|
|
|
 Re: صورة لمياة الشرب في الخرطوم (Re: محمد الامين محمد)
|
Quote: عمو محمد الامين دى موية شيك بالشوكلاته....
تعيش الحكومة الوفرت الرفاهية دى للشعب السودانى
ياريت نتذكر الموية دى ايام الانتخابات،،، |
** الاخوان / ود الامين و ودالموج.
** مساءكما خير..
## الواحد بتخيل بعد فتح البوست دا تصريح مسؤول من دائرة المياه بجمهورية سازونيا الاسلاميه:-
** بسم الله الرحمن الرحيم والصلاة والسلام على اشرف المُرسلين
** بما أن بعض أفراد الشعب الفضل لايعجبهم العجب ولا الصيام فى رجب فإن مُشكل لون المياه هذه الايام وندرتها هو بسبب هطول الامطار ودول الإستكبار إذ أوقف عنا الشب الذى يُرسب الطُفيليات والاوساخ ومنعوا عنا الكلور ,,, والعايزا كده إذا جاتو المويه فى الماسوره يشربا وإذا ماجاتو وماعجبو شكل المويه يشترى مويه صحه ,, وكل واحد يتمدد على قدر لحافو ,, والماعاجبو الكلام دا يفرتق ليهو لبلد تانى تكون مويتو نضيفه وكهربتو مابتقطع ومافيها توجه حمارى (آسف حضارى)..
** ونقابلكم فى الانتخابات والصوت بعشره ...................
** وطالما اولادنا بصيفو فى ماليزيا وتركيا وإسبانيا ,, فلا ضرر ولا ضرار ..
(ودام وجودنا وإنتفاخ كروشنا )
### مسؤول هيئة المياه بالعاصمه القوميه الاسلاميه لدولة سازونيا الحضاريه..
| |
 
|
|
|
|
|
|
|
 Re: صورة لمياة الشرب في الخرطوم (Re: محمد الامين محمد)
|
الاخ محمد الامين محمد
إذا كان في العاصمة يوجد 700 الف بئر سايفون (و الرقم اكبر من ذلك) بإعتراف عبدالرحمن الخضر والي الخرطوم
ح تتوقع تشربوا شنو يعني
السايفون يلوث المياة الجوفية
و هي مصدر المياة الرئيسي للعاصمة.
طبعا الحكومة رافضة انشاء شبكة صرف صحي و متكلة على المواطن يتصرف بطريقته و طبعا المواطن ح يحفر سايفون
دا غير الفساد في محطات المعالجة. حيث تباع مواد المحطات المهداه من الصين في الاسواق.
كارثة بئية تنظر الانفجار و قريبا و لو استمر الحال
الصرف الصحي اولوية قصوى
و من اوجب واجبات الحكومة لا غيرها.
يقدر انشاء و تشغيل شبكة صرف صحي في المدن الثلاثة وحدها بمليار دولار اليوم
و سيتزايد الرقم كل ما تقاعسوا
و يومت الناس كالانعام
و ماذا انتم فاعلون؟
تحاياي
| |
|
|
|
|
|
|
|
|
|
Re: صورة لمياة الشرب في الخرطوم (Re: Osman Musa)
|
| Quote: لا يمكن لمياه السيفونات أن تصل لخزانات المياه الجوفية حتى لو كسرت رقبتها. |
أخونا حسين ملاسي يا جماعة بقى مهندس هيدرولجي وللا شنو؟!
أحاول أفهمك علشان تاني ماتفتي فى الهندسة:
طيب يا العوير المياه الجوفية دي ذاتها جات من ويين؟!
ياعزيزي المياه الجوفيه دي موية المطر، فإذا كانت موية المطر
جات من السماء ووصلت الخزانات الجوفية، اللي بمنع بئر السايفون تصل شنو؟!
وإنت عارف بئر السايفون ممنوع فى الدول المتقدمة لهذا السبب؟!
عليك الله رجاءً أقيف بعيد وأشخط شخيط من الهندسة
| |
|
|
|
|
|
|
|
|
|
Re: صورة لمياة الشرب في الخرطوم (Re: النذير حجازي)
|
| Quote: لا يمكن لمياه السيفونات أن تصل لخزانات المياه الجوفية حتى لو كسرت رقبتها. |
وصلت بدون كسر رقبة .. والكلام لمهندسين مختصين. والبير المعنية هنا تابعة لإحدى شركات تعبئة المياه المسماة (صحية)
| |
|
|
|
|
|
|
|
|
|
Re: صورة لمياة الشرب في الخرطوم (Re: احمد محمد بشير)
|
| Quote: أبو الريش معذور و لو حجازي ما عندو علاقة بالجيلوجيا برضو يكون معذور. |
يا حسين ملاسي، نثقفك شوية ونلقى فيك الأجر، والموية دي أكل عيشي، وحبذا لو إنضم إلينا
كوستاوي وإسمارت أنا فى عملية تثفيف الصحة هذه.
