|
|
 اضبط : الاتحاد النيجيري يؤكد وجود تزوير في طلبي إعارة كواريزما وامولادي
|
مزمل أبو القاسم
تاكيدا لما اوردته الصدى امس تنشر الصحيفة اليوم الخطاب الذي بعث به الاتحاد النيجيري لكرة القدم الى نظيره السوداني والذي طالب فيه بعدم اعتماد الخطابات التي تسلمها الاتحاد السوداني حول طلبي اعارة محترفي الفريق البرازيلي كواريزما لنادي اوكبي يونايتد وامولادي الى نسراوة واوضح سكرتير الاتحاد النيجيري ان الخطابين ولم يصدرا عن اتحاده مؤكدا انهما مزوران وشدد السكرتير على ضرورة معرفة البريد الالكتروني الذي تم استخدامه لارسال الخطابات المزورة باسم الاتحاد النيجيري.
النص المترجم لخطاب الاتحاد النيجيري:
الاتحاد النيجيري لكرة القدم
مكتب السكرتير العام
التاريخ الاول من يوليو 2009-07-1
السيد سكرتير الاتحاد السوداني لكرة القدم الخرطوم
المرجع : طلب شهادة الانتقال الدولية للاعبين امولادي اجيبادي وراخيص كواريزما دي سوزا
يطيب لي ان اهيدك تحيات رئيس واعضاء اللجنة التنفيذية وادارة الاتحاد النيجيري لكرة القدم
بحوزة الاتحاد النيجيري خطابين بتاريخ الثامن والسابع والعشرين من يونيو 2009 معنونان الى الاتحاد السوداني لكرة القدم لطلب شهادات الانتقال الدولية للاعبين مثار القضية لناديي ناسروا يونايتد واوكبي يونايتد ونود احاطتكم علما بان الخطابين مزورين وعليه نرجو منكم عدم اعتمادهما بواسطة اتحادكم.
كما نرجو كريم تفضلكم باعلام الاتحاد النيجيري بالبريد الالكتروني الذي تم استخدامه لارسال الخطابين
نشكر لكم اخذ امر هذا التزوير في الاعتبار و تقبلوا تحايانا
التوقيع
الدكتور : بولاجي اوجو اوبا
السكرتير العام للاتحاد النيجيري لكرة القدم.
المصدر الصدى
|
|
 
|
|
|
|
|
|
|
 Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: حمزاوي)
|
Quote: سجمي سجمي
الجماعة نسوا أن في فريق نيجيري معاهم في نفس المجموعة في دور الـ 8
غايتو رفقاً بالقوارير ممكن نعيير امولادي لي فريق نجوم كرمة
وممكن يعطونا معاه كوارثنا فوق البيعة
قصرت معاهم يا حيمورة اخوي |
يحليلكم ياخالم .. بقيتو تفتشو يف البخارجكم من كوارزما وامولادي
طيب اقوليك حاجة ..؟
كواريزما القلتو ماسوره دا نديكم ليهو .. ومعاهو امولادي .. ونديكم امبيلي ومهند الطاهـر
اقوليك حاجة .. هيثم سيدا زاتو شيلوهو ..
بس البمسك ليكم سادمبـا منوووووو؟
أقوليك حاجة تانية ..؟!
حقو ناس الهلال يفتحو ليكم زي ناس الخرتوم تلاتة في الدوري الممتاز ..
إنت جيت يا خالم ؟؟ يعني مسمار التاكسي مفعولو فكه يادوووبك ..؟ بركـة والله
امسكو في مزمل دا كويس .. دا مش بتاع ام فتفت الحقيقة..
ازيك يا مهند ..
والله مزمل تتابعوهو ممكن يجيبكم الخور بتاع بكري دا ..
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: حمزاوي)
|
دي بقت مشكله الاعلام المريخي بعد كل هزيمه ..نشر فرقعات والجمهور لتخدير الجماهير المغلوب علي امرها ..لو كلام الزول دا صاح ..كان انتظر الي ما بعد مباراه القمه وفي حاله فوز الهلال تقديم شكوي وكسب نتيجه المباراه ..ولكن الموضع وكعاده فرقعات مزمل كلها لم يثبت في يوم من الايام انه يكتب كلام قانوني استفاد منه فريقه المريخ او خسر منه نده الهلال !! فلم نري حتي اليوم شكوي تقدم بها المريخ في محترف شكك فيه مزمل وكسبها المريخ ...من قبل قابيتو لعب عاما كاملا للهلال ..وبيتر جيمس يلعب الان في الامل عطبره بعد شطبه الهلال للاصابه ..واليوم الهلال يسجل سادومبا ...
السؤال الاكبر لماذا يحاول دائما اعلام المريخ التشكيك في صحه تسجيل محترفي الهلال طالما ان فريق المريخ قادر علي قهر حتي فريق برشلونه الذي سيواجهه المريخ في كأس العالم للانديه الابطال !! ابنوا فريقكم بدون التشكيك والتبخيس ومحاوله نزع الاستقرار من فريق الهلال
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: حمزاوي)
|
أوكبي النيجيري يفجر المفاجأة وينفي استعارة كورايزما من الهلال
مزمل أبو القاسم
نفى نادي أوكبي النيجيري أن يكون قد استعار اللاعب البرازيلي كواريزما دي سوزا من نادي الهلال وأكد أنه لم يستعن بخدمات أي لاعب محترف منذ إنشائه.. وبعثت إدارة النادي رسالة إلى الاتحاد النيجيري لكرة القدم تؤكد فيها عدم صحة الأخبار التي زعمت أن أوكبي استعار اللاعب المذكور من نادي الهلال مشيرةً إلى أن النادي لا يملك لاعبين محترفين من الأصل لأنه مخصص للهواة ويلعب في منافسة للفئة المذكورة تحت إشراف الاتحاد النيجيري لكرة القدم.. كما وجهت رسالة أخرى تحمل المضمون نفسه إلى الاتحاد السوداني عبر الاتحاد النيجيري.
وأبدى أوغوسي أوزوكا سكرتير نادي أوكبي دهشته للمعلومات التي تم تداولها حول إقدام ناديه على استعارة اللاعب البرازيلي ريخس كورايزما دي سوزا من أحد الأندية السودانية وأكد أن ناديه ينأى بنفسه عن عملية الانتقال المزعومة لأنه لم يسبق أن استعان بخدمة أي لاعب أجنبي منذ إنشائه قبل عامين من الآن.
وتفيد متابعات الصدى أن الاتحاد النيجيري لكرة القدم فتح تحقيقاً حول ما تردد عن إرسال خطابين لطلب شهادتي انتقال كواريزما وأمولادي لناديي أوكبي يونايتد ونسرواة النيجيريين من نادي الهلال السوداني لأنه لم يتسلم طلباً منهما لاستعارة اللاعبين المذكورين وخاطب الاتحاد السوداني حول الواقعة المذكورة.
يذكر أن الاتحاد السوداني لكرة القدم أخلى خانتي اللاعبين كواريزما دي سوزا وأمولادي وسمح لنادي الهلال بتسجيل اللاعبين كابوندي وسادومبا فيهما بنظام الإعارة خلال فترة التسجيلات التكميلية الأخيرة.
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: mohanad haimoura)
|
هذا يعني ان نادي الهلال قام بإرتكاب جريمة تزوير خارج الحدود هذه المرة زج فيها باسماء فريقين يتبعان للإتحاد النيجيري لكرة القدم الذي نتوقع منه أن يسعي مع هذين الناديين لإتخاذ إجراءات قانونية ضد نادي الهلال السوداني في حال تقاعس الإتحاد السوداني عن التحقيق في الأمر ومعاقبة نادي الهلال الذي لانشك مطلقاً في تورطه في هذا التزوير طالما انه إعتمد عليه في التخلص من لاعبين وتسجيل لاعبين مكانهما لتدعيم صفوفه لخوض غمار مباريات مسابقةأبطال الاندية الأفريقية، ولايمكن لنادي الهلال مناهضة ذلك التزوير في ظل إنكار الناديين النيجيريين لإصدار خطاب الإعارة وتأكيد ذلك الإنكار بصورة رسمية عبر الإتحاد النيجيري لكرة القدم.
وفي كل الأحوال سيكون لهذه المهزلة أثرها السلبي علي مكانة الفريق علي المستويين القاري والدولي بعد ان اشبعنا من أمثالها علي المستوي المحلي، ونعتقد بتدخل الكاف وربما الفيفا أيضا لمحاربة هذه الظاهرة الخطيرة التي تتعارض تماماً مع المفاهيم والمبادئ السامية التي تسعي الرياضة إلي ترسيخها .. وسوف ننتظر لنري كيف سيبرر نادي الهلال موقفه لإعلامه وجمهوره من هذه المهزلة الدولية التي ستعظمّ من صفره الدولي الكبير وتزيد من آماله للفوز بكأس مسابقة أبطال لأندية الافريقية(:
ولا نملك الآن غير أن نقول مبروك مقدما للأرباب علي مجهوداته الصادقة لخدمة نادي الهلال التي هيأت له الفرصة للفوز بكأس المسابقة الافريقية الاعلي لهذا العام بعد أن أصبح ضمها لدولاب النادي مسألة وقت فقط (:
| |
|
|
|
|
|
|
|
|
 Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: الصافي بشير الصافي)
|
Quote: The secretary-general of the Nigeria Football Federation (NFF), Dr Bolaji Ojo-Oba, has asked the Sudan Football Federation (SFA) to investigate how two International Transfer Certificates (ITCs) were forged with the aim of Al Hilal moving former Enyimba skipper, Ajibade Omolade, on a loan transfer to Nasarawa United and a Brazilian, Quaressma, to Okpe United in Sapele.
By the rules in Sudan, Al Hilal cannot terminate the contracts of the players after just six months with it, but it could send them on loan and that way free up space for it to sign Edward Sadomba from Dynamos of Harare, as well as Kabonde from DR Congo in time for the CAF Champions League.
According to Sudanese sports paper, Al Sadda, the scandal blew open when Okpe United of Sapele insisted that it did not request for Quaressma to join it on loan.
Al Sadda reported that in a letter dated July 1 and signed by Ojo-Oba, the NFF has demanded a full-scale investigation into this incident.
The daily newspaper went ahead to publish one of the forged documents.
It is believed that Ajibade is already back in Nigeria and very bitter about the entire episode.
|
http://www.tribune.com.ng/15072009/news/sports3.html
اغرب حاجه فى الموضوع دا انوا الصحافه النيجرية نقلتوا اعتمادا على رواية الصدى
ما من الاتحاد النجيرى
عموما اذا ثبت تورط مجلس الهلاا فى عمليه تزوير لا بد ان يحاسبوا
وعلى كافه المستويات
| |
|
|
|
|
|
|
|
|
 Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: mohanad haimoura)
|
Quote: الخطاب ده من يوم 1/7 والليله يوم 15/7
يالله الاتحاد ماشافو لغاية اسي ؟؟؟؟؟؟ |
ولماذا لم يثير مزمل القضيه الا بعد يوم 12 او ما بعد نكسه التاكسي !! اعاره كواريزما وامولادي تمت قبل شهر من الان ..كدي براكم ضربوا الموضوع دا لو المريخ فاز بي سيكافا كانت حاتكون نفس الحقنه ولا حا يعيشكم بي حقنه الدريم تيم الذي لايهزم ..
انا لو في محل مدرب الهلال ..العب ليكم أحمد الفاضل طالما مشكلتكم بقت مع كابوندي (والكلام دا بعد كوره المقاولون) واصلا سادومبا دا احتياطي لي كاريكا وامبيلي واحمد عادل ..يعني قطع حجج بس عشان يوم الاحد تشوفوا موضوع تاني
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: Maawya Hussein)
|
الحبيب معاويه| Quote: ولماذا لم يثير مزمل القضيه الا بعد يوم 12 او ما بعد نكسه التاكسي !! اعاره كواريزما وامولادي تمت قبل شهر من الان ..كدي براكم ضربوا الموضوع دا لو المريخ فاز بي سيكافا كانت حاتكون نفس الحقنه ولا حا يعيشكم بي حقنه الدريم تيم الذي لايهزم .. |
مزمل ابو القاسم في عمود كبد الحقيقه كان يشير الي وجود مفأجاءة قبل اكثر من اسبوع بقوله (حوصه في نيجيريا)
وكان منتظر الوثائق
وبالفعل عندما وجدها قام بالنشر
لانو ما ممكن تكتب كلام خطير ذي ده وما عندك وثائق
ولا شنو؟؟؟؟؟
| |
|
|
|
|
|
|
|
|
 Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: الصافي بشير الصافي)
|
وفي كل الأحوال سيكون لهذه المهزلة أثرها السلبي علي مكانة الفريق علي المستويين القاري والدولي بعد ان اشبعنا من أمثالها علي المستوي المحلي، ونعتقد بتدخل الكاف وربما الفيفا أيضا لمحاربة هذه الظاهرة الخطيرة التي تتعارض تماماً مع المفاهيم والمبادئ السامية التي تسعي الرياضة إلي ترسيخها .. وسوف ننتظر لنري كيف سيبرر نادي الهلال موقفه لإعلامه وجمهوره من هذه المهزلة الدولية التي ستعظمّ من صفره الدولي الكبير وتزيد من آماله للفوز بكأس مسابقة أبطال لأندية الافريقية(:
الصافي بشير
قلت لي شبعكم منها داخليا
ونسيتو قصة البصمه الشهيره
يا زول انت شايت علي وين
لامن تقول كلام قولوا وانت قدرو يعني ناديك ما بتاع تزوير وشراء مباريات ولا اقول ليك التبرع بدخل المباراه للنيل الخصاحيصا قبل ربع ساعه من نهايتها حتين ملتشي ود ام كلتشي يجيب القون
ولا حارس شمبات مرتضي
ولا البصمه
ولا لاعب حي العرب الاتبرع ليه نادي المريخ بي مكيف هواء
اسكتو انتو نادي كلو فضائح
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: mohanad haimoura)
|
يا حيموره ..والله الموضوع دا فضيحه صحفيه ..ومفروض جماهير المريخ تكون اوعي من كدا ...
ترجمه الخطاب المعنون من الاتحاد النيجيري للاتحاد السوداني فيها سلام وتحايا كدا اكتر من حقة العيد ..وبعديها سكرتير الاتحاد النيجيري بيقول لي ناس اتحادنا الايميلات الرسلتوها لينا دي فيها تزوير !!! سمعت ليك بي خطاب رسمي بمشي بي ايميل !!! وسمعت ليك قبل كدا سكرتير اتحاد بيخاطب اتحاد تاني بي كلمه تزوير !! وانتو مزورين وغشاشين !!! الكلام دا كبير وفيهو تشكيك في نزاهة اتحاد دوله وليس اتحاد نادي ..وشداد ما بيسكت علي الفوضي دي ..
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: عبد الرازق سعيد)
|
Nigeria FA Seeks Investigation Into Fake Transfer Papers In Sudan
The Nigeria Football Federation (NFF) has asked their Sudanese counterparts to launch an investigation into forged transfer documents for Al Hilal to loan out two players including former Enyimba skipper Ajibade Omolade...
14 Jul 2009 15:45:20
The secretary-general of the Nigeria Football Federation (NFF), Bolaji Ojo-Oba, has asked the Sudan Football Federation (SFA) to investigate how two International transfer Certificates were forged with the aim of Al Hilal moving former Enyimba skipper Ajibade Omolade on a loan transfer to Nasarawa United and a Brazilian, Quaressma, to Okbe United in Sapele.
By the rules in Sudan, Al Hilal cannot terminate the contracts of the players after just six months with them, but they could send them on loan and that way free up space for them to sign Edward Sadomba from Dynamos of Harare as well as Kabonde from DR Congo in time for the CAF Champions League.
According to Sudanese sports paper, Al Sadda, the scandal blew open when Okbe United of Sapele insisted that they did not request for Quaressma to join them on loan.
Al Sadda reported that in a letter dated July 1 and signed by the secretary-general of the NFF, Bolaji Ojo-Oba, the Nigerian FA has demanded for a full-scale investigation into this incident.
The daily newspaper went ahead to publish one of the forged documents.
It is believed that Ajibade is already back in Nigeria and very bitter about the entire episode.
Samm Audu, Goal.com
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: humida)
|
هذا ماجاء في عمود كبد الحقيقة الذي
سيقتل احد الرشاشات يوما ما يامهندنا .
مغامرات حووصة في بلد الهوسا والتكارير
الصمت الرهيب!
* توقعنا أن يبادر الاتحاد العام بالتعليق على الخطاب الذي نشرته الصدى بالأمس وأكد فيه نادي أوكبي النيجيري أنه لم يسبق أن ضم أي لاعب محترف لا من الوطنيين ولا الأجانب ونفى فيه علاقته باستعارة لكواريزما!
* توقعنا أن يبادر الاتحاد بنفي الأمر أو توضيحه أو التحقيق فيه!
* لكنه اختار الصمت المريب.. وسكت ولم يحرك ساكناً كأن الأمر لا يعنيه!
* لم يرد ببنت شفة!
* أكد أوكبي أنه لا يعرف لاعباً اسمه كواريزما.. وأن كل لاعبيه هواة.. ويلعبون في منافسة للهواة ينظمها الاتحاد النيجيري لكرة القدم.. وأنه لم يطلب كواريزما ولا يحزنون!
* وذكر أنه لم يضم أي لاعب محترف (حتى من النيجيريين أنفسهم) منذ إنشائه قبل عامين من الآن!
* وأكدنا نحن أن الاتحاد العام سمح للهلال بتجاوز الضوابط التي وضعها للإعارة!
* وتجاهل مطالبة نادي الهلال بإبراز الاتفاق الثلاثي الذي ينبغي أن يحمل توقيع الناديين (المعير والمستعير) بالإضافة إلى توقيع اللاعب نفسه!
* وذكرنا أن إعارة كواريزما وهمية!
* وأن الهلال أنهى عقده مع اللاعب ولم يعره!
* وأن لا وجود للاتفاق الثلاثي الذي يفترض أن يربط الهلال وأوكبي يونايتد وكواريزما!
* وأن لا وجود للاتفاق الثلاثي الذي ينبغي أن يربط الهلال ونسرواة يونايتد وأمولادي!
* وذكرنا أن الاتحاد سمح للهلال بإخلاء خانة كواريزما قبل أن يتسلم الخطاب المنسوب للاتحاد النيجيري والذي وصل عبر البريد الإلكتروني في السابع والعشرين من يونيو الماضي.. (نفس اليوم الذي وصل فيه الخطاب الآخر والذي يحمل طلباً لشهادة أمولادي)!
* وتحديناهم أن يردوا بنشر الاتفاقين.. ولم يفعلوا!
* ولن يفعلوا.. لأن الاتفاقين غير موجودين أصلاً!
* كتبنا كل ذلك وظل الصمت سيد الموقف!
* لكن الصمت لن يطول.. لأنه لن يجدي!
* اليوم يفجر حووصة الخطير مفاجأته الثانية بنشر خطاب رسمي من الاتحاد النيجيري لكرة القدم موجه للاتحاد السوداني لكرة القدم.. ورد فيه ما يلي:
الاتحاد النيجيري لكرة القدم
مكتب السكرتير العام
التاريخ الأول من يوليو 2009
السيد سكرتير الاتحاد السوداني لكرة القدم الخرطوم،
المرجع : طلب شهادة الانتقال الدولية للاعبين امولادي اجيبادي وريخس كواريزما دي سوزا
يطيب لي أن أهديك تحيات رئيس وأعضاء اللجنة التنفيذية وإدارة الاتحاد النيجيري لكرة القدم.
بحوزة الاتحاد النيجيري خطابين بتاريخ الثامن والسابع والعشرين من يونيو 2009 معنونان إلى الاتحاد السوداني لكرة القدم لطلب شهادات الانتقال الدولية للاعبين مثار القضية لناديي ناسروا يونايتد واوكبي يونايتد ونود إحاطتكم علما بان الخطابين مزورين وعليه نرجو منكم عدم اعتمادهما بواسطة اتحادكم.
كما نرجو كريم تفضلكم بإعلام الاتحاد النيجيري بالبريد الالكتروني الذي تم استخدامه لإرسال الخطابين
نشكر لكم اخذ أمر هذا التزوير في الاعتبار و تقبلوا تحايانا
التوقيع الدكتور: بولاجي اوجو اوبا
السكرتير العام للاتحاد النيجيري لكرة القدم.
* هذا هو نص الخطاب المكتوب في الأول من يوليو الحالي.
* أي قبل أسبوعين من الآن!
* وقد تم إرساله للاتحاد السوداني لكرة القدم عبر البريد الإلكتروني مرتين.. لكنه لم يظهر إلى حيز الوجود حتى اللحظة!
* سيقول قائل إن الاتحاد السوداني ليس معنياً بالتزوير طالما أنه حدث في الاتحاد النيجيري لكرة القدم!
* وسنرد مؤكدين أن ذلك صحيح بمقدار.. لكن الاتحاد السوداني غير مخير في تجاوز ما ورد في الخطاب من معلومات بالغة الخطورة.. وأنه ملزم بأخذه في الاعتبار.. ومطالب بالتحقيق في ملابسات الإعارة الوهمية وإلغاء كل ما ترتب على الخطابين المزورين لطلب شهادتي أمولادي وكواريزما!
* لكنه لم يفعل!
* بل لم يشر للخطاب لا من قريب ولا من بعيد!
* فما هي دواعي هذا الصمت الرهيب؟
آخر الحقائق
* خطاب الاتحاد النيجيري يؤكد صحة كل ما قيل عن عدم وجود إعارة من الأصل!
* ويؤكد أن الاتحاد السوداني سمح لنادي الهلال بالتخلص من اللاعبين دون أن يلزمه بتطبيق الضوابط التي وضعها للإعارة!
* وإلا لألزمه بإبراز اتفاقين مع ناديي أوكبي ونسراوة.. ولحرص على ظهور توقيع اللاعبين كواريزما وأمولادي فيهما مثلما فعل مع المريخ في إعارة المالي ديالو لنادي إف سي باماكو!
* مرة أخرى نؤكد: الصمت لا يجدي في مثل هذا المقام!
* الاتحاد السوداني متهم بتجاوز لائحة أصدرها بنفسه!
* ومتهم بتجاهل خطاب رسمي وصله من الاتحاد النيجيري وحوى حديثاً عن تزوير خطابين ساعدا نادي الهلال على تحقيق مراده والتخلص من كورايزما وأمولادي لتسجيل كابوندي وسادومبا في خانيتهما خلال فترة التسجيلات النصفية!
* لمصلحة من تجاهل الاتحاد ما ورد في خطاب الاتحاد النيجيري من معلومات خطيرة تتعلق بواقعة (تزوير) دولية؟
* سنقرأ اليوم وفي الأيام المقبلة الكثير من الغثاء والإنشاء!
* وسينصرف كثيرون عن أصل الموضوع لأشياء جانبية!
* لكن ذلك لن يصرفنا عن لب الموضوع!
* ولن يمنعنا من مواصلة التنقيب في القضية!
* وعلى من يحاولون إهالة التراب على خطاب الاتحاد النيجيري وملابسات الإعارة الوهمية أن يدركوا جيداً أن الاتحاد النيجيري لكرة القدم ونادي كانوبيلارز دخلا طرفاً في القضية الساخنة.. ووضعا الكاف في الصورة!
* أمس اهتم موقع (قول) العالمي بالقضية ونشر عنها تقريراً ضافياً!
* ونتوقع أن تتواصل ردود الأفعال وتتنوع في الأيام المقبلة.
* أوكبي لم يستعر كواريزما!
* وكواريزما نفسه لم يسمع بنادي أوكبي!
* ولو قيل له إنك ستتجه من بوليفيا إلى نيجيريا للعب لأحد أندية الهواة في الدرجة الثالثة بولاية الدلتا النيجيرية لفطس من الضحك!
* ولشكك في سلامة عقل المتحدث!
* نتساءل للمرة الأخيرة: أين ذهب خطاب الاتحاد النيجيري لكرة القدم؟
* لماذا اختفى عن الأنظار؟
* شليل وينو؟ أكلو الدودو!
* شليل وين راح؟ أكلو التمساح!
* شل وراح!
* كونوا معنا.. فمفاجآت حووصة الخطير لم تنته بعد!
* نحن يا دور ابتدينا!
* أمسكوا العجب!
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: haroon diyab)
|
المريخ يتقدم بمذكرة عاجلة الى الاتحاد ويطالب بإبطال إجراءات قيد محترفي الهلال سادومبا وكابوندي
تقدم مجلس إدارة نادي المريخ بمذكرة إلى الاتحاد السوداني لكرة القدم طالب فيها الاتحاد بمراجعة إجراءات إعارة محترفي الهلال البرازيلي كواريزما والنيجيري ايجيبادي امولادي، مشيرا إلى أن الإجراءات التي تمت بموجبها إخلاء خانتي اللاعبين لم تستوف الشروط التي وردت بلائحة الاتحاد الخاصة بالإعارة ، وركزت المذكرة المريخية على أن الإجراءات التي اتبعت في إعارة اللاعبين غير صحيحة وبالتالي فإن إخلاء خانتي اللاعبين غير سليم وهو ما يقود الى اعتبار تسجيل اللاعبين سادومبا وكابوندي الذين وقعا في الخانتين غير قانونياً ، وطالبت المذكرة بإبطال قيد اللاعبين سادومبا وكابوندي استنادا على قاعدة ما بني على باطل فهو باطل وارفق المريخ مع المذكرة مجموعة مستندات من بينها لائحة الإعارة التي إصدرها الاتحاد مؤخرا إلى جانب خطابين الإول من نادي اوكبي يونايتد النيجيري الذي إكد فيه أنه لم يتقدم بطلب استعارة البرازيلي كواريزما والثاني من الاتحاد النيجيري الذي أخطر فيه الاتحاد السوداني بأن الخطابين الخاصين بطلب شهادة انتقال اللاعبين كواريزما وامولادي مزور ولم يصدر من الاتحاد النيجيري.
من جانبه قال متوكل احمد علي الامين العام لنادي المريخ بالإنابة أن ناديه طالب الاتحاد بمراجعة الإجراءات باعتباره جهة رقابية تشرف على تطبيق القوانين بالبلاد، مبينا أن الاتحاد يجب عليه النظر والتدقيق في المستندات التي وصلته ليصل الى حكم عادل في القضية.
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: mohanad haimoura)
|
النادي النيجيري يدخل على خط الأزمة بقوة
كانو بيلارز يطالب الكاف بمنع الهلال من التعاقد مع سادومبا وكابوندي
قلاديما: القضية اختبار حقيقي للاتحاد الأفريقي ولن نسمح باي تحايل
دخل نادي كانو بيلارز النيجيري بقوة على خط الأزمة التي تفجرت حول صحة إجراءات إعارة محترفي الهلال كواريزما وامولادي والتي كانت انفردت بها الصدى، وهدد الفريق النيجيري عبر أحد أبرز إدارييه وهو ابراهيم قلاديما باللجوء للفيفا لحرمان الهلال من الاستفادة من جهود اللاعبين الذين قام بقيدهما في خانتي كواريزما وامولادي مستندا على أن الهلال سلك طريقا خاطئا لإخلاء الخانتين واستفاد من أوراق غير سليمة للوصول إلى هدفه.
وذكر قلاديما في تصريح نشره موقع قوول أن الأوراق التي تم استخدامها في إقناع الاتحاد السوداني بإخلاء خانتي اللاعبين اجيبادي امولادي (نيجيري) وراخيس كواريزما (برازيلي) بهدف قيد لاعبين آخرين هما ادوارد سادومبا (زيمبابوي) وكابوندي (كنغولي) غير سليمة، ولفت قلاديما في حديثه لموقع قوول العالمي أمس إلى أن كانو بيلارز سيسعى لإيصال القضية إلى أروقة الاتحاد الأفريقي لمنع الهلال من قيد اللاعبين، لافتا الى أن ناديه يملك مستندات تؤكد أن الهلال استخدم أوراق انتقال غير سليمة.
وقال قلاديما في تصريحه للموقع: العدالة يجب أن تأخذ مجراها بحسب الأوراق التي توجد لدينا ويجب على الاتحاد الافريقي أن يتدخل فورا لمنع تسجيل اللاعبين سادومبا وكابوندي للهلال وعدم السماح لهما بالمشاركة في مباريات بطولة دوري أبطال أفريقيا.
وشدد قلاديما على ضرورة فرض عقوبات صارمة على الهلال الذي استخدم خطابات غير سليمة على حد تعبيره، وقال: إنهم يملكون الدليل القاطع على عدم صحتها، مطالبا الاتحاد الافريقي باتخاذ خطوات سريعة لإيقاف انتقال اللاعبين الذين ينوي الهلال تسجيلهما في خانتي امولادي وكواريزما.
واعتبر قلاديما القضية اختبارا حقيقيا وصعبا للكاف مطالبا بمحاسبة الهلال، وأكد قلاديما ان كانو بيلارز سيتبع كل الطرق القانونية التي تحفظ حقوقه، وسيسعى بكل ما يملك لمكافحة أي تجاوزات من قبل أي ناد منافس، و مضى قلاديما في إفاداته مبينا أن الكثيرين في نيجيريا لا يعرفون نادي اوكبي يونايتد الذي يتبع لقسم الهواة والذي ذكر الهلال أنه طلب لاعبه وأخلى بموجبه خانته لتسجيل لاعب آخر، مؤكدا أن النادي النيجيري المغمور نفى القيام بخطوة استعارة اللاعب البرازيلي بخطاب صادر من إدارته وموجه الى الاتحاد السوداني.
وأشار موقع قوول العالمي الذي كان تابع القضية منذ يوم أمس الأول ونشر تصريحات قلاديما أمس إلى أن نادي اوكبي يونايتد نفى صلته بعملية إعارة برازيلي الهلال راخيس كواريزما؛ وأكد سكرتير النادي اوقوسي اوزوكا أن ناديه لم يطلب استعارة كواريزما او أي لاعب أجنبي غيره ولا يوجد بكشفه أي لاعب أجنبي، مبينا أن ناديه يلعب في قسم الهواة بولاية دلتا النيجر منذ سنتين ولم يسبق له الاستعانة بجهود لاعب غير نيجيري.
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: نادر الفضلى)
|
تحية وسلام للحضور .....
وده رأي ود عبد الماجد
Quote: ناس المريخ ..قالوا عاوزين يطلعوا من ازمة سيكافا ..البطولة التي كان بطفوا فيها الانوار وبولعوها.
* سيكافا يا جماعة .. ..البطولة التي اصيب فيها طمبل والعجب وامير دامر ..وظهر فيها وارغو بمستوي اقل من الخمسة دولارات ...ناهيك عن الخمسة مليون دولار.
* سيكافا يا عالم ...البطولة التي اكدت ان (رادان)...علي رأي الزميل عمر مكابرابي ...ممثل سيما ..جاء ليجلس في كنبة احتياطي المريخ.
* سيكافا يا ناس ..التي قدمت لنا لاعب اسمو (الدافي)...ما عندو اي علاقة بي اسمو.
* دافي شنو؟...انتوا بتلعبوا في الاسكيمو.
* السبت قرب ...والحالة بقت عليهم صعبة شديد.
* ناس الوصيف سيكافا دخلت عليهم ..بقوا ما عارفين يعملوا شنو؟.. يتصرفوا كيف؟.
* السبت قرب شديد.. وعاوزين ينسوا سيكافا.
* قاموا عملوا شنو؟.
* قاموا مشوا ليهم لي واحد كدا ..قالوا ليهو ...غشنا عليك الله.
* غشنا زي ما بتغشنا كل مرة.
* نحن ما بنقصر معاك.
* قول اي حاجة ...انت موش قلت لينا قبل كدا ...(والي قطر شكاوي مطر) ..وما شفنا اي شكوي.
* مع ذلك صدقانك.
* وانت موش قلت لينا قابيتو تسجيلو ما قانوني ..وصدقناك رغم ان قاببيتو لعب ضد الاهلي المصري..وما حصلت اي حاجة.
* قال (قاصر) قال ...نحن عاوزين نعرس ليهو.
* وانت موش مشيت اليمن ..وشفت ام الصلوي والقابلة التي ولدت امه..وقلت ما ممكن الزول دا يلعب في الهلال ..ومع هذا لعب الصلوي.
* ولا تأخذ علي بالك.
* وانت موش جبت وكيل كلتشي ومحاميه الفرنسي ..الذين اكدوا انهم سيوصلوا الموضوع حتي الفيفا.
* الموضوع ما طلع من الكلاكلة اللفة.
* لا شفنا فيفا ولا يحزنون ..كمل كلتشي فترته في الهلال ثم انتقل للعب للمريخ.
* مع هذا صدقناك ..انت غشنا بس ..نحن ما بنقصر معاك ..محتاجين لي زول يغشنا.
* قول اي حاجة.
* تذكر داريوكان ..الطلع هو ذاتو قاصر.
* وريتشارد الذي اكدتم انه سوف يتسجل في المريخ.
* اتكلم قول ...طلعنا من جو سيكافا (البارد) دا.
* قول اي حاجة ...نحن حالتنا صعبة شديد.
* غشنا يا ابوالشباب... انت مالك بس ..نحن بنصدقك.
* قول لائحة سيكافا التي اخترعوها بعد انتهاء الزمن الرسمي للمباراة ..لائحة صحيحة وقانونية...بنصدقك نحن.
* اي حاجة يعملها جمال الوالي قانونية ..وما فيها اي مشكلة.
* البصمة ..ما تجيب سيرتها ...حاجة عادية بتحصل ..يعني شنو لو زوروا في (بصمة).
* الروس عندهم تزوير (البصمة) زي شراب الموية.
* لكن ما بالغت ...نحن روس.
* اتكلم ..قول.
* قول ان فلقة حكم الراية ونزيف دمو ..امر بسيط وما فيه اي مشكلة ..وما بلغي المباراة ...عشان حكم الرأية دا في الدوري الهندي ..تصوروا ممكن يكفنوه في المباراة ويدفنوه بين الشوطين ..والمباراة تستمر عادي وما تتوقف.
* في الدوري الافغاني ...حكم الراية ممكن يقطعوا قطيع ..ويحسب مسؤول امريكي كبير في قناة الجزيرة ..ان هذا التقطيع يرجع لتنظيم القاعدة.
* والمباراة تستمر ..اكتر من عادي.
* حكم الراية شنو العاوزين تعلموا ليهو توم وشمار.
* يعني شنو لو جمهور المريخ فلق حكم الرأية.
* بعدين تعالوا هنا ..انتوا القال ليكم منو ..الفلق دا جمهور المريخ ...دا جمهور سيكافا.
* الطوبة الفلقوا بيها حكم الرأية قالوا طلع فيها شعار مازمبي.
* كمان انتوا ما عارفين جمهور سيكافا.
* قول حاجة ...قلنا ليك غشنا ..نحن بنصدقك.
* انت مالك بس ...غشنا.
* عاوزين نطلع من الحتة دي.
* قول لينا ..المريخ لو قدم شكوي .. في حكم مباراة الموردة سنار والرابطة كوستي..بكسب نتيجة المباراة.
* قول لينا ..خريف هذا الموسم ..الواحد ممكن يطعن فيها ..ويكسب المريخ.
* قول اي حاجة... غشنا...نحن بنصدقك.
* قول لينا بيتر جيمس دا عندو عشرين اسم ..وما ممكن يلعب في الهلال بالاسم الواحد عشرين.
* لاعب هو والا شهر ..العندو 30 اسم.
* انت قول بس.
* قول لينا ..شارع العرضة فيه خلل هندسي ..ممكن يكون ذلك سبب كافي كافي لاعادة مباراة المريخ واتراكو.
* غشنا بس يا ابو الشباب ..والله بنصدقك.
* قول لينا ...كوبري المك نمر ..بنزل في تقاطع ..ودي حاجة غلط ..عليها الموضوع دا لو اترفع للفيفا ..ممكن يعتبروا تسجيل كابوندي في الهلال غير قانوني.
* قول انت بس.
* وانتوا يا ناس الهلال ..برضو اتحركوا ..قولوا اي حاجة ..نحن برضو بنصدقكم.
* اصلو نحن بنصدق اي زول.
* لو في زول قال لينا برج الفاتح ..رحلوه من شارع النيل ونقلوه لي الكلاكلة ...عشان الكهرباء هناك ما بتقطع ..بنصدق.
* اي حاجة نحن بنصدقها.
* لو في صحفي قال لينا (كرومة) عندو حفلة في المسرح القومي ..ما بنقول ليهو حاجة.. بنصدقو ونمشي نقطع تذاكر الحفلة ونقعد في الكراسي القدام وننتظر (كرومة).
* وقت يظهر لينا الفنان (احمد الصادق)..بنقول اكيد في غلط في تذاكر الحفلة ..ما بنقول اكتر من كدا.
* قول بس ...غشنا يا ابو الشباب.
* قول لينا نجيلة الهلال تموها من شارع عبيد ختم.
* عبيد ختم ذاتو نجيلتو جابوها من وين؟.
* انت قول ..ونحن بنصدقك.
* قول لينا سيكافا دي احسن بطولة في العالم ...وبطولة الاندية الاوروبية للابطال ..بتجي بعد بطولة سيكافا.
* ليك علي ..نصدق.
* قول لينا ..(المطرة) الصبت دي وشفناها بي عيونا ..دي ما مطرة.
* دي شنو طيب؟.
