|
|
 شغف
|
(1)
طوقه موج التمنى حين ورد بحر العينين، رفع صمته عاليا ينادى
من سيعصمنى اليوم من الغرق؟
قالت
لا وقت الآن للحلم، لا متسع للموت
ولا قشة أمنيات تجوس فى دم الغريق
قد رفعت أقلام الأيام جميعا، وجفت صحف الأمنيات
قلبك موبوء بالشغف
ومن عينيكَ يبدأ العناء المسيرة بلا قدمين
بلا عينين
قال
من عينيكِ تبدأ الحياة دبيبها فى أوصال الوقت
قال أنا العشق
قالت
أنا الموت
أدرك عشقئذٍ، انه حقا يحيا
|
|
 
|
|
|
|
|
|
|
|
Re: شغف (Re: أبوذر بابكر)
|
(2)
شفت البسمة
مخضرة أمانى
وأبدا اللوحه
أدفِق وجعى
وأفرح تانى
وأبدا اللوحه
كُلِك فيها
أرسم وأمحا
مرة الريشه
تسوى معانى
ومرة حدائق العالم منك
تشحد ليها حِبيبة فرحه
وأرسم وأمحا
أسرح وأصحا
أزرع جوه مسامك ألوانى
| |
|
|
|
|
|
|
|
|
|
Re: شغف (Re: أبوذر بابكر)
|
ابوذر ياخي انت شعرك جميل
ولا يماثله في الجمال
الا دواخلك الجميلة
واصل اندياحك
دع دهشتنا تستمر
| |
|
|
|
|
|
|
|
|
|
Re: شغف (Re: Elmosley)
|
Quote: طوقه موج التمنى حين ورد بحر العينين، رفع صمته عاليا ينادى
من سيعصمنى اليوم من الغرق؟
قالت
لا وقت الآن للحلم، لا متسع للموت
ولا قشة أمنيات تجوس فى دم الغريق
قد رفعت أقلام الأيام جميعا، وجفت صحف الأمنيات
قلبك موبوء بالشغف
ومن عينيكَ يبدأ العناء المسيرة بلا قدمين
بلا عينين |
كلام عجيب
لابد انك اسرجت جواد خيالك نحو الشمس
شمس العشق و الشغف
فليتبعك الغاوون الى يوم الدين يا اباذر
| |
|
|
|
|
|
|
|
|
|
Re: شغف (Re: هشام المجمر)
|
اعرف يا صديقي...هذه الروح من الجمال..نحس الدفء ..ولكن عندما ندرك اننا نخلق هذا الاحساس ...
يزداد فينا الحضور...عندما يصبح التحديق هو اللوحة او يصبح اللحن هو المغني ..لا فرق الجمال هو اباذر....
صديقي لقد افرغت نفسي في ديوان ازمنة الرحيل الذي خرج من باب المطبعة ..ووجدت نفسي مرة اخري...وافرغتها في هتاف النهار الديوان الثاني
وهو في الطريق الي النشر...لا ادري كيف يحدث ذلك ..حاولت الاطلاع علي بعض النصوص..احسست بصوتي يتركني بل ينظر الي في شك واستغراب..افترقنا...لبست ملاءة الصمت..وسرت في شوارع هارلم...ربما كنت عاريا.. وانا تلك الغريبة في احشائي تضحك من بؤسي..التقينا انا و ملابسي من جديد وسرنا معا..لبستني هذه الخرق البالية وهي تلعن رائحة العرق..وتحول الابتعاد عن تلك المساحة تحت ابطي.. كانت مبتلة..اسن الماء وهو يحول الهروب من تفاصيل الرهق والهذيان....عندما اصبح ابا ذر هو الجمال..سقطت الاسماء من كل البطاقات وجوازات السفر... كانت الارقام تتجمع وتصتف.. واحد .. اثنان .. ثلالثة..الي ملا نهاية...الذي تبقي في تلك الاوراق كان الصور..
كيف فعلت كل هذا يا ابا ذر بالحروف...
مدد ايها الرابض في صخور المتاحف كالنحت منذ مئات الاف من السنين..
