|
|
 مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!!
|
معقولة كل هذه البوستات
للفرح والشماته00بس عشان المريخ انهزم000
دي برضو نقطه كويسه ان المريخ يزرع الفرح في نفس الشعب السوداني حتى في حالة الهزيمة0000
طيب الكاس ده ما باسم السودان0000
لو احرزوا المريخ ولا حي الرب000
انا ممكن افرح لو الهلال انهزم 000
في الدوري 00ولا كاس السودان مثلا000
لكن ما ممكن اظهر شماته اطلاقا000
خصوصا لو كان لاعب مباراة دوليه باسم السودان000
وعماما انشاء الله الفرحة تدوم لغياة يوم السبت000
|
|
 
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: tmbis)
|
الاعزاء000 تامباوحميده 000وكل الرشاشات
شوف كل واحد مسئول من سلوكه وكتاباته وتصرفاته000
انا لا اتفق مع اي شخص تبدر منه هذه التصرفات
وتسئ اليه اوالى فريقه000عندما يلعب باسم السودان
سواء كان هلالابي 00ولا مريخابي 000 ولا سوكرتا000
مش عشان واحد غلط تجرموا الدنيا كلها000
وتكتبوا الكلام الغريب ده000
كأن المريخ ده من اسرائيل000
كمان اجيبه ليكم من الاخر 000
انا اول مرة صدمته من الهلالاب 0000يوم اتهزمنا من البيره الكيني 0000
نفس السيناريوفي المباراة النهائيه في استاد الخرطوم000
وبعد المباراة وتاني يوم0000
مظاهرات وافراح والناس لابسه فنايل الهلال واعلامه
ذي الهلال شال الكاس000
انا من المنظر داك 000 وسلوك كاس المجاعه وما ادراك00
بقيت ما بشجع الهلال 000ولا بحبوا يفوز 000
لكن كمان ما بجاهر بالكلام ده 00واكتبه في كل حته 000
دي صعبه شديد000
| |
|
|
|
|
|
|
|
|
 Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: طارق عبد اللطيف نقد)
|
سلام يا طارق نقد
علي الطلاق يا طارق أنا اتكيفت كيف شديد لهزيمة المريخ، ممكن يكون لأول مرة أظهر
شماتي، ولو سألتني ليه حأقول المريخاب هم من دفعونا لذلك..
يا ليتك لو مريت على أشرطة التعليق في بعض القنوات الفضائية أو طالعت تعليقات
المريخاب في المنابر الاسفيرية.. صوروا كأن المعركة مع الهلال نسوا الفريق المنافس
خالص وقبلوا على شتيمة الهلال.. لكن ربنا خذلهم، نتمنى لهم دوام الخزلان والخسران..
وإذا كانت الوطنية تقاس بتشجيع المريخ فأنا من الآن عميل صهيوني أمريكي روسي بريطاني
وما عندي أي وطنية وكمان حلايب مصرية..
أها شن قولك؟
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: طارق عبد اللطيف نقد)
|
حكاية الاندية دي تلعب مع فرق خارجية ما عندو اي علاقة بالوطنيةن قول لي كيف؟
هسة اللعبين المحترفين ديل سودانيين، مش اجانبن يعني لو عندك لاعب نيجيري وإنت حتلاقي فريق نيجيري، هل ممكن نعتبر اللاعب النيجيري دا لا عب (خائن لي وطنو) لأنو لعب مع المريخ ضد نادي نيجيريز
ما تخم الناس ساكت، المريخ لا يمثل إلا نادي المريخ وكذلك الهلال والفريق القومي هو الذي يمثل السودان.
لذلك على مشجعي المريخ أن يشجعوا المريخ فقط وينطبق الأمر على الهلال.
