|
Re: بعد تعادل المريخ أمام الاهلي اليوم...المريخ يطوي ملف الممتاز (Re: yasir Abdelgadir)
|
أضحك مع تعليقات الهلالاب في قون
سسسسسسسسسسسسسسبعة شادى (نشرت: 22/07/2009 - 18:31)
الحكم ابو شنب يحرم الاهلي من نقطتين ويمنح المريخ نقطة لا يستحقها اسماعيل الدوحة (نشرت: 22/07/2009 - 18:29)
قدر الله ماشاء فعل والمريخ كبير والمشوار طويل الاتحاد لافقه شي في ما يجري بمدني وحكومه مدني لا تعلم عن الرياضيه شي هنالك مأمرات تنحاط وسط دائرة المريخ ولكن المريخ اكبر من ذلك والدوري مازال مستمر وهنالك مفاجئات قادمه في الطريق الاعلام اصبح مزيف ... اذا كان هلال او مريخ اي كلام ... عمرو فتح الرحمن (نشرت: 22/07/2009 - 18:30)
مبروك للهلال الدورى مقدما و هاردلك للمريخ فى قادم المسابقات. ح بخارى (نشرت: 22/07/2009 - 18:24)
الف مبروك للمريخ النقطة كدا حافظو علي البطولة عارف ليه يارمضان النيل بهزم الهلال باقي 3فرق الامل اقل شي بتعادل المريخ بجي يهزمنا تهي تهي تهي قول لمزمل سيبك من حوووصة وخليك مع اهداف وارغو الحلوة دي معز حيدر (نشرت: 22/07/2009 - 18:33)
مسكين يا مزاميزو نقطتين ما بتعوض الماسورة منوا (المريخ) يا ماسورة مدنى ود الشمالية (نشرت: 22/07/2009 - 18:34)
س.س.س.س.س ستة نقاط س.س.س.س سادوما ala (نشرت: 22/07/2009 - 18:22)
الهلال وبس والباقى كله خس عبده بانقا (نشرت: 22/07/2009 - 18:43)
الجماعة ديل كانوا لاعبين فى دورةعليكم الله شادى (نشرت: 22/07/2009 - 18:44)
حرام عليكم ياشداد الجماعه ديل عندهم عقده عديل من الامطار حاتم (نشرت: 22/07/2009 - 18:44)
سوكفتونا في مدنـــــــــــــــــــــــــــــــــي مطره في مدني ومطره في الاردن وارقص ياحضري اقصد ارقص يااكرم ابن الوليد (نشرت: 22/07/2009 - 18:46)
ما قلنا ليكم ياوصيفاب تتابعوا مزاميزو المطبلاتي دا....صور المريخ وكأنوا ح يناطح البارشا..سبعععععععععههههههه وبس هلالابي وبس (نشرت: 22/07/2009 - 18:47)
درووون.....مع المطر الحمد لله اكرم ما أنبطح amgad hgd (نشرت: 22/07/2009 - 18:47)
مبروووووووووووك سيد البلد الدوري الممتاز وهاردلك للوصيف أبو دم خفيف 0 ونقول لي للأستاذ/ مزمل أبو القاسم جهز الشكوى لأنه الاتحاد مستهدف المريخ ليش يلعبوا مباراة مع فريق حبيب مثل الأهلي في هذه الأجواء الوحلة ت بالمناسبة وين وارغو ما سمعنا قالوا بحب التين والمترة 0 وكما قال همد المريخ لا يحتاج إلى شكوى المريخ سيحصد النقاط في الميدان - الميدان ياحميدان0 عبد الغني محمد (نشرت: 22/07/2009 - 18:49)
ارجو ان لا يتحجج جوالين شل بسوء ارض الملعب لان اى عيب بارضية الملعب يتأثر به الفريق الآخر ايضا Abdu Banaga (نشرت: 22/07/2009 - 18:51)
Sorryyyyyyyyyyyyyyyyyyyyyyyyyyyyyyy Hamid Elmustafa (نشرت: 22/07/2009 - 18:54)
