|
|
|
 Re: كيف يعالج الخلل بالهلال قبل لقاء زيسكو الزامبي (Re: khaleel)
|
فعلا يا خلبل
المشكله فى خط الوسط البعانى من ضعف اللياقه بى صوره غريبه
لكن المشكله الاكبر فى سيف ماساوى
بكون جايط فى الميدان ما بتعرفوا لاعب ارتكاز ولا طرف يمين ولا شنو بالظبط
وبتعب الدفاع شديد بى سبب باصاتوا الغلط
وبإخر اللعب شديد لما الكوره تنقطع منو وتبوظ الهجمه
ممكن يرجع علاء الدين يوسف او حموده كاساسى بدل مساوى
بالضافه انو كاريكا برجع ورا شديد وبريح خط الدفاع بتاع الخصم
دى كانت ملاحظتى فى التلات مباريات الفاتت
وبرضو بختلف معاك انو ايفوسا ما بملا خانه هيثم
لكن ممكن يكون النعيم ينشط الجانب الهجومى بصوره كويسه كبديل لى مهند او هيثم فى الشوط التانى
| |
 
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
يا خليل
لو سمعت بهاشم عزالدين بتاع الاهلي الخرطومي زمان ( دفعة التاج محجوب وسعد زكريا)
كان جارنا وطبعا هشام يعتبر احرف لاعب وسط مر على السودان
كل مرة بشيلوهو الفريق القومي
وكان بقعد احتياطي للنقر
وبالواضح كده كانوا المدربين بيقولو ليهو ماممكن نلعبك ونقغد النقر احتياطي
اها يا خليل
ده مدخلي للنقاش
يعني هيثم مصطفى بعامل السن واللياقة لا يستطيع ان يلعب مباراة كاملة
نعم هو حريف لكن كمان السن ليهو دور
ولازم كامبوس يكون شجاع ويلعب بايفوسا
الهلال ماعنده صانع لعب
حتى مع المريخ او الشمالي امبيلي هو من صنع الباصات لي مهند الطاهر وبنفس الطريقة
كاريكا تعباان وجود سادومبا ضروري لانه خطير وحتشوفو كيف
مشكلتنا الوسط
عشان كده الهجوم ضعبف
والدفاع بيتعب كثير في ظل انعدام دور الوسط الدفاعي
ربك يلطف
تسلل :
بالله سيف مساوي ده ما بتفرج على نفسه بعد الكورة
شوت غريب
وعكسات بعيدة
بضيع مجهود الناس برعونة عجيبة
وتلاقيهو راجع وتاني يشوت غلط زي الما حصل حاجة
ياري لو بشوت في المرمى
شوتو فوق او جنب الراية
يا عالم ارحمونا
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
ياخليل ....
حباب الخبير عثمان النعيم ..
شخصيا ارى انو يطلع مساوى للطرف اليمين
ويلعب علاء الدين يوسف واسامه التعاون فى
الارتكاز ..واذا رفض مساوى خانة الطرف اليمين
فكنبة الاحتياطى انسب مكان له ..وليجرب المدرب
سولى شريف او حتى ايفوسا ...صانعى لعب
ليس هناك حاليا من هما افضل من هيثم ومهند
صاح هيثم كبر لكن هو الانسب والافضل ..
سيرتفع مستواهما فى ظل وجود التعاون وعلاء الدين
فى ا لارتكاز ...فبجانب مهام الارتكاز يجيدان صناعة
اللعب والاختراق من الخلف ...
الهجوم امبيلى مع كاريكا لحين دخول سادومبا
فى ا لفورمه ...
| |
|
|
|
|
|
|
|
|
 Re: كيف يعالج الخلل بالهلال قبل لقاء زيسكو الزامبي (Re: khaleel)
|
هيثم مصطفى البرنس سيدا وسيد البلد :
الاعزاء خليل و بقية المتداخلين .... سلامات وتحايا هلاليه عطره من على البعد
نهديها لجمهور ولاعبى الهلال فردا فردا ...... متمنيا لهم ولى كاس افريقيا
والذى طال انتظاره كثيرا فى هذا العام والاسباب متوفره لتحقيقه بس شوية
مجهود ..... ولحظتها لا استطيع ان اصور فرحتى وسعادتى وجنونى ... قولوا آمين
وفى سبيل هذا انقل للاعبى الهلال و جمهور سيد البلد تجربة 35 عاما بالكمال
قضيتها فى الفرجه على كرة القدم العالميه و القاريه و المحليه وخليل يشهد
على ذلك ....