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: الصادق اسماعيل)
|
العزيز/ الصادق اسماعيل
| Quote: هسة اللعبين المحترفين ديل سودانيين، مش اجانبن يعني لو عندك لاعب نيجيري وإنت حتلاقي فريق نيجيري، هل ممكن نعتبر اللاعب النيجيري دا لا عب (خائن لي وطنو) لأنو لعب مع المريخ ضد نادي نيجيريز |
ده كلام فطير
لأن كل اندية العالم
مثل شلسي الانجليزي 000وميلان الايطالي 000وبرشلونه الاسباني000وبايرميونخ الالماني
كلها انديه تنتمي الى بلدانه واوطانها وتلعب في بطولة الاندية الاوربيه واندية العالم باسم بلادها
والانجازات والبطولات تنسب للانديه وبلدانها 000وتوصف الدوريات بالقوة والضعف على حسب انديتهاالتي تلعب بها مثل الكالشيوالايطالي 000 او الليغا الاسباني 000او الدوري الانجليزي
حتى ولو كان كل لعيبتها محترفين اجانب000
يعني مش ممكن الهلال يكون لاعب مع الاهلي المصري مثلا
اقوم اشجع الاهلي المصري عشان فيه لاعب سوداني 000والهلال به محترفين اجانب000
يامثبت العقل والدين00000
تحياتي
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: طارق عبد اللطيف نقد)
|
طارق نقد
سلامات
لا تنه عن خلق وتاتي مثله
| Quote: مبروك ليكم يا هلالاب الفرح والشماته 000اين الوطنية 00ولا الما بتلحقوا جدعوا!!! |
Quote: انا لا اتفق مع اي شخص تبدر منه هذه التصرفات
وتسئ اليه اوالى فريقه000عندما يلعب باسم السودان
سواء كان هلالابي 00ولا مريخابي 000 ولا سوكرتا000
مش عشان واحد غلط تجرموا الدنيا كلها000
وتكتبوا الكلام الغريب ده000
كأن المريخ ده من اسرائيل000 |
وعلي العموم فقد كنت شخصيا مع المريخ قلبا وقالبا
ولم أتخلي عن هلاليتي ... ولكن سودانيتي تسبق انتمائي الضيق
وفي مجتمع الرياضة نماذج مختلفة
وممكن واحد يشجع الخصم حتي لو كان أجنبي
كرد فعل لصديقه المنتمي لنادي منافس
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: طارق عبد اللطيف نقد)
|
يا طارق نقد
صباح الخير
الحكاية دي مشاعر واحاسيس وعواطف انسانية بحتة , لا علاقة لها بالوطنية او بانت , انا احترم جدا انه الهلالاب يفرحوا عندما يهزم المريخ فهذا شعورهم الحقيقي وان ابدوا هذا الشعور فنقول عندها ان هذه مشاعر صادقة لم يستطع الهلالابي الاستهبال عليها ومداراتها , وبالمقابل انا كمريخابي لا احب الهلال , لا افرح لفوزه الا نادرا , ونادرا هذه تصادفت مرتان فقط الاولي عندما هزم الهلال الاهلي المصري , يومها فرحت للهلال , ولو جئنا للحقيقة انا لم افرح للهلال بقدر ما فرحت لهزيمة الاهلي المصري فانا كسوداني مثلي وقومي اكره الكرة المصرية لا لانها كرة تعبانة حاشا والله ولكن لاني كسوداني تربيت منذ نعومة اظافي علي كره كل ما هو مصري فقومي ظلوا يشحنوا في مشاعر سلبية تجاه كل ما هو مصري لذا كرهي للكرة المصرية هو الذي دفعني للفرح من هزيمته وان كانت من الهلال , المرة الثانية فرحت عندما هزم الهلال فريق كوارا او لا اذكر اسمه حقيقة الان وهو فريق كان يدربه اموكاشي علي ما اعتقد وسبب فرحي ان المدرب قام باستفزاز الكرة السودانية يعني هبش المريخ من حيث لا يعلم وهذا كان سبب فرحي لفوز الهلال عليه , سوى هذا فانا لا افرح لفوز الهلال علي فريق لا اجد سببا لكرهه فانا مثلا لم اري داعي لان اكره الترجي التونسي او الوداد المغربي لذا فرحت عندما هزموا الهلال , زي ما قلت ليك من البداية مشاعري دي انا ما مسؤل منها دي حاجة فوق طاقة تدبيري لذا لا استطيع ادارة عواطفي كيف اشاء او وقت اشاء فان خرجت هذه المشاعر شامتة عند هزيمة الهلال فان اي تبديل لموقفي يعتبر نوعا من النفاق وانا لا اري داي لان انافق الهلالاب , لاني في حقيقة امري فرحا مبتهجا شامتا بهذه الهزيمة .