تزكرو هذة الجملة جيدا ( الدوري مريييييييييييخي ) ابولينا (نشرت: 22/07/2009 - 18:57)
مزمل هو سبب كوارث المريخ كلها بسبب عداتئه الكثيرة وكرايهة المريخ بسببه واخباره الكذبة وضع اللاعبين في اجواء عدائية مع الكل ووصف المريخ بالبطل وهو يطبل في الفاضي عاشق الاحمر الوهاج (نشرت: 22/07/2009 - 18:57)
مزمز -- صباح الخير بالليل اوعى تكون قايل نفسك بتحلم --الهلال قمه فى كل شئ ايها الوصيف OMER (نشرت: 22/07/2009 - 19:01)
عاجــــــــــل !!! آخر الأخبار تفيد بأن مزاميزو يجتهد في صياغة شكوي ضد سيد الأتيام بسبب تأثر لاعبي المريخ بأجواء المطر والطين!! وأنه بصدد تقديمها لمجلس الوصيف لتقديمها باكراً للاتحاد العام !! وهكذا دوماً مسلسل عمنا مزمز !!!! محمد خاطـــــر (نشرت: 22/07/2009 - 19:01)
نحن مركزييييييييييين في الاندية الابطال وكدة ت....ههههيئ مادايرين المحلي بودينا عطبرة والحكم ده منو اتبرأوفي الممتاز بنشتكيكم في النور عنقرة قالو مسجل في كشوفات سيد البلد وحمد لبد........ يامريخاب احمدو الله لي صدفة السنة الفاتت الجابتكم معانا في سرج واحد حمدي (نشرت: 22/07/2009 - 19:04)
الناس ديل قفلو ملف الممتار دا من بدري Izo (نشرت: 22/07/2009 - 19:06)
انا لو سالونى السبب فى تدنى كرة المريخ وعدم عودة روح المنافسة لدى لاعبيهم بقول مزمل ابوالقاسم بدون اى تردد ياخى ده اعلامى ضلالى بس ومنافق عاوز يدمر الهلال زى ما دمر المريخ باعلامو الفاشل التحية لاهل الهلال ولشعب الهلال الصابر وللامام دوما اخوان البرنس الطيب الهلالية (نشرت: 22/07/2009 - 19:07)
ربنا ستر من سبعة الاردن اوعى يزوغ في مدني ولا مبسوط ما جاء فيه قون اين ابو عمرين يارمضان انت الرجال متاكد انو بستلم حقوا اول باول ولا حقوا راح في سييييييييييكااااااااااااافا مجذوب علي (نشرت: 22/07/2009 - 19:08)
سبحان الله يا مزمل ابو القاسم ربنا اداك اللفى مرادنا ههههههه احمد (نشرت: 22/07/2009 - 19:09)
دا الوضع الطبيعي للوصيف نزيف في نزيف ولسة ماحيقيف mohmmed alhassan ali (نشرت: 22/07/2009 - 19:10)
والله المريخاب ديل ديما خاب خاب خاب لية ماعارف ,أسالوا الود مزمز (حووووووصة). أبوعلى الهلالابى (نشرت: 22/07/2009 - 19:10)
لقد حاولت كثيرا التعليف على ما يرد بجريدة الصدأ وليس الصدى ولكنهم لم يوفروا لمن يدخل موقعهم اى تسهيل للرد على حقدهم الدفين واقول لهو THE BLUES NEVER LOOSE عبده بانقا (نشرت: 22/07/2009 - 19:12)
يا هلالاب يا حاقدين .. أصبروا .. الدلقان الحر بيجي في اللفة khalid (نشرت: 22/07/2009 - 19:13)
والله الف مبروك للهلال.. المطلوب من الهلال عدم التفكير في نتيجة المريخ لأنو ما بتهمنا كتير .. لانو الوصيف حكيون دائما وصيف ..ولسة ساااااااااادومبا جاي ابو شنب (نشرت: 22/07/2009 - 19:18)
