كتب الكاتب الفاتح جبرا المتوفرة بمعرض الدوحة
|
|
 عارِف حأجيب لِروحي الهوا ... عن البِتظارف وبِخفِف دمو
|
في ناس في سودانيز أون لايِن ما بِتقدر وعُمرها ما إفترعت ليها بوست
مقطوع مِن راسُم ... بس يِقنِبو يِرجو الزول يِكتِب ويِجو يِتظارفو ويِخفِفو
فوق دمهُم ويِستلِمو ليك البوست وجارين وراهُم المُطبِلاتِية وهاك يا
خفه دم وتريقه على خلق الله ... ياخ معقول ليك سنين بِعضوِية كاملة
ما يِفتح عليك الله فوقا بِمَوضوع واحِد ... ياخ إنشاءالله زولاً مات ليكُم
إتْ أهلك ديل حُجار ما بِموتو ... مُمكِن الواحِد يتظارف في بوست إتنين
لكِن عاد على طول الخط ... قٌلت شنو؟ بتقدر تفتح مِتِل البوستات البِتتظارف
فوقا دي في اليوم عشرة بوستات ... ما بِتقدر ... كدي حاوِل ...
عِندك أي فِكرة بِتأمن بيها ما تكتِبا ... بس لازِم تكون عِندك نضمي
تردع بيهو الناس البتجي تتظارف مِتل ظرافك الزمان ديك ... بتتذكرا
مُمكِن أتقي سِهامك وسُخرِيتك وظرافتك الصفراء دي لو عملت زَيك ولزمت
بوستات غيري أضحك فوقا وأخرِبا وأدخُل في نوايا الناس وأشتِت الكورة
طبعًا مُمكِن أكون جلبت لي فِكرة زي وشي المَطاول ده ... بس الفِكرة
ما بِتتناقش بِعوارة مِتِل عوارتك دي ... الفكرة بِتتناقش بأسانيد
ومراجِع ... يعني الكِتاب الفُلاني صفحة كِده بِقول كِده علشان كِده يا
عزام فِكرتك غلط ولا ايه رأيك؟ أقوم أنا أدعم مَوقِفي بِمراجِع أرفقا
في مُرافعتي ... لامِن نصل لِحد تآمِن أو أآمِن أنا ...
كدي راقبو الزول ده ولامِن يتظارف شوفوهو مٌشترِك ليهو كم زمن ، حتلقو
مُشترِك مِن زمن أبَيض وأسَود زمن تحِية زروق ... طَيِب شوفو عدد مُشاركاتو
حتلقوهاآلاف ... طَيِب قومو أعمِلو بحث بِإسمو حتلقوهو < صِفر كبير > ...
والله إتْ تُغري الواحِد يرجع تاني لِلدِراسة ويِعمِل فيك بحث ... بِالله
الزول تقول مُركِب مكنه قِرِد يِنطِط مِن بوست لبوست وهاك ككككاك ورررو
ببباك ... إتْ واهمِنك بِإنك ظريف البِطبِلو ليك ديل ... والله مُعظم البِحمِسوك
ديل عِندهُم مواضيع تخلي الواحِد يِقيف طولو ويضرب ليهُم تعظيم سلام ...
إختشي وشوف ليك موضوع ... أي موضوع ياخ بِنتماشا معاك ... يا دافِع
البلا ... لا عِندك شي في الدين ولا في السِياسة ولا في الرِياضة ولا في
الأدب ... كرهتنا الفِجه ظاتووو ...
قلت لي عاوِز تعرِف إسمو ... والله إتْ ظاطك زول فارغه ساي ... هسِع
النضمي الفوق ده كلو خليتو وعاوِزني أتشمشر معاك ... الزول مو واحِد
كُتار ومُواصفاتُم واحده :
- عامِل ظريف
- ما عِندو أي إنتاج بِالمره
- عضو قديم
- مُشاركاتو بِالآلاف
- مُنتشِر في أي بوست
- يوميًا مُصاقِر سودانيز أون لايِن تقول وارِث
- ما بِقول رأيو في موضوع البوست أصلاً ... يِجدع ظرافتو ويِجُر ليك
المُتظارفين ويتخارج
بس راقِبو أي مُتظارِف ما تنسو تشوفو بِتين إشترك وعدد مُشاركاتو وتبحثو
عن إنتاجو قِياسًا بِعدد مُشاركاتو ...
شكيتو على الله مسخ علينا الفِجه
|
|
 
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: nada ali)
|
عن نفسي متظااارف للاخر ..
للكتااااش..
والله بدخل سودانيز اصلا اصلا عشان المتظارفين ..
اكتر ناس بيض في سودانيز الناس العاملين فيها جادين وعندهم فكرة ورؤى (يا جماعة الكلمة دي كده صاح؟) غايتو انا قاصد بيها جمع رؤيا والخوف زااتو رؤيا دي تكون ما صاح ..
إنتو صدقتو إنو سودانيز ده منو فايدة ؟
ياخي تخ ..!!
غير عرفة الناس والضحك معاهم شن فايدتو ..
