|
|
|
 Re: رغما ع الهزيمة والانتصار .. المريخ افضل من الهلال بمراحل (Re: Abdlaziz Eisa)
|
كلام مظبوط
مع اضافة بسيطة لحال المريخ يا وليد فيما يخص جزئية التدريب وضعف أداء الدفاع الواضح. أما تيم الهلال بصراحة محتاج لإعادة نظر شاملة، وبالتحديد يمكن القول أن الهلال يفتقد التجانس ويعاني من ضعف في خطي الوسط والهجوم في مرحلة من مراحل البطولة تحتاج بصورة كبيرة لقوة الهجوم وتسجيل الأهدافً الأمر الذي لا يتأتى إلا بوجود خطي وسط وهجوم على درجة كبيرة من الفاعلية والتماسك، في تقديري الشخصي الهلال سيودع البطولة عاجلاً أو آجلاً فشكله في ارضه وبين جمهوره في المباراة الأخيرة أمام زيسكو لا يبشر بخير على الإطلاق.
| |
 
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: Abdlaziz Eisa)
|
والله يا وليد اتحيرنا معاكم
تطير منكم سيكافا بصدمة التاكسي طوالي تبدو لينا فيلم الاعارة والتزوير
ندرن معاكم في ارضكم ... (برغم التحكيم الظالم) تقولوا لي نا الله مرقكم من الفضيحة
تدرنوا مع اهلي مدني في الممتاز ... تقولوا ده كلو من الهلال
امل عطبرة يحرجكم في الخرطوم ويدخل فيكم قونين ويستقيل المدرب .... تجي تقولو السبب الهلال
كانو يرشكم ثلاثية ( مع الرأفة) في تمرين داخلي في نيجريا .... تقارنو مستواكم بالهلال
يا بطيخاب حكايتكم شنو
بس زي ما قال المثل
الخيل تخرمج .... والسبب في الهلال
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: Abdlaziz Eisa)
|
ولي ياشفت
هاردلك
ومازلت مصر علي ان المريخ
هو الفريق الوحيد المؤهل
للذهاب بعيدا في هذه البطولة.
مشكلة حراسة المرمي يسأل عنها
مازدا في المقام الاول والخوف
كل الخوف ان يصدق من قال بان
الجهاز الفني يشخصن الخلافات
وتنعكس علي التشكيلة( بدون ضرب امثلة)
لدينا نقطة وانا اتحدث عن
جاهزية المريخ في حصد 13 نقطة
تكفل له صدارة المموعة .
كل الود
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: haroon diyab)
|
| Quote: رغما ع الهزيمة والانتصار .. المريخ افضل من الهلال بمراحل |
وليد
ده في الخيال و لا في الواقع و لا في الأحلام و لا وين بالتحديد؟؟
بعدين أنت مالكـ و مال الهلال ؟ أسه الدخل الهلال هنا شنو ؟ شوفو كانو بتاعكم وين ؟
لما تصل لنتيجة زي الفوق دي يا وليد معناها عندكـ دلائل و إحصاءات . كيف يكون فريق متذيل للمجموعة بنقطة واحدة و رصيدو سالب هدفين أفضل من فريق يتقاسم الصدارة بأربع نقاط ولديه هدف ؟؟
يا أخوانا أصلو في المريخ ده مافي زول بهدي التاني و يقول ليهو تعال نهتم بفريقنا و سيبكـ من الهلال؟؟
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: 7abib_alkul)
|
ألأخ/وليد السلام عليكم...
Quote: يا زول المريخ تيمو كويس شديد
عكس الهلال |
والله ياوليد أنا بتابع كلامك وبعض مرات كلامك معقول..لكن فى دى مكابر..إنت كويس دى معاييره شنو؟؟؟؟
مش كخطوة اولى نضمن لينا نقاط وبعدين نقول كويس وللا كعب...يا أخى خليهو يكون كعب ويكسب النقاط ويتقدم مافى مشكلة...
المريخ..أمس من جوه قلبى شجعتو لحاجتين...لآنو ممثل للسودان.ولأن كسب نقطة على ألأقل فى ارض الخصم بتساعدو لى قدام...وبتساعد الهلال معاهو..وبتيح للهلال والمريخ فرصة الصعود سوا..لكن المعادلة كده صعبت شويه..
ياوليد..المريخ لو جاب الفرص الضيعه وارغو من البداية والله كان كانو بقى فى خبر كانو....لكن وارغو ده إشتريتوا هداف بدون اهداف.........
وليد خليك معقول شويه...وقول كلام معقول..مودتى..وتقديرى..إسماعيل محمد احمد عباس...
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: ismeil abbas)
|
مرحب اسماعيل
ابدا والله يا اسماعيل ما مكابر ولا حاجة
عندي مقايس الكواسة في الكورة كتيره ..
الهلال فعلا كسب نقاط من مبارتين
الاتين كانو في السودان مع انو كورته الاولى تعتبر خارج ارضة
لكن ده كلام نظري وبتفرضو قوانين البطولة
لكن في الحقيقة هو كان لاعب على ارضة بكامل جمهوره
زيادة على انو مبارياة ه مريخ لو ما قسناها بمقايس ابطولة
فهي حساباتها لوحدها
عليه انا بعتبر انه المريخ لعب مباراة خارج ارضه
والهلال لعب مباراة داخل ارضه
وطبعا الفرق شاسع قياسا على نفسية ومكانيات اللاعب السوداني عند اللعب خارج السوان
في الكرتين المريخ كان احسن من الهلال
حتى الكورة المغلوب فيها خارج ارضة
لعب كورة احسن من الهلال اللعب في ارضه
تحياتي
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: khaleel)
|
خلي يا واعي
يديك العافية
| Quote: اضاعة الاهداف مشكلة تدريب بالاضافة لغياب القائد العجب |
دي مشكلت المريخ
غياب العجب
بدون التدريب كمان
عارف ليه
ما عشان اللعجب لعاب
لكن لانو كل تيم بتصبغ بشكل لاعب واحد على الاكثر لاعبين فقط فيه
وبقية الاعبين طريقة لعبهم بتتبني على شخصية الاعب الكروية داك
المريخ كورتو اتبرمجت على العجب ولابد انو يتفك من الحاجة دي
زي ما الهلال كورتو اتبرمجت على هيثم مصطفى
وده السبب لفشل وارغو حتى الان في المريخ
استايل وارغو مخالف لاستايل العجب
ده كورتو بارده
وده كورتو سريعة
ولانه تيم المريخ كورتو اتبرمجت بالعجب حتى وهو غايب
وارقو شكله زي الاطرش في الزفة
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: خالد عبد الله محمود)
|
كضاب يا خالد
ما حا اقول ليك كلام خلاف ده
لسبب بسيط
امبارح بعد تعليقي على الكورة
مشيت تجمع بورداب فيه اكتر من عشرين عضو بورد شافوني
وما كان معاي لاب توب
الليلة من الصباح لحدي الساعة 11 كنت مع والدي في المستشفي
ومن 11 لحدي تلاته كنت منتظر زويل المنبر علاء الدين لانو مفروض نسافر
ما دخلت الا بعد الساعة 3 بتوقيت امدرمان
انت زول كضاب يا خالد
انا ما كنت متواجد طوال الليل والصباح
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: وليد محمد المبارك)
|
المقدرة علي الفوز خارج الديار...
ثقافة مفقودة ...
لازال المريخ في قلب المعركة ..
كان المريخ في الشوط الثاني يهاجم بثلاثة لتعيبة ,,رغم فقدان مجهود الزومة بعامل الطرد..
الشوط الثاني يؤكد علي افضلية قالها مدرب كانوا...
علي مازدا والجهاز الفني تثبيت التشكيل وطريقة اللعب..والتأني في اختيار حراسة المرمي ..
ترك ايداهور علي دكة الاحتياط جريمة في حق المريخ ...
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: وليد محمد المبارك)
|
Quote: بالنسبة لو جودي بعد الكورة
انا ما نكرتو وكتبته ليك فوق
قلت ليك بعد تعليقي على الكورة مشيت تجمع بورداب
يعني حا اعلق على الكورة قبل ما يلعبوها ؟ |
كدي ركز شوية يا وليد ..
أنت لما طلعت من المنبر أمس طلعت بعد المباراة أنتهت ..
و طبعاً شفت مباراة الهلال يوم الجمعة ..
يعني عندكـ فكرة كاملة عن أداء الفريقين في المباراتين ..
من الطبيعي أنكـ تخرج بإنطباع لحظي إنو والله فعلاً المريخ أتغلب لكن شكل الأداء كان أفضل من فريق الهلال و الحكاية دي ما محتاجة تفكير ده إنطباع بتتطلع بيهو بعد المباراة طوالي و بتكتبو لحميدة زاتو في البوست بتاعو .. الكلام ده ما حصل وحصل بعد ما مزمل كتب نفس الكلام في عمودو .. فمن الطبيعي إني أربط بين الإتنين طوالي ..
وقع ليكـ ؟
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: خالد عبد الله محمود)
|
هاهاهاهاهاهاهاهاهاهاهاهاا
في حاجة هنا انتو ما ملاحظنها يا خالد
انا كنت لاعب كورة بنظام الايام دي محترف عديل كده
بتمرن قريب 5 يوم الاسبوع
ولاذم العب مبارة في الاسبوع
وبعسكر تقريبا نص السنة
لفترة 5 سنوات
ما قطعتها الا قرايتي الجامعية
عشان كده ما بنفعل للكورة
وما بتحرق
لغلب
الا لكورة اكون لاعب فيها
بشجع المريخ نعم
بزعل لمن يتغلب لكن ما لدرجة انت اتحمق وكده
ببفرح لكن برضو ما لدرجة انطط
لعبي للكورة وراني انها عبارة عن لعبة
ما اكتر ولا اقل
واللعبة المقصود بيها الترفيه
ما التنقيص
وقع ليك
اسال وهبة
قول ليه وليد ده امبارح شكله كان كيف
هو بوريك
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: وليد محمد المبارك)
|
المريخ مرصع بي النجوم ؟؟؟؟؟؟؟؟؟؟
والله الا لو كنت بتتكلم عن النجمة التختوها في فنيلتكم !!!!!!
تعال برااااحة نقيس عشان ما تخمنا ساااااااااااااي زي كل مرة ..
المعز ولا حافظ؟ المعز اكيييد
ديمبا ولا دامر؟ ديمبا اكيييييد..
سامي ولا سفاري؟ لو بتتكلم عن تاريخ وماضي حا نقول سفاري لو بتتكلم عن اداء حقيقي حا نقول سامي..
اسامة التعاون ولا بلة جابر؟ اسامة القايم بيهو ده تعال انكرو اسة سمح؟
احمد الفاضل ولا موسى الزومة ؟ للاسف موسى افضل وان كان ارعن (راجع ابو شيبة المخرف)
عمر بخيت ولا لاسانا؟ دي صعبة المستوى متقارب..
سيف ولا الباشا ؟ سيف اكيد ..
هيثم ولا منو؟؟ والله هيثم ده براهو ما بختو مع زول منكم ؟
كاريكا ولا كيلتشي ؟ كيلتشي
امبيلي ولا ايداهور؟ امبيلي..
يا وليد ما تزحم روحك ساي الهلال فيهو ستة لاعبين في النص لو عصرت المريخ وفرمتو ما بتطلع واحد زيهم هيثم مهند سيف عمر حمودة علاء الدين
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: عمر الفاروق)
|
| Quote: رغما ع الهزيمة والانتصار .. المريخ افضل من الهلال بمراحل |
Quote: طيب نحسبا
الهلال في اخر سته مباريات (المقاولون -ناسارو-زيسكو-الاهلي مدني-الشمالي عطبره-والمريخ)
سجل 8 اهداف وعليهو 0 اهداف
المريخ في اخر سته مباريات (مازمبي-اوتراكو-الاهلي مدني-الامل عطبره -كانو-الهلال)
سجل 6 اهداف وعليهو 7 اهداف |
هاهاهاهاهاهاهاهاهاهاهاهاااااااااااااااااااااااااااي
شكرا يا معاوية
عليك الله دي ما حكاية تخلي الزول اتمخول الهلال الاعلى والاحسن في روليت الدورى الممتاز من ما بدا نقاط واهداف لنا والاهداف العلينا اقل بكتير وهداف الدوري مننا والهداف التاني مننا ... وفي كاس الابطال نحن فوقهم وقالعين نقطة من عيونهم تبقوا احسن مننا كيفن يا وليد
الا تكونوا بتعاينو للكراسي والنجيلة وجامعكم الجديد نحن مالنا ومال الكراسي نحن افراح الشمالية ...
ها يا امي هييييييييييييييييييييييييي
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: abuguta)
|
مساكين السبيعاب لسا فيهم روح خدوا المسدار هدية ليكم
يا ناس عندي ليكم شماااااااااار
فى كانو الفضيحة تستحق مسداااااار
انبطح الوصيف واصلوا الزمن غدااااار
ماذدا بالتلاتة ودا فريقة ودار
حووصة اتخذل ومرقت زراعتو عداااااار
والسفن اب اتكبار وفي الارض فااااااار
يا ناس شبت في قلوب الجماعة ناااااااار
ومزمل كتب وكثر في الاعذاااااااار
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: Elsheikh Mohd Aboidris)
|
| Quote: سامي ولا سفاري؟ لو بتتكلم عن تاريخ وماضي حا نقول سفاري لو بتتكلم عن اداء حقيقي حا نقول سامي.. |
| Quote: عمر بخيت ولا لاسانا؟ دي صعبة المستوى متقارب.. |
تعرف يا عمر انا بحب جدا أقرا ليك ولوليد فى الكورة عموما
تعرف ليه لانو واضح انكم لعبتو كفررر كان فى الحلة او غيرو
دا فى حد ذاته فى كتير من الاحيان ببعدكم عن المجاملة
لكن بالجد يا عمر بالغته فى عمر بخيت ولاسانا كان على الاقل
تعيد ما كتبته فى سفارى وسامي ولا رايك شنو بالجد؟؟؟؟؟؟؟؟؟.
ولي ياخ ما ممكن نحن لمتين كده؟؟؟ برضو العجب ياخ ما ممكن
انت زول كورة تجي تقول لي المريخ اتبرمج على كورة العجب
اها من المفترض ننتظر العجب يرجع حتى يحدث ما كان لابد ان يحدث؟؟؟
عندك ضمانات كافية؟؟؟
ونفهم من كده انو استمرار الهلال فى الفوز سببه تواجد هيثم مصطفى ؟؟؟؟
ويا عمر خلي التهيؤات بتاعة الهلال طنشو بصعد وعيني رفة ومش عارف ايه
وليد شابكني العجب وانت لسه بتتكلم انو مافي زي حمودة وهيثم ومش عارف ايه؟؟
ولي عمر خلو شغل الحنية دا ما بحل والله دا شغل ناس جمال السنوسي و ابو قوته
ارجعو احكوا كووورة يا شفووت
| |
|
|
|
|
|
|
|
|
|
Re: رغما ع الهزيمة والانتصار .. المريخ افضل من الهلال بمراحل (Re: عمر الفاروق)
|
مرحب عمر
Quote: المعز ولا حافظ؟ المعز اكيييد
ديمبا ولا دامر؟ ديمبا اكيييييد..
سامي ولا سفاري؟ لو بتتكلم عن تاريخ وماضي حا نقول سفاري لو بتتكلم عن اداء حقيقي حا نقول سامي..
اسامة التعاون ولا بلة جابر؟ اسامة القايم بيهو ده تعال انكرو اسة سمح؟
احمد الفاضل ولا موسى الزومة ؟ للاسف موسى افضل وان كان ارعن (راجع ابو شيبة المخرف)
عمر بخيت ولا لاسانا؟ دي صعبة المستوى متقارب..
سيف ولا الباشا ؟ سيف اكيد ..
هيثم ولا منو؟؟ والله هيثم ده براهو ما بختو مع زول منكم ؟
كاريكا ولا كيلتشي ؟ كيلتشي
امبيلي ولا ايداهور؟ امبيلي.. |
اول شي امبيلي احسن من ايداهور في شنو ؟
عشان كورتو انيقة مثلا؟
والله يا عمر حقيقي بقيت اشك في تقييمك ...
يا زول ايداهور ده جايب مع المريخ 100 قون وفي سنة ما كان متواجد فيها مع المريخ
هداف افريقيا الان في وجود امبيلي ده
كمل مقارنتك يلا
عندك العجب
والسودي 1
والسعودي 2
وهيثم طمبل
ووارقو
وراجي
والدافي
والشغيل
جيب لي ناسكم بتاعين لهلال
انت القاعد تخم
خلاف المعز محجوب
والتعاون
تاني ما بتكسب اي مقارنة
وهيثم مصطفي بتاعك مع بياكل عيش مع العجب
| |
|
|
|
|
|
|
| |
وليد محمد المبارك
طارق جبريل
Abdlaziz Eisa
tmbis
جمال السنوسي
haroon diyab
Maawya Hussein
خالد عبد الله محمود
Zomrawi Alweli
7abib_alkul
ismeil abbas
khaleel
سيف الدين عوض
عمر الفاروق
عبدالوهاب علي الحاج
محمد مصطفى
abuguta
alsngaq
فيس بوك
تويتر
انستقرام
يوتيوب
بنتيريست