الوصيف هو الصيف ... وسيد البلد هو سيد البلد وبعد ده ممكن نقول مبروك الكاس ياهلال الملايييين محمد رستم (نشرت: 22/07/2009 - 19:19)
| |
|
|
|
|
|
|
Re: بعد تعادل المريخ أمام الاهلي اليوم...المريخ يطوي ملف الممتاز (Re: Abd Alla Elhabib)
|
يادكتور والله لكن بوستك دا الليلة حدو الصباح بس مشكلتو صاف وييييييك اند
ياخى والله كنت طالع مشوار لكن اتصل على اخ ازرق قال لى امشى ادخل انت وشوف اهلك ناس العوض قرضو الناس قرض والله ياسيد الاتيام عملتها فى ميت الحمام بدون سرالختم بس بين الرش والغمام يعنى ناسك ديل لو لعبو ليلة امس كان تكرر فيهم يوم الوحدات والله لكن ايامهم بقت تجى سريع يوم الخلعة يوم الوحدات يوم التكاسة
لابد من السراع فى بناء الطابق الثالث تانى بتجو الجزيرة عجبنى لصلاح مشكلة
تحياتى لكم والبوست ازرق
| |
|
|
|
|
|
|
Re: بعد تعادل المريخ أمام الاهلي اليوم...المريخ يطوي ملف الممتاز (Re: abuguta)
|
dear abuguta
Quote: والله لكن بوستك دا الليلة حدو الصباح بس مشكلتو صاف وييييييك اند
ياخى والله كنت طالع مشوار لكن اتصل على اخ ازرق قال لى امشى ادخل انت وشوف اهلك ناس العوض قرضو الناس قرض والله ياسيد الاتيام عملتها فى ميت الحمام بدون سرالختم بس بين الرش والغمام يعنى ناسك ديل لو لعبو ليلة امس كان تكرر فيهم يوم الوحدات والله لكن ايامهم بقت تجى سريع يوم الخلعة يوم الوحدات يوم التكاسة
لابد من السراع فى بناء الطابق الثالث تانى بتجو الجزيرة عجبنى لصلاح مشكلة
تحياتى لكم والبوست ازرق |
| |
|
|
|
|
|
|
Re: بعد تعادل المريخ أمام الاهلي اليوم...المريخ يطوي ملف الممتاز (Re: yasir Abdelgadir)
|
أخوي/ ياسر
ما سمعت بي قطر التعادل البشق الولايات وأول محطة ليه كانت في أمدرمان ومشى مدني والمحطة الجاية كادوقلي وبقية الولايات وبي كده الجماعة حا يطووا ملف الممتاز ويفتحوا باب الكونفيدالية السنة الجاية مع العجوز لاعب الشطرنج أوتوفيستر.. والله الجماعة حالتهم تحنن أتوفيستر ما نافع جابو مازدا وكروجر ورادان وعايزين يجعوا أتوفيستر الما حصل يوم قام من الكنبة ولا حتى يبص للملعب كأنو بلعب شطرنج الله ليهم وعيشة السوق
مع تحياتي
| |
|
|
|
|
|
|
Re: بعد تعادل المريخ أمام الاهلي اليوم...المريخ يطوي ملف الممتاز (Re: yasir Abdelgadir)
|
*Quote: المريخ اذا كان هذا هو حاله ..سوف يقفل ملف البطولة الافريقية قريبا. * خليك جاهز يا جمال الوالي. * بقيت علي رأس كل اسبوع تقفل ليك ملف ، تخصص قفل ملفات. * انت همد دا بدل ما يقعد يصرح ساكت ...ما تشغلو معاك في قفل الملفات دي. * خلوه يقفل ..بدل ما يقعد كدا ، التصريحات دي ما بتبقيك رئيس المريخ |
.