البدايه
1- يجب رفع الروح المعنويه للاعبى الهلال و هذا لن يتأتى الا بالثقه وذلك من قبل
الاداره و الاعلام الهلالى و الجمهور .... فالوقت لا يسمح بالحديث الا فى هذا الاطار
حيث التسجيلات قفلت ابوابها و ملف التدريب حسم من قبل الاداره ... فقط متبقى
رفع الروح ومن ثم الحساب او خلافه للاعبين او المدرب او الاداره اذا اخفق الفريق
لا قدر الله
2- يجب ان يكون النقد بناء و لمصلحة الفريق فى الفتره القادمه من قبل كل المنابر
الهلاليه > صحف - اذاعات - منتديات وخلافه
3- وحسب خبرتى المتواضعه جدا كما ذكرت فهيثم مصطفى لاعب لا يمكن تجاوزه فى الفتره
القادمه للاسباب الآتيه :
+ يجيد التمركز بدون كره ويريح لاعب الهلال الذى يمتلك الكره
+ عندما تصله الكره يجيد قراءة الملعب تماما ويمرر الكره و نادرا يكون تمريره خطأ
+ خبرات واسعه فى ضبط لعب الهلال ككل
+ عندما تكون لياقته البدنيه حاضره ( وهذه اللياقه تاتيه بالعب المتواصل ) يصول
ويجول فى الملعب كابن العشرين ( والدليل مباريات الدوره الاولى فى الممتاز ومباريات
الهلال الافريقيه فى هذا الموسم وخصوصا جزيرة رايون و اول اغسطس بامدرمان وعندما بدأت
ترجع له لياقته البدنيه و الذهنيه رويدا رويدا كان نجم مباراة الهلال الاخيره فى الممتاز
مع الشمالى )
+ الزمن غير كافى لتحضير صانع لعب ويتجانس مع المجموعه ويكون فى النفس الوقت افضل من هيثم
وراجعين لباقى النقاط التى تطرق لها المتداخلين الاعزاء حتى نساهم جميعا فى ان يكون
الهلال الافضل
احتراماتى
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
خليل سلامات
Quote: فوز علي اهلي مدني
واداء غير مقنع للهلال |
اجل ... ولكن يرجع الى ان مدرب الفريق يبحث عن الخطط
التى تناسب لاعبى الفريق ،التنويع الظاهر فى شكل اللعب
من قصير الى ممرحل ثم الى الاكثار من اللعب الطويل و
الذى يحتاج على حسب معرفتى المتواضعه الى لاعبين على
مستوى عالى من دقة فى التمرير و لاعبين يجيدون اللعب
بدون كره .... علينا بالصبر فالمدرب الجديد لازال يبحث
واتمنى ان لا يطول فى ذلك فالزمن لا يسعف ... وبرضو ارجو
الاهتمام باللياقه البدنيه ... فاذا عذرنا علاء يوسف
فاننا لا نعذر مهند و عمر بخيت ....