| |
|
|
|
|
|
|
|
|
|
Re: شغف (Re: salah ismail)
|
صلاح
يا أخانا الذى فى أعالى سماوات الحروف
حين نضع الأقلام فى موضع الأرواح، والأرواح هواء لا يؤتمن، لا رباط بينه وبين جهات الإنسان، نعرف الطريق صوب كل الجهات
ولربماأغنية تمخر عباب حبال صبرك الصوتية، لكن ليس ثمة طرب يستدرج الرقص، لحظتئذٍ يكفى فقط أن تصغى لرنين أجراس الكلام وهى تدق وتنتقل بين فجاج الوقت، عندها يتبرع دمك ليصبح حبرا، وتأخذ اللحظة هيئة الورقة، ونكتبنا، تكتبنا، نكتبها، ويؤتى القلب كتابه من على كل النواحى
حاولت أن أقتفى أثر هذا الطعم فى أرض الكتابة، فيك يا صلاح
فهنا، ما عاد فى حقول النشيد أثر للخضرة، خضرة القصائد، تلك القصائد التى تقوم مقام النهر
وهل هناك سبب لحضور النهر غير الظمأ ؟
نعم
أسباب عديدة، فحيثما كان الماء لا يكون للرماد إسم
وستمتلئ الموائد بما لذ من أطايب الإرتواء
فلترمنا يا صاحبى بقطرات من نهريك، أزمنة الرحيل وهتاف النهار، وأتخيل أن لونيهما أزرق وأبيض
ابذل قليلا من موجك وانشره على خدود "قيف" الإشتهاء هنا
قد لا نظمأ بعدها، وسنملأ "أزيار" الغناء
أما بعد
حضورك يكتب كل أسماء الزهو، فنعلو
وإسمك يزين جنبات الوقت هنا يا صلاح، فنغنى ونفرح
ونحيا
| |
|
|
|
|
|
|
|
|
|
Re: شغف (Re: salah ismail)
|
المسافة
المسافات يا صلاح
تغرى أقدام الروح بالمسير
تراودها عن خطوتها
وهى تضمر المسير
ربما الإسراء ليلا فى ضوء الشغف
شغف التمنى
"البحرق الروح"
مرة تعرف يا صلاح، زول صاحبا لى
زول حلو
قال لى، وما عارف المناسبة شنو
واصلا اظن ما كان فى
قال لى
بتتمنى شنو فى الجنة
بعدين ببساطة ظريفة جدا
زى كأنه بقول ليك
تشرب شنو
والويتر شايل دفتره الصغير داك ومستنى قرار تشربو شنو
قلت ليه
أنا خليت التمنى
من شدة ما حار يا صلاح
قلت ليه لو أكيد بضمن يتحقق هسه
ما خاتمنى اصله
حار ياح
هو بس عشان ما جربه ساى
| |
|
|
|
|
|
|
|
|
|
Re: شغف (Re: هشام المجمر)
|
كيف الحال يا هشام
طولنا من شوفتك يا زول يا سمح
الصهوات مسرجة
والريح صديقة يا مجمر
لكين المسافة ائما ما تتآمر
علينا وعلى نوايا الشمس
والشغف داء العاشقين
ابقى طيب يا هشام وسعيد
| |
|
|
|
|
|
|
|
|
|
Re: شغف (Re: Elmosley)
|
يا موصلى
فضلة سماحتك ياخى
فضلة خير جمالك
إنت والزيك ما خليتو جمال للباقين
من تالاكم بتنبع انهار الإبداع
والناس سقيا وشراب و رى
جيتك وشوفتك يا يوسف
بترد روح اللحظة الكفيفة
ويعود لينا بيك بصر الفرح
حيتواصل الشغف يا ابا يعقوب
شكرا يا زول يا خريف
| |
|
|
|
|
|
|
|
|
|
Re: شغف (Re: محمد عثمان)
|
محمد عثمان
أهلا يا زول يا نغم
شوفتك بتفتح مشاريع الفرحة فينا
تسعد وتطيب دائما
قول آمين
| |
|
|
|
|
|
|
|
|
|
Re: شغف (Re: أبوذر بابكر)
|
أبا ذر ،،
شغف تاوق
بمد يدينو يتحسس
صباحتنا الملانة حنين
وليلاتنا الملانا سهر
دخلت هنا كي أسجل إعجابي
ودهشتي التي كلما أقول أنها توقفت
سقتها اتساعاً ...
