|
|
 هل بالفعل ارتفعت أسعار العرقي في السودان؟
|
سمعنا عن وجود ارتفاع في أسعار العرقي في السودان.. هل هذا الكلام صحيح أم أنها
مجرد إشاعات مغرضة أرادت أن تبثها المعارضة المتهالكة لتأليب وتحريك الشعب ضد
الحكومة السودانية؟
لكن إن صح هذا الكلام فسيكون الأمر صعباً على أصحاب الدخل المحدود، لأن الناس سيجدون
صعوبة كبيرة في تحمل زيادة أسعار العرقي خاصة وأن أسعار السلع الاستهلاكية الأخرى تشهد
أيضاً ارتفاعاً منتظماً بين الحين والآخر، مثل السكر والزيت واللبن والغاز والخضروات
واللحوم وغيرها..
العرقي أصبح يشكل سلعة أساسية للمواطنين وأي زيادة في أسعاره ستشكل عبئاً إضافياً
لهم ولن يتمكنوا من شراء احتياجاتهم اليومية منه...
|
|
 
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: Nasruddin Al Basheer)
|
قد يكون ذلك مصاحباً للإرتفاع في اسعار المواد الخام فالتمر سعره في إرتفاع وكذلك المياه داخل الخرطوم ...... عليه ننصحكم باللجوء الي المصدر وفي نفس الوقت نحذركم أن الذهاب الي المصدر في ضواحي بحري قد يعرضكم للمتربصين والمستنكحين....
بعدين يا شباب والله في موضوع خطير وهو ظاهرة شراب الشباب للإسبرت بدلا عن العرقي وهو مضر جداً وقد يؤدي الي الموت .... فالرجاء كل من يعرف زول بشرب إسبرت يحزروا من خطورة هذا الأمر.
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: عمران حسن صالح)
|
ابوحازم
سلامات
الموضوع له علاقة برمضان الكريم و الذي هو علي الابواب
وحتي لا تندهش اديك الجواب من تماري
يحصد البلح اعتبار من 15/9/ من كل عام
والشهر الذي يستهلك فيه 50% من تمور السودان
هو شهر رمضان و لذلك عندما يأتي رمضان في فترة
بعيدة زمنيا من موسم الحصاد يتم التعامل مع المخزون
وحيث انه هذا العام ياتي رمضان بعد 11 شهر من اخر
موسم حصاد يكون المعروض قليل و ترتفع الاسعار حسب
نظرية العرض والطلب
بخصوص ما سالت عنه ترتفع اسعاره تبعا لارتفاع مدخلات الانتاج
وخاصة ان اسعار المواد الخام البديلة ترتفع اسعارها ايضا في مثل
الوقت من كل عام
الموضوع ليس له علاقة بصدور الحكم في نزاع ابيي و لا انهيارات
ابار السايفون المطردة بالخرطوم و لا الاشاعة التي تقول ان جهات رسمية
تقترح ادراج تصنيع الخمور في قائمة المنتجات التي تخضع لرسوم الانتاج
تحت مسمي منتجات شعبية تراثية
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: Deng)
|
خلاص يا عثمان رغيم
بعد محاضرتك الطويلة عن البلح
و موقفه المتذبذب فعليكم بعرقي
العيش حتى لو بسوي كراعينك مساويك.
بيرة ابوجمل و الشراب اسكوب
منقو قول لا عاش من يفصلنا
اتمسكوا بالجنوب حتى لو عشان مصنع البيرة بتاعهم دا
الا رحم الله مدرس الدين الذي قال البيرة البااااااردة ما حرام
اقول قولي هذا و استغفرالله لي و لكم
قوموا الى محاسن اعمالكم
محاسن اعمالكم دي مفتوحة
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: osman righeem)
|
Quote: بخصوص ما سالت عنه ترتفع اسعاره تبعا لارتفاع مدخلات الانتاج
وخاصة ان اسعار المواد الخام البديلة ترتفع اسعارها ايضا في مثل
الوقت من كل عام
|
يا رغيم إجابتك مقنعة وشافية وكافية وما خلت شاردة ولا واردة..
ممكن بكده نقول عنك خبير اقتصادي بجانب إنك مستشار وخبير مالي..
دي هي المنفعة الحقيقية اللي بيجنيها الواحد من المنبر، إنك
تلقى الرد المناسب لكل تساؤلاتك..
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: بشري الطيب)
|
Quote:
قد يكون ذلك مصاحباً للإرتفاع في اسعار المواد الخام فالتمر سعره في إرتفاع وكذلك المياه داخل الخرطوم ...... عليه ننصحكم باللجوء الي المصدر وفي نفس الوقت نحذركم أن الذهاب الي المصدر في ضواحي بحري قد يعرضكم للمتربصين والمستنكحين....
بعدين يا شباب والله في موضوع خطير وهو ظاهرة شراب الشباب للإسبرت بدلا عن العرقي وهو مضر جداً وقد يؤدي الي الموت .... فالرجاء كل من يعرف زول بشرب إسبرت يحزروا من خطورة هذا الأمر. |
فعلاً يا بشرى ممكن يكون المواد الخام والموية ليهم تأثير في زيادة الأسعار..
الناس البسكروا في مايو دائماً بكونوا لاقيين حريتهم والكشات ما بتجيهم..
ومعك ننصح الشباب بالابتعاد عن شراب الاسبرت والرجوع إلى شراب الآباء والأجداد..
عندنا واحد زمان سكر لأول مرة مع راجل قريبو والعرقي أظنو كان قوي شديد..
في نص الحفلة قعد يكورك (الله لا يبارك فيك يا عمي قاسم.. ده عرقي ولا زبيرتو)..
يقصد سبيرتو..
المصدر: أنا
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: Nasruddin Al Basheer)
|
يا نصر الدين شنو فاكي قنابلك دي كدا
ذكرتني كنا بندرس في الهند
جاتنا دفعة طلبة جدد اها حق الله بق الله
نسأل عن اخبار البلد
واحد نطة شحن ليك صوته حزن يقطع القلب
و قال لينا شدة البلد ما بقت غالية
العرقي ما عارف بكم
و السوبر عيييك خليهو ساكت
هو ليهو 5 دقايق ما عارف سنايرو ديل
بشربوا عرقي و لا حدهم الروب كان بالغوا
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: نصار)
|
يا نصر الدين شنو فاكي قنابلك دي كدا
مجبرين يا نصار يا اخي
ذكرتني كنا بندرس في الهند
جاتنا دفعة طلبة جدد اها حق الله بق الله
نسأل عن اخبار البلد
واحد نطة شحن ليك صوته حزن يقطع القلب
و قال لينا شدة البلد ما بقت غالية
العرقي ما عارف بكم
و السوبر عيييك خليهو ساكت
هو ليهو 5 دقايق ما عارف سنايرو ديل
بشربوا عرقي و لا حدهم الروب كان بالغوا
الراجل كان صادق في نقل معاناة الشعب
وشاف السلع الضرورية والمستهلكة ووراكم أسعارها بالتفصيل..
صاحبكم ده راجل صادق مع نفسو ومعاكم..
طلبتكم بتاعين الهند ناس مفتحين وواقعين من السماء سبع مرات..
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: ALGARADABI)
|
Quote: أعتقد أن لموضوع أرتفاع سعر العرقي علاقة باقتراب رمضان على رأي أبو رغيم
لكن ليس كما يعتقد
العلاقة هي أقتراب ليلة خم الرماد
حيث بتم استهلاك كمية مماثلة لاستهلاك العام من العرقي في تلك الليلة |
يا قردابي يا اخي متين ليلة خم الرماد جات؟ الرماد دخ بخموهوا قبل
المولانات يقيموا ليلة النصف من شعبان؟
كثرة الطلب في ليلة خم الرماد ربما تزيد الاسعار لكن زيادة مؤقتة..