شكرا خليل على هذا البوست
انك فعلا هلالابى من نوع نادر
وراجعين
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
Quote: ريتشارد وسفاري استطاع الامل العطبراوي ان يحرز هدفين
|
ياخلي سلام
انا المحيرني جائزة احسن لاعب فاز بها ريتشارد واظنها دي مجاملة عشان يثبتوه بيها ........ شفت اقوان الامل الاتنين من عمق الدفاع مكان ريتشارد وسفاري
يااخوي المريخ ده اظنو قلق والعجب
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
لابد من التركيز على الأربعة أركان الأساسيـة في الملعب وعدم تشييدها بالمواسيـر من نوع 25 بوصة
وهي الحراسـة
قلبي الدفـاع
الوسط
مهاجميـن
ولازم عمــل إحتياطات إعلاميـة كالعادة في المباريات الخارجية من حيث الشماعات مواسير نوع 100 بوصة
التحكيـم
الإستقبال السئ
الملعب السئ
وانشاء الله بعد كلـو ممكن تجوا وصيف لنـا
وعليكم اخذ القدوة من الزعيـم
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: محمد مصطفى)
|
انا شخصيا بفتكر انو لازم يلعب اما احمد عادل او النعيم فى الطرف اليمين عشان يقدر يستفيد من سرعتهم ولو لعب علاء يوسف مكان مساوى يكون احسن شى عملو فى حياتو ويبقى ريحنا شوية وممكن يلعب امبيلى فى الشوط الاول مكان مهند الطاهر ويدفع بسادمبا وكاريكا كمقدمه هجوميه
وفى الشوط التانى يعمل تغيير فى خط الهجوم ويقدم امبيلى قدام ويدخل مهند لانو صاحب حلول فرديه
وبينى وبينكم سيدا كبر
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
سلامات يا خلي:
مشكله الهلال الاساسيه الان تكمن في خط وسطه وبدرجه اقل فب الطرفين. اولا بندا بالطرفيين اسامه التعاون واحمد الفاضل وسيف مساوي كخيار تالت في الطرف اليمين
احمد واسامه يقومان بواجبتهم الدفاعيه علي اكمل وجه ولكن مسانتدهم للهجوم ضعفيهخاصه اسامه التعاون وده بالتالي بيخلي امبيلي يجنح شمال وكاريكا يمين ومافي زول في الصندوق وبالتالي تقل الفعاليه الهجوميه. مساوي مسانتدو للهجوم احسن بكثير من التعاون واحمد الفاضل وان كانت عكساته غير مضبوظه حتي الان بالاضافه الي انو اضعف منهم في الشق الدفاعي. زمع ذلك فلاطراف ممشيه الحال ويمكن للهلال ان يفوز حتي مع السلبيات التي ذكرتها
خط الوسط مشكلتو اكبر وهو سبب عدم تناغم الفريق ككل
اولا: عمر بخيت ده محسوب زورا علي خط الوسط فما هو الا مدافع خامس فهو لا يتقدم اطلاقا من خط السنتر وحتي دائره السنتر لا يتواجد فيها اكثر من تواجد لاعبي متوسط الدفاع
اضف الي ذلك فهو لا يمرر الكره الا عرضيا او باص طويل الي غير هدف محدد
ثانيا: سيف مساوي رغم المجهود الوافر الذي يبذله طول المباره لكنه يضيع هذا المجهود بالتمريرارت الخاطئه في كثير من الاحيان ومع ذلك انا شخصيا سيف مساوي ده الترمومتر البقيس بيهو اداء الهلال يلعب كويس الهلال كله بكون كويس و مستحيل ينهزم يجوط الملعب الهلال كلو بيكون جايط
ثالثا: هيثم مصطفي لاغني عن خبرته والدور القيادي الذي يقوم به في توجيه الللاعبين ولكن هيثم لم يعد يستطيع اكمال شوطي المباره ومع ضعف لياقتو خاصة في الشوط التاني للمباره تظهر عيوبه الاساسيه حتي وهو في قمة عطاءه تظهر واضحه وجليه وهي ضعف الالتحام وبطء الحركه
مهتد الطاهر: حاليا هو افضل لاعبي وسط الهلال ولكن لكي يتالق مهند فهو يحتاج لمساحه وزمن وطبعا عيبه انو ايضا لايجيد الالتحام وبيلمس الكوره اكتر مما يجب
الرسم الجديد الذي يلعب به المدرب وهو اقرب الي 4-3-3 بوضع مهند علي الطرف اليميب وامبيلي علي الطرف الشمال وكاريكا في المقدمه (مع تبادل الادوار) يحتاج الي ديناميكيه عاليه من ثلاثي الوسط وحركه داتمه صعودا وهبوطا وهو ما يفقده الثتائي هيثم-عمر بخيت (علي وجه الخصوص)
ما لم يجد الهلال توليفه لخط وسطه طابعها الاساسي الديناميكيه لن ينصلح حال الهلا
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: Omar Bob)
|
الهلال يا خليل يمر بمرحلة انعدام وزن واضحة وجلية..