* دي نجيلة استاد المريخ ..بسقوا فيها.
* اصلو نحن طيبين ..و(صفوة) ...اي حاجة بقولوها لينا بنصدقها.
* انت غشنا بس.
* نحن حالتنا متأخرة ...محتاجين لينا لي (غشة).
* عاوزين لينا غشة كبيرة كدا ..تتطلعنا من صدمة سيكافا دي.
* غشة تخلينا ندخل مباراة القمة بي شوية معنويات.
* ريحنا يا ود الناس ..بي (غشة).
* قول لينا حاجة (افيانية) كدا.
* قول لينا مثلا ..اعارة دي سوزا ما صحيحة.
* بنصدقك ... كابوندي دا ناس امير دامر وسفاري ..ما بقدروا عليه ..ساعدنا بالغشة.
* قول لينا اعارة امولادي غلط ..قول اي حاجة ..اقطع لينا اي حاجة من رأسك ..جيب لينا اي مستند ..ان شاءالله (فاتورة نفايات)...وخلي الباقي علينا.
* نحن بنتم الناقصة ..وبنصدقك.
* سادومبا دا ناس موسي الزومة ما بقدروا عليه ..الشيء دا ما بمرقنا منو شيء غير عدم وصول (الكرت).
* غير كدا ..ما في حاجة بتثبتو.
* ريح لينا اعصابنا ...غشنا بس.
* سيكافا دي دخلت فينا (شفقة) ...الواحد بقي يشوف الباب المن خمسة ضلف زي (الملاحة).
* ماسكانا (رجفيبة) ...الواحد بقي يوقف (الركشة)...تطلع ليه (تاكسي).
* امبيلي دا شتت افكارنا ..بقينا اي تلفون نضربو ..نكتشف اننا ضربنا تلاتة تسعات.
* الواحد لو عاوز يضرب البيت ..بلقي نفسو ضرب تلاتة تسعات.
* نحن نعمل شنو؟..نحن نتصرف كيف؟.
* اقول ليكم حاجة.
* تسجيل كابوندي ما صاح.
* طق ...طق ..طرق طق.
* وتسجيل سادومبا ذاتو ما قانوني.
* طق ..طق ..طق ..طرققققققق طقققققققققققققققق.
* يلا ..ان شاءالله حد ما حوش ...تسجيل امبيلي ذاتو غلط.
* طق..طق...طق..طق...طرقققققققق طققققققققققققققققققققققققققق.
* وعشان ترتاحوا في عضمكم ...تسجيل هيثم مصطفي برضو ما صحيح.
* لا..لا..لا...دي بالغت فيها.
* خلاص الهلال ح يلاقي المريخ بتشكيلة تتكون من ايجا في حراسة المرمي ..جعفر بركية وغسان فتح الله ..ومنير امبدة وصدام الدروشاب وصدام كسلا وصالح عبدالله وسولي شريف.
* بس لو غلبناكم بالتشكيلة الناقصة دي ..ما تقولوا لينا (غسان فتح الله)..ما مسجل.
* غايتو عندكم جنس طبع.
* بعد مسرحية اعارة دي سوزا ومسرحية اعارة امولادي.
* وبعد مباراة القمة القادمة ..اتوقع ان يقدم مجلس المريخ شكوي في نجيلة الهلال.
* يقولوا شنو في الشكوي.
* يقولوا ناس الهلال بسقوا نجيلتهم (موية صحة).
* ولو الهزيمة كبيرة ..يمكن يقدموا شكوا في (السياج).
* يقولوا شنو في السياج؟.
* يقولوا اي حاجة ..يقولوا سياج الهلال البلجيكي فلق حكم الراية في مباراة المريخ ومازمبي.
* تصدقوا ..لو قالوا كلامهم دا ..برضو بنصدقهم.
* نحن التصديق دا اصلو ما بنقصر فيه.
* انتوا تعالوا هنا ...انتوا ما ملاحظين حاجة.
* الايامات دي في (برد).
* كمان جابت ليها برد.
* خلاص الموضوع بالنسبة لينا منتهي.
هوامش
* اللاعب الوحيد في المريخ ..الذي يمكن ان يصرح ومعنوياته في السما ..هو اللاعب بلة جابر.
* غايتو يا بلة جابر الله مرقك ...كابوندي دا ناوي يطلع ليك اعارة الي (النسور) جبل اولياء.
* عرفتها.
* موسي الزومة ..قالوا بفتش ليهو في مخارجة.
* رأيكم شنو يا الزومة ..نعيرك وتمشي تلعب في نيجيريا.
* احسن ليك من (السكوفة) البتعملوا فيها دي.
* يا اكرم الهادي سليم ..يا ريت كان بقت علي (البرد).
* الشيء مع البرد ..جابت ليها (مطرة).
* فاضل (السبعة).
* سبعة في عينك.
* بطولة سيكافا ..ضيف الشرف الحقيقي فيها كان (وارغو).
* كانت هناك مزاحمة من كريم الدافي حول الفوز بجائزة (ضيف الشرف) ..لكن وارغو استطاع الفوز بالجائزة في الجولة الاخيرة.
* ما وجده لاعبو الهلال من مساندة جماهيرية في مباراة الهلال والمقاولون ..وما وجده اللاعبون من مساندة في مباراة الهلال امس امام الخرطوم ..يكفي بالنسبة للاعبين ..للدخول لمباراة القمة بمعنويات قوية وبدافع جماهيري كبير.
* لذا فلا تهتموا كثيرا بما يردده البعض عن سيطرة مجلس المريخ علي تذاكر المباراة.
* علي مجلس المريخ وجماهيره ان يتذكروا ان مباراة الرد سوف تكون في (المقبرة).
* ولا عذر لمن انذر.
* بعدين ناس اتراكو ديل ..هل كان معهم جماهير عندما فازوا علي المريخ في نهائي سيكافا ..البطفي وبولع.
* خوض فريق الهلال مباراة ودية في كل اسبوع ... سوف تجعل بدلاء الهلال في كامل جاهزيتهم ..وبرواية كامبوس سوف يصبح في الهلال فريقين.
* ايفوسا ..اثبت نجاح صفقته.
* ايفوسا ورقة ضرورية ورابحة للهلال في مباراة القمة ..نتمني ان يبدأ به كامبوس.
* الكمبسة ما بوصوه.
* الزول عارف شغلو.
