|
Re: شوووووو بالطريقة (الما صح)..يوجد استعراض (Re: سارة علي)
|
وجني وجن الزول البيكون عامل كديس مغمض.. وهو اسد عيونو مفتتتتتتتتتتتحة... ــــــــــــــــــــــــ ما تجيني يا ود الصايم تقول لي هو اسد لكن ظروف السودان قلبتو كديس.. (هههههههههههههههه) ياخ انا فيني روح فكاهة مبالغ فيها.. مافي واحد يجي يقول لي نكتة قديمة...عااااااارفة
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
البوست المورمني دة يدي ماكلاني فيه شدييييد.. كل ما اجي عشان ارد ... اقول يا بت يا سارة مافي داعي اتجاوزي الموضوع ما بيخصك...
عشان كدة جيت فتحت لي بوست اتفشي فيه.. بوستيني دة بالنسبة لي زي المخدة البعضيها لمن آخد التطعيم... ـــــــــــــــ في واحد فهمني وداير يتفشي؟؟
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
بمناسبة حقنة التطعيم.. اذا انا الليلة عيانة ودايرة اموت اجي افتح بوست واقول انا عيانة اتعالج كيف يا (مهندسين) البورد ولا امشي طواااااالي للدكتور؟؟
ـــــــــــــــــــــــ مع العلم اني عملتا قبل كدة لكن ما فتحت بوست وما كنتا دايرة اموت لكن سالت د.امبدة..
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
أحييييي يا سارة
من أمبارح أمشي وأجي أمشي وأجي
وملاوزة ياربي أتكلم واليحصل يحصل ولا أسكت ومرارتي وفشفاشي أنا برضو يلحقوا الزينين
في النهاية "غررت" أسكت خصوصاً بعد نصيحة المقربين في الفترة الأخيرة بأن أخفف من حرارة قلبي دي شوية
لكن جيت لقيت البوست دا وآدي قعدة
أها
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
Quote: لكن ماااااا بقدر اتجاوزا... بتفقع بنكرياسي... |
.. كدي يا سارة اديني عينة من البنكرياس قبل الفقع .. ومرحلة ما بعد الفقع .. مع مقارنة بسيطة بين بنكرياسك ومرارة عزاز وحيطة أميرة الشيخ .. اتمنى لك التوفيق
بعدين دا منو الكضب عليك وقاليك ما مشتاقين ولا اي حاجة ؟؟ إنت بتصدقي ساكت من طرف ؟
| |
|
|
|
|
|
|
Re: شوووووو بالطريقة (الما صح)..يوجد استعراض (Re: tmbis)
|
والله يا تمبس فقدتا مقالاتاك ونظرياتك في البورد..
وبالجد مشتاقين...
ـــــــــــــــــــــــــ
Quote: كدي يا سارة اديني عينة من البنكرياس قبل الفقع |
شفتا يا عزيزي القارئ,,,,دة المجنن بوبي ذااااتو... دة مثال للمهندس الداير يسمكر بنكرياسي..
تامبا البينا عامرة...لكن اعمل شنو جبتني مثال مدردق لمداخلة سابقة.. ولا استطيع ان ادع الفرصة تفوتني..
واتوسم فيك الذكاء
| |
|
|
|
|
|
|
Re: شوووووو بالطريقة (الما صح)..يوجد استعراض (Re: omer osman)
|
Quote: اليومين ديل ما متابع ممكن تساعدينا باللنكات ما أمكن |
ما كلو منك.. هسه لو كان رفعت لينا اسابيع البورد ما كان صرفتا عربي,, وما كان جنابو فهم القصة(اشك يا عمر انك عرفتا بي نسبة 99%)
ـــــــــــــــــــــ
علي العموم يا ود العم لو جبت لينك..الهواء بيقسمو..
دة ما بيستحمل اي لنكات
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
وبما اني روقت حبة بعد شراب كوب قراند استربري آند كريم.. ولغير الناطقين بها دة شراب مافيهو شي ..بشرحو في هامش المداخلة,,,
وبما انو شايفة اني كتبتا بوست فقررت اني اغير الموضوع واستفيد من البوست..
ـــــــــــ استربري اند كريم= فراولة باللبن بي الكريما
واصلا ما شربتو مشتهياه لانو الساعة خمسة صباحا..والاستاربوكس مقفل
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
فبفتش لي في ود ناس مقطوع من شجرة موثوق به لا يتعاطي المكيفات .. ذو اخلاق عالية ولا تهمني الشهادات الجماعية .. امين..ويتحمل المسئولية,, وان شاب فوق الثلاثين من العمر وما بنختلف..
ومن يأنس في نفسه الكفاءة عليه الاتصال بــ 009900990099
ـــــــــــــــــــــــــــــــــــــــــــ
نسبت اقول اني بفتش في ود الناس دة عشان محل العماري.. ما عشان اعرسو..
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
Quote: فبفتش لي في ود ناس مقطوع من شجرة موثوق به لا يتعاطي المكيفات .. ذو اخلاق عالية ولا تهمني الشهادات الجماعية .. امين..ويتحمل المسئولية,, وان شاب فوق الثلاثين من العمر وما بنختلف..
|
ياسارة سلامات
الكلام التحته الخط ده ما ممكن تعيدى فيه النظر ؟ عاوزين نترشح وكده
Quote: الاتصال بــ 009900990099 |
اتصلت بالرقم بدينى مشغول طوالى, الظاهر الاقبال كبير زى برامج الاذاعة والتلفزيون البقت كلها تلفونات
اقعدى عافية
| |
|
|
|
|
|
|
Re: شوووووو بالطريقة (الما صح)..يوجد استعراض (Re: محمد البشرى الخضر)
|
Quote: انا مفكرة اعمل مشروع للعماري الجيد في امدرمان جنب سوق امدفسو.. فكرك بيجيب لي كم في الشهر؟؟؟ |
وكان ما فاطر ما تخاطر!!!
تبالغون أحيانا أيها السودانيون!!! تفتحو بوست !!! ما يشتغل تقلبوه محل تمباك!!! المهم إنت هرشوك ولا هرشوك!!!
تهبش السلك العريان ,, كهربا طاقاك طاقاك!!
تحياتى,,
| |
|
|
|
|
|
|
Re: شوووووو بالطريقة (الما صح)..يوجد استعراض (Re: أيمن الطيب)
|
Quote: تفتحو بوست !!! ما يشتغل تقلبوه محل تمباك!!! |
يعني يا ايمن مالك داير تقطع رزقي..
يعني تبقي علي عنوسة وعدم قروش؟؟ هسه سودانيز اون لاين دي كلها بقت محل عماري.. بقت علي بوستيني الصغيروني دة؟؟؟
ــــــــــــ عندك كيس مجان يوم الافتتاح.. بس بطل نقة وما تجيب لينا الهوا...
| |
|
|
|
|
|
|
Re: شوووووو بالطريقة (الما صح)..يوجد استعراض (Re: طارق جبريل)
|
اشكرك يا ود جبريل..
ويا ريت تسمح لينا نستخدم الصورة دي في اليافطة المضيئة .. وحقك طالع..
ـــــــــــــ اقول حقك لا طالع ولا حاجة.. هسه ذكرتني انو رمضان علي الابواب.. معناها لازم أأجل البيزنس لحين من الزمان.. (غايتو حين من الزمان وتمباك ما خايلين مع بعض)
| |
|
|
|
|
|
|
Re: شوووووو بالطريقة (الما صح)..يوجد استعراض (Re: سارة علي)
|
Quote: يعني يا ايمن مالك داير تقطع رزقي.. يعني تبقي علي عنوسة وعدم قروش؟؟ هسه سودانيز اون لاين دي كلها بقت محل عماري.. بقت علي بوستيني الصغيروني دة؟؟؟ ــــــــــــ عندك كيس مجان يوم الافتتاح.. بس بطل نقة وما تجيب لينا الهوا... |
يا سارة الحمد لله إنك إتفشيتى أو هكذا كما خُيل لى,, الله يفشنا نحن,,,
ما تشيلى هم يا السرة ,, القدم ليهو رافع وبجى البستاهلك يا ست البنات,,هذا بخصوص ذاك الخصوص!! وبخصوص القروش يا عزيزة السعادة وضا النفس وروقة البال سترة حال لا تُقيم بمال,,,
كيس تمباك سغيرونى دا شغل فرافير وحناكيش نحن ناس نيفيا مرورا ب21 وصولا إلى علبة الكوبنهاجن بالعدم,,,
يو ميد ماى داى (مع الإعتذار لصاحبة الأغنية
تحياتى,,
| |
|
|
|
|
|
|
Re: شوووووو بالطريقة (الما صح)..يوجد استعراض (Re: طارق جبريل)
|
Quote: عبد اللطيف انا ما غضبانة.. بس يدي ماكلاني علي الرد في البوست المعني..
وزي ما قلتا الموضوع ما بيخصني.. لكن علي قولك...النروق.. |
شفتي عليك الله الأخوان الحلوين الهنا ديل جهجهو ليك الدبرسة دي كيف؟؟
والله حقو نفرح ونحتفي بالذين ينثرون الفرحة عنوةً في زمن القحط هذا ، طارق جبريل وآخرين،،
أما المعكننين فهم للأسف أصبحوا الأصل فلندعهم لكل شأنهم،،
= الروقة خايلة عليك ،، بس البروفايل لو سمحت،،
| |
|
|
|
|
|
|
Re: شوووووو بالطريقة (الما صح)..يوجد استعراض (Re: عبد اللطيف بكري أحمد)
|
Quote: يا ايمن لكن سارة قبل ما تفتح محل العماري ما عازة تدينا ولا سفة ياخ هههههههههههه مع اننا ما بنسف |
والله يا طارق الحقيقة الواحد كان عاوز يواصل معاك فى الجزئية لأهميتها الشديدة وفجأة كدة الشخص بقى خايف السرة دى تقوم تزعل مننا وبالمرة كدا ترشنا ليك عدد واحد بوست كارب وتقوم تنوم,,وتقوم تانى تلقى روحك معلق فى السهلة دى زى العتود والشلاليت ما تديك الدرب!!!يا طارق يااخوى والحق يقال جنس دا ما بنقدر عليهو باقى ناس صاحبك ود الصايم إتعودوا خلاص ودربم مرق
عشان كدا يا اللخو نشيل رابطنا دا ونتلاقى بالدرب !!!حاجة السرة هوى العفو العافية,, أدونا خاطركم ونتلاقى فى بوستات أرحب وأوسع,,بوستيك دا رغم خفة دمو لكن باقى لى ملغوم ممكن ينفجر فى أى لحظة وبنبقى فى التحلنا,,
مودتى,,
| |
|
|
|
|
|
|
Re: شوووووو بالطريقة (الما صح)..يوجد استعراض (Re: أيمن الطيب)
|
زعلان منك يا سارة وكت فاقع مرارتك للدرجة دي . طيب متين بقينا نسايب ما بتذكري اسمي جهرةً ؟
لكن يا اختي ما فقعتي مرارتنا و الدنيا قبايل رمضان ياخ !
Quote: استربري اند كريم= فراولة باللبن بي الكريما |
اسي معادلتك دي موزونة ؟ يمين اتنين ( فراولة و كريما ) و في الطرف اليسار ( فراولة و لبن و كريما )
و يمين بالتلاتة مشتاقين
مع اني مستعد الحس مكوة الكهرباء و هي شغالة و سلكا عريان لو فاهم حاجة ، لكن نوقع : ممثل المغضوب عليهم و غير الناطقين بها الحاقرين بيهم ديل !
| |
|
|
|
|
|
|
Re: شوووووو بالطريقة (الما صح)..يوجد استعراض (Re: أيمن الطيب)
|
Quote: والله يا طارق الحقيقة الواحد كان عاوز يواصل معاك فى الجزئية لأهميتها الشديدة وفجأة كدة الشخص بقى خايف السرة دى تقوم تزعل مننا وبالمرة كدا ترشنا ليك عدد واحد بوست كارب وتقوم تنوم,,وتقوم تانى تلقى روحك معلق فى السهلة دى زى العتود والشلاليت ما تديك الدرب!!!يا طارق يااخوى والحق يقال جنس دا ما بنقدر عليهو باقى ناس صاحبك ود الصايم إتعودوا خلاص ودربم مرق
|
ايمن اركز ياخ خلينا نشوف آخر الفشافيش حقت سارة دي شنو
| |
|
|
|
|
|
|
|