كتب الكاتب الفاتح جبرا المتوفرة بمعرض الدوحة
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: خالد العطا)
|
تحية طيبة للجميع
تحية بعطر الصفوة ،
يا اخ خالد ، عمك ده ما بتاع نقاش و لا اعتراف بالحق و لا يحزنون
اسه ح يجى يقول ليك : يعنى شنو ، ما دفعو للحارس !!!!!
يا خالد ده من ناس التياب ضيقة*
---------------------------------- * حكاية التياب ضيقة : قالو ام العروس جابو ليها شيله تملا العين و ما فيها اى شى ناقص
و قدر ما حاولت تلقى ليها عيب فيها ما قدرت ، فى نهاية قالت ليهم : تيابكم ضيقة !!!!
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: yasir Abdelgadir)
|
يا ياسر ، الـ مهازل انو الزيك يتكلم فى الكورة !!! لكن نعمل شنو مضطرين نرد عليك عسى و لعل
ربنا يفتحها عليك !!!!!!!!!!
1- الحارس اعتدى على اللاعب من غير كورة ، يعنى كرت احمر واضح لاى بنى ادم بيعرف
انو البتاعة المدورة دى اسمها كورة !!!!!
2- الاشواط الاضافية دى قوانين البطولة يا عمك ، ربع النهائي مافي وقت اضافي، نصف النهائي في وقت اضافي
نهائي فيهو ، تالت و رابع ما فيهو ، امشى بعد ده شاكل ناس البطولة قول ليهم ليه !!! اضغط للذهاب الى المصدر
3- حكاية الجمهور دى مافى ليها داعى ، ولا نسيتو معركة ذات المراتب الشهيرة ، يخسسس على دى اخلاق
4- بطولة حمام ميت بتحضرها فوق كم ، ما تشوف ليك شغلة تانية ، لكن طبعا الكديس بحب خناقو
يا فضحية ، 8 مرات ما عارفين تصلو النهائى ، اقعدو فى واطــه الله دى و اتفرجو و شوفو اللعب كيف
ماشى يا عم مهازل
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: yasir Abdelgadir)
|
Quote: إجتمعت اللجنة المنظمة لكأس كاغامي 2009 (بطولة سيكافا للأندية) لمناقشة أحداث المباراة رقم 23 في البطولة والتي جمعت المريخ السوداني
ومازيمبي الكنغولي يوم أمس الاول في استاد المريخ وعليه فقد اتخذت اللجنة المنظمة القرارات التالية : 1. تغريم نادي المريخ الرياضي السوداني مبلغ 5.000 دولار أمريكي بسبب عدم قدرته على السيطرة على جماهيره خلال المباراة ، ويجب دفع هذه الغرامة قبل بداية الاجتماع التقليدي للمباراة النهائية يوم غد السبت الساعة العاشرة والنصف صباحا. بالإضافة إلى تقديم طلب للنادي ليقوم بتعريف جماهيره بمغبة نتائج سوء السلوك الجماهيري خصوصا في مثل هذا التوقيت خاصة أن أمام النادي مهام أفريقية مهمة جدا.2. إيقاف مدير الفريق عادل أبو جريشة حتى نهاية البطولة بسبب تدخله في المناوشات التي وقعت بعد نهاية المباراة. ولن يكون بمقدوره دخول غرفة الملابس أو الجلوس في دكة البدلاء أو المقصورة ، بالإضافة إلى توجيه توبيخ شديد اللهجة بالإضافة إلى تحذيره من تكرار مثل هذه الأفعال في المستقبل ، وإلا فستكون العقوبة أكبر. |
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: haroon diyab)