لكن سؤالك هنا للهلالاب يجب ان يكون عمن يفرح اخيرا فهو يفرح كثيرا
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: اساسي)
|
Quote: ده كلام فطير
لأن كل اندية العالم
مثل شلسي الانجليزي 000وميلان الايطالي 000وبرشلونه الاسباني000وبايرميونخ الالماني
كلها انديه تنتمي الى بلدانه واوطانها وتلعب في بطولة الاندية الاوربيه واندية العالم باسم بلادها
والانجازات والبطولات تنسب للانديه وبلدانها 000وتوصف الدوريات بالقوة والضعف على حسب انديتهاالتي تلعب بها مثل الكالشيوالايطالي 000 او الليغا الاسباني 000او الدوري الانجليزي
حتى ولو كان كل لعيبتها محترفين اجانب000
يعني مش ممكن الهلال يكون لاعب مع الاهلي المصري مثلا
اقوم اشجع الاهلي المصري عشان فيه لاعب سوداني 000والهلال به محترفين اجانب000
يامثبت العقل والدين00000
تحياتي |
طيب يا طارق
يبدو إنك ما فهمت الكلام، أها النوقعو ليك
إفرض مثلاً إنو (العجب) تلقي عرض من نادي (الترسانة المصري) للإحتراف في صفوفو، ونادي الترسانة إشترك في بطولة الأندية الأفريقية، والقرعة أوقعتوا في مجموعة فيها فريق سوداني النقول (الموردة)، أها إنت في رأيك إنو العجب مفروض ما يلعب ضد الموردة لأنو دا فريق سوداني، ولا يلعب ويقوم يجيب قون في فريقو عشان يكون وطنى وقدم خدمة للسودان.
المهم يازول قصة الوطنية في كرة القدم دي مختصة فقط بالفرق القومية، وأمشي شوف الدوري الأوربي، عادي جداً بتلقي لاعب فرنسي بيلعب في صفوف (برشلونة) ويغلب ليك (باريس سانت جيرمان زي الما حصل شئ.
وهذا ما لزم توضيحه
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: الصادق اسماعيل)
|
الحبيب الصادق اسماعيل
الغريبه 000
نحن متفقون 000ومختلفون في نفس الوقت000
| Quote: المهم يازول قصة الوطنية في كرة القدم دي مختصة فقط بالفرق القومية، وأمشي شوف الدوري الأوربي، عادي جداً بتلقي لاعب فرنسي بيلعب في صفوف (برشلونة) ويغلب ليك (باريس سانت جيرمان زي الما حصل شئ. |
تعرف الوطنيه على المستوى الشخصي0000
بتمثل الوطن 00البلده الصغيرة00او المنطقه00او المدينه التي تنتمي اليها انت وابائك000
فاذا متابع الدوريات الاوربيه والعالميه
شوف كمية المشجعين البأذروا فرق مناطقهم عندما يلعبوا ضد الفرق الكبيره
مثل برشلون ولا الريال ولا شلسي ولا المان ولا اليوفي ولا الانتر000
وعموما الوطن هو السودان 000
الذي يحوي الهلال والمريخ والمورده وحي العرب واهلي مدني والامل عطبره وهلال كادقلي
والذين يمثلون السودان في البطولات الالاقليميه والقاريه000
قبل ان يمثلوا انفسهم او انديتهم00
والان يقول ليك ممثلا السودان في دوري المجموعات الافريقيه المريخ والهلال
ولا انا غلطان000
تحياتي
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: اساسي)
|
العزيز جدا 000اساسي
مساء الورد0000
تعرف انا ما بحب الهلال وبحبوا يتغلب 00وخصوصا في الدوري المحلي
لكن في المباريات الدوليه ما بشجعوا ومافي مشكله يغلب باسم السودان
لكن الا يجيب ليهوا كاس دولي000 لأنك براك شايف الرشاشات ديل لسانهم طويل شنو000
وهم صفر دولي 00وليس لديهم اي انجار او اعجاز داخلي مثل المريخ000
دوري 36نقطه كاملة ودوري 35نقطة بتعادل واحد مع التحرير000
يعني طولت السان دي في شنو ما تعرف!!!