هذا ماكتبه الرائع محمد عبد الماجد في صحيفة قوون
وهذا عموده كاملا
Quote: تذكرت هذه الاغنية والربيع يتسرب لنا في (الخريف) ونعتمده رسميا في (المطر)..وجمال الوالي يقول انهم لن يجعلوا مباراة الاهلي مدني والمريخ تمر مرور الكرام. * كمان يا جمال الوالي عاوزين تشتكوا (المطرة). * انتوا الشكوي عرفتوا تكتبوها في سادومبا عشان تكتبوها في المطرة. * بتقولوا شنو عليكم الله؟ ...بتقولوا كرت (الطين) ما وصل...والا بتقولوا (اعارة) النسمات ما صحيحة. * وقفلي علي كل المواضيع .قفل ..قفل ..قفل. * حكاية قفل لي علي كل المواضيع دي بتذكرني بي جمال الوالي الذي كلما خرج من بطولة قال نحن قفلنا ملفها. * انت يا اخوي بتقفل ساي. * بعدين تعال هنا يا همد ...انت مطرة الخرطوم عملت لينا فيها شنو؟..عشان تشتكي من مطرة مدني. * الخرطوم كلها بقت طين ...الشوارع مقفولة والباعوضة ما بتديك الدرب. * شنو يعني لو جات مطرة في مدني. * خلاص مطرة مدني دي بقت عليكم حارة. * الحاجة المحيراني في ناس المريخ ديل انهم ليهم اكثر من شهر بكتبوا عن (الشكوي) والاعارة الما صحيحة. * 30 يوم بنشروا في المستندات، 30 يوم بهددوا في الهلال. * 30 يوم فالقننا بي كلام خارم بارم. * وقت جات ساعة الجد ...طلعوا ما بعرفوا يكتبوا الشكوي. * انتوا وقت ما بتعرفوا تكتبوها بتتفاصحوا علي شنو؟. * قلنا ليكم انتوا ضلنا ما صدقتونا ..قعدتوا تغالطوا ...جارين بس لي اعارة ناس الهلال ..وشكوتهم ما بعرفوا يكتبوها. * يا جماعة انتوا الفصاحة في شنو؟. * كدي اول حاجة اعرفوا قدموا الشكوي ، عالم عجيب. * نحن خلونا ..انتوا بتقنعوا في ناس الهلال ليه؟. * اكتبوا شكوتكم صاح وقدموها ..ولو قبلوها شكلا ساكت ...مبروك عليكم. * لو دي غلبتكم ...انتظروا شهر سبتمبر في مباراة قمة تانية والهلال ان شاءالله سوف يشرك سادومبا وكابوندي. * اديناكم فرصة تانية عشان تعرفوا تكتبوا الشكوي صاح وتقدموها. * يلا امشوا ذاكروا كويس..وادربوا علي كتابة الشكوي. * سا سا سا سا سادومبا. * وكا كا كا كا كابوندي ، صعبة دي. * عماد الطيب قال ليكم تعالوا اتلمذوا عندنا ..قعدتوا تكوركوا. * فتحنا فصول تقوية في (الشكاوي) وتقديمها. * شداد دا ساعة ونص بشرح في العملية دي. * الجماعة تاني قالوا الاعارة ما صحيحة. * انتوا ناس الكاف ديل قلبوا (قدر ظروفك) ..امشوا ليهم احكوا ليهم القصة ...لو اعطوكم الثلاثة نقاط مبروكة عليكم. * عالم ما بتعرف تكتب الشكوي وبتفاصحوا. * كدي اتعلموا اكتبوها اول حاجة. * انتوا عارفين شكوي يرفضوها شكلا دي يعني شنو؟. * دي يعني فضيحة ..اكبر من فضيحة التاكسي. * ناس الهلال مفروض الموضوع دا ما يشتغلوا بيه. * الموضوع دا ما بأثر مع ناس الهلال في حاجة ..الفريق ماشي زي الطلقة ..اخذ ليه نقطة من ملعب الحكومة في بطولة الاندية الافريقية للابطال وفي الممتاز الفارق بين الهلال والوصيف بقي 6 نقاط ، 6 نقاط دي فيها كم (اعارة). * يعني الاثارة دي كويسة معانا ..بضرر منها المريخ ...