|
الاحباء خالد العطا امير مصطفي محمد الامين شكرا كثيرا وكمان هارون دياب
ردي عليكم هو الآتي :
اي زول فيكم يقول لي ليه ايداهور مشى للحارس ومن دون كورة ليه
والحارس عملها واضحة شديد
يعني اطردني يا حكم
معقولة ياناس
كلنا بنعرف الضرب
والضرب غماتي
مع الزحمة
عشان ما يطردوك
لكن ضرب زي ده
على المكشوف ما شفناهو إلا لما اللاعب
يكون داير كرت يقيف بيهو
مباراة
وكثير بتحصل
لكن الحارس ده
بينفع في السوق
اها قولكم شنو
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: haroon diyab)
|
Quote: دائما بتكج الهلالاب خليك كده طواااااااااالي |
والوصية بالمهله من هسع كلم صاحبـك دا عشان يفتح بوست ويكون محتواه الهلال سوف ينتصر على المريخ عشان نضمن الانتصار أو المريخ مزنوق ههههههههههههههه
والله فعلا بوستاتو دي قاعده تتحول لينا على طول
ويوم 18 تعال قرب وجهز حبـوب الضغط يالسنوسي وافتح بوستاتك من هسع شــــرها خليــك تنشق وتنشق ريـق وصيفــك
والمريـــــــــــــــخ عالـــــــــــــــــم جميــــــــــــــــل ياهارون
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: على محمد على بشير)
|
Quote: هذا الحارس بالذات تم طرده فى مباراة مازيمبى وكمبالا سيتى حينما خرج خارج خط التمنتاشر واعتدى واعاق مهاجم كمبلا سيتى ومنعه من تسجيل هدف وكان حكم المباراه الفاضل ابو شنب ..
انتهى .. نقطه وسطر جديد |
يا علي محمد علي البشير
معنى كلامك ده انه زيدان بعد نطحة كاس العالم
مفروض يطرد في اي كورة بعد كده
عادي اي لاعب بيطر من المباراة حسب القانون
ولكن الما عادي ان يظل هذا قانون لتفسير طرد اللاعب في اي مباراة
عادي ممكن حارس مازميبي يطرد
لكن الما عادي
ان يتم طرده بهذه التمثيلية سيئة الاخراج
انا غايتو عايز افتح لي محل في السوق
وعايز اشوف عنوان الحارس ده وين
عشان بعرف السوق ولغة السوق
بركاتك يا شيخ دولار
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: جمال السنوسي)
|
يا ياسر ، اجرى يا شاطر اشتر الدردمه حقتك ، اديناك الطرادة فى بوست تانى ، اجرى ربنا يفتح عليك
كتب جمال كما هو متوقع
Quote: يعني اطردني يا حكم
|
اهه يا خالد قبيل شن قلنا ، جه كتبها حرف حرف و ما خيب ظننا فيهو، ديل معروفين يا اخ
طيب ، كويس انهم اعترفو انو فى ضربة و انها تستاهل الطرد و الكرت الاحمر (الحمدالله الفهمو حاجة)
بالله ناس العرجون القديم الفهمو انو الحاله دى تستاهل الطرد ، يفهو ياسر ده انو ده كرت احمر صحيح
نرجع بقى للسؤال (والله ما لقيت ليهو وصف غير عوير مع احترامى للصاحب السؤال )
Quote: ايداهور التوجه للحارس وماذا قال له
|
طبعا الفيديو عندك ، و ح تشوف لو بتشوف انو ايداهور ما قال حاجه (طبعا ده اذا نظرك ما زى نظر ياسر (
و بعدين هو ما مشى للحارس ، مشى يجيب الكوره ، لانو المبارة تعادل ، و ما عايز يضيع وقت!!!!!
