
عموما نصر للمراة بشم الهواء براها الان وعقبال اشربوا نخب الديمقراطية والمساواة والعدالة
بنين وبنات
| |
|
|
|
|
|
|
|