أسة أسة يا عزام اقول ليك حاجة ..إنت ورطت نفسك ودخلت روحك في باب المتظارفين ديل لأنك حاولت تكتب موضوعك بي ظرافة وما كتبتو جادي وإن كان المقصد جادي لكن كل عباراتك عبارات المتظورفين ..
حاليا إنت اديتنا بيان بي العمل للزول البيحاول يتظارف ويخفف دمو بانتقاء وكتابة موضوع الظرافة الكتلت إشراقة ..(والله عاارف ديك الرشاقة لكن الغافية ابت تظبط وما لذيذة اقول الظرافة الكتلت إنصافا)
ود الصايم يا اخوي تعال نعمل لينا جمعية منبثقة من جمعية البشمرقة نسميها جميعة ظرفاء بلا حدود..
ومن اسة انا ماسك أمانة شئون المرأة ..
اها يا ود الصايم هاك الظرافة الكتلت إنصافا دي ..
واحد زيي وزيك كده عامل ظريف قام حكى ليهو نكتة لي زول ..الزول سمعا وما ضحك وزولنا واصل بعد داك عااادي في الكلام واتفارقو ..
بكرة زولنا العامل ظريف لاقا زولنا الماضحك قام قال ليهو :
أها عملت لي شنو في موضوع النكتة ؟
| |
|
|
|
|
|
|
|
|
 Re: عارِف حأجيب لِروحي الهوا ... عن البِتظارف وبِخفِف دمو (Re: عمر الفاروق)
|
Quote: أسة أسة يا عزام اقول ليك حاجة ..إنت ورطت نفسك ودخلت روحك في باب المتظارفين ديل لأنك حاولت تكتب موضوعك بي ظرافة وما كتبتو جادي وإن كان المقصد جادي لكن كل عباراتك عبارات المتظورفين ..
حاليا إنت اديتنا بيان بي العمل للزول البيحاول يتظارف ويخفف دمو بانتقاء وكتابة موضوع الظرافة الكتلت إشراقة ..(والله عاارف ديك الرشاقة لكن الغافية ابت تظبط وما لذيذة اقول الظرافة الكتلت إنصافا) |
ما قلت ليكـ مرات مرات كــدا بتكون مريح للـ compo!
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: محمد عبد الماجد الصايم)
|
عمر الفاروق ...
كيفك يا زول ... علك طَيب
| Quote: أسة أسة يا عزام اقول ليك حاجة ..إنت ورطت نفسك ... |
ما عليك إصلي ما دخلت فوق شيتًا دُرتْ أمرُق مِنو ... مِن البِداية
ما بتَوهط عِلا في النجيضه تب ... أنا أخوك ... نحنا البتجينا
عديل ما بِنتهيبا ، نقوم نخاف مِن تِنِخِس أزرار الكيبورد والكُل
مُستأمِن في بيتو ... ياخ بالغت في حِكاية إني ورطت نفسي دي
والله الكِضِب موسمِح أنا ظرافتك ما شُفتا ، لكِن بَوعِدك كُل ما أشوف
إسمك حدخُل أشوفك كاتِب شنو ... بس علشان ما يتلخبت علينا المَدَردم
في < ظريف > وفي < بِتظارف > ... الظريف ده بِكون عِندو مواضيعو
وأفكارو وبِيجي بِعطِر بِظُرفو وأدبو ونبلو بُستات الآخرين ... أما
المُتظارِف بِشتِت الكورة ... وبدخُل في النوايا تووووش ويحكُم وينفِذ
الحكم وعِندو ناسو البحمِسوهو ، عاد نميري أكان ماف ناس حمسوهو
أكان حكم (16) سنة وهسِع عُمر البشير نفس الشي قتل (10) الأف مدني
وفي ناس بتقول ليهو < سير سير يا البشير > شُفت كيف تحميس الناس
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
سلام عزام
الناس كلها ماممكن تكون جادة او من قبيلة ابو ظريف
ولا بفترض ان القراء كلهم من شاكلة واحدة
كل زول بيجدع البقدر عليهو ويفوت
الجدية والتظارف بهار المنبر سايقات بعضهن الحجل بالرجل
لو ما كده ده مابكون منبر زاتو
طالما عارف الشغلانة بتجيب الهواء
كان تتمها وتقول فلان وفلان ونرتاح
هسع نتضامن معاهم كيف ناس ابوظريف ديل
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: haroon diyab)
|
حيدر حسن ميرغني ...
كيفك يا زول يا جميل ...
Quote: الناس كلها ماممكن تكون جادة او من قبيلة ابو ظريف
ولا بفترض ان القراء كلهم من شاكلة واحدة
كل زول بيجدع البقدر عليهو ويفوت
الجدية والتظارف بهار المنبر سايقات بعضهن الحجل بالرجل ÚÒÇã ÇÒíßÜ |
أنا قاصِد الظرافتو بِتشتِت الكورة ... بتسخر مِن الزول ...
بِتحاوِل تنال مِنو وتخليهو مضحكه ... عليك الله شوف ردي
على عمر الفاروق أنا كتبتو أثناء مداخلتك ...