اهه الحركة دى مش بتحصل فى الكورة ، ولا ما كان فى ليها داعى !!!! حالتكم تحنن
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: ناصر النعمان البدوي)
|
Quote: و بعدين هو ما مشى للحارس ، مشى يجيب الكوره ، لانو المبارة تعادل ، و ما عايز يضيع وقت!!!!! |
يجيب الكورة
من وين
وبي كم
يا اخوانا الزول ده (ايداهور)
داخل الشبكة عديل كده
لا كورة لا حاجة
والحارس ضربه بوضوح كوع تمثيلي
والراجل وقع
وشوفو عيون الحارس بعد ما ضربه
بل شوفو استقبال الحارس للكرت الاحمر
غايتو لو ما اخاف الكضب سمعتوا قال للحكم
( ينصر دينك يا حكم)
تسلل :
ممكن براحة كده تشوفو القون الاول للمريخ والاحرس ده جرى علي وين وفتح المرمى سبيل ونط كيف والكورة دخلت كيف من ايداهور
بطيخافا .. لكاس سيكافا لا بتهمنا .. ولا بنخافا
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: ناصر النعمان البدوي)
|
Quote: و بعدين هو ما مشى للحارس ، مشى يجيب الكوره ، لانو المبارة تعادل ، و ما عايز يضيع وقت!!!!! |
يجيب الكورة
من وين
وبي كم
يا اخوانا الزول ده (ايداهور)
داخل الشبكة عديل كده
لا كورة لا حاجة
والحارس ضربه بوضوح كوع تمثيلي
والراجل وقع
وشوفو عيون الحارس بعد ما ضربه
بل شوفو استقبال الحارس للكرت الاحمر
غايتو لو ما اخاف الكضب سمعت الحارس قال للحكم
( ينصر دينك يا حكم)
تسلل :
ممكن براحة كده تشوفو القون الاول للمريخ والحارس ده جرى علي وين وفتح المرمى سبيل ونط كيف والكورة دخلت كيف من ايداهور
بطيخافا .. لكاس سيكافا لا بتهمنا .. ولا بنخافا
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: خالد العطا)
|
عمود الصحفي الظريف بابكر سلك
Quote: في السلك ايداهور بتكتل ليك زول قالوا سيكافا مطرشقه شافوا الافتتاح قالوا سيكافا ضعيفه سيكافا مشت لقدام قالوا سيكافا ما فيها غير مازيمبي نشوفكم يوم مازيمبي شافونا يوم مازيمبي سكتوا الكلام كمل الكلام طار ليهم من ريسينهم واحد قال ايداهو ده الجابو راجع من الخليج شنو ؟ بس وقام ايداهو جاب التاني صاحبنا غلبوا الصبر قعد يبكي قال اتذكرت المرحوم ابوي قلنا ليهم ابوك الله يرحمو ويرحمك من الحسد الكاتلك ده فريق الكنغو القومي الفائز ببطولة افريقيا لغير المحترفين هو فريق مازيمبي الغلبناهو ده وماناقصوا ولا لاعب يعني المريخ يهزم الفريق القومي الكنغولي تقول لي امبيلي تقول لي ود الحله تقول لي شنو وتقول لي منو فوائد سيكافا ستظهر ان شاء الله يوم 18 بتعرفوا سيكافا قويه ولا ما قويه بتعرفوا الفرق بين سيكافا والجونه بتعرفوا الفرق بين سيكافا والنسور بتعرفوا تزوغوا ؟ ورونا شطارتكم بعد قونا التاني البحرزو ايداهو في شباككم يوم 18 ناس حي العرب لما شافوا مازيمبي عرفوا سبب زوغان الهلال من سيكافا شاطرين في الزوغان كيف يسير العمل في الزريبه ؟ طولنا ما سمعنا شئ القروش كملت ؟ ما مشكله ياجمال واحد مليار وصلحو حتي الجونه ابو يجوكم قال المعسكر ناجح وخليفه نجم كبير يعتمد عليه المدرب طبعا ماممكن خليفه نجم المعسكر والمعسكر ناجح تعالوا الختام ما تخجلوا تعالوا اتفرجوا كان خجلانين تعالوا متنكرين وكان كشفكم قولوا نحن جزء من حفل الختام وعاملين حفله تنكريه التنكر بتعرفوا ليهو كويس موش اتنكرتوا لقودوين وحظرتوهو في المطار ؟ خبره في التنكر تعالوا ما تخجلوا بس ما تقلبوا الطابقين مليانات لاتوجد اماكن شاغره في كشف الصفوه الداير يقلب يسجل اسمو وينتظر فاتحين ليكم لوتري