حيث إن الفريق به ضعف في الوسط والهجوم وحراسة المرمى..
وإعلام الهلال يمارس في هوايته المحببة وهي خداع الجماهير
ولن ينعدل حال الهلال إلا بهزيمة مذلة تجعل الجميع يعودون إلى رشدهم..
وإذا لم يتخل المدرب عن سياسة المجاملات ويدفع بعناصر فاعلة فسيعاني
الهلال مر المعاناة في مشواره الأفريقي والمحلي..
لا أتوقع أن يحرز الهلال نتيجة مطمئنة في مباراة الجمعة..
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: عثمان جلال الدين)
|
يا سلام يا ليل
والله البوست ده درس للوصيفاب في كيفية النقد الموضوعي من أجل تطور الكرة السودانية
وعلى الوصيفاب المتابعة فقط للاستفادة وحقو تكلمو مزمل بتاعكم وذمرته والمستلبين به من المتصحفين اتعلموا الموضوعوعية من البوست ده.
يا سلام يا خلي ويا بوب ويا السنونسي وجميع انصار سيد البلد
والدليل قالو لو..
ياخي انتو المريخ ده لاعب السنة الجاية ولا شنو ما شايفهم إلا في تعليقات عن الهلال...
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: khaleel)
|
في الجانب الفني أعتقد أن الحراسة
مؤمنة بوجود العملاقين المعز والدعيع وهذه أكبر عيوب الوصيفاب
أما الدفاع فهو جيد جداً يومكن أن يصل لقمة العطاء متى ما قامت بقية الخطوط بدورها
أما الهجوم وبوجود أمبيلي وكاريكا وأحمد عادل فلاغبار عليه ويمكن أن يسجل ويزعج دفاعات الخصوم لمدة 200 دقيقة.
أخرت الحديث عن الوسط لأنه مربط الفرس فعلاء ومساوي وعمر بخيت أو التعاون أو أي اثنين منهمافلا غبار عليهم ويمكن أن يشكلوا توازن ممتاز وأن يكونوا مصدر أمان للدفاع وأن يساهموا حسب مجريات المباراة في الهجوم وخالصة في الضربات الثابتة والركنيات
فقط مطلوب اللعب الممرحل للأمام وتفادي اللعب الطويل إلا لضرورات تكتيكية ولمرات قليلة أثناء المباراة...
ومربط الفرس هو مهند والبرنس فيجب على الأول أن يتفادى الباصات الغلط ومن ثم كل ما يأتي منه فهو خير، فقط الباص الغلط هو عيبه، وعلى البرنس اللعب للأمام فقط وباستطاعة كاريكا وأمبيلي ومهند ترجمة باصاته في أي لحظة..
يابرنس قطع الكرة منك أو ـاخيرها يشكل خطورة بالغة على الهلال وفي أحسن الأحوال يتيح للخصم تقفيل المنافذ..
بإذن الله منصورين
وعاش الهلال عشق الملاييين
والتحية لخليل وبوب والسنوسي.