لك المحبة أيها المطر
وما زالت أرضي بحاجة للخضرة
فاهطل كيف شئت
مرفق :
حبي الكبير
بـــــادي
| |
|
|
|
|
|
|
|
|
|
Re: شغف (Re: مهند الجيلي بادي)
|
كيف الحال يا مهند
وينك ياخ
وعساك طيب وشديد
طولت ما جيت هنا يا مهند
وطولنا نحن ما ضقنا طعم ثمر حروفك الحلوة
مستنين إبداعاتك الخضراء يا مهند
وضوت ساحة الشغف بى جيتك والله
| |
|
|
|
|
|
|
|
|
|
Re: شغف (Re: أبوذر بابكر)
|
لك أن تألف وحشة الجدران
داخل هذا البحر
أو تتحالف مع الماء ويلتهمك جوع الجمر
هل من مزيد؟
قال المنادى
إصغوا وأسمعوا
لا رحيق بعد اليوم سوى هذا الدخان
لا كلام بعد الآن
فالأبجدية العذراء قد حلت ضفائر حرفها
ونامت بين جدران البحر
ليس بين الماء والماء
غير الحمى
حمدا لألهة التراب
فهى لا تجيد سوى مكائد اليباس
ونصب شراك غبارها القديم
للعاشقين
| |
|
|
|
|
|
|
|
|
|
Re: شغف (Re: أبوذر بابكر)
|
(5)
كانت العصافير فى سالف الحنين
تمشط أجنحة الغروب بالغناء
كانت تغزل مناديل الجروف
بهمساتها الملونة
أيام تولد فى مهاجع الحصى
قريبا من شفة النهر السفلى
تستقبل إبتسامة الغرقى
ونواح العشاق
تسخر ممن أتوا طالبين مودة الماء القديمة
من أين لك هذا الثوب الموشى بحناء الفرح؟
قالت من دمى
مما ادخرته عميقا فى مخيلة المساء
كانت تبلغ من العمر
ما بين مولد الأمنية وموت الوردة
كانت شغوفة بالمطر وحكايات العائدين
| |
|
|
|
|
|
|
|
|
|
Re: شغف (Re: أبوذر بابكر)
|
Quote: كانت تبلغ من العمر
ما بين مولد الأمنية وموت الوردة
كانت شغوفة بالمطر وحكايات العائدين |
ولاتعلم أن الورد لايُعد ذبوله موتاً..
فاليابس منه إن سقط على الأرض بشّر بخصوبتها
وأهدانا حقولاً من أمانٍ
كل أمنية ترتفع قامتها حتّى تلامس سماء التحقيق..
يحملها السحاب..
لايتخيّر الأرض التي يظلّل..
ولا التي يغمرها بالندى..
ولكننا نتخيّر الورد الذي ينبت منها،
والذي تصاعد قبلاً
فصار أمنيات هطلت علي ك!
| |
|
|
|
|
|
|
|
|
 Re: شغف (Re: تماضر الخنساء حمزه)
|
المطر
شغف
حاولت مطاردة اللغة
لتُنجِب شغفي بتهويماتك هنا
وكان (دالي) حضوراً و أنت تستنجد بجميع مشائخ الكلام
وتوقد تقابة
وتلوّح
بلوح
ودواية
وتدعونا للصلاة!!
وفي الذاكرة
مقطع متواطئ مع أشتهائي لك
قريباً من ذات المكان
تواعدنا جهراً
قال القمر
قوموا ألي عشقكم يرحمكم الله
فقمنا
كان طعمها أزرقاً
مثل حضور الغيمة
وهي تهم بعناقِ الطين
ـــ
كل ما أخشاهُ
أن تفسد الذاكرة
روعة شفيف الكلام
ـ
سأعود لكي أصلي!!
| |
|
|
|
|
|
|
|
|
|
Re: شغف (Re: حبيب نورة)
|
حبيب النجمة
وقسانا
إنت ياالدانيات قطوفك
النوبة دقت
والليل درويش مجذوب
حى قيوم
فرح مرسوم
الليلة بقت
بعطور النور
والغناى صدح يا دوب
الطعم يا حبيبها كان
أزرق زى نوايا الغيمة
وإنما المحبات بالنيات
والنية ريحة الزول البتصل السماء
أحوالك شنو يا ود بهيج ؟
| |
|
|
|
|
|
|
|
|
|
Re: شغف (Re: تماضر الخنساء حمزه)
|
ويهطل حرفك يا خنساء
حضورا خريفى الطعم
فنستقى وتبتهج حقول الكلام
ولا نتخير أى الورود أعلى لونا وأزهى معنى
ففى كل حرف من لدنك تجلس ألف وردة
وفى كل وردة ألف أغنية ملونة
تحياتى
وكل ما لدى هذا الصباح من ندى
لكِ
| |
|
|
|
|
|
|
|
|
|
Re: شغف (Re: أبوذر بابكر)
|
(7)
الفضاء مستودع أسرار الضوء
الضوء قنينة عطر سماوى
العطر وجهها
ووجهها الحياة
العصافير تبتدر الحنين
الشمس سفينة بلا قلب وبوصلة
والشعراء أشجار حزينة
| |
|
|
|
|
|
|
|
|
|
Re: شغف (Re: أبوذر بابكر)
|
(8)
ويجو الأطفال
يتلملمو فيك
بستان وجمال
حلاوة عيد
رسموكى معاى
خربشه فى كراس الريد
ضحكات ونشيد
سووك موال
مليان بى بالفال
وأتلملم فيك
أواصل رسمك
شموس بتقول القصه
مقام ومقال
| |
|
|
|
|
|
|
|
|
|
Re: شغف (Re: أبوذر بابكر)
|
تحياتي
أيها
الشاعر المطر...
ومحبتي...
وليكن هنالك متسع ممتد ومتواصل لهذه السدرة
فالرب يحادث من يسرون إليه بأي صورة من الصور
لأنه يملك نواصي دواخلهم النقيةالشفيفة ...
and the
clean souls
talk to the
mercy
of God
....
talk to God
have a great sunny
... full of shine day
| |
|
|
|
|
|
|
|
|
|
Re: شغف (Re: Safa Fagiri)
|
تحايا وتقدير يا صفاء
يزداد اخضرار المكان دوما
بنعمة هطولك السخى
وتمتلئ شرايين اللحظة هنا
برحيق الصفاء
وتجرى لتسقى كل الأرجاء
فنرتوى
أحييك وأهديك الود كاملا
| |
|
|
|
|
|
|
|
|
|
Re: شغف (Re: مهند الجيلي بادي)
|
أكيد أكيد يا مهند
ما بنتهى
سرمدى زى حلم العشاق الموجوعين
زى فينيق الأمنيات العصية
قدر ما تقول خلاص فاتت ومشت
تانى تقوم من نص رماد الوجع
خالد زى باقى كل الحاجات السمحة
زى الشمس والصباح ونسمات الأصيل
زى البحر وزى النخل
العشق موت فى الخفاء
ووجهكِ البستان
يربض باسما
في قلب كُرَّاسَتي
تبتسم الأناسيد الندية، غبطةً
وينهزم البكاء
يضحك الجمر اللئيم، غبطةً
فيهزمنى البكاء
ومرفق ليك
حقل كامل مليان سنابل محبة
| |
|
|
|
|
|
|
|
|
|
Re: شغف (Re: إيمان أحمد)
|
أهلا يا إيمان
أريتك طيبة وحالك زين
حضورك بفرش الدنيا كلها
طمأنينة ومعنى وإيمان
وكل عطر التحية الفيها ليك
| |
|
|
|
|
|
|
|
|
|
Re: شغف (Re: أبوذر بابكر)
|
سلام للزول الرقيق السمح .. أبوذر
لولا تغريدك فى هذا المكان لجفل كثيرون
ندخل لنقرأك
و نخرج من غير سوء مليئون بك
و فى إنتظار غيمتك و بنيوتى
| |
|
|
|
|
|
|
|
|
|
Re: شغف (Re: Ali Alhalawi)
|
سلامين وزيادة ليك يا حلاوة
الشهير ب على الحلاوى
وبيك تتعطر الغيمات
ويغنى النهار أناشيد الفرح الأخضر
تطيب ايامك إن شاء الله
وتسعد سنينك
| |
|
|
|
|
|
|
|
|
|
Re: شغف (Re: أبوذر بابكر)
|
صديق الحروف
لك في القلب معزة والذي فيه يبقي دوما أكبر من كل الكلمات
لا إله الإ الله...
نحاول تتبع مسارك ...أخيلتي يرهقها عناء الركض خلف الكلمة المدوزنة وإن طالت يخلب أبصارها بريق النشيد..فالسروج كسيرة وأنا علي حافة الحدوة أقف في وتيرة تسابق علني الجم بعض من هذا الجمال..
أيها المطر
تلبسنا بإخضراركـ زهوا نفاخر به وجه العالمين...لك الحب أيها المرسوم بين أقواس الكلم الدافئ وريحانة الحروف..
لك الود بقدر ما وهبتنا من دفق .
آدم العشا
| |
|
|
|
|
|
|
|
|
|
Re: شغف (Re: Adam D.El-Asha)
|
آدم العزيز
السلام عليك والمحبة
يا سمى أب البشر أجمعين
فمن لدنك با صديقى
يجرى نهر الحروف لنستقى منه
مدادا يسربل المكان ويبهج الزمان ويروى الروح فينا
ودوما يذهب حضورك ظمأ النفس
ويهطل فرحا وسعادة لا تنتهى
بل تبدأ وتمتد لتخضر وتؤتى أكلها
ثمر معزة عالية مثل معناك، سموا وصدقا
فلك يا صاحبى
كل ما تملك الروح من محبة ومعزة
تليق بمقام روحك الطيبة
| |
|
|
|
|
|
|
| |
أبوذر بابكر
Elmosley
هشام المجمر
salah ismail
مهند الجيلي بادي
حبيب نورة
Safa Fagiri
إيمان أحمد
Adam D.El-Asha
فيس بوك
تويتر
انستقرام
يوتيوب
بنتيريست