|
|
|
 Re: الكاس تشوفي ... ما تشيلي ... ... ...بنيتي... حسابا (Re: كمال حسن)
|
عكش
صباحتو بيض والنسام ضرب قبل ليلة ( الخبتي)اقصد السبت (بكسر التاء)
لكن من حبيب البلد ننفحك بالاتي
نص اول
مداخلة هشة مابين السماء والارض (بمناسبة رشة المطرة الصباح ورشة رواندا يوم داك)
نص ما قبل الاول
رشة جرئية
ناس مجاني مادايرين يخشو الكورة
ناس بالزحمة لمن حاصرو المقصورة
هلالنا الهلا كورة تمام واجمل صورة
التكاسة رشوا المن زمان ممطورة.
هيييييييييييييييييييييييييييييييييع
وينك ياصاحب.
| |
 
|
|
|
|
|
|
|
|
Re: الكاس تشوفي ... ما تشيلي ... ... ...بنيتي... حسابا (Re: omar alhag)
|
يا كيمو والله كلام سمح بالحيل
لكن ياخي برضو مفروض نقاطع البضائع الرواندية والتاكسي تضامنامع الجماعة
واديك سر الحمام كمل فى البلد والدول المجاورة والجماعة قبلو علي الفراخ
لمن عملوا لينا ( فراخ دستورى) فى المنطقة والدول المجاورة .
وصية ام سكافية
كان دافعك كعب كرومي ما تلعبي
وارغو امرقي وبي حجارة ما تجدعي
بنيتى حسابا
| |
|
|
|
|
|
|
|
|
|
Re: الكاس تشوفي ... ما تشيلي ... ... ...بنيتي... حسابا (Re: omar alhag)
|
مُــزمِّــل وِرِم ..... حدّو (الســـبت) ده يطـــــــــــــــــرشـِـــــــــق
من قومة الصباح ..... زهجـــــــان وحـــــــــــــــايم ينقــــــــــــــــنق
تاكســــــيه القديم ....... حـــالف يمـــين مــا يعـــشِّــــــــــــــــــــــــــق
مـــــــليان (صدأ) ........ ووحــلان و (وارقــــــو) مُـطـــرشــــــــــق
| |
|
|
|
|
|
|
|
|
|
Re: الكاس تشوفي ... ما تشيلي ... ... ...بنيتي... حسابا (Re: كمال حسن)
|
نقــــــــــــــــــــلا عنهم
بطولة شرق ووسط امريكا
قال ليك ناس شرق ووسط امريكا اتصلوا علي ناس شرق ووسط افريقيا بعد الكورة طوالي
والرئيس لمن لقي الرقم امريكي رد طوالي عليه
الو
هاي
هاي بي لبن ولاسادة
الامريكي اتضايق وقال ليهو ظريف زى بطلولتك
ايوة معاك رئيس اتحاد شرق ووسط امريكا وعاوزك فى موضوع مهم شديد
الحقيقية عندنا بطولة شرق ووسط امريكا مفروض ننظما هنا فى ولاية كليفورنيا وعاوز دراسة جدوى عشان اقدمها للكونغرس عشان يصدقو المبلغ
دا موضوع بسيط معاك ورقة وقلم
ايو معاي
اكتب عندك
مؤتمر وطني
ايو مؤ.. تمر وطني .اها
شركة افراس
ايوة افراس كامبني اها وتاني
اعمل عنوان جانبي واكتب فرق
ايو كتبتها
كتبت المجموعة الاولي يلا اكتب اربعة فرق
اربعة فرق اجيبها من وين قول انت اسامي فرق ميتة كدة عشان امشي اقدمها طوالي
طيب اكتب عندك نمرة واحد كارتيلا الكوبي
نمرة اتنين شيكاغو الرواندي
نمرة تلاتة كمبارس ستي نمره اربعة اريزونا الكيني دى المجموعة الاولي
ايوه اها المجموعة التانية
المجموعة التانية دقيقة بس اتطلع الورقة من الجيب ايوه ياها دى معاي
ايوه معاك اها قول
نمرةواحد حي الشجب واشنطن نمرة اتنين..
دقيقة قبل ماتواصل معاي حي الشجب ولا حي العجب
لاياخي حي الشجب وواشنطن
مااظن ناس الكونغرس يقبلو الاسم ده ح يقولوا سياسة
لا ياخي سوق معاك مجموعة الكونغرس خليهم يكوركو حي الشجب (ستة تا) اقصد سوكرتا
يعني شنو سوكرتا ناس الكونغرس ما بفهوا الكلام ده
سوكرتا جاية من السكر بالعربية انتو السكر بالانجليزى عندكم شنو؟
عندنا شوقر
خلاص خليهم يكوركو حي الشجب شوقرتا.
نحتصر المكالمة الشبكة كعبةاديني باقي التفاصيل
زى شنو تاني
زى نجومة المباريات دى نعمل ليها شنو
ماعندكم جريدة اسمها الصدى
لا .. لكن عندنا الواشنطن بوست
سيدها من وين
سيد الواشنطن بوست قصدك
ايوة
هو جعلي......... من ( بوش بانقا)
بس خلاص انت موضوعك مقضى تمشي تخلي جريدة الواشنطن بوست تتكفل ليك بجوائز نجومية المباريات
طيب حاجة اخيرة
اها شنو
لو المريخ الامريكي ما فاز بي بطولة شرق ووسط امريكا نعمل شنو
غوانتينامو فاتح ولاقفلتو
فاتح
بس موضوعكم مقضي سوقو اللاعبيين دخلوهم فيه وقولو ان ارتكبو (فضائح) ضد الانسانية!!!!
| |
|
|
|
|
|
|
|
|
|
Re: الكاس تشوفي ... ما تشيلي ... ... ...بنيتي... حسابا (Re: omar alhag)
|
المشاركات في صورة مستقيمة ....... ارسلها لصديق
وصية أم سى كافية
الكاس تشوفي ما تشيلي
بنيتي حساب
كان دافعك كعب كرومي ما تلعبي
وارغو امرقي وبي حجارة ما تجدعي
بنيتى حسابا
رواندا اكان مشيتي تكسي ما تركبي
بنيتي حسابا
هكومة اكان اداكي قروشا ما تشيلي
بنيتى حسابا
اسمع نصحيتي مواسيرك اشطبي
بنيتي حسابا
هلالي كان لقيتي سفاري ما تلعبي
امبيلي امسكي ولفكي امشي
بنيتي حسابا
وصيتي يابنيتي بي قزاز موية ما تجدعي
بنيتي حسابا
*هامش
من اغاني التراث فى منطقة شرق ووسط افريقيا
| |
|
|
|
|
|
|
| |
omar alhag
محمد عكاشة
كمال حسن
فيس بوك
تويتر
انستقرام
يوتيوب
بنتيريست