وبعدين تمويه الإسم/الأسماء علشان أنا ما بنهي عن فِعل وأأتي
بِمِثلِهِ ... ما بغتال أو حتى أحاوِل أغتال شخصِية زول لأني ما
برضاها لروحي ... ولامِن أشوف غلط ... بطرحو بِالصورة دي
علشان نركِز على الموضوع مِش الشخص المُمكِن يِكون عُرضه لِتصفِية
حِسابات قديمة مع آخرين ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
ياخ الزول ده قاصدني عديل كده
انا من زمن ابيض واسود
وظريف او بحاول اتظارف او مدعي الظروفية
وفي كل بوست بدخل وبقول كاااااااااك ولووووووووول ويكه
وماعندي مواضيع لاني خريج ابتدائي بجي هنا عشان اضحك وامشي
وبحاول بقدر الامكان اكون داخل قوانين المنبر
ما اعتقد انو في مشكلة
خلي الناس تتظارف ياخي حتى الضحكة عندكم فيها راي
بعدين لو ماعاجبك المكان اي حتى فيها ظرافة ورقصة قرد ابعد عنها عشان ماتسبب ليك اذاك
شوف المحلات البترتاح فيها وامسك فيها قوي ولو جاك واحد ظريف في محلك اخد طريق الخدمة وخلي ليهو الطريق السريع
كرهتنا الظرافة ظاااااااااااتو
THANK YOU
زاتووووووووو
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: ALZOLZATOO)
|
ALZOLZATOO
كيفك يا زول ... علك طيب
حرم ماني قاصدك ... عاد أقنِب أعيد وأكرِر ... إنتو ما تقرو الموضوع
مِن فوق لا تِحِت مُش مِن تِحِت لا فوق ... أنا قاصِد بِالمُتظارِف البِشتِت الكورة
وبدخُل في النوايا وبوزع الإتِهامات وبحكم على الزول خبط لصق وبِجُر وراهو
الكورال المُعتاد لامِن يغتال شخصِية سيد البوست الراح شمار في مرقه ...
ماني قاصدك ...
غيرو
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: ALZOLZATOO)
|
عزام ازي الحال - اها انا سلمت
بعد اذنك ظرافة ظرافتين مع حموووودي حبيبي
حمووودي يا عمك وقت لبست طاقية المتظارفين و ما خليتك عميق , اها حرّم انا اكابرك و اكون اسطح منك و بلبس ليك طاقية المطبلاتية البجو جارين وراك
لقيتني كيف بلاّي
عزّام يا عمّك بعيدا عن موضوع البوست
عندك "إن شاء الله" فوق مكتوبة بطريقة ما ياها
حقّو تصلحها وكدا
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: محمد البشرى الخضر)
|
محمد البشرى الخضر
كيفك علك طَيب ...
| Quote: و اكون اسطح منك و بلبس ليك طاقية المطبلاتية البجو جارين وراك |
ألبسا عِلا مو خايله فيك ... مو خايله ...
| Quote: عندك "إن شاء الله" فوق مكتوبة بطريقة ما ياهاحقّو تصلحها |
قريت الكتبتو مرتين ما لقيتا العتب على النظر ، أكيد بتكون خطأ
عِلا الما خطأ ومع سبق الإصرار بِتاعتك دي :
ده إسم الجلالة يتكتِب < بِالله > هسِع أنا أكان كتبت ليك الله بِالنوبِية < نور >
بِتقبلا لي يعني تكون كدي < إنشاءنور > أو بِالدنقلاوية < إنشاءأرتي >
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
غايتو كلامك صاح* يا عزام يا خوي
الظرفنجية - على وزن ضحكنجية- بيحرفوا الموضوع دايما
حسي خلينا الموضوع الأساسي وبقينا في غليط كلام بعض
قصة باللاي دي ما داير نقيف فيها كتير لأنو دار فيها لغط و عجاجة ذات ضل قبل كدا
بس اخدها زي قولة "علا" الكتبتها زي ما بتنطقها دي بدون لا تغير معناها
Quote: هسِع أنا أكان كتبت ليك الله بِالنوبِية < نور >
بِتقبلا لي يعني تكون كدي < إنشاءنور > أو بِالدنقلاوية < إنشاءأرتي > |
بالحيل ما بقبلا منك
لكن مش عشان قولة "نور" أو "ارتي"
لكن في قولة "إنشاء" الغيرت المعنى تماما
* كلامك صاح في جزئية تغيير الموضوع وحرفه إلاّ حتة اغتيال الشخصية دي بتحفظ عليها
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: محمد البشرى الخضر)
|
يا جماعة عزام قاصدنى أنا عديييل
قاسمتو فى الملوحة الجاتنى من أرقو
حايم فى حر الدوحة من شارع لى شارع مالقيتو
أها خليت الملوحة عند الهندى معاها رسالة بتقول( الملوحة ليك وللرطانة الحواليك)
وجيت راجع بيتى فتحتة ليهو بوست اربعة ضلف
وتلفونات مع الهنود الكاتلاتهم ريحة الهناية
لامن وصلوها ليهو....
وجة قال لى خلق الله رسل لى زهور!!!