خلوهم ينشغلوا بي الحكاية دي وانتوا واصلوا عملكم الجاد للفوز بالخماسية. * الخماسية دي طبعا بتبدأ بالممتاز ثم كأس السودان ثم البطولة الافريقية ثم بطولة كاس العالم للاندية ثم بطولة السوبر الافريقي. * ان شاءالله الترتيب يكون صاح ..وما يرفضوه لينا (شكليا). * انتوا عارفين (شكلا) دي يعني شنو؟. * شكلا دي يعني تصب مطرة في جوبا. * ناس اسوان تقوم بيوت الجالوص عندهم (تتنحنح). * يعني زول يمشي يحلق ليه في صالون ...صاحبو يلاقيه في شارع ضيق يقول ليه: شكلك مالو اتغير كدا. * الحاجة الغريبة كانت في تصريحات جمال الوالي التي اكد فيها ان الوقت غير مناسب لاقالة رادان. * يعني بس منتظرين الوقت المناسب ..عشان يقيلوا رادان. * يا رادان الجماعة ديل (لابدين) ليك. * عارف الزول البلبد ليك بي شيتن كتر. * اكيد ما عارف ...الحاجات دي في كرواتيا ما عندكم. * عاد شن خبرك بي (اللبدان) ، لبدان في عينك. * الحاجة البتحير ان الاتحاد العام وعلي لسان الدكتور كمال شداد خص المريخ باستثناءات لا اول ولا اخر لها. * الاتحاد العام يستاهل خرب طبع المريخ ..كل مرة يستثني ليه في حاجة. * كمال شداد قال اول استثناء للمريخ كان عندما سجل صلاح الامين في المريخ استثناء حينما كانت اللوائح تمنع تسجيلو. * لكنهم مع ذلك استثني للمريخ وسمح له بتسجيل صلاح الامين. * الاستثناء الثاني كان في الحارس شيكوزي. * الغريبة بعد ذلك شيكوزي مشي يلعب في نيجيريا وكرتو قاعد في الخرطوم. * الحاجة دي زول اتكلم عنها ما في. * ناس الهلال ما بشتغلوا بالفارغات. * الاستثناء الثالث كان عندما سمح للمريخ شطب ابوبكر كوني بحجة وجع القلب. * زولكم لا طلع عندو وجع قلب ..لا وجع رأس...لا وجع ضرس. * وجع ضرس في عينك ، الهلالاب برضو ما اشتغلوا بالموضوع. * لاعبكم وبي طريقتكم ..جبتوا ليه (وجع القلب)...نحن نعمل شنو؟..ندخل في ضفورنا. * ضفورنا ذاتها فترت. * انتوا هسع يا مريخاب بتتكلموا عن الفريق الذي سيلعب له دي سوزا ..وبتتحدثوا عن دي سوزا بعد ما اعاره الهلال. * انتوا هسع في زول اتحدث ليكم عن ابوبكر كوني الذي شطب بسبب وجع القلب وذهب يلعب في احدي الاندية المغربية. * في زول قال ليكم ابوبكر كوني دا كيف لعب في المغرب بعد ما طلعتوا شهادة مرضية تؤكد اصابته بعلة في القلب لا تسمح له باللعب. * في زول قال ليكم الزول دا لعب كيف في المغرب. * العجيب في الامر ..ابوبكر كوني الي الان بيلعب ...وما في زول في الهلال قال الشهادة المرضية لابوبكر كوني كانت مزورة. * كانت ما صحيحة ، عارفين الهلالاب ديل ما اشتغلوا بالموضوع دا ليه؟. * عشان موضوع لا بودي ولا بجيب ...تحصيل حاصل ساكت. * الهلالاب ما بشتغلوا بالفارغة والمقدودة. * بعد ابوبكر كوني جاء الاتحاد العام واستثني للمريخ تسجيل لاعب الهلال السابق ريتشارد. * القانون ما بسمح بذلك ..والدليل علي هذا ان ريتشارد قدم (استرحام) ..رغم ان جمال الوالي صرح بان المريخ سوف يسجله بالقانون وليس بتطويع القانون. * القانون انتوا بتعرفوا ليه شنو؟...شكوي ما قادرين تكتبوها. * دا انت طلعت اي كلام يا همد. * اها (الاسترحام) دا كيف يا جمال الوالي ...دا ما تطويع ...