|
Re: صورة ................................. ممنوع الزعