|
|
 قمرايه هنا .. وقمرايه هناااك .. وأنا بيناتن أعلك دهشة ..
|
قمرايه هنا وقمرايه هناك
بتذكر وحياتك زي الليله ..
في داك اليوم ..
كانت ليلات الليلات ..
والقمره تغازل ..
في سحابات الليلة الفاتت ..
الكانت مطرااااااانه ..
مرات تدخل من بين الغيم دون استئذان ..
ولمان تطلع ياستي أنا حافيها جمال ..
وأنا في الحالتين مفتون بيها ..
وأزيدك بيت مفتون بيكي ..
ولو دايره الصح يا غالية كمان ..
إنتوا الإتنين حيرتو البال ..
قمرين إتنين معقول يا ناس الشاغلني ..
ما قادر أعرف بالضبط ..
مين فيكم أول بينحب ..
جوايا سؤال ومعذبني ..
ما لاقي إجابة تريحني ..
واحد من فوووووق وبيدهشني ..
والتاني الجنبي وكاتلني ..
ولحدي الآن قاعد جنبك ..
وبعاين فوقك للقمره ..
وحياة حبك ده الساكني ..
ما قادر أقارن بيناتكم
لو دايره الصح ما لاقي مجال ..
كدي ريحي زولك يا أنتي ..
أديهو جواب يشفيلو القلب ..
مين فيكم أول ينحب ..
|
|
 
|
|
|
|
معتصم مكاوي
فيس بوك
تويتر
انستقرام
يوتيوب
بنتيريست