* يوم السبت ان شاءالله سوف تتجدد احزان سيكافا.
* الجميل ان الحزن سوف يكون في نفس المكان.
* الرد كاسل من كي لي كي.
* تجربة المقاولون العرب افادت الهلال كثيرا.
* نتمني ان تكون تجربة الهلال امام الخرطوم امس هي الاخري مفيدة.
* الرائع في تلك التجارب انها جعلت جماهير الهلال يتدافعون بقوة لمساندة فريقهم وتشجيعه وفي ذلك سند قوي للهلال.
* عليه فان الهلال لو افترضنا انه لم يستفد من التجارب فنيا فان استفادته معنويا كانت كبيرة.
* جماهير الهلال اذا حرمت من الدخول لاستاد المريخ ..فان جماهير المريخ سوف تكون عامل سلبي علي فريق المريخ..اذ ينتظر ان يحدث شغب في الملعب منذ الهدف الثالث.
* اكرم دا ما في زول تاني بستناه ليكم..عشان تصل المباراة للرقم سبعة.
* خبر عاجل: كرت (البرد) وصل. |
http://goansport.net/article/id/20910
| |
|
|
|
|
|
|
|
|
|
Re: اضبط : الاتحاد النيجيري يؤكد وجود تزوير في طلبي إعارة كواريزما وامولادي (Re: Abd Alla Elhabib)
|
سكرتير الاتحاد النيجيري يجدد تأكيداته
أوراق إعارة محترفي الهلال لم تصدر من مكاتبنا وأخطرنا الاتحاد السوداني بذلك رسمياً
ما حدث فضيحة لا يمكن السكوت عليها وننتظر تحركاً سريعاً من الكاف
إدارة الدوري النيجيري تعضد فرضية الإعارة الوهمية وتؤكد عدم قيد أمولادي في كشوفات ناسروا
تواصلت ردود الأفعال حول قضية إعارة محترفي الهلال أمولادي وكواريزما التي فجرتها الصدى وتكشفت أمس حقائق جديدة عبر موقع قول العالمي الذي أورد تصريحات مثيرة لسكرتير الاتحاد النيجيري لكرة القدم الذي أكد أن ما حدث فضيحة كروية لا يمكن السكوت عليها مطالباً الاتحاد السوداني بضرورة التقصي حول ما حدث ومحاسبة المتورطين في القضية بعد أن تم استخدام أوراق منسوبة للاتحاد النيجيري وهي غير سليمة ولم تصدر منه للتخلص من أمولادي وكواريزما على سبيل الإعارة لتسجيل اللاعبين كابوندي وسادومبا، وعلى جانب آخر أكد المسؤولون في الدوري النيجيري عدم قيد اللاعب أمولادي في صفوف ناسروا يونايتد وهو ما يعضد ما ذهبت اليه الصدى بأن الإعارة كانت وهمية وأن لجنة التسجيلات لم تطبق نصوص لائحة الإعارة التي كان الاتحاد قد أصدرها لإخلاء خانة أمولادي.
تابع موقع قول العالمي القضية التي أثارتها الصدى وأوردت أمس تصريحات مثيرة لسكرتير الاتحاد النيجيري الدكتور بولاجي أوجا أوبا الذي جدد من خلالها تأكيداته بأن الأوراق التي تم استخدامها لطلب شهادات انتقال اللاعبين أمولادي وكواريزما والتي تحمل اسم الاتحاد النيجيري وصادرة من مكتب السكرتير ليست سليمة ولم تصدر من الاتحاد النيجيري ولم يوقع عليها السكرتير، وأوضح سكرتير الاتحاد النيجيري أنهم قاموا بإخطار الاتحاد السوداني بكل ما حدث وأوضحوا لمسؤوليه أن الأوراق المستخدمة في الإعارة والتي اعتمد عليها الاتحاد السوداني في إخلاء خانتي اللاعبين أوراق غير سليمة ولم يصدرها الاتحاد النيجيري المسؤول عن طلب شهادات انتقال اللاعبين الذين تود الأندية النيجيرية قيدهم وأضاف: أود أن أؤكد مجدداً أن لم نطلب أي شهادات انتقال خاصة باللاعبين من الاتحاد السوداني والأوراق التي تم بها إخلاء خانتي اللاعبين لم تصدر من مكاتبنا وقد أخطرنا الاتحاد السوداني بذلك رسمياً. وطالب سكرتير الاتحاد النيجيري الاتحاد الأفريقي بالتدخل في القضية مبيناً أن الاتحاد النيجيري سيتابع ما يحدث لأن لديه نادياً يشارك في ذات المنافسة وفي نفس المجموعة، وقال أوجو أوبا: على الكاف أن يتعامل مع الحالة لأن الهلال يشارك في منافسة ينظمها الاتحاد الأفريقي وهو المسؤول عنها.. ولفت سكرتير الاتحاد النيجيري الى أن اتحاده يتعامل مع شهادات الانتقال والمستندات الخاصة بانتقالات اللاعبين بالجدية اللازمة مشيراً الى أنهم متأكدون من عدم سلامة الأوراق المستخدمة في إعارة اللاعبين.
على صعيد متصل أوضحت إدارة الدوري النيجيري وهي جهة منفصلة تختص بإدارة شؤون الدوري المحلي في البلاد أن محترف الهلال السابق أمولادي لم يتم قيده في كشوفات فريق ناسروا يونايتد النيجيري، وقال تونجي بابا لولا رئيس لجنة المسابقات بالدوي النيجيري في تصريحات لموقع قول: نحن المسؤولون عن انتقالات اللاعبين في الأندية التي تشارك في الدوري النيجيري ولم نتلق أي إفادة بخصوص قيد اللاعب في كشوفات ناسروا حتى الآن، ونفى المسؤول أن يكون أمولادي قد وقع لناسروا مبيناً أن اللاعب حتى الآن بلا نادٍ ولم يكمل انتقاله الى ناسروا، ويؤكد حديث المسؤول النيجيري فرضية أن الإعارة كانت وهمية كما أكدت الصدى من قبل.
| |
|
|
|
|
|
|
| |
mohanad haimoura
tmbis
Maawya Hussein
رغيم عثمان رغيم الحسن
7abib_alkul
abas
abuguta
ALGARADABI
humida
haroon diyab
محمد مصطفى
نادر الفضلى
بشري الطيب
Abd Alla Elhabib
فيس بوك
تويتر
انستقرام
يوتيوب
بنتيريست