سلك كهربا قريبا سيعود سوق المويه لو دي الطريقه والي لقاء |
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: خالد العطا)
|
منقول
Quote: لقد كثر الحديث من قبل الاهله حول ما دار في مباراة مازيمبي والمريخ من احداث شغب من الجمهور ولكن نذكر الاهله ببشغب اكبر وافظع من ذلك بكثير اخير انو مباراة مازيمبي تم اكمالها ولكن نذكر الاهله بتلك المباراة الشغبيه الكبيره التي لن تنمحي من ذاكرة التاريخ ابدا
هل نسيت معركة ذات المراتب الشهيرة فى مباراة الهلال والرجاء البيضاوى
مباراة الإياب شهدت أحداث مؤسفة قام على إثرها جمهور الهلال بحصب الملعب، مما حدا بلاعبي الرجاء الاحتماء ( بمراتب) من وابل الحجارة المنهالة عليهم من كل حدب وصوب في استاد الهلال
هل نسيت الحجارة المطر التى انهمرت على لاعبى الرجاء اثناء سير المباراة وليس بعد انتهائها
وبعدها اصدر الاتحاد العربي العقوبات الشهيره
|
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: نادر الفضلى)
|
Quote: مباراة المريخ ومازيمبي صاحبتها تجاوزات خطيرة نعددها من خلال السطور التالية: * مباراة توسكر وماثاري الكينيين التي اقيمت في دور الثمانية انتهت بالتعادل وتم حسم نتيجة المباراة بركلات الترجيح اما مباراة المريخ ومازيمبي التي انتهت بالتعادل فتم منح الفريقين زمنا اضافيا. * قانون اية بطولة او منافسة يكون واحدا لا يتغير في جميع المراحل فلماذا اذن تم حسم مباراة نتيجة توسكر وماثاري بركلات الترجيح ولماذا لم يطبق ذلك في مباراة المريخ ومازيمبي التي منح الفريقين زمنا اضافيا بدلا من الحسم بركلات الترجيح كما حدث في مباراة الفريقين الكينيين!! * مساعد الحكم تم حصبه بالحجارة ليصيبه حجر اصابة بالغة لتسيل دماؤه على ارض الملعب وفي مثل هذه الحالة يمكن ان يعلن الحكم عن نهاية المباراة ويعتبر الفريق الذي تسببت جماهيره في هذا الاعتداء مهزوما ولكن هذا ما لم يفعله الحكم.. |
هذا ما سطره الكاتب المريخي المحترم عبده قابل
يسلم يراعك
| |
|
|
|
|
|
|
Re: فيديو احداث مباراة المريخ * ماذيمبي اهداء لكل الصفيراب وخاصة جمال السنوسي (Re: yasir Abdelgadir)
|
نقلا عن عمــــــود مزمل ابوالقاسم
Quote:
أقيف لسع.. أقيف واسمع!
* ادعى بعض أصحاب الخيال الخصب من كارهي النجوم إن اتحاد سيكافا عدّل قانون البطولة في نصف النهائي وأمر بتمديد مباراة المريخ ومازيمبي لشوطين إضافيين ليستفيد المريخ من النقص العددي ويفوز!
* وذهب بعضهم إلى أبعد من ذلك مدعين أن أسامة عطا المنان وطارق عطا طلبا من الحكم والمراقب عدم اللجوء إلى ركلات الترجيح عقب نهاية الزمن الأصلي وتمديد المباراة إلى شوطين إضافيين كي يتمكن المريخ من الفوز على مازيمبي استغلالاً لنقصه العددي!
* أصحاب الخيال الفاسد يوزعون جهلهم على الملأ!
* رددنا على هؤلاء بأن نظام بطولات سيكافا للأندية يقوم على الفصل بين المتعادلين في دور الثمانية (ومباراة تحديد المركز الثالث كذلك) بركلات الترجيح مباشرة.
* ويفصل بين المتعادلين في نصف النهائي والنهائي بالتمديد إلى أشوط إضافية قبل اللجوء إلى ركلات الترجيح في حال استمرار التعادل!
* فهل التزم اتحاد سيكافا بنظامه القديم أم أتى شيئاً جديداً ليجامل المريخ كما ادعى أصحاب الخيال الخصب؟
* تعالوا نستعرض ما حدث في البطولات السابقة لنرى ما إذا كان اتحاد سيكافا قد غير نهجه ليجامل المريخ كما يأفكون أم أنه طبق نفس ما اعتاد على تطبيقه في البطولات الماضية!
* قبل كل شيء لابد أن نشكر الأخ ود الحسن عضو منتدى كورة سودانية لأنه سبقنا في التعرض لهذا الملف.
* في بطولة سيكافا الماضية (2008) والتي أقيمت بتنزانيا تقابل فريقا توسكر الكيني ورايون الرواندي في ربع النهائي.. وتعادلا في الزمن الرسمي سلبياً وتم الفصل بينهما بركلات الترجيح مباشرة وفاز توسكر 7/6!
* وفي البطولة الحالية تقابل توسكر وماتاري الكينيان في ربع النهائي وتعادلا سلبياً في الزمن الرسمي وتم الفصل بينهما بركلات الترجيح مباشرة وفاز ماتاري، بنفس الطريقة التي فاز بها توسكر في العام السابق!
* أقيف لسع.. أقيف واسمع!
* وفي نصف نهائي بطولة 2008 تقابل فريقا الجيش الرواندي وسيمبا التنزاني وانتهت المباراة في زمنها الرسمي بالتعادل السلبي وتم تمديد المباراة إلى شوطين إضافيين وتمكن اللاعب إريك أبوا من تسجيل هدف الفوز للجيش في الدقيقة 111!
* وفي البطولة الحالية تقابل المريخ ومازيمبي في نصف النهائي وتعادلا إيجاباً في الزمن الرسمي فتم تمديد المباراة إلى شوطين إضافيين وكرر الضباح إيداهور ما فعله إريك أبوا للجيش الرواندي في البطولة السابقة.. وسجل هدف الفوز لفريقه في الدقيقة 105!
* أقيف لسع.. أقيف وأسمع!
* في بطولة العام 2006 والتي أقيمت في تنزانيا (عقب اعتذار يوغندا عن استضافتها) التقى فريقا الجيش الرواندي وسانت جورج الإثيوبي في ربع النهائي وانتهت المباراة بالتعادل السلبي وتم الاحتكام إلى ركلات الترجيح مباشرةً.. وفاز الجيش 4/2!
* وهو عين ما حدث في مباراة ماتاري وتوسكر العام الحالي!
* أقيف لسع.. أقيف واسمع!
* في ربع نهائي بطولة 2006تقابل فريقا فيلا الأوغندي ويونليزي الكيني وانتهت المباراة بالتعادل 1/1 وتم الفصل بين الفريقين بركلات الترجيح مباشرة، وفاز يونليزي 3/1!
* وهو عين ما حدث في مباراة ماتاري وتوسكر العام الحالي!
* أقيف لسع.. أقيف واسمع!
* في المباراة النهائية لبطولة 2006 التقى البوليس اليوغندي ومورو التنزاني وانتهت المباراة في زمنها الرسمي بالتعادل 1/1 وتم تمديد المباراة إلى شوطين إضافيين ليسجل مهاجم البوليس توني ماويجي هدف الفوز لفريقه (في الدقيقة 96 على وجه التحديد)!
* وإذا انتهت مباراة اليوم (لقاء نهائي بطولة 2009) بين المريخ ورايون الرواندي بالتعادل في زمنها الرسمي فسيتم تمديد المباراة إلى شوطين إضافيين!
* أقيف لسع.. أقيف واسمع!
* في بطولة 2005 التقى فريقا الجيش ورايون الروانديان (في نصف النهائي) وانتهت المباراة في زمنها الرسمي بالتعادل بهدف لكل فريق، وتم تمديد المباراة إلى شوطين إضافيين استمر فيهما التعادل، وتم الاحتكام إلى ركلات الترجيح وفاز الجيش 4/3!
* وقد انتهت مباراة المريخ ومازيمبي في نصف نهائي البطولة الحالية بالتعادل الإيجابي، لكن الضباح لم يسمح لمازيمبي ببلوغ ركلات الترجيح!
* وفي مباراة تحديد المركز الثالث التقى فريقا رايون سبورت الرواندي والسكر الكيني وانتهت المباراة بالتعادل السلبي وتم الاحتكام إلى ركلات الترجيح مباشرة من دون تمديد وفاز رايون 4/2!
* وإذا انتهت مباراة اليوم بين مازيمبي وماتاري بالتعادل في زمنها الرسمي فسيتم حسمها بركلات الترجيح على الفور، وليس هناك تمديد ولا يحزنون!
* في بطولة 2004 التقى فريقا كيوفو سبورت الرواندي ويونليزي ستارز الكيني في نصف النهائي وانتهت المباراة بالتعادل وتم تمديدها إلى شوطين إضافيين ليتمكن مهاجم يونليزي فريد أوغوت من تسجيل هدف الفوز لفريقه في الدقيقة 113 (مثلما فعل الضباح بالضبط)!
* قصدنا من إيراد هذه الحقائق أن نؤكد خطل كل ما ادعاه من يوزعون جهلهم على الملأ كل صباح بادعاء أن اتحاد سيكافا عدل قوانينه ورفض الاحتكام إلى ركلات الترجيح لمجاملة المريخ وتمكينه من الفوز على مازيمبي لأن هذه اللائحة مطبقة منذ ست سنوات!
* حسم مباريات ربع النهائي بركلات الترجيح حال انتهائها بالتعادل وحسم نصف النهائي والنهائي بالتمديد إلى أشواط إضافية لم يحدث لأجل سواد عيون المريخ كما يدعون!
* ويطيب لنا هنا أن ننبه مرة أخرى إلى حقيقة أن لائحة سيكافا تنص على فك الاشتباك بين المتعادلين في مباراة تحديد المركز الثالث بركلات الترجيح فوراً!
* نذكر هذا الحديث مبكراً كي لا يخرج علينا أحدهم غداً مستنكراً اللجوء إلى ركلات الترجيح مباشرة في حال تعادل مازيمبي وماتاري في اللقاء الذي سيجمعهما اليوم لتحديد المركز الثالث!
* ولهؤلاء نقول: راجعوا الكيفية التي حسمت بها مباراة رايون والجيش الروانديين في نصف نهائي بطولة 2005، والكيفية التي حسمت بها مباراة رايون الرواندي والسكر الكيني لتحديد صاحب المركز الثالث في البطولة نفسها كي لا توزعوا جهلكم على الملأ مرة أخرى!
* نختم مرافعتنا بذكر حقيقة أن النظام الذي تم به حسم مباراة المريخ ومازيمبي مطبق منذ سنوات، وأن اتحاد سيكافا لم يأت جديداً ولم يعدل قوانينه لمجاملة المريخ كما يدعون!
* ترى بم سيرد أصحاب الخيال الخصب الذين اتهموا أسامة عطا المنان وطارق عطا بأنهما طلبا من حكم ومراقب مباراة المريخ ومازيمبي عدم الاحتكام إلى ركلات الترجيح وتمديد المباراة لمساعدة المريخ على تخطي مازيمبي استغلالاً لحالة النقص العددي؟ |
| |
|
|
|
|
|
|
|