عشان كده حدنا نتعاطف معاهم زي ما قلته في مباريات محدوده ذي بتاعت الاهلي دي وغيرها000
وشاخور قال 000اصلا الريخابي ما بشبهنا لوما بقى يكره الهلال اكثر من يحب المريخ000
وانا بحب الهلال ده يتغلب اناء الليل واطراف النهار 000وكمان ضحى ونص النهار000
وممكن اناكف اصدقائي الهلالاب واتغالط معاهم في التلفون وعندما نلتقي في اي مناسبه0000
وعندنا هنا في الرياض(مطعم ريم) ملتقى بتاع كورة زي بتاع ميدان الامم المتحده في السودان لو تذكرهنلتقي دائما بعد المباريات لي هلال مريخ 00ومناكفه وجوطه وطولت لسان000 وممكن تصل حد الزعل 00
لكن بكره كأن شيئا لم يكن000
لكن حد الشماته في المنتديات والجرايد صعبه شويه000
ممكن الواحد يقراء ويضحك 0000
لكن الواحد عندما يتخطى حدودة ضد المريخ ومشجعيه 000
عند ذلك لكل حدث حديث000
ونحن في المريخ اخوه 000نعشق النجم ونهوى0000
ودمت بألف خير000
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: lana mahdi)
|
العزيزه لنا مهدي00
لك الود000نجيمات
Quote: أنا زمانك كنتا هلالابية
المنبر دة خلاني هلالابية على السكين |
هنيئاللهلال بأمثالك000
لكن ماتشجعوا المريخ شجعوا العلال ده باسم السودان
وحاولوا تجيبوا 000ليهو بطوله خارجيه باسم السودان000
انا بقراء كتير في الجرايد الانتمائهاللهلال 000
بكتبوا
سودان الهلال000
شفتي كيف المعنى000
Quote: لنا قورباتشوف(:(:(:(:(:(:
خالي حمزاوي طلعنا ثعالب و بدون دين كمان...أها قلتا شنو أخوي طارق؟ |
خيلاني حمزاوي وصديق الموج ديل 000
بعانوا من مرحلة الخرف المبكر000
ما تزعلي منهم 000سمح000
واكيد ما قاصدنك0000
تحياتي
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: إسماعيل حسن)
|
Quote: والان يقول ليك ممثلا السودان في دوري المجموعات الافريقيه المريخ والهلال
ولا انا غلطان000
|
والله إنت غلطان، يعنى هسة الهلال حيمثل السودان والمريخ حيمثل السودان، حسب كلامك مبارة زي دي مفروض ما تتعلب، عشان لو شجعنا الهلال ضد المرخ فدا عدم وطنية والعكس صحيح، مش الإثنين بيلعبوا بإسم السودان، وبعدين تعال يا خي اللاعبين المحترفين ديل (خيانة) ما بلدانم كلها عندها فرق لاعبة في البطولة الأفريقية، يعنى ما يلعبوا لأنو في إحتمال يقابلوا فريق من بلدهم الأصلي.
وبالنسبة للأندية الأوربية في ناس في السان بيشجعوها وما بيرضو فيها يعنى ديل ما عندهم وطنيةن غايتو مفهوم الوطنية المرتبط بالأندية ما سمعتوا إلا عندك.
| |
|
|
|
|
|
|
|
|
 Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: الصادق اسماعيل)
|
يا طارق عليك الله مريخ شنو وهلال شنو وسودان شنو ؟
اذا كان اربع او خمسة لاعبين غيرو مسيرة تاريخ وكاس وبطولة
اربعة او خمسة لاعبين بتاعين اتراتكو الغايبين شالوا نوم العين
اقعدوا فى وطات الله دى واعرفوا انه موضوعكم بايظ مش لو نظمتوها
وانا اكاد اجزم ان الحكم تحامل على الفريق الرواندى . ومَد المبارة اكثر مما
تستحق وبرضو .
ما تزعل منى يا طارق انت ونحن وجمهور السودان دا كلو وهم .كورة شنو البنلعبها
دى بس حركة او فجة موت للكرة السودانية لقت ليها شوية نقاطة من الوالى وصلاح ادريس
والا ماذا تفسر تخلف الفريق القومى مش باهو م ذاتم دفاعنا الشعبى ياهو ديل
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: نوفل عبد الرحيم حسن)
|
Quote: طيب الكاس ده ما باسم السودان0000
لو احرزوا المريخ ولا حي الرب000
|
الاخ طارق تحياتى الكتار انا اشجع المريخ وكثير من اتو الى دارنا بعرفون ذلك .. اديت نفسى الحق بان ارسم النجمه الحمراء
والاصفر فى بوابة بيتى دى يعنى باننى متيم لهذا المريخ ولكن لا اسمح لنفسى ان اعلن هذا فى المنبر العام لاننى عندى توازن
حتى لا اتصادم بشعورى هذا مع الهلالاب......... ودا برجعنى لى الكيوت الفوق من حقى كمريخابى قديم من زمن سانتو وحمورى وسانتو وبشاره قبل مايجى ...................................................................................................................
جمال الوالى وصلاح ادريس كنا نحترم بعض زمان ........الشى الداير اقولو عندما يلعب الهلال على كاس جاى من بره كنا نهنى الهللاب
ولكن كنت من الذين افرح جدا عندما يهزم المريخ الهلال ودا حق مشروع لى كمريخابى ولكنى لاافجر فى الخصومه شكرا هذا كان ديدننا
ودى روح الرياضه ودى اخلاق الرياضيين ... نحن اصحاب الكاسات المحمولة جوا ودا فخر كبير لينا وللوطن شكرا طارق اخر مداخله منى فى المنبر بخصوص هلال مريخ لانى لااريد ان ادخل مع الاحباب فى مهاترات لا تليق بنا كرايضيين .
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: خالد المحرب)
|
| Quote: وبالمقابل انا كمريخابي لا احب الهلال , لا افرح لفوزه الا نادرا , ونادرا هذه تصادفت مرتان فقط الاولي عندما هزم الهلال الاهلي المصري , يومها فرحت للهلال , ولو جئنا للحقيقة انا لم افرح للهلال بقدر ما فرحت لهزيمة الاهلي المصري فانا كسوداني مثلي وقومي اكره الكرة المصرية لا لانها كرة تعبانة حاشا والله ولكن لاني كسوداني تربيت منذ نعومة اظافي علي كره كل ما هو مصري فقومي ظلوا يشحنوا في مشاعر سلبية تجاه كل ما هو مصري لذا كرهي للكرة المصرية هو الذي دفعني للفرح من هزيمته وان كانت من الهلال , المرة الثانية فرحت عندما هزم الهلال فريق كوارا او لا اذكر اسمه حقيقة الان وهو فريق كان يدربه اموكاشي علي ما اعتقد وسبب فرحي ان المدرب قام باستفزاز الكرة السودانية يعني هبش المريخ من حيث لا يعلم وهذا كان سبب فرحي لفوز الهلال عليه , سوى هذا فانا لا افرح لفوز الهلال علي فريق لا اجد سببا لكرهه فانا مثلا لم اري داعي لان اكره الترجي التونسي او الوداد المغربي لذا فرحت عندما هزموا الهلال , زي ما قلت ليك من البداية مشاعري دي انا ما مسؤل منها دي حاجة فوق طاقة تدبيري لذا لا استطيع ادارة عواطفي كيف اشاء او وقت اشاء فان خرجت هذه المشاعر شامتة عند هزيمة الهلال فان اي تبديل لموقفي يعتبر نوعا من النفاق وانا لا اري داي لان انافق الهلالاب , لاني في حقيقة امري فرحا مبتهجا شامتا بهذه الهزيمة . |
عاجباني صـراحـة أسـاسي
وإتكيفت من ناس التكاسي
يوم السـبت فـى الأماســى
بـنزيد علـيكم المــآســــــي
---------------------
تـحيات يا نقـــد
والجـايات أظرط
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: ضياء الدين ميرغني)
|
العزيز ضياء الدين مرغني
| Quote: يا طارق عليك الله مريخ شنو وهلال شنو وسودان شنو ؟ |
الكلام ده متسق مع الكلام 000ده
Quote: ونحن وجمهور السودان دا كلو وهم .كورة شنو البنلعبها
دى بس حركة او فجة موت للكرة السودانية لقت ليها شوية نقاطة من الوالى وصلاح ادريس
والا ماذا تفسر تخلف الفريق القومى مش باهو م ذاتم دفاعنا الشعبى ياهو ديل |
وانا شخصيا ما بختلف معاك كتير فيه0000
لأنه انا الان بالسعوديه وشايف مستوى التطور والتنظيم والمحترفين000
والكاسات القاريه للانديه والمنتخب والوصول لكاس العالم 0000
يعني انتصارات تحفز على التشجيع000
لكن عندنا نشجع عشان الدوري وكاس السودان فقط000
حتى عندما وصلنا غانا بعد 30سنه
كنا اسواء منتخب بالبطوله 000وحاجه مخجله00
تشجيع الكورة في السودان مش بجلب الاحباط وبس 00
ده يتسبب في اراض مستعصيه مثل السكري والضغط والجلطات!!!
لأنه كل حاجه غلط في السودان من الاتحادالعام لقوانين كرة القدم في السودان 000
ده موضوع طويل ومحتاج لي بوستات اخرى0000
عموما تشكر يا حبيب على الصراحه0000
والصراحه راحه 00واطلاقا ما بتجيب زعل0000
وربنا يصلح الحال0000
ولك كل الود والاحترام0
| |
|
|
|
|
|
|
|
|
|
Re: مبروك ليكم يا هلالاب الفرح والشماته000اين الوطنية 00ولا الما بتلحقوا جدعوا!!! (Re: الصادق اسماعيل)
|
الحبيب الصادق اسماعيل
صباحك ورد
| Quote: والله إنت غلطان، يعنى هسة الهلال حيمثل السودان والمريخ حيمثل السودان، حسب كلامك مبارة زي دي مفروض ما تتعلب، عشان لو شجعنا الهلال ضد المرخ فدا عدم وطنية والعكس صحيح، مش الإثنين بيلعبوا بإسم السودان، |
دي صعبتها شديد!!!
لكن اوقول ليك حاجه كده من الاخر0000
انت شجع الهلال واشمت من هزيمة المريخ000
لكن خليها مع اصدقائك فقط0000
ولو طلعت خارج الاطار ده000
تكون حاجه تانيه000
وفي ناس حتى الفريق القومي 000
بشجعوا فيه لعيبة فريقهم فقط!!!
عموما الله يصلح الحال000
تحياتي
| |
|
|
|
|
|
|
| |
طارق عبد اللطيف نقد
humida
tmbis
Nasruddin Al Basheer
الصادق اسماعيل
عبود عبد الرحيم
محمد عبد الماجد الصايم
مزاحم الضوي
خدر
اساسي
lana mahdi
Amin Mohamed Suliman
ismeil abbas
إسماعيل حسن
ضياء الدين ميرغني
نوفل عبد الرحيم حسن
Abd Alla Elhabib
فيس بوك
تويتر
انستقرام
يوتيوب
بنتيريست