عليك الله أنا الدخلني في موضوع العرقي ده شنو؟
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: انس التوم احمد)
|
الرديف العرقي النضيف
العرقي النضيف دا عاملنو بي جاز أبيض
يازول فى صينيين شاغالين فى قاعدة وادي سيدنا العسكرية ايام نميري
جاتم خرمة كدا قالوا يمشو امبدة يسكرو
وبعد داك رجعو رجعو للقاعده من شدة حر الجو وسخانة العرقي لقوا ليهم براميل مليانة موية ودخلوا فيها. شافهم ليك عسكري قال ليهم ما قلتوا نوبه
على فكرة العرقي من الصين مضمون ومطابق للمواصفات القياسيه ورخيص ممكن نستعيض به عند غلاء العرقي البلدي المحلي حتى المريسه ممكن نجيبهامن الناس ديل
ديل ناس شفوت جدا جدا
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: الزنجي)
|
Quote: على فكرة العرقي من الصين مضمون ومطابق للمواصفات القياسيه ورخيص ممكن نستعيض به عند غلاء العرقي البلدي المحلي حتى المريسه ممكن نجيبهامن الناس ديل
|
شكراً جزيلاً يا الزنجي على هذه المداخلة المهمة..
لو استفاد السودان من التقنية الصينية ممكن نقدر نطلع من الطريقة التقليدية في صناعة العرقي
التي يشتهر بها السودان ويمكن أن نسهم في زيادة جودة المنتج وإدخال عبوات صغيرة سهلة الحمل
لتجنب الرقابة الشرطية والدوريات الليلية..
تعرف الصينيين ديل لو تدخلوا في صناعة العرقي حا نسمع بمشتقات أخرى من نفس المنتج، مثل خشاف بالعرقي أو كاستر بالعرقي وممكن يصنعوا لينا أنواع من العرقي تناسب مرضى السكر والمصران
وغيرها من الأمراض..
ما تكلم زول:
في مرة كانت بتبيع العرقي.. ربنا هداها وخلت بيع العرقي وحوّلت لبيع الخضار..
مرة جاء قريبنا ماشي بجنبها ولقاها فارشة الخضار ومن ضمنو الأسود (الباذنجان)..
قام قال ليها: هلا هلا.. فعلاً الدنيا دوارة.. من بيع الأبيض بقيتي تبيعي الأسود..
| |
|
|
|
|
|
|
|
|
|
Re: هل بالفعل ارتفعت أسعار العرقي في السودان؟ (Re: انس التوم احمد)
|
Quote: بعد ذلك تأتي مسألة الجودة فمثلاً سعر عرقي الجوافة يختلف عن سعر عرقي التمر
عرقي التمر ذاتو خشم بيوت
في درجة أولى 2جنيه
درجة ثانية جنيه ونصف
درجة تالتة جنيه
|
ده إنت طلعت بروفيسور عديل كده يا أنس..
أنا ما بعرف من العرقي ده غير اسمو
وبعرف كذلك إنو نوعين: عرقي بلح وعرقي عيش..
لكن إنت بتعرف الأسماء والأسعار كمان..
البوست ده إنت أولى بيهو مني أنا..
إنت معلم قديم..
| |
|
|
|
|
|
|
| |
Nasruddin Al Basheer
حافظ حسن ابراهيم
بشري الطيب
رأفت ميلاد
ادريس خليفة علم الهدي
عمران حسن صالح
osman righeem
Zakaria Joseph
Deng
ناذر محمد الخليفة
ثروت سوار الدهب
فيصل محمد خليل
ياسر بيناوي
نصار
ALGARADABI
خالد علي محجوب المنسي
Hassan Makkawi
انس التوم احمد
الزنجي
محمد عبد الماجد الصايم
فيس بوك
تويتر
انستقرام
يوتيوب
بنتيريست