|
|
 لاب كوت فى الكافتريات والبقالات(توجد حنكشة و جراثيم)يا بنات الطب
|
ظاهر عامة ام هى موضة ولا حنكشة ؟انا غايتو ما عارف القصة دى لزوم شنو
تلقى ليك مجموعة بنات دكيترات(تصغير دكتورات)بشربن فى الببسى والا اكوضمن فى سندوتشات فى مطعم او فى بقالة ولابسات اللاب كوت الابيض فى الشوارع القريبة من المستشفيات شنو يعنى ولزوم شنو؟يعنى عجابهم قصة الدكترة دى والا الموضوع عنده علاقة بى الحنكشة ؟ بنفهم ان دا زى مخصص للعمل و مفروض اكون نظيفة جدا دا لو ما كان معقم الزول العيان دا ذنبه شنو اشم ريحة البرقر الطفحتوه دا ؟
لا ادرى هل هى عملية شاقة انه الواحدة لمن تطلع من المستشفى تخلع الرداء الابيض دا وترجع تلبسه تانى بدل تحمل معها اطنان من الجراثيم من الشارع الى داخل المستشفيات هى اصلا ما ناقصة والا بقت ما فارقة ؟على ما يبدو انهم اصلا ما عارفات الحكمة شنو من لبس اللاب كوت دا
|
|
 
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: 7abib_alkul)
|
حبيب الكل والجميع...
احيي فيك فتح هذا البوست لانو الكلام دا من زمان واجع فشفاشي وما قادره اتفشا...!!
ظاهره لبس البنات والاولاد على حد سواء لللاب كوت اصبحت مزعجه في المواصلات العمه والطرق وجمب ستات الشاي وفي الكفتريات العمه والبنوك
ونقط البوليس زاتو ... مما افقد هذا الرداء الابيض الكثير من قدسيته وهيبته..
الحاجه اللي بتغييييز انهن يستعملنه كساتر لما تحته حيث تجد الواحده منهن ترتدي ما خف وشف مع بنطلون كااااارب كده وداك يا الللاب كوت لتكميل القشره ... وحلاتها الدكتوره طلعت .. وحلاتها الدكتوره دخلت ...ّّّ!!!
استعماله بهذا الشكل السافر كقطعه مكمله مع باقي الطقه هو اعتداء سافر (تااني) عليه وعلى ماهيته..
وغايتو كان الراس مليان علم قدر مافي الوش من ميك اب فنحن ممكن نرقد عااااافيه بشكل عادي...
وبرضو ارقدوا عافيه...
| |
|
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: داليا الكباشى)
|
شكرا على فتح هذا البوست
هذا موضوع في غايت الاهميه ...ماشايف أي داعي لاي طبيب أو طالب طب أو أي شخص يعمل في الحقل الطبي أن يتحاوم بالبالطو أو أي لبس مخصص للعمل به في مكان معين فقط وهو المستشفى أو المعمل أو ما شابه ...
هذا سبب جاهز لنقل ماهو في المستشفي للمجتمع ....والعكس صحيح ...
يجب أن يكون هناك ألزام من ادارات المستشفيات بمنع هذه الظاهره ...
يكفي ماشاب مهنة الطب من غبار هذه الأيام ...
تحياتي
| |
|
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: Dr.Elsadig Abdalla)
|
د/الصادق
حقيقى ان هذا الأمر وبرغم من عدم اكتراث الاطباء (حديثى التخرج)لا يدركون اهميته وخطورته من النحية الصحية ومن النحية الأجتماعية المتعلقة بقدسية مهنة الطب فهذا المهنة توجب على الطبيب سلوك معين لان احترام المجتمع لطبيب و ثقته فيه يجب ان تكون متوفرة وإلا فقد المريض اطمئنانه و هو بين يدى الطبيب
وان اراد الطبيب ممارس اي سلوك طبيعى يجب ان لا يكون فى جالت ارتدا الزى الابيض
واتمنى يقرأ هذا البوست اكبر عدد ممكن من الأطباء لتبصير الأخرين منهم بهذا الظاهرة والحد منها
ولك شكرى
| |
|
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: 7abib_alkul)
|
حبيب الكل ....
موضوعك فى السلك ...
اكتر مكان ممكن تشوف فيه الظاهرة دى ...
صرافة الامارات فى عفراء مووووووول ....
للأسف انه اللاب كوت (بالطو المعمل) تجد ان لونه
بدأ يتغير الى البيج وبه بعض القاذورات وبالذات
فى اماكن الجلوس يديك ايحاء بانه من يرتديه
لايهتم أين يجلس به فى طوبه ولا قعر صفيحة ...
وهو من المفترض ان يكون ابيض ناصع البياض ..
ولكن فى بلدى كل شئ ممكن ...
__________
لو شفت طالب طب واقف فى صرافة عاوز يستلم تحويله
ولابس لاب كوت لونه ما ابيض ووسخان .. يبقى اكيد انت
فى السودان ....
| |
|
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: celecon)
|
the white lab coat
هو الزي الرسمي الموحد لطلبة العديد من كليات العلوم الطبية الخاصة
وبطبيعة الحال فإن التقيد بإرتدائه داخل حرم الكلية أو أثناء فترة (العملي) بالمستشفيات ضرورة فرضتها لوائح الكليات
أحسب أن كلية الخرطوم للعلوم الطبية (نصر الدين) هي من إبتدعت هذا الأمر ثم جارتها بعض الكليات الأخرى
أحد أهم الأسباب التي جعل لأجلها اللابكوت أبيض اللون هو قابلية اللون الابيض لإظهار مستوى التلوث
مما يرفع من حساسية الكادر الطبي تجاه نظافتة الشخصية
يعني لما تشوف طالب علوم طبية بلاب كوت متسخ
تأكد أن ملابسك قد لا تكون أحسن حالا منه
!
| |
|
|
|
|
|
|
|
|
|
Re: لاب كوت فى الكافتريات والبقالات(توجد حنكشة و جراثيم)يا بنات الطب (Re: ALZOLZATOO)
|
حبيب الكل
سلام
تعرف ان طلاب الطب لا توجد عندهم استراحة او اى مكان مناسب لتغيير الكوت
و دخولهم لاستراحات الاطباء صعب بعض الشئ لان اعدادهم كبيرة
و لهذا لا مفر لهم او لهن من تناول وجباتهم او الشاى و البارد خارج المستشفيات و باللابكوت
خصوصا انهم كثيرا ما يضطرون للبقاء فى المستشفى حتى المساء
فى المستشفيات ذات الاعداد الصغيرة من الاطباء لا توجد هذه المشكلة حيث يستعملون التسهيلات المتاحة للاطباء من غير ان يزعجوا احدا (مستشفى البلك, الصداقة الصينى, الاكايمية, الخ) على سبيل المثال
نرجو ان تخصص كليات الطب استراحات لطلابها داخل المستشفيات
| |
|
|
|
|
|
|
| |
7abib_alkul
ياسر حسن المبارك
داليا الكباشى
Dr.Elsadig Abdalla
Salahaldeen Nadir
عمر عبد الخالق سعيد
ALZOLZATOO
فيس بوك
تويتر
انستقرام
يوتيوب
بنتيريست