|
|
 شـــــــــــــايفِكـ في سودانيزاونلاين.....((شُبهات حول سودانيز اونلاين))
|
يفاجأكـ احدهم في احدى المناسبات الرسمية وغير الرسمية بعبارة استكشافية ::
شااااااااااايفك في سودانيز اونلاين ، مع نظرة غير مهضومة
أو
انت فلان/ة بتاع سودانيز اونلاين؟؟؟ ويتبعها بحرف تثبيت للمعلومة ( ايواااااااااااااااااا) مع نظرة تفحصية من فوق لتحت لما انت ذاتك تتعقد
وكانه اراد ان يقول يدوووووووووب وقع لي
أو
تجيك مكالمة من زول من زمن الجامعة مالاقيتو (ولا حتى في لجنة الاختيار) ، يقوليكـ قالوا لي في سودانيز اونلاين!!
أو
واحد يخربها ليكـ مرة واحدة ، ويقوليك ، آآآآى انتو ماناس سودانيز اونلاين!!!
------------
هل سودانيز اونلاين مشهور أم متشوهر؟؟
اذاً ماهي اتجاهات وآراء القراء لسودانيزاونلاين؟؟؟
|
|
 
|
|
|
|
|
|
|
 Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: وليد محمد المبارك)
|
صدقيني ياشمائل انا زرت السودان بعد غياب طويل
وكان عندي شوية وهمة ان الناس كلها مشغولة بالموقع ده بحسب ما يعتقد البعض هنا
دخلت محلات انترنت في اماكن متفرقة من العاصمة لمتابعة بعض الامور في النت
ماوجدت اي متصفح مشغول بموقعنا ده
جلهم منهمك في ما يهمه طلاب علم/ بحوث/مراجعة الايميل/دردشة/فوتوشوب
ولا اعتقد هناك من يذهب لمحلات الانترنت من اجل تصفح الموقع فقط
بالتأكيد قد يكون بينهم نسبة "ضئيلة" مهتمة بالشأن السياسي
لكن ليس بالحجم الذي يعتقده البعض هنا
هذا كله رغم التشهير السلبي للموقع في الصحف الموالية للحكومة
وبالتأكيد التشهير ده أثر بعض الشيئ في شعبية الموقع لدى غير الاعضاء
والناس على دين "حكوماتهم"
انا درجت على ابتدار بوست كل عامين استطلع فيه اراء غير الاعضاء
عدد الردود التي تصلني دائما قليلة ولا تدعم الاعتقاد السائد "ان الناس كلها مشغولة بالموقع"
على العموم تجدر الاشادة بالدور الذي يقوم به الموقع وبالاعمال الانسانية الجليلة التي قدمها
| |
|
|
|
|
|
|
|
|
|
Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: حيدر حسن ميرغني)
|
حيدر
تعرف انا كان عندي وهمة(على قولك) انو مافي زول جايب خبر المنبر دا ، لكن سرعان ما عرفت ان هذا المنبر مقروء بدرجة كبيرة جدا
| Quote: التشهير السلبي للموقع |
اها ياحيدر دى الحتة الأنا فاتحة ليها البوست ، ودي الشبهة الانا بقصدها،الناس برا شايفة انو المنبر دا كلو عبارة عن مجموعة شباب معارضين للنظام وياريت تبقى على كدا ، لا كمان ديل مجموعة شباب لفظت باقي وطنيتها ومرقت للربا والتلف انا ماعارفة الناس البتقرأ دي ما وقع في عينها بوست واحد من بتوع (اخوانا الكيزان ديل)؟؟؟؟
| |
|
|
|
|
|
|
|
|
|
Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: ALGARADABI)
|
قرضابي
تحياتي واحترام
المشاهير في الموقع اقل بكتير من الناس خلف الكواليس ، ودائما ما يجد الناس في الموقع متنفس مع المشاهير وهاك يابوستات تحقيقية وغيرو ومن حقهم طبعا،دا بالنسبة للمشاهير
انا طبعا بقصد عامة الناس اللي بتكتب هنا واتجاهات القراء والمتصفحين للموقع
تعرف انا مرة بحاجج في زول برا الموقع في موضوع لا اذكره فلما ماقدر يقنعني برؤيته ولا انا نط واحد معاه ، قاليهو ياخي ديل ما بتحاججو ديل ناس سودانيزاونلاين انت نسيت؟؟؟؟
| |
|
|
|
|
|
|
|
|
|
Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: شمائل النور)
|
| Quote: ودي الشبهة الانا بقصدها،الناس برا شايفة انو المنبر دا كلو عبارة عن مجموعة شباب معارضين للنظام وياريت تبقى على كدا |
معـارضــــــــــــــــــــين
هذا ما كنت انوي استدراجك اليه
في دي اتفق معك تماما
لكن هذا يفترض ان يكون المتصفحين جلهم من المهتمين بالشأن العام
يعني الذي لايكتب في الشأن العام زيو زي كاتب العرضحالات
قد لايكون معروف حتى على مستوى الاعضاء انفسهم
شكرا ليك
| |
|
|
|
|
|
|
|
|
|
Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: شمائل النور)
|
سلام يا شمائل,,
والسؤال الذى يتبادر إلى ذهنى دائما هو مدى صدق هذا المنبر فى عكس ما
يدور بداخل السودان حتى لو كان من أعضاء يقيمون خارجه!!!
حقيقة كثيرا ما أكتشف أن المنبر به بعض المبالغات وتصوير الواقع
السياسى والإجتماعى وحتى الرياضى بصورة مختلفه عما هى عليه أصلا,,
أما إهتمام الناس فأعتقد أن فعلا قلة قليلة منهم يهتمون لما يقال
هنا ولولا أن بعض الصحف وبعض الشخصيات العامة قد قامت بتوجيه الأنظار
للموقع سلبا أو إيجابا فمعايش الناس هناك تجبرهم على نمط حياة لا مجال
فيه للقراءة أو الإطلاع إلا من رحم ربى أو كان عمله يتطلب أن يكون خلف
الكمبيوتر عدا ذلك لا أظن أن البقية تهتم لما يقال أو يجرى هنا ,,
الإشارات التى تخرج أحيانا هى السبب فى معرفة الناس أن فلان/ة
عضو أو أو كاتب فى سودانيزأونلاي وبعدها نوع كتاباتك تحدد كيف تكون
نظرة الآخرين إليك(ضدك/معك),,وأيضا كثرة الفعاليات الإجتماعية هى التى
تجذب أنظار الناس فى الغالب حيث طغت على الموقع الإجتماعيات أكثر من
غيرها,,
تحياتى,,
| |
|
|
|
|
|
|
|
|
|
Re: شـــــــــــــايفِكـ في سودانيزاونلاين.....((شُبهات حول سودانيز اونلاين)) (Re: Walid Safwat)
|
Quote:
اها ياحيدر دى الحتة الأنا فاتحة ليها البوست ، ودي الشبهة الانا بقصدها،الناس برا شايفة انو المنبر دا كلو عبارة عن مجموعة شباب معارضين للنظام وياريت تبقى على كدا ، لا كمان ديل مجموعة شباب لفظت باقي وطنيتها ومرقت للربا والتلف انا ماعارفة الناس البتقرأ دي ما وقع في عينها بوست واحد من بتوع (اخوانا الكيزان ديل)؟؟؟؟ |
واستصحبى معاك فى الحته دى يا شمايل
جمعية الصداقه مع اسرائيل
وحقوق المثليين
اصلو مافى زول جاب لينا الهواء غير تراجى 
الله يديها العافيه وين ما كانت .. ووالله مشتاقين ليها
| |
|
|
|
|
|
|
| |
شمائل النور
العوض المسلمي
حيدر حسن ميرغني
ALGARADABI
SHIBKA
طارق جبريل
بلدى يا حبوب
وليد محمد المبارك
أيمن الطيب
Walid Safwat
على محمد على بشير
فيس بوك
تويتر
انستقرام
يوتيوب
بنتيريست