ونام بالموضوع براهو
إنتة يا عزام قاصدنى وانا عارف
| |
|
|
|
|
|
|
|
|
 Re: عارِف حأجيب لِروحي الهوا ... عن البِتظارف وبِخفِف دمو (Re: osman righeem)
|
رغيم يا عمكـ
السلام عليكم ياخ!
البوست دا زي الجامع
لو ما سلمت ما تجي خاشي!
أها يا عمكـ
النديكـ طاقية من الفوق ديل
عمكـ عزام قال:
أها يا عمكـ
يعني الكورة في ملعبكـ
شايف إنو عزام دا قاصدني يبقى كلامي ليهو تب!
شايف إنو القصة طواقي .. فكلامي كذلكـ!
فخذ ما يناسبكـ ودع الباقي يا رعاكـ الله!
| Quote: ثم أخبر عمك ان الصمرقع اكل الطعم وهبر الشرك |
ويحكـ يا عمكـ
أما علمت أن الـ ظرافة هنا ممكن تلبسكـ واحدة أو أكثر من الطواقي المجدوعة فوق دي!
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: محمد عبد الماجد الصايم)
|
يا عمك
السلام عليكم
(قبل ما انسي)
بمناسبة المطبلاتية و الغاوون
وبما انك رجل من غير الناطقين بها
عام 1987 كان لدينا دار نشر بالخرطوم
(صودرت من قبل الحكومة يوم السبت 1/7/1989)
المهم واحد قريبنا الف كتاب عنوانه العرب العباسيون في السودان
وبعدين قلت اتظارف معاهو سالنه ديل ياتو قبائل حسب كم قبيلة و من ضمنهم اهلك الشايقية
رديت عليه بس الشايقية ديل نوبة و بقايا مملكة نبته و الي اخره
وزدت عليه انهم متهمين بأنهم احفاد سحرة فرعون ... الراجل صالحني قبل سنتين بس
خايف الشقيق عزام العايز يجيب الهوا لروحوا تكون روحه ما رياضية
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: محمد عبد الماجد الصايم)
|
السلام عليكم
الأخ عزام ، تحية ليك
وتقريباً هذه أول مرة أتداخل معاك لذلك أسجل أعجابي بقلمك الجرئ أحياناً والممتع أحياناً
أقول فقط أن "بوستك" هذا لم يعجبني.. كما لك الحق يا عزيزي أن تسجل رأيك الحر هذا الذي كتبته في هذا البوست سأسجل رأيي أنا أيضاً لقد بوست ليس جميلاً أبداً وليس فيه صواب على الإطلاق..
لهذه الأسباب...
كان هناك نقاش بيني وبين بعض الأخوة الأعزاء من أعضاء سودانيز أون لاين خارج البورد عن هذا السؤال...
هل سودانيز أون لاين منبر نخبة؟؟
بمعنى هل هو منبر صفوة الى ما ذلك..
كان رأيي والحمدلله متفقاً مع معظم المشاركين في الحوار أنه (لا) ..
منبر أون لاين منبر أقرب الى أن يكون "شعبي" فيه المثقف وفيه الديني وفيه الحكيم وفيه اللئيم وفيه ود الحلة الذي أعرفه أنا وأنت وكل السودانيين.
إذاً لماذا يصر البعض على قولبة الجميع وأن يملوا عليهم ماذا يكتبون وبماذا يردون!!
حتى ولو كانت لم يكن هذا إملاءاً واستدعاءً لوظيفة "مدير المدرسة" فإنها بلا شك انتقاص للحريات ،
ورغبة في أن يكون العالم من حولك كما تريد..وهي رغبة مردودة حسب رأي وذوق الآخرين الذي ينافي رأيك.
إذاً لماذا لا تكون دعوة فقط ورسالة تجديد بدلاً عن الاتهام واللمز كعبارة "عن البتظارف وبخفف دمو" (معليش يا استاذ العبارة بدون تشكيل) والتي بمزيد من الوصف يمكن أن تكشف بها عن من تقصد.
لا لا لم يعجبني هذا البوست
ليس فقط لأني أحد مطبلاتية المتظارفين!!
