|
|
|
 Re: خلى حيائكم ينفقع مش ينخدش هذه هى ثقافتنا وتراثنا (Re: أحمد أمين)
|
كتب منصور خالد :
ماذا جنى أهلنا في هذه الحياة الدنيا حتى تنبري لهم جماعة لا تنبسط نفوسها لأي شئ يثير العاطفة والوجدان لتحرمهم من الطرب بصورة مثل تلك الصور التي وشاها البنّا لأنها في تقديرهم السقيم , صور فاضحه . ما أروع قول ذلك الشاعر محكم التعبير متكامل اللحن - فاضحاً كان أو غير فاضح - في قصيدته :
القوام اللادن منتبر مليان مال بي ديسا مروى وبالخمر نديان
النهيد ليمون والعيون جديان نور محيه الساطع والبدر سيان
باهي جيدك وافر والقوام كالبان والبدور خجلانه وانت محيك بان
طرفي ساهي وساهر بالدموع تعبان يالفريع الميل بالثمار غلبان
| |
 
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: أحمد أمين)
|
كتب خليل فرح
شوف عناقد ديسها تقول عنب في كروم
شوف وريدا الماثل زي زجاجة روم
القوام اللادن والحشا المبروم
والصدير الطامح زي خليج الروم
وكتب الشاعر سيد عبدالعزيز
سيده وجمالها فريد
خلقوها زى ما تريد
فى خدودها وضعو الريد
يامن جمالها فريد
أنا قلبى ليكى مريد
شايقنى فيك عديد
قامه وحزوز فى وريد
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
قالوا والعهده على الراوى:
انه جماعة من مخدوشين الحياء ديل راكبين عربية وحايمين فى الشارع (عايزين حيائهم ينخدش)
واحد عسكرى: يا جنابو شايف البت ديك..؟
جنابو: وينه ياخى (يتلفت يمينا ويسارا كحال المخدوشين)؟
العسكرى: ياخى دى اللابسه بنطلون دى، تفتكر بتكون خدشة الحياء؟
جنابو: دقيقة بس ياجماعه خلونى اتاكد(وتحسس اعضائه الخاصه) اى والله خدشته، وقفوا لى البت دى سريع.
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: أحمد أمين)
|
وكتب عبيد عبد الرحمن
بين خدودن وبين انفصادن
يجرى بحر السيف يروى صادن
شوف عيون الأكباد حصادن
والبطير ما طار من مصادن
ناعسات كاحلات صابنى صادن
كيف أطيق الموقف قصادن
ما بطيق رميات النبال
ما سليت إن نهت النواهى
فى هواك أو دهت الدواهى
برضى بفخر بيك وبباهى
ليلى هاك أفكارى السواهى
تحكى ليك آمالى الزواهى
ليلى آه أنا جسمى واهى
ما بطيق للهجر احتمال
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: Fathi Ali Mohammed)
|
لالالالالا يا فتحي
ياني أنا ذاااااااااااتي علاء الدين
كلامي مالو!!!؟
عيبو لي
ما ياهو زييييييييييييي كلام الإعلان
و البوست دة بيحارب في حركات ناس النظام العام ضد إعلان كلامو عادي جداً
زي كلامي
هسي الفرِق بين كلامي و الإعلان شنو!!!؟
واااااااااااااااااااااااااااااحد
ياخ ما تبقوا كلكم زي ناس النظام العام الدكتاتوريين ديل
الإلان قال جررررررررررررررررربتو أنا ضقتو
هسي كلامي دة طلع من الضواقة في شنو
| |
|
|
|
|
|
|
|
|
 Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
.
.
ياعلاء الدين ذكرتني قصة قريتها زمان:
قال ليك في جماعة من الأدباء في زمان عصور الدرهم والجواري عندهم قعدة يومية تدار فيها أنواع خمور الأندرينا والنبيذ المعتق وأنواع اللحم المشوي مما تشتهي الأنفس وطبعاً كل المزة دي على شرف الشعر والقصائد والأدب . المهم في واحد ثقيل متلح الناس ديل يجيهم وقت العشاء يضرب شيتهم ويشرب نبيذهم لمن كرهوا حنانه . فواحد من الأدباء ديل قال ليهم أنا بريحكم من الزول ده بس أصبروا خلوه يجي:المهم صاحبنا النحل الضهبان ده جاهم وقت العشاء زي عوايده فقام الأديب المثقف سأله قال ليه ماذا عنى الشاعر بقوله:
ولقد غدوت بمشرفِ ِ
مثل الهرواة ماؤه يتفصدُ
ويسيلُ مع المزاح لعابهُ
ويكاد جلد إهابه يتقددُ
؟
فقام الزول الثقيل قال ليه : لعله يعني الحصان.
فقال ليه : حملك الله على مثله
وطبعا القعدة كلها ماتت من الضحك والنحل خجل ومشى قطع وشه تاني ماجاهم
:)
دحين الله يرضى عليك ياود العم صلي على النبي المعصوم .
.
.
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
نحن نعيش فى دولة منفصمه
بالاحرى انصاف متعلميها(الذين غسلت ادمغتهم وبرمجة باموال الوهابيه السعودية) منفصمون
حيث تجوب الصبيا كاشافات الصدر فى بقاع كثيره من السودان الان
واخرون عراة تماما
يشرع هؤلاء المنفصوم لقوانين تعاقب لبس نساء (اسموه خادش للحياء) بالجلد
اعجبتنى لبنى حيث اردت نفس الملابس التى قالوا انها خادشة للحياة وذهبت بها الى المحكمة
-----------------------------------
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: أحمد أمين)
|
شوف ما تشبكنب المدعو و الشجاعة و الكلام الخارم بارم دة
قلت ليك تعال تلقاني عدييييييييييييييييييييل في أي قعدة بورداب
سيب الولولة
ما قلت الكلام سمِح
هاسي شابكني الكلام البشبهك!!!!؟
مش ياهو الكلام الكنت بتدافع عنُّو؟
مالو ما عجبك مني يا دعي
وقت ما بتقدر عليهو بتنطط مالك
أها رايك شنو!!!؟
بعدين الأسطوانة المشروخة بتاعة عبيد و فروخ دي ما بتقسِّم معاي
و إنت مجرِّب
فشوف ليك حاجة تانية
و تاني مرة لمن تجي تدافع عن كلام خليك قدرو و ما تنطط
هسي ضحّكت خلق الله عليك
| |
|
|
|
|
|
|
|
|
 Re: خلى حيائكم ينفقع مش ينخدش هذه هى ثقافتنا وتراثنا (Re: Manal Mohamed Ali)
|
السلام عليكم
أخ علاء الدين
صاحب البوست إستشهد بكلمات من تراثنا فعلاً
وماجاب شئ من عندو وإذا كان يرى أن كلمات الإعلان كلمات عادية
فتلك وجهة نظرو وأي إنسان سوي سيراها كذلك
لاسيما إذا كان إنسان خارج البلد وبعيد عن الشارع السوداني
ولكن ذلك يا أخي لا يعطيك الحق أن ترد عليه بهذه الطريقة والتي فعلاً تخدش الحياء
بإمكانك أن تنصحه باسلوب جميل وراقي عبر هذا البوست أو في ماسنجره الداخلي
مع مراعاة كل الفئات التي تقرأ هذا المنبر
هذا ولك الشكر مقدماً إذا اتمنى أن تتفضل بتعديل مشاركاتك
ودمت
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: وجن)
|
وجن
سلام
و أنا تعاملت معاهو بذات وجهة النظر
و كلماتي لا تخرج أبداً من سياق الإعلان اللي هو في وجهة نظرو حسب كلامك عادية
كلامي مقتنع بيهو و لا يستحق مني الحذف أو التعديلراجعي الإعلان
و راجعي كلامي
حتلقيهم واااااااااااااحد
لو الإعلان عجبكم و عادي
يبقى كلامي عادي جداً
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
الان فى مدينة لا تقع بعيدا عن الحدود بين جنوب السودان وشماله، حيث اختلطت فيها الثقافات والاعراق من مختلف انحاء السودان، لو كان عمدة المنطقة يتبع منطق المشرع فى الخرطوم لحدثت كوارث فى منطقته او قامت حرب اهليه مصغرة، لكن بحكم الحكمة المتوارثة و التسامح الذى ادى الى تكريس التعايش السلمى فى المنطقة لعقود من الزمان تجنبت المنطقة كثير من غباء حكام الخرطوم.
عندما تثار قضايا مثل شرب الخمر أو حالة حمل دون زواج، لا يلجأ العمدة الى القانون الذى يقهر اهل السودان بل يستشير تقاليد الناس واعرافهم يستعين بحكمة رث الشلك، وشيخ النوير او الدينكا، يأخذ برأى شيوخ النوبة أو البرون و الفلاتة والمراريت فى قضايا يعجز القانون الجنائى الحالى الذى صاغته عقلية فى الاصل تحتقر ثقافة السودانيين عن معالجتها.
فى تلك المدينة لو طبق سطر من قانون النظام العام وفيما أسموه بالملابس "الفاضحة"، لعجز العمده عن ضبط النسيج الاجتماعى فى المنطقة، حيث الشلك نساء ورجال يلبسون (اللاوى)، بنات البرون يمارسون حياتهم بالفستان، وعندما تذهب الى (حقول الزرع)النساء من كل القبائل يمارسن الزراعة والحرث بعد أن تخلصنا من الثوب السودانى، وترى فتيات ونساء(بالفستان) تجمعن حول حفير ليغسلن الملابس او لسقى البهائم.
وكيف يرضى هذا العمده شيوخ تلك القبيلة "العربية" التى ترى ان مصاحبة "العوين -النساء" أو شرب الخمر ليس فيها حرجا، بل أنهم راضون بمصيرهم فى الاخره (هو الذهاب للنار- لكن ربما شفاعة شيخهم تنقذهم) لكن ما يثير قلقهم ان بقية القبائل سوف تطيل عليهم الحساب يوم القيامة.
لكن عقلية المشرع (المنفصم) لخصها نميرى قبل أعلانه قوانين 1983 التى يستند عليها قانون 1991 الجنائى، حيث قال فى الفاشر وصب غضبه على القضاة (لأضرابهم) وقال بالحرف (القمرتية وبتاعين السكر أنا ح أجيب ليهم قوانين هم ما بيعرفوها).
والان السودان يعتبر ضمن اقلية من دول العالم (السعودية وايران، وافغانستان-طالبان) تطبق فيها قوانين تعتمد اكثر تفسيرات الشريعة الاسلاميه تشددا دون مراعاة للواقع الثقافى، او الارث التاريخى أو التعددية الدينية فى البلد.
وكأننا بالذات فى السودان لا نعى الدرس من تاريخنا القريب، عندما قام نظام الدولة المهدية بأكبر عملية قمع ثقافى شهدها السودان فى القرن التاسع عشر. أدت الى كراهية الناس لها، وانهيار تلك الدولة بعد ان تاكلت من الداخل والخارج.
وهذا هو الاتجاه الذى يسير نحوه السودان بغباء متقن.
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
Quote: وجن
سلام
و أنا تعاملت معاهو بذات وجهة النظر
و كلماتي لا تخرج أبداً من سياق الإعلان اللي هو في وجهة نظرو حسب كلامك عادية
كلامي مقتنع بيهو و لا يستحق مني الحذف أو التعديل راجعي الإعلان
و راجعي كلامي
حتلقيهم واااااااااااااحد
لو الإعلان عجبكم و عادي
يبقى كلامي عادي جداً |
لأ، كلامك وكلام الإعلان ما واااااااحد يا استاذ علاء
وبالجد راجع كلامك..
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: علاء الدين يوسف علي محمد)
|
ما بنسي ليلة كنا تايهين في سمر,,,,,,,,,,,,, يوم قلبي بالانفاس لانفاسك غمر
(من اين اتى هولاء ),,,,,واذا ساء فعل المرء ساءت ظنونه
د:سلافا العاقب
| |
|
|
|
|
|
|
|
|
|
Re: خلى حيائكم ينفقع مش ينخدش هذه هى ثقافتنا وتراثنا (Re: Abdlaziz Eisa)
|
احد اقاربى كان ينتمى الى هذه الجماعه، كان يكره سماع الموسيقى وكل الاغانى باعتبارها حرام- وكم اضعت زمن معه فى محاولة اقناعه حينها بأن وجهة نظره غير صحيحه. لكنه الان بقدرة قادر( وبعد سنوات طويلة) يبدو أن مفعول المخدر الفكرى قد "فكه" .اصبح يسمع ام كلثوم وفنانه المفضل محمود عبد العزيز، ويشاهد الافلام الاجنبية.
اصحاب المشروع الحضارى، يبدو انهم لم يتكهنوا فى معنى كلمة "حضارة" حين اطلقوا صفتها على مشروعهم. ماتبقى من الحضارات السابقة (الاذتك، الصينية، الفرعونية، المرويه)هى الفنون بكل اشكالها، النحت، الرسم، الشعر الموسيقى والغناء وفن المعمار.
لكن هم اتوا الى بناء حضارة لا يمتلكون ادواتها المعروفه، فحاربوا التراث، و الشعر والغناء والمسرح والموسيقى والنحت.......فهل تبقى من مشروعهم غير ثقافة "الموت". وحولوا عاصمة البلاد الى مدينة فقط تشبع "الغرائز" كما يقول الصديق طلال عفيفى.
بعد 100 سنة من الان عندما يكتب المؤرخون تاريخ هذه الفتره من السودان. سترد كلمات مثل: الانهيار، الفساد، جرائم ضد الانسانية، التعذيب، جهاد، اضهاد النساء، وتفتت السودان فى كتب التاريخ.
وهذا هو حصادهم الحضارى.. كما حصدته الحركة الكالفنية فى مدينة جنيفا فى القرون الوسطى بعد ان منع رجال الدين فيها الموسيقى والرقص والغناء، ولتحقيق مشروعهم الحضارى ذلك اذلوا وقهروا الناس ، واصبحوا يتلصصون ويتجسسون على حياة سكان المدينة الخاصة وافكارهم.
لكننا نعرف ان دولة الظلم ساعة............................................وقهر الناس لن يدوم.
| |
|
|
|
|
|
|
| |
أحمد أمين
محمد أبوالعزائم أبوالريش
علاء الدين يوسف علي محمد
abdalla osman
Fathi Ali Mohammed
ALazhary2
وجن
عصام علي أحمد
Abdlaziz Eisa
فيس بوك
تويتر
انستقرام
يوتيوب
بنتيريست