أولاً علم الجيولوجيا هو علم طبقات الأرض ولا علاقة له بالمياه أكانت جوفية أو غير جوفية
أما علم المياه ويسمى بالهيدرولوجي فهو العلم الذى يختص بالمياه، وكذلك الهيدروليكي
فهو يختص بالقوة الديناميكية للمياه مثل السدود وشق الترع والقنوات والطفو فى المياه، فهو
جزء من ميكانيكا الموائع.
أدناه رسم توضيحي يبين الدورة الهيدرولوجية أو دورة المياه الطبيعية
| |
|
|
|
|
|
|
|
|
|
Re: صورة لمياة الشرب في الخرطوم (Re: النذير حجازي)
|
| Quote: في عملية ترشيح طبيعي بتم للمياة الجوفية |
الأخ فيصل خليل،
عملية الترشيح الطبيعي للمياه من خلال تخلله لطبقات التربة ليس
كافياً، فهو يقوم فقط بعزل المواد الصلبة العالقة بالمياه، وتستخدم
المرشحات الرملية الصناعية لنفس الغرض للمعالجة الأولية للمياه، ثم
بعد ذلك تتم المعالجة المتقدمة لقتل البكتريا، فالترشيح الرملي وحده
لايكفي لقتل البكتريا، ومن ثم الترشيح تتم عملية الترسيب للتخلص من
الشوارد الرملية المذابة فى المياه
| |
|
|
|
|
|
|
|
|
|
Re: صورة لمياة الشرب في الخرطوم (Re: النذير حجازي)
|
الاخ ود حجازي كتب
Quote: الأخ فيصل خليل،
عملية الترشيح الطبيعي للمياه من خلال تخلله لطبقات التربة ليس
كافياً، فهو يقوم فقط بعزل المواد الصلبة العالقة بالمياه، وتستخدم
المرشحات الرملية الصناعية لنفس الغرض للمعالجة الأولية للمياه، ثم
بعد ذلك تتم المعالجة المتقدمة لقتل البكتريا، فالترشيح الرملي وحده
لايكفي لقتل البكتريا، ومن ثم الترشيح تتم عملية الترسيب للتخلص من
الشوارد الرملية المذابة فى المياه |
هذا ما كنت ارمي اليه
| |
|
|
|
|
|
|
|
|
 Re: صورة لمياة الشرب في الخرطوم (Re: فيصل محمد خليل)
|
Quote: يا عبدالكريم
كلامك دا عيدو لينا باللاوندي
عشان نحن ما فاهمين |
** ود محمد خليل
** مساءك خير..
** غايتو اللغه دى إلا تشوف صديقى الباشمهندس عبدالكريم الامين أحمد (كيكى) ..
(ودام الود بيننا)
(ابو محمد فؤاد) - الماكيكى...
| |
|
|
|
|
|
|
|
|
|
Re: صورة لمياة الشرب في الخرطوم (Re: محمد الامين محمد)
|
الاخ النزير سلامات
هو الموضوع كان محتاج شرح يعني
و الكباية الفي اول البوست دي جات من وين؟
ملاسي احتمال قايل كلمة خزانات دي معناها خزانات مصفحة.
السايفون عادة يجوف مثل البئر تماما حتى الطبقة الصلدة من الارض... حيث تتجمع المياة كاخر حد لها انحدارا.
و الباقي جريمة صحة بئية و كارثة.
| |
|
|
|
|
|
|
|
|
|
Re: صورة لمياة الشرب في الخرطوم (Re: ثروت سوار الدهب)
|
Quote: والله جيت أقول ليك دى مويه ولا عرديب
بتى جمبى يا دوب يتفك فى الخط
قالت لى ماما أسيييييييييييييير
قصدها عصير
حتى المويه في السودان بقت مؤلمه |
إنا لله... غايتو الرباطاب يوم بيرمو حوش بكري ده...
والله بلدنا السوها فيها الجماعة ديل, يا قول أهلنا:
الكلب في الخمارة ما سواها. السا يفونات ديل الناس
يجوغرو في مويتهن دي, وهن بعد ده كلو ينهدن فوقهم,
والأدهى وأمر, إنو في ناس الميهية العفينة دي ما لاقينها...
غايتو بس نقول الله يجازي الكان السبب...
سلام أخونا محمد...
| |
|
|
|
|
|
|
|
|
|
Re: صورة لمياة الشرب في الخرطوم (Re: معاوية المدير)
|
| Quote: أبو الريش معذور و لو حجازي ما عندو علاقة بالجيلوجيا برضو يكون معذور |
ما أتيت بفتوى من عندي .. ولا ادّعيت معرفة ما لا أعرف.