دا استرحام عديل. * هي حصلت يا مريخاب. * التسجيل في المريخ اصبح محتاج الي كتابة (استرحام)، استرحام في عينك. * علي العموم نحن لا يعنينا هذا الاسترحام كثيرا بل نتمني للاعب الهلال السابق ريتشارد التوفيق مع المريخ. * جماهير الهلال لا بد لها ان تقدر موقف لاعبها ريتشارد الذي رفضه الهلال وانتظر اللاعب حتي مضت نصف فترة التسجيلات وعندما وجد ريتشارد الهلال ما شغال بيه مشي المريخ. * ريتشارد ما عندو اي ذنب يا هلالاب ..ويجب كمان ان يجد الدعم منكم وهو يلعب في المريخ.لقد اعطى ولم يستبق شيئا. * ما يهم ان يأخذ الهلال حقه بالقانون وليس بالاستثناء اوالاسترحام. * غريبة (استرحام) في البرد دا، الاسترحام عيشتو تطير. * نحن حقنا بنشيلو عديل. * حاجة بدينا ليها القانون ..اهلا وسهلا بيها ...وحاجة بشيلها مننا القانون ما بنزعل عليها. * يا عالم ..يا ناس الحلة ..عوووووك ..الجماعة بعد الفصاحة وطولة اللسان طلعوا ما بعرفوا يكتبوا شكاوي. * طلعوا بتاعين كلام ساكت ، الاتحاد الافريقي قال ليهم (اعد). * اعد في عينك ، دي اول مرة تحصل لينا في الاتحاد الافريقي. * احرجتونا...خليتونا نضاير زي الطالب الما حافظ القصيدة والاستاذ بسمع فيها للطلاب بالدور. * الشكوي خلوها ...الجماعة ديل تصوروا بعد التهديدات والمستندات والكافات والفيفات ..كتبوا (استرحام). * الاسترحام دا ما بنخلي ليكم ..ح نكرهم بيه زي البصمة. * بصم ما بصم.. بصم ما بصم. * همد قالوا في الولاية بقي يقول : صبت ما صبت... صبت ما صبت ..صبت ما صبت. * الزوبعة التي اثارها المريخاب في اعارة دي سوزا وامولادي وانتهت بان رفض الاتحاد الافريقي شكوي المريخ شكلا. * تنعكس مراحلها عبر تدرج قانوني عجيب في الهلال. * انظروا للقضية التي اثارها الهلال عن اعارة طمبل. * شوفوا التقاضي القانوني الذي يتبعه الهلال الان...نحن الشغل عندنا بي نظام. * الهلال اشتكي عند لجنة اللاعبين غير الهواة ..وعندما حكمت هذه اللجنة باحقية المريخ باللاعب اتجه الهلال الي لجنة الاستئنافات والهلال ينتظر الان قرار اللجنة ليذهب الي المحكمة الرياضية في لوزان ان جاء قرار لجنة الاستئنافات ليس في صالحه. * هذا هو الهلال بعيدا عن تطاولات اعلامه ..وبعيدا عن عنترياته يبحث عن حقه بالقانون. * اما المريخاب فهم يكتفون بي (الولولة) علي صفحات الصحف. * علي الهلالاب ان يتعاملوا مع الامر بهدوء وألا ينشغلوا كثيرا بالموضوع ..هم معنيون باعداد فريقهم وتجهيزه. * انتبهوا للبطولات التي تشاركون فيها. * الهلالاب فريقهم في السليم وادارتهم واعية وعارفة هي بتعمل في شنو؟. * انتبهوا فقط لفريقكم لتساندوه وتدعموه ...اما المريخاب فان ما يثيرونه ينعكس عليهم. * فقدوا املهم في الممتاز ..وان استمروا علي منوالهم هذا فسوف يفقدون قريبا املهم في التأهل لنصف النهائي في البطولة الافريقية. * ملحوظة: والدنيا ربيع. هوامش * صيحات جماهير الهلال وتجاوبها مع امبيلي جعل اللاعب يحتفظ كثيرا بالكرة وهذا خصم علي الهلال. * الشوط الثاني في الهلال اصبح امره يحير. * ليس منطقيا ان نقارن بين كامبوس وسانتوس ..لأن كامبوس لعب تنافسيا حتي الان 3 مباريات فقط. * اصبروا علي كامبوس ولن تندموا، كامبوس بعد في الفريق كله ولا يعد في 11 لاعبا. * احمد الفاضل في تقدم مستمر ، عودة فييرا حاجة تفرح. * بالمناسبة ريتشارد شطب من اجل ان يسجل احمد الفاضل. * المريخ اذا كان هذا هو حاله ..سوف يقفل ملف البطولة الافريقية قريبا. * خليك جاهز يا جمال الوالي. * بقيت علي رأس كل اسبوع تقفل ليك ملف ، تخصص قفل ملفات. * انت همد دا بدل ما يقعد يصرح ساكت ...ما تشغلو معاك في قفل الملفات دي. * خلوه يقفل ..بدل ما يقعد كدا ، التصريحات دي ما بتبقيك رئيس المريخ. * اعلام المريخ ...كمل الكتابة عن (الطابق التاني). * وكمل الكتابة عن (النفرات) ، وكمل الكتابة عن طمبل وكلتشي والورغنة. * في الكورة ما عندهم اي حاجة يكتبوها ...عشان كدا ..اتجهوا علي اعارة دي سوزا وامولادي. * في المريخ ما في حاجة يكتبوا عنها ...(الورغنة) طلعت مقلب. * الكلتشة طلعت كلام جرايد، الايامات دي الهوبنة تبث علي ذبذبة (قمر) سات. * الهوبنة جابت ليها مطر. * خلاص يا الهلالاب عاوزين تفكوا (البرد) وتمسكوا في المطر. * الاتحاد السوداني لكرة القدم طلب كرت سادومبا من جنوب افريقيا. * اتحاد جنوب افريقيا رد علي الاتحاد العام السوداني وقال ليه : الكرت دا نحن ما عندنا ، المشكلة شنو؟. * في زول اتهم اتحاد جنوب افريقيا بالتزوير. * هسع يعني شنو لو اتحاد بوليفيا طلب كرت دي سوزا ورد الاتحاد العام لكرة القدم السوداني وقال كرت دي سوزا عند الاتحاد النيجيري. * المشكلة شنو بس؟. * هسع الكلام دا فيه (تزوير). * بل ان طلب اتحاد بوليفيا لي كرت دي سوزا تأكيد علي ان دي سوزا مطلوب من عدة اتحادات والهلال لو عاوز يتخارج منو؟..ما في مشكلة في هذا الامر. * اضحك مع كرت سادومبا. * خبر عاجل: كرت ما كرتك جر فيه الشوك.
هذا ماكتبه الرائع محمد عبدالماجد اليوم في صحيفة قوون
وهذا هو العمودكاملا
* اعلام المريخ ...كمل الكتابة عن (الطابق التاني). * وكمل الكتابة عن (النفرات) ، وكمل الكتابة عن طمبل وكلتشي والورغنة. * في الكورة ما عندهم اي حاجة يكتبوها ...عشان كدا ..اتجهوا علي اعارة دي سوزا وامولادي. * في المريخ ما في حاجة يكتبوا عنها ...(الورغنة) طلعت مقلب. * الكلتشة طلعت كلام جرايد، الايامات دي الهوبنة تبث علي ذبذبة (قمر) سات. * الهوبنة جابت ليها مطر. * خلاص يا الهلالاب عاوزين تفكوا (البرد) وتمسكوا في المطر. * الاتحاد السوداني لكرة القدم طلب كرت سادومبا من جنوب افريقيا. * اتحاد جنوب افريقيا رد علي الاتحاد العام السوداني وقال ليه : الكرت دا نحن ما عندنا ، المشكلة شنو؟. * في زول اتهم اتحاد جنوب افريقيا بالتزوير. * هسع يعني شنو لو اتحاد بوليفيا طلب كرت دي سوزا ورد الاتحاد العام لكرة القدم السوداني وقال كرت دي سوزا عند الاتحاد النيجيري. * المشكلة شنو بس؟. * هسع الكلام دا فيه (تزوير). * بل ان طلب اتحاد بوليفيا لي كرت دي سوزا تأكيد علي ان دي سوزا مطلوب من عدة اتحادات والهلال لو عاوز يتخارج منو؟..ما في مشكلة في هذا الامر. * اضحك مع كرت سادومبا. * خبر عاجل: كرت ما كرتك جر فيه الشوك. |
| |
|
|
|
|
|
|
|