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: عثمان جلال الدين)
|
اعتقد التشكيل المناسب لمباراة اليوم ( على حسب الاعداد و التجارب و الجاهزيه من حيث اللياقه البدنيه )
المعز
احمدالفاضل - ديمبا - سامى - اسامه التعاون
عمربخيت - سيف مساوى - مهند - هيثم مصطفى
كاريكا - امبيلى
شكلها 4 4 2
لكن المدرب بلعب فى الفتره الاخيره 4 3 3
باعتبار ضعف الاطراف فى النواحيه الهجوميه .... والله اعلم
عموما برضو يظل علاءالدين يوسف ( لم تكتمل لياقته ) بديل ناجح
بجانب حموده - احمد عادل - النعيم - الدعيع و بقية الكوكبه الماسيه
كابوندى + سادومبا ( خارج حسابات المدرب لظروف الاصابه اللعينه )
وانا متفائل باداء و بنصر مبين
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: طارق الكوتش)
|
Quote: اعتقد التشكيل المناسب لمباراة اليوم ( على حسب الاعداد و التجارب و الجاهزيه من حيث اللياقه البدنيه )
المعز
احمدالفاضل - ديمبا - سامى - اسامه التعاون
عمربخيت - سيف مساوى - مهند - هيثم مصطفى
كاريكا - امبيلى
شكلها 4 4 2
لكن المدرب بلعب فى الفتره الاخيره 4 3 3
باعتبار ضعف الاطراف فى النواحيه الهجوميه .... والله اعلم
عموما برضو يظل علاءالدين يوسف ( لم تكتمل لياقته ) بديل ناجح
بجانب حموده - احمد عادل - النعيم - الدعيع و بقية الكوكبه الماسيه
كابوندى + سادومبا ( خارج حسابات المدرب لظروف الاصابه اللعينه )
وانا متفائل باداء و بنصر مبين |
والله يا طارق الكوتش انت فعلاً كوتش والمدرب ما فات تشكيلتك ولا بى بنط حتى الاحتياطى نفس الترتيب .. لكن بينى وبينك الهلال السنة دى محظوظ فقط واللعيبة الموجودين الآن ما بجيبوا عمار والامل فى ناس كابوندى وسادومبا لكن بكل صدق الهلال ماحيمشى لى قدام والسنة الماضية بدأ متصدر وبنفس عدد النقاط وفى النهاية حل فى الزيلية .. ولو ده المستوى حيصل نفس سيناريو السنة الفائتة .. نتنمنى التوفيق للهلال والمريخ ...
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: خليفة موسى حمدان)
|
ياخليل ..
لكن هو خلل (نصاح) ..مدرب استلم تيم زى الصاعقة .. هجوم قوى
والناس كلها بتدخل ا هداف لاعب الهجوم وبتاع الوسط ..حتى الثيردباك
بدخل ..امبارح وقبلو الشكل مختلف خالص ..المدرب شكلو دخل علينا
(بالساحق والبلى ا لمتلاحق) ..ولا ياربى يكون دا وسط الفريق زى
مابقولوا الجماعة ..غايتو امبارح هيثم ومهند قرررربوا يعلمونا (سب
الدين) ...
غايتو البركة فى الثلاثة نقاط ... بالله ياخليل الخبير عثمان النعيم رايو
شنو ؟
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: عبدالله كع)
|
نقول الحمد لله على الثلاث نقاط..
الهلال سيكون من أول المغادرين لو استمر بهذا المستوى..
الحظ خدم الهلال في مباراة الأمس وربنا يستر علينا من مباراتي
زامبيا ونيجيريا.. مهزلة كبيرة أن يضم فريق الهلال لاعبين مثل
مهند الخازوق ومساوي الدرويش وأحمد الفاضل المحظوظ باللعب في الهلال
وهو لا يشبه الهلال في شيء.. الغريبة في جريدة قون الكذابة قالوا عنو
بإنو لفت الأنظار في مباراة الأمس.. نعم هو لفت الأنظار لكن بأدائه السيء..
وبقية لاعبي الهلال لا يقلوا سلبية عن المذكورين أعلاه والهلال لعب هذه
المباراة وكأنها في زامبيا مش في الخرطوم، لا وجود للجماهير الغفيرة
طوال زمن المباراة.. جماهير الهلال دخلت الاستاد فأكلت الترمس والتسالي
وشربت الكركدي وطلعت.. يا اخي لو ما عاوزين يشجعوا ما في داعي يدخلوا
الاستاد.. إذا لم تشجع الجماهير فريقها في وقت الشدة متى ستشجعه؟
بنسمع عن رابطة مشجعي الهلال وما عارف إيه كده أمة الهلال ومافي ليهم
أي وجود في الاستاد.. نعم أداء الهلال كان سيئاً للغاية لكن الفريق كان
في حاجة ماسة للتشجيع والمؤازرة..