ولكن كلامي كان على أساس نتيجة فحص مختبري لعينة مياه معبّأة للشرب (صحية) .. وفي نتيجة الفحص ظهرت ((مواد عضوية))
_____
محتاج أشرح مواد عضوية يعني شنو؟
| |
|
|
|
|
|
|
|
|
|
Re: صورة لمياة الشرب في الخرطوم (Re: محمد الامين محمد)
|
يعترف السيد وزير التخطيط العمرانى فى المقابله بأن أبار السايفون تلوث المياه الجوفيه وقال أنه تم ايقافها ولكن المواطنون قابلوها بالرفض فهل كلفت نفسها أى وزارة التخطيط العمرانى ايجاد البديل.
وهل يعنى رفض المواطنين ان ترفع الوزاره يدها.
فكم من قرار تم رفضه وفرض بقوة القانون.
| |
|
|
|
|
|
|
|
|
|
Re: صورة لمياة الشرب في الخرطوم (Re: malik_aljack)
|
محمد الامين .. والمتداخلين ... سلام ..
المويه دي انايمكن اكون شربت منها اكتر من مليون كاسه في ريفي الشرقي ..
الناس هينا مستغربة للمويه دي رغم انها بالنسبة للكثيرين موية عز الطلب .. فانا اذكر في مدينة سواكن (ماعارف هي مدينة ولا قرية ولا اثر ) ذات المياه المالحة كان الناس يفضلون مياه الامطار ذات اللون الطمي المركز عن المياه المالحة وكنا نتسابق في جلب هذه المياه تماماً كمياه القاش عندنا في كسلا وكانت تعرف بمياه السيل .. تخيل .!!!! مياه الطمي فيها مركز وبدل شراب مويه يبقي شراب وجبة غذاء من الطمي الخالص ..
ماشماته ياناس الخرطوم بس الواحد شايف انكم بتشتكوا من موية نحن بنشربها منذ الطوفان ...
نتمني نشرب موية نقيه في كل السودان ...
| |
|
|
|
|
|
|
|
|
|
Re: صورة لمياة الشرب في الخرطوم (Re: محمد الامين محمد)
|
قمت في برنامج صحتك علي اذاعة خرطوم اف ام الجمعة الماضية باستضافة عدد من المختصين في نفس موضوع البوست
وقد اشارالدكتور بشير محمد الحسن رئيس قسم الهندسة الكيميائية بجامعة الخرطوم والمتخصص في هذا المجال الا ان ابار السايفون العادية لا تصل لعمق المياه الجوفية لكن الابار التي تحفر آلياً قد تصل الي اعماق تلوث المياه الجوفية
| |
|
|
|
|
|
|
|
|
|
Re: صورة لمياة الشرب في الخرطوم (Re: MOHAMMED ELSHEIKH)
|
دي موية النيل في الخريف لانو الطمي بكون تقيل وكتييييييييييييير
اسع يجوا الناس يقولوا دي الحكومة
فيا اخي ود اللمين
للامانة والتاريخ قاعد تشرب موية زي دي طول السنة
اتحدي اي زول عزوبة مياه السودان
الا في الخريف لزيادة الطمي بتغير لون المويه
اسع يجوا الجماعة يقولوا دي الانقاذ
ولا لو الهوا ء ضربكم تقولوا دي الانقاذ
| |
|
|
|
|
|
|
|
|
|
Re: صورة لمياة الشرب في الخرطوم (Re: mayada kamal)
|
Quote: دي موية النيل في الخريف لانو الطمي بكون تقيل وكتييييييييييييير
اسع يجوا الناس يقولوا دي الحكومة |
عليك الله يا ميادة يا اختى ما سمعتي بي حاجة اسمها "تنقية مياه الشرب"؟
يعني الحكومة دي مسعولة من شنو لو ما تنقي مياه الشرب و تخلي الكهرباء تقطع لأكثر من نصف ساعة في صالة المغادرة في المطار الساعة حداشر بالليل حيث لا توجد حتى لمبات اضاءة emergency تتصوري وهي موجودة في اصغر سيوبر ماركت في اي مكان في العالم. اها ةدايرانا نلوم منو؟؟؟؟
| |
|
|
|
|
|
|
| |
محمد الامين محمد
مزمل خيرى
وجن
Faisal Elrasheed
فيصل محمد خليل
صديق الموج
سيف اليزل جعفر عبد الرحمن
Haydar Badawi Sadig
Osman Musa
SHIBKA
عبدالكريم أحمد الامين
ثروت سوار الدهب
Hussein Mallasi
النذير حجازي
محمد أبوالعزائم أبوالريش
احمد محمد بشير
ALGARADABI
معاوية المدير
م. سيد احمد قدورة
Hisham Ibrahim
malik_aljack
فايزودالقاضي
مهند الجيلي بادي
Nazik Eltayeb
MOHAMMED ELSHEIKH
mayada kamal
باسط المكي
فيس بوك
تويتر
انستقرام
يوتيوب
بنتيريست