كتب الكاتب الفاتح جبرا المتوفرة بمعرض الدوحة
|
جلد تابيتا بطرس
|
انا شخصيا شايف الصحفية لبني كانت ترتدي ملابس ساترة اكثر منها , ولا كيف؟ مع احترامي للوزيرة تابيتا بطرس وملابسها المحترمة
بعدين زي ما قال مصطفي , مفروض اي بت في السودان قبل ما تطلع للشارع العام تشيل غياراتها وتمشي مكتب النظام العام , تغير هناك وتتم معاينتها وبعد كدا يلصقوا ليها ديباجة في كتفها انه الملابس مقبولة , تفاديا للجلد وقبل اي حفلة مفروض مع تصريح الحفلة يجي مندوب من شرطة النظام العام , ويتم عمل طابور ازياء للفتيات المشاركات في الحفل , يلصق ديباجة لكل فتاة بانها صالحة لحضور الحفل والما عندها ديباجة تتعشي وتنوم
|
|
|
|
|
|
|
|
Re: جلد تابيتا بطرس (Re: Giwey)
|
والله يا أساسي انا زاتي قلتت الكلام ده... بحترم تابيتا شديد انا.. لكن!
القانون ده .. يا ننجلد كلنا بي تابيتتنا... يا يخلونا كلنا...!
| |
|
|
|
|
|
|
Re: جلد تابيتا بطرس (Re: وجن)
|
يا اساسي
انا بقترح انو اي واحدة تقوم الصباح تدفع 20000 جنيه غرامة زي الحافلات المامرخصة
الواحد يقوم الصباح يدفع مخالفة 20000 وياخد وصل ويشتغل اليوم كلو اها لو لاقاهو اي بتاع حركة
نص النهار يوريهو مخالفة الصباح ويمر عادي وتاني اليوم نفس الشئ وبرضو تسمى مخالفة مش تصريح شغل
كااااااااك اها اي واحده عايزه تمشي بي بنطلون تدفع مخالفة 20000 الف او تمشي تاخد اربعين سوط
وتواصل باقي اليوم عادي
لازم ياحبيبنا اساسي تاكل من لحم الراس وتلبس مايعجب الانقاذ
تحياتي
زاتوووو
| |
|
|
|
|
|
|
Re: جلد تابيتا بطرس (Re: وجن)
|
.
الأخ أساسي تحياتي ...
يليق بنا أن نوفي الدكتورة/ تابيتا بطرس كامل الإحترام، ليس من باب كونها وزيرة الصحة عن الحركة الشعبية.. لكن لكونها إمرأة سودانية في مقام الأم أو الخالة أو العمة أو الأخت .. ورغما عن كوني متفهم لفكرتك من طرح البوست .. لكني أجد فيه شيئا من المساس بشخصية السيدة تابيتا بطرس .. حتى أنني وجدتك لم تتردد في وضع العنوان (هكذا) ولكنك كنت ستعيد التفكير فيه ألف مرة لو وقع إختيارك على إسم آخر له مدلول جغرافي مختلف ..! تجدني مدفوعا لهذا المنحى ..
أصبحنا نطلق الكلام بلا تحسب .. ولا نكترث للقيم! يريدوننا هكذا محض دراويش!
هذا مع أكيد إحترامي
سيف اليزل
.
| |
|
|
|
|
|
|
Re: جلد تابيتا بطرس (Re: محمد الامين محمد)
|
"الأخ أساسي تحياتي ...
يليق بنا أن نوفي الدكتورة/ تابيتا بطرس كامل الإحترام، ليس من باب كونها وزيرة الصحة عن الحركة الشعبية.. لكن لكونها إمرأة سودانية في مقام الأم أو الخالة أو العمة أو الأخت .. ورغما عن كوني متفهم لفكرتك من طرح البوست .. لكني أجد فيه شيئا من المساس بشخصية السيدة تابيتا بطرس .. حتى أنني وجدتك لم تتردد في وضع العنوان (هكذا) ولكنك كنت ستعيد التفكير فيه ألف مرة لو وقع إختيارك على إسم آخر له مدلول جغرافي مختلف ..! تجدني مدفوعا لهذا المنحى .. " Well said ya Seif Al Yazal.
| |
|
|
|
|
|
|
Re: جلد تابيتا بطرس (Re: على تاج الدين على)
|
الاخ سيف اليزل.. والعزيزة ندى...
اتصوروا، المره دي انا ما موافقاكم... لانه انا لما قريت الكلام ده، كان التفكير كله في انه دي شخصية في الحكومة وما اتجلدت.. ما كان في اتجاهات جغرافية ولا عرقية... على العكس... كان احترام كبير.. ومحبة شديدة للزوله دي...
معليش يا اساسي..
بنت الحسين
| |
|
|
|
|
|
|
Re: جلد تابيتا بطرس (Re: شوقى حمزة)
|
والله انا بى صراحة ... تابيتا دى ما برضى فيها ولا كلمة ...
بالله ناقشوا مشاكلكم (كشماليين مسلمين) بعيد عن تابيتا بطرس ...
بلاش عوارة معاكم ...
تجلدوا تابيتا (أو تدفّعوها الجزية) ... تانى بكون فضل ليكم شنو؟
... المهم ...
| |
|
|
|
|
|
|
|