تحياتي لك ثانية
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: osman righeem)
|
Quote: وبعدين تمويه الإسم/الأسماء علشان أنا ما بنهي عن فِعل وأأتي
بِمِثلِهِ ... ما بغتال أو حتى أحاوِل أغتال شخصِية زول لأني ما
برضاها لروحي ... ولامِن أشوف غلط ... بطرحو بِالصورة دي
علشان نركِز على الموضوع مِش الشخص المُمكِن يِكون عُرضه لِتصفِية
حِسابات قديمة مع آخرين ... |
سلام يا عزام والله انا قبل كده فتحت بوستين
وكان هدفى ذى حقك ده اخوه الا ما لزم ود عمو
(يعنى حتة اغتيال الشخصيه دى ما ذكرتها :) )
اها جاتنى ام قفه (و ده اغتيال اسم و كده)
قالت لى دى مطاعنه
طبعا كان هدفها انها تستفزنى اقول انا قاصده منو
عشان هى تقلى البن
المهم عكيناها لمن بكرى سحب البوست
وانا مغيوظه لليلى منو
اهااا لو دخلت بوستك ده و ما قالت ليك دى مطاعنه
والكلام ده عيب و جبن و بوبار و غيرو
ولو دى انا كنت قلت كلامى عديل و شنو و شنو شنو
و مرقت ليك حيه من قفتها
انا ح اعتبر انى كنت مستهدفه لشخصى
وليس من اجل نشر الفضيلة
وهذا فى سبيل قليل من التظارف
الذى قد يأتى بالخور اليك قبل ان
تذهب اليه
وكدى يعنى
اقعد عافيه
| |
|
|
|
|
|
|
|
|
 Re: عارِف حأجيب لِروحي الهوا ... عن البِتظارف وبِخفِف دمو (Re: محمد البشرى الخضر)
|
كلامك صاح في جزئية تغيير الموضوع وحرفه إلاّ حتة اغتيال الشخصية دي بتحفظ عليها
ياخي قوم لف .. بلا إغتيال شخصية بلا إغتيال مصرقع .. يعني الواحد ما يغيب ليهو يومين من البورد ده إلا يلاقي الاغتيالات دي ملت الشوارع ولا كيف ؟ ياخي تاااني قوم لف بلا إتحفظ بلا ألبس جنز بلو أحمر ...
من ناحية تاااني ... ياحموووودي انت كمان قوم لف معاه بلا مقصود بلا يامال الشام معاك ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
عِندي إضافة
Quote: عامِل ظريف
- ما عِندو أي إنتاج بِالمره
- عضو قديم
- مُشاركاتو بِالآلاف
- مُنتشِر في أي بوست
- يوميًا مُصاقِر سودانيز أون لايِن تقول وارِث
- ما بِقول رأيو في موضوع البوست أصلاً ... يِجدع ظرافتو ويِجُر ليك المُتظارفين ويتخارج |
فوق العليهو عِندو مرحلتين بدخُل فيها :-
- اـلشـلاقـا
- التِـتِـلِـح
كيف يعني؟ طَيِب يا سيدي زولنا مِن يقرا بوست وُر دو لوب برايهو < يِتْـشالـق > ولامِن يلقى
إنو فضح روحو بِفتِش يتخارج ... أها هنا بيدخُل مرحلة < الـتِـتِـلِـح > التي لا تنفك مِنها
إلا بِعَون مِن عِند الله وبِدُعا الوالدين ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
Quote: والله ماشة معاكـ دفــار طحنية بس!
شايفكـ البوست عمل ليهو 1060 قراءة! |
قول ماشاءالله يا إننننتا
| Quote: أمش أعمل ليكـ عزومة الليلة! |
والله كلمت ناس بوست < الشعبِية نجمة ... > وقلت ليهُم جاياني قِريشات
أكان وصلت بعزِمُم تب غداء (لحمة صاج + مكرونه بِالفُرن + صلطة) وعُقبا
شاي أحمر وجبنه هيل بِت إبراهيم ... أها قصرت ... بس القِريشات يصلن
| Quote: وشاور الجماعة في مسألة تطعموها ولا تخلوها (أورديحي)! |
لا حرم ماني كُنت معاهُم تب الحاجات دي بِسووها < الرجرجه والدهماء >
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
Siham Elmugammar
< البِتظارف > و< البِخفِف دمـو > ما عِندو عِلاقة بِالـ< ظريف > و< الدمـو خفيف >
وشرحت بِإسهاب < الحِته دي > قُلت فوق إنو < البِتظارف > بِكون قصدو يِشتِت الكورة
ويِنال مِن صاحِب البوست ويِضحِك عليهو خلق الله ... وهُـم عاملين مِتل الضان بِتبارو
وأكان الخروف الأول وقع فوق عِد ... باقي الضان بتلهمو العِد ... لكِن الزول
< الظريف > في طبعو دايمًا هادي ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
Ridhaa
كيفك يا صاحبي ... علك طَيِب ...
| Quote: هل تربطكم علاقة بأسرة ناس فرح الشهيرة في بحري ... |
في < فرحين > في الشعبِية بحري ناس < عطا فرح > ديل مِن أهلنا الدناقلة
وآل < فرح > مِن أهلك المحس مِنهُم عمي < إبراهيم فرح > بِالمزاد ووالدي
< حسن فرح > بِالشعبية ... والشُهرة خشُم بيوت ... مثلاً والدي حسـن فـرح
رحمة الله عليه قضى ما مجموعو (10) سنوات في المُعتقلات وهو شهير بكِده ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
مُحمد يوسُف زين (بِالتشكيل)
Quote: منبر أون لاين منبر أقرب الى أن يكون "شعبي" فيه المثقف وفيه الديني وفيه الحكيم وفيه اللئيم وفيه ود الحلة الذي أعرفه أنا وأنت وكل السودانيين.
إذاً لماذا يصر البعض على قولبة الجميع وأن يملوا عليهم ماذا يكتبون وبماذا يردون!! |
زي بعضو ... نعيد تاني ... خلينا في < اللئيم > ده ... مِتِل ده مُش حقو الناس تنبِهو ولا
تخليهو ماش بِوشو كِده يِبشتِن فوق خلق الله ويِضحِك علهو الناس؟ لأنو طالما في < لئيم > حقو
يكون في < ود الحله > ... أنا ما بقول لِزول تكتِب شنو ولا تكتِب كيف ... أنا لامِن أشوف
الناس إتكالبت على بوست مُعَيِن سيدو أخطأ في تعبير أو توصيل معنى وبِقت تغرِز السكاكين
بس مِن أجل الضحِك والونسه وقِله الشغله ، بفتكِر حقو أكتِب رأي في الفِعل مُش سيد الفِعل
أكتِب عن الظاهِرة ... ما مُمكِن يا محمد يوسف الناس تكتِب وتجرح وتهاتِر وتتشاتم وتبشتِن
ونحنا نقيف نتفرج ولو قلنا رأينا نكون بِـ< قولب > الناس ... أنا برضو لو ما كتبت رأي
بِناءً على نظرِيتك دي أبقى < قَولبني > محمد يوسف زين ... مِتِل ما هو إتشالق وهو على باطِل
أنا بتشالق على حق ... هو على باطِل لأنك لامِن تجرح زول وتنال مِنو وإنت عارِف إنو الزول
الكتب البوست ما قصدو التفاهات البتحاوِل تثبِتا تبقى على باطِل ... كيف؟ لأن الزول سيد
البوست جا وشرح قصدو ونواياهو وبرر وعلل وإنت لِسع في غتاتك ماش ومعاك الكورال بِتاعك
عذبتني يا محمد يوسف إنشاءالله أكون قدرت أوصِل ليك القاصدو ...
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: Ridhaa)
|
Ridhaa
Quote: الجماعة هنا شبكوك طاقيتك ..ودفار طحنية ....
المهم ماتشتغل بيهم وصل معلومتك وواصل .. |
يا حبيبي معلومتي وصلت تب أنا أخوك ... وداير أقولو
قلتو ... وشرحتا كُل < المُفردات > وأبِنت الفرق بَين
< الظريف > و< المُتظارِف >
حباب العطر مجلِسنا بأدبـو وِظُروفو ...
يا كافي الِبلا لا ليهـو قديمنا وعُرفو ...
يِمْه .. تراهو بحصِد الزارعو في جرفو ...
| |
|
|
|
|
|
|
|
|
 Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
| Quote: < أنيق > بدرالدين الأمير وإتْ عارِف كِده ... |
 خلاص يا عزامو من دربك دا تمشى الهتمى !!
وتقول للزول الهناك دا أنا فى عرضك وأدينى آخر عروضك من بدل وبناطيل وربطات عنق ومناديل ودبابيس وكل مستلزمات الأناقة الكاملة,, ويظل الكلام على الشماعة,,
الهافانا و(السيغار) على أنا دا والشيفاز على بركوتة أبوكبك!!!
قصرت معاك؟؟؟؟؟
خارطة طريق للوصول لقمة ألأناقة,,
أنا تانى ما جاى هنا عشان ما تقول الرهط والدهماء شتتوا لينا كورتنا
,,,
أبقى عافية ,,
وتانى ما تحمونا نجى نتونس ونضّحك و(.أو.كما.قال.دكينو.) هنا!!
نخلى ليكم البورد دا ولا شنو!!!
مودتى,,
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: Hassan Makkawi)
|
عزام ابوي ازيك وعلّك امسيت طيب
كلامك لود الزين عجبني و عايز لو سمحت لي اعلّق عليه Quote: زي بعضو ... نعيد تاني ... خلينا في < اللئيم > ده ... مِتِل ده مُش حقو الناس تنبِهو ولا
تخليهو ماش بِوشو كِده يِبشتِن فوق خلق الله ويِضحِك علهو الناس؟ لأنو طالما في < لئيم > حقو
يكون في < ود الحله > ... أنا ما بقول لِزول تكتِب شنو ولا تكتِب كيف ... أنا لامِن أشوف
الناس إتكالبت على بوست مُعَيِن سيدو أخطأ في تعبير أو توصيل معنى وبِقت تغرِز السكاكين
بس مِن أجل الضحِك والونسه وقِله الشغله ، بفتكِر حقو أكتِب رأي في الفِعل مُش سيد الفِعل
أكتِب عن الظاهِرة ... ما مُمكِن يا محمد يوسف الناس تكتِب وتجرح وتهاتِر وتتشاتم وتبشتِن
ونحنا نقيف نتفرج ولو قلنا رأينا نكون بِـ< قولب > الناس ... أنا برضو لو ما كتبت رأي
بِناءً على نظرِيتك دي أبقى < قَولبني > محمد يوسف زين ... مِتِل ما هو إتشالق وهو على باطِل
أنا بتشالق على حق ... هو على باطِل لأنك لامِن تجرح زول وتنال مِنو وإنت عارِف إنو الزول
الكتب البوست ما قصدو التفاهات البتحاوِل تثبِتا تبقى على باطِل ... كيف؟ لأن الزول سيد
البوست جا وشرح قصدو ونواياهو وبرر وعلل وإنت لِسع في غتاتك ماش ومعاك الكورال بِتاعك
عذبتني يا محمد يوسف إنشاءالله أكون قدرت أوصِل ليك القاصدو ... |
الجزء التحته خط دا تحديدا
كونك تنتقد السلوك و التصرف الماسليم في نظرك مش صاحب السلوك دا كلام تمام و بعجب بالحيل
ودا النقد المفيد الممكن يوصل للمعني و يتقبله بدون مكابرة ولا يجيب حساسيات او زعل
و انا معاك فيه
لكن شوف انت هنا بتتكلم عن شنو Quote: أنا لامِن أشوف
الناس إتكالبت على بوست مُعَيِن سيدو أخطأ في تعبير أو توصيل معنى وبِقت تغرِز السكاكين
بس مِن أجل الضحِك والونسه وقِله الشغله |
هنا اتكلمت عن سلوك مرفوض
لكن فوق في المداخلة الرئيسية - البتحمل فكرة البوست او فكرتك لحظة كتابة البوست وقبل ما تقرا ردود الافعال - كلامك غير
هناك كانك بتوصف في شخص امامك و تشيل وتحشد في الصفات الدالة عليه - ما كان باقي إلاّ تكتب عندو كرش وانتهازي 
ولاننا مافي محكمة عشان نتقيد بالنصوص وتقول انك ما ذكرت اسم
لكن دا ما تراءى لي - واظن - لاغلب الأعضاء بالطريقة الكتبت بيها
صاح ممكن تقول لي انت ما مسؤول عن فهم غيرك ,لكن نسوي شنو غايتو دا الـ الله قدرنا عليه و فهمناه
اسّي كان جانا واحد تاني وكتب بي نفس الطريقة قال الواحد يعمل ليك فيها مثقف ومفكر وشابكنا تحليل و خواطر
وهو آيات الله دي في رقبتها بكتبها غلط و لا يفرق بين ان شاء و إنشاء
حنقول شنو بس في الحالة دي
نعمل عميقين و ندودر في الكلام جاي وجاي ولاّ نقول الشي الفهمناه الذي يكاد يطل براسه من بين السطور و يتكلم بلسان مبين
ونقول دا ما يا هو زاتو زولنا عزام الناقد
تاني حاجة يا عزام ياخوي, حتة ح تجيب لي روحك الهوا دي
مافي هواياً كدي لامن ينضموبو
حمودي دا ود ناس و لسانو عفيف ومازول مشاكل اسالني منو , بس النصيحة لايوق و ناسو الما برضو فوقو كتار
من ضمن الناس الاتكالبت على البوست المعين السيدو اخطا في التعبير بركة العزلت احنّ واحد فوقهم
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
| Quote: < أنيق > بدرالدين الأمير وإتْ عارِف كِده ... |
عزام
ياجالب الهوى لروحو وبعربية الناطقين بغيرها روح ياشيخ نحن مش
تصالحنا وتزاملنا ونان تيب ليه تخلى عربى الجزيرة بتاع ابوفروع
المشكلجى ايمن الطيب يوقع بيناتنا داير ترجعنا لاتفاقية البغط مافيش
مشكلة بس انت واحد رطانى همباتى
تنهدات : ياخونا هذا العزام هو على بن الجلهم بتاع المنبر وكلنا نعلم
قصة على بن الجلهم مع المتوكل ووصفه الخشن للمتوكل بانه كالتيس فى قرع
الخوطب وبعد النقلة النوعية من البيئة الخشنة التى استمد منها ابن الجلهم
تلك التعابيره تجاه المتوكل كتب عزام اقصد ابن الجلهم
Quote: عيون المها بين الرصافـة والجسـر
جلبن الهوى من حيث أدري ولا أدري
خليلـي مـا أحلـى الهـوى وأمـره
أعرفنـي بالحلـو منـه وبالـمـرَّ !
كفى بالهوى شغلاً وبالشيـب زاجـراً
لو أن الهوى ممـا ينهنـه بالزجـر
بما بيننا مـن حرمـة هـل علمتمـا
أرق من الشكوى وأقسى من الهجر ؟
و أفضح من عيـن المحـب لسّـره
ولا سيما إن طلقـت دمعـة تجـري
وإن أنست للأشياء لا أنسـى قولهـا
جارتها : مـا أولـع الحـب بالحـر
فقالت لها الأخـرى : فمـا لصديقنـا
معنى وهل في قتله لك مـن عـذر ؟
صليه لعل الوصـل يحييـه وأعلمـي
بأن أسير الحب فـي أعظـم الأسـر
فقالـت أذود النـاس عنـه وقلـمـا
يطيـب الهـوى إلا لمنهتـك الستـر
و ايقنتـا أن قـد سمعـت فقالـتـا
من الطارق المصغي إلينا وما نـدري
فقلت فتـى إن شئتمـا كتـم الهـوى
وإلا فـخـلاع الأعـنـة والـغـدر
|
تنهدات (وحين انشد ابن الجلهم تلك القصيدة في حضرة المتوكل
صاح اوقال اوقفوه فأنا أخشى ان يذوب هذا الرجل رقة ولطافة
وتلك باختصار تجربتى او معرفتى لعزام هو حسن وفرح ـ بس هو رطانى
وبدوى وانا مدنى ومتمدن والبدوى في ذمة المتمدن
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: بدر الدين الأمير)
|
محمد البشرى الخضر
والله كلامك سمِح بِالحيل ... وأكان قُتْ ما بستفيد مِنو أكون كضاب ...
والله ما عارفك قاصِد بِـ< حمودي > ده منو ... أنا شُفت عَوج < ظاهِرة >
وحبيت أطرحا ... أشرحا ... وتأكيدًا على إني ما قاصِد زول بِعينو
وهاماني < الظاهِرة > بس ... ولأنو ودالصايم بِطيبتو درعا فوق رقبتو
والناس بعد ما هو درعا في رقبتو ثبتت ليهو < التظارُف > علشان كِده
أنا إتصلت هسِع بِودالصايِم ولقيتو ليك زول رائع جِدٍا وود ناس جِدًا جِدًا
زي أغلب الزملاء هنا...
نرجع تاني < للظاهِرة > المو سمحه تب ... في ناس بِتكتِب كلام ما بِتقال
كلو كلو وحالا بيمشي لانو عندهم شِله ومعارف وبيناتُم مِلح ومُلاح ... ولامِن
يجي واحِد مسيكين يكتِب رُبع الكلام المِتل كلام زولنا أبو صداقات ومعارِف
ينسلِخ سلخ الشاه ...
وتاني ما بكتِب < إنشاءالله > كِده ...
عشاي جا مع السلامة
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: وجن)
|
Quote: عزام
ياجالب الهوى لروحو وبعربية الناطقين بغيرها روح ياشيخ نحن مش
تصالحنا وتزاملنا ونان تيب ليه تخلى عربى الجزيرة بتاع ابوفروع
المشكلجى ايمن الطيب يوقع بيناتنا داير ترجعنا لاتفاقية البغط مافيش
مشكلة بس انت واحد رطانى همباتى |
يا البدٌر,,يا أربجى !!!شنو!!
الرطانى دا خدعكم الخدعة الكبرى !! ياخ الزول أنت سيد العارفين
إنو من الناطقين بغيرها تجى تقول لىهو أيمن يوقع بيناتنا!!!الراجل قال
إنت أنيق وكل الحا نعملو معاهو نحاول نساعدو شوية عشان يلحق الناس
المتدّنة والمتمدينة !! الناس المنارات والأعلام والرموز كان ناس أربجى أو
ناس ابوفروع!!
ما تخليهو يدورك ويملاك ويجى يقول دورت العربى زى السورو,,
بعدين همباتى منو دا!!! يا خ دا كان ما بت ابراهيم كان لحد
هسة برطن!!! غايتو إلا كان همباتى من همباتة الشحانية
لكن البورد دا ما بفرز ود ضحوية من ود اليمنى,,,وكلو عند الرطانة صابون,,,
تحياتى..
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: أيمن الطيب)
|
Quote: ما تخليهو يدورك ويملاك ويجى يقول دورت العربى زى السورو,,
بعدين همباتى منو دا!!! يا خ دا كان ما بت ابراهيم كان لحد
هسة برطن!!! غايتو إلا كان همباتى من همباتة الشحانية
لكن البورد دا ما بفرز ود ضحوية من ود اليمنى,,,وكلو عند الرطانة صابون,,,
|
إتو تعالو أيمن الطَيِب ده شِويعي ولا شنو؟ علو مريخابي؟ ما بِختاهِن تب
عجبني ليهو أكان كدي ... أها الأبشِرك بت إبراهيم بِقت لِكْه عِلا رُبُع ..
| |
|
|
|
|
|
|
|
|
|
Re: عارِف حأجيب لِروحي الهوا ... عن البِتظارف وبِخفِف دمو (Re: عزام حسن فرح)
|
وجن ...
Quote: السلام عليكم ورحمة الله تعالى وبركاته
كتاباتك جميله و(أنيقه) يا أخ عزام
لكن أسمح لي أقول ليك خلى ظرفاء المدينه يشوفوا شغلهم ويضحكونا شويه
بس طبعاً بعيداً عن إغتيال الشخصيه فزي ما بنرضاها لنفسنا ما بنرضاها لغيرنا
خليتك بعافية وشكراً لهذا البوست الظريف |
بخيت الجاب البوست مِتِل وجن ...
نديمي ما خاتي إن كورك وجن ...
إريتو أندادِك يِصلن حتو ويِجَنْ ...
خليناهُم إن شاءالله (أها كدا كيف يا سبويه) يخجو المدينة خج
| |
|
|
|
|
|
|
| |
عزام حسن فرح
محمد عبد الماجد الصايم
nada ali
عمر الفاروق
حيدر حسن ميرغني
haroon diyab
صديق الموج
حبيب نورة
ALZOLZATOO
محمد البشرى الخضر
شمس الدين ساتى
Hassan Makkawi
osman righeem
محمد يوسف الزين
Siham Elmugammar
أيمن الطيب
Ridhaa
بدر الدين الأمير
وجن
فيس بوك
تويتر
انستقرام
يوتيوب
بنتيريست