|
|
 عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !!
|
دي عجلة بتمشي بدون بنزين وبدون جلكوز وبدون دم !
عجلة بتمشي بسرعة حصان رهوان عيونه مكحلة بسواد العمر المدفق على موية الرهاب !
هو من القال عجلة الزمن عندها تروس ورومان بلي للفرملة الفورية أن دعت الضرورة ؟!
اليوم داك عجلة الحبيب دورت وجرت من غير وداع ومع إنو ركبت طيارة عشان أحصل وداعو
إلا أن ( ود اللحد) كان جاهز ونادى المنادي ولبى الحبيب النداء وكلو من العجلة المستعجلة ياخ !
نقول شنو ؟
نقول الحمد لله رب العالمين وبه نستعين والصلاة والسلام على أشرف المرسلين
سيدنا محمد وعلى آله وصحبه وسلم تسليماً كثيراً .. آمين ,,آمين
عارف ؟
لمن تلقى شريانك التاجي عامل ليك ( كاروشة) جوة القلب ماتفكر تعمل عملية قلب مفتوح
القلب كان إنفتح بدفق حكاوي تكون داسيها ليك سنين من كل حواسك وناسك !
بجيك تاني ونكمل الحكي يايسن ياحبيب نورة سمح ؟
|
|
 
|
|
|
|
|
|
|
|
Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: نادية عثمان)
|
الأوردة كانت حردانة ورفضت تضخ للقلب دم في اليوم داك !
أها قام القلب المسيكين إتركمش وفقد سوائل ووسائل للتواصل مع الأوردة !
قلعتو أنا من بين ضلوع القفص الصدري ولفيتو في ورقة جريدة وختيتو في (قُفّة)
وطلعت بيهو على سوق المحبة كان نلقى ليهو حبة محبة تنعش صماماتو المكتولة كمد !
صدق لقيتها كملوها وناس كتار مالقوا ولا حتة محبة ولو بطريقة قدّر ظروفك معلقة بالفين ؟!
| |
|
|
|
|
|
|
|
|
 Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: نادية عثمان)
|
شايفك راكبة عجلة دماي
وراكبة سدَّاري .. تكون عايزة توصلي غرفة عمليات قلبي الهناك
واللا دي عملية نقل حلم مستعجلة!
وأنا المرارتي فقعتها زايدة سكة الوعد البِطِش !
وزي ما تقول
يمكن عايزة تنظمي حركة المرور في شريان وجعي
يا ربي تكوني خايفة من تصادم نجمة شوق ضوّاية
مع كروية دم عاشقة
في منطقة تماس حدود الشهقة
دي النص الكلام ؟؟؟
يوجد قولون عصبي
والدورة الدموية الشافعة
وصلت مربع الأحلام الذهبي!!
يعني ما خايفة من ضربة حرة مباشرة
ترجعك سنترليق الصعود لي دماي !!!
....
!!!!!
أوزون اللحظة
مخروم
محروم
بجدع فينا بي مخلفات الشوق الكضاب
حالة تسمُّم أنساني فظيع جوة الدواخل المنسية من طيبة الخاطر
يوم باكر ..!
أصبح سكة
تودي الفات
تجيب الفات والمات
سنينا الجات
رويانة مغايس شبعانة تدافر في المأساة!!
...
خاطرة بت لذينة
أدتني ضحكة زيف
مدت لي قدّوم كضاب
شحدت علي ضل الغيمة مطر
صبّت في عيني الصحرة خريف
قولون ببكي علي حلماً
وجرحاً باقي عزاب ونزيف!!
في ليل الشجن والشوق
سألتك وين وين و كيف هواك أوهام ووعدك زيف
بلابل الدوح
سارقين شنطة قمرية غنا
ناهبين شريان شاعر
حزمة مُني
خاتفين قلبين
نادية
وغيمة
......... ويمكن أنا ..!
بين قوسين
تمنيت و أنت طيف ما تغيب
وناجيتك
كما أتمنيت!!!
| |
|
|
|
|
|
|
|
|
|
Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: نادية عثمان)
|
وجات ماشة فوقه فوووووو
رغم إنو وأقف سنين منتظرها !
ولما قال ليها بكل أدب : لو سمحتى !
قالت ليهو بكل عصبية : لا مابسمح موش على كيفي ؟!
هو الغرام ده غيروه ولا ياهو بتاع روميو وجوليت وحاج المكاشفي والسرّة داك ؟!
و
عشان بريدو
أديتو وردة بيضاء
أداني وردة زادت عليا الريدة !
أيام عمرنا مابتتحسب ياصيدة
ولو ( إتحبسنا) في شندي نمشي نعيدها
وييييييين
البلال ماجانا !
الله يأذي الآذانا ويييييين
البلال ماجانا !!
| |
|
|
|
|
|
|
|
|
|
Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: نادية عثمان)
|
عشان متواعدين
قشرت بي ضحكة
ولبست أبتسامتي الخدرا!!
مطقِّم مع الفرح الشكلوا بنفسج!!
أحمر حمار
أتر شرياني في نص الدرب
بياض سكاكرك و أنت ملعقة زيادة في فنجان هواك
زي سواد نيّة الزمن الكعب
شنو يا علبة اللون البطط في لوحة شوق ؟؟
قصدك تفرتق لي ضفاير نخلة بت!؟
واللا عاجباك تسريحة السمحة القصيد؟؟
...
!!!!
ياخي لا
ياخي أنتي!!
يا أنتي يا غيم يا مطر
يا نحن في سكة خطر
وبرضو كعبة!!
لكن مُشرَّفة لمن تجيك حاجَّة الظروف
تبتديك نافلة تعب
تشتهيك مشوار صعب
تنتهيك وعداً لهب
....
سأعود
| |
|
|
|
|
|
|
|
|
|
Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: نادية عثمان)
|
إمام جامع حلتكم
خطبك لي يوم جمعة
عقدت علي قولك
حبِل
طلّقت منو
حروف مجنونة
خلعتك
أندهشتي
دفقتي رهابك علي ورقة زواج عرفي
فيها الغيمة شهود!!
دة كلو
عشان أنجبت منك حنين تيمان
وما بين أنسانك
وريدي
محبة قديمة
وما بنسي لما كنت خالطك في نجيلة
والعوازل فرشة و علبة كولا وقرصة نملة
حكيت ليك الوجع الساكنك
كرشت داوخل هم مستنّي
وجيتك
لقيتك
لسة ولسة ولسة رهاب
يا بت يا سراب عشمي الكضاب!!
ـــ
طلقانة
بي التلاتة!!!
الغنية الما زفَّت وجعك فال !!
| |
|
|
|
|
|
|
|
|
 Re: عندك شريان تاجي ياحبيب نورة ؟ توجد ( عجلة وحمى ووجع وبعض أمل ) !! (Re: Elmosley)
|
حبايبي الحلوين
لي كمين حنين
بتاوق من برة برة
خانقاني عبرة وانا أصلاً ما عندي مهر حجك!!
كانت (أُم سِي سِي) الكلام بتلعب في عِبِّي !
وأنا مشرِّك ليها بي كسرة نضم!!
بس حلفت ما تقع في شباك حنية منتظرة
و أصدرت بيان هام!!
والسكات اتحمدل ليها بي ( النجاة)
من براثن السكلبة!
غراب سنة رابعة الدِلاها!!
فاكر أنو قطعة جبنة بيضا
خدار في أتفاقية سلام
مع مرفعين اموا قالت الجني دة أصلوا ما ود حلال!!
عليكم الله شوفوا الطيرة دة!
مع احترامي لي عشوشة
وود أبرك!
غراب ريالة أيدلوجيتوا صابّة!!
وقومي يا عشوشة رِكِّي
بوِّظي لي ود أبرك بروميسو
مع طيرة الجنة !!
لما الظروف تكون نِبلة
في أيدين شافع ود لذينة
كيفن تحضن قمرية
بيضة عشم!!!؟؟
ــــ
برجع أكاكي من جديد
وكمان بغني
في الليلة (ديك)!!!
| |
|
|
|
|
|
|
| |
حبيب نورة
Elmosley
أحمد الشايقي
فيس بوك
تويتر
انستقرام
يوتيوب
بنتيريست