وإعلام الهلال يمارس خداع الجماهير في قون وحبيب البلد وجريدة الهلال
وغيرها من الصحف الرياضية ونسمع كلو يوم عن لقب جديد لهؤلاء الجنائز،
الغزال والغربال وفييرا وسيدا وغيرها من الألقاب التي لا يستحقها هؤلاء
المتلاعبون باسم الهلال وبتاريخه.. اللي ما قدر اسم الهلال يشوف ليهو
فريق يلعب فيهو.. الهلال ده للاعبين العظماء أمثال جكسا وقاقرين والدحيش
وفوزي وطارق وتنقا وعاكف والبقية.. لاعبين كانوا يملكوا العزيمة والغيرة
على الشعار الذي يرتدونه مش زي مهند وكاريكا وبقية الطراطير..
أنا عارف حيجي واحد يقول لي إنت مريخابي أو ما شابه من الكلام الفطير
الغبي والذي بسببه وصل الهلال إلى هذه المرحلة الخطيرة.. كفاية كذب وخداع
للجماهير.. الهلال يغرق وناس رمضان يتغزلوا في لاعبين لا يشبهوا الهلال..
ربنا غايتو يستر علينا من المباريات الخارجية وما نرجع تاني للأربعات..
حرقتو أعصابنا الله يحرق أعصابكم....
| |
|
|
|
|
|
|
|
|
|
Re: كيف يعالج الخلل بالهلال قبل لقاء زيسكو الزامبي (Re: Nasruddin Al Basheer)
|
يا نصر الدين بالغت عديل كده ولن اتهمك بالمريخية ولكن أسمح لي أن أختلف معك وذلك للآتي:
- الهلال حقق المطلوب في هذه المرحلةط وهو النقاط الثلاثة والتي ستفرغ الكثير من الضغوط على اللعبين والجهاز الفني في مقبل المباريات
- أن تشكيلة الهلال والاستبدالات التي قام بها المدرب نجحت
إلى حد كبيرفي التغيير المطلوب وخاصة الدفع بعلاء الدين يوسف الذي نشط الفريق واصبح جاهزاً للمباراة القادمة.
- إن اللاعبين الحاليين هم الأفضل مهارياً وفنياً على المستوى الفردي والخلل في الآداء الجماعي - التيم ويرك- والجمل التكتيكية وخاصة فيما بين الوسط والهجوم.
وهذه الأشياء المذكورة من الممكن تداركها بقليل من التوجيهات واسبدال بعض العناصر إن استدعى الأمرًت والخيارات متوفرة وفقط المطلوب أن يتم الدفع بهم بتدرج وذكاء دون اخلال فبدائل السوط (فييرا وايفوسا والنعيم) على أهبة الاستعداد وسولي شريف خيار جيد أيضاً للهجوم والوسط المتقدم..
- أراك حملت كثيراً على اليافع الصاعد أحمد الفاضل فالفريق الخصم ركز على منطقته في الشوط الأول نسبةً لتمله أو تمليكه معلومات قبل المباراة ونسبةً لصموده عدلوا خلال الشوط الثاني للهجوم من الطرف الآخر.. وبرضو نحترم رؤيتك..
- سادومبا وكابوندي قادمان كفعة ايجابية ، وهما قوةً على قوة.. بإذن الله..
اصبروا وصابروا ورابطوا والقادم أحلى
أخبار نيجيريا شنو؟؟؟؟!!!!!
| |
|
|
|
|
|
|
| |
khaleel
رغيم عثمان رغيم الحسن
جمال السنوسي
محمد عبدالرحمن
على محمد على بشير
بهاء بكري
محمد مصطفى
محمد عادل
Omar Bob
Nasruddin Al Basheer
خليفة موسى حمدان
عبدالله كع
فيس بوك
تويتر
انستقرام
يوتيوب
بنتيريست