|
|
 تداعيات ( مختربين ) !!!
|
أمبارح الجمعة وكنت انا وصاحبي قاعدين نشرب الشاي
ونشوف في نشرة الاخبار المسائية من تلفزيون السودان
الكان فيها خبر بقول عودة 491 سوداني من الجماهيرية
في إطار العودة الطوعية بإشراف شئون السودانيين بالخارج ووو.
صاحبي أتحمس شديد وقال حقوا أسوق الولاد وأرجع انو المسالة قرار وبس
تخلى أى شي وتمش وتداقش مع الناس لحدي ما تلقي مخرج هناك
وأنا بشوف الحكاية ما حماس وبس لازم الواحد يبحث بدايلوا هناك كويس
قبل يقدم على الخطوه
يمكن لما قعدته أعدد لى في الألتزامات الحتترتب عليهوا بمجرد يقطع البحر
حسه أني بكسر في مجاديفوا أبسطة عربيتو الراكبه دي ما مقبولة بهناك
ياليشوف لي صفيح كوري يا يجيب عربية موديل حديث عشان يجمركوها لي بالوراء والقداموا
وبعد داك حق بنزينه حيكون في تلتله , قول العربية ما لازم اليستغني منها خالص
هناك المواصلات العامة كويسة , برضوا بتبقي فرصة الحصول على العمل المناسب
وحتى لو كان شكل العائد منو هل حيغطي هو وأسرتوا ؟؟؟
قبل أيام سألته صاحب بهناك قال لى أنت وحظك والمسالة أرزاق
لكين العارفوا انوا صاحبي ده رجع وعمل شغل هناك وما مشي لى قدام وأشتغل في عمل وظيفي
لكين الحقيقة البسيطة أنو الخطوة دي ما متاحة لى أى زول
وده كلو كان مفروض اكتبوا مداخلة في بوست ( ود قاسم )
المالقيتوا رغم تفتيشي لى لانو أفترض الناس ترجع
يعني هل المسالة سهله زي ما شافه صاحبي وأتحمس
ولا صعبة زي ما قعدته أفكر وأضرب فيهاولقيته عوزة إمكانيات وترتيبات كتيرة
يعني مرات الواحد بفكر جاد في فيزا وكفيل بهناك 
-----------------------------------------------------------
*بعد إذن الاستاذ /راكوبة في أستخدام لوحتو الجميلة دي مع الموضوع
|
|
 
|
|
|
|
|
|
|
 Re: تداعيات ( مختربين ) !!! (Re: عبد الناصر الخطيب)
|
عزيزي عبد الناصر الخطيب
كلنا في الهوا سوا ..
والحيرة تعصف بنا يمين وشمال..
وما أصعبها بالنسبة لناس الوظائف
لا صعبة والله .. وصعبة جداً..
كمثال واحد صاحبي من الدفعة القدامي ومهندس مدني
كان شغال هنا في الدوحة في بنك وغادر إلى السودان
نهائياً السنة الفاتت .. وبرضو في بنك ووظيفة محترمة
وبنك محترم جدا وجديد (بنك السلام) .. لكنو بالضبط
اخد ليهو سنة وشهرين وجانا صادي .. اصلو ما طمنا..
يعني ممكن الواحد يمشي وبتوفيق من الله يلقى وظيفة
اقرب للاغتراب ولكن برضو ما يقدر يواكب الواقع هناك
تحياتي..
| |
|
|
|
|
|
|
|
|
 Re: تداعيات ( مختربين ) !!! (Re: عبد الناصر الخطيب)
|
العزيز / صلاح ليون
تحية واحترام
------------------------------------------
Quote: كلنا في الهوا سوا ..
والحيرة تعصف بنا يمين وشمال..
وما أصعبها بالنسبة لناس الوظائف
لا صعبة والله .. وصعبة جداً..
|
قبل مدة كنت في ضيافة زملاء من فرع المدينة المنورة لعمل أقوم به لديهم
لفت نظري سؤال من الاخوان المصريين ليه ما أرجع السودان
بتكلموا عن زملاء مهندسين ليهم هناك ولقو فرص كويسة
يعني أنا فاكر المهنيين ما عندهم مشكلة
المشكلة في الزينا الفي أعمال ادارية
طبعا زي قصة صاحبي الامبارح ده
صحت السؤال اللسة بسألوا بعد 8 سنين غربة
لمتين خائف تبقي الرجعة دي زي عمنا الشيخ الفي اللوحة دي
-----------------------------------------------------------------
*اللوحة دي أسمه ( سنعود ) لفنان فلسطيني أسموا اسماعيل شموط الله يستر تبقي علينا
| |
|
|
|
|
|
|
|
|
 Re: تداعيات ( مختربين ) !!! (Re: عبد الناصر الخطيب)
|
من أحلى رفاق الغربة عندي صاحب ميكانيكي
مرة سألتوا في الموضوع ونحنه قاعدين في ورشة
طلع عندوا في المسألة نظرية :
( الغربة دي طربيزة الخسر قاعد عوز يعوض خسارتوا
والادتوا طمعان تدي زيادة
يعني في الاخر ده قاعد وده قاعد مدام كلنا قاعدين مافي داعي للأسئلة دي )
كل ما أجي ونقعد في ظل الورشة أعيد لى الاسطوانة تاني
وناخد ونستنا ونضحك والايام ماشه
***
زمان من ولاد سنار عرفته محمود زول نجار برنجي
كان في المصنع الكنت شغال في العجبني في كان عندوا نظرية محددة
عوز يشتري معدات معينة وحسب كلاموا في السودان بتعيشوا ( ملك )
قبل مدة لقيتو صدفة مع زوجتو الجابة وأستقرت معه في البلد دي وباع نظريتوا الزمان
ياخي لسه ما لميت العوزة للحاجات
ضحك وقال ( هي بتتلم ) ؟؟
----------------------------------------
*اللوحة الاخيرة تقريبا صينية
| |
|
|
|
|
|
|
|
|
|
Re: تداعيات ( مختربين ) !!! (Re: عبد الناصر الخطيب)
|
الاخ عبد الناصر
نواصل معاك هموم الغربة ومشاكلها
وخليتني امشي افتش في ورقة جاتني بالفاكس قبل 10 سنين
وصلني الفاكس بعد سنة واحدة اغتراب .. كان عبارة عن
قصيدة عن (وهم الغربة) .. وهي متداولة في بعض المواقع
مع وجود اختلافات في بعض المفردات .. لكن الاصل هي العندي
قصيدة مكونة من 25 بيت تحكي وتعكس حال وواقع المغتربين
تُعبر بي كل صراحة ووضوح عن معاناة وآلام المخـــتربين
الجزء الاول منها يحكي عن الأماني المرجوة من الغربة:
| |
|
|
|
|
|
|
|
|
|
Re: تداعيات ( مختربين ) !!! (Re: عبد الناصر الخطيب)
|
***
Quote: ايدينا ياولد ايدينا للبلد
الغربه ان شاء الله تعقري ياتعدمي المال
الفقري يا تعدمي
الشيك الخضري والله شلتي العيال من بدري
والله شلتي
ايدينا ياولد ايدينا للبلد
كان اخويا اللبره جانا والله يصلح الحال معانا
والله يصلح الحال معانا شلن الغربه المعطلانه
شلنا الغربه
ايدينا ياولد ايدينا للبلد
ننتج بي ايدينا والله نخلص العلينا شان
تشيل امريكا دينا نبني دارناوتبقه لينا
نبني دارنا
اخلاصنافي العمل ا خلاصنا في العمل
يسوقنا للامل
حكومه كان تنصلحي كات تعرفي عيشي
وملحي كان تشوفي
اللبي تزحي ماتباري القول ترحي كان
تعرفي البي تزّحي
كان الحكوم صلح سودانا صار مليح
ايدينا ياولد ايدينا للبلد
|
http://www.sm3na.com/song27155.html
------------------------------------------
*حتى أعود
| |
|
|
|
|
|
|
| |
صلاح ليون
فيس بوك
تويتر
انستقرام
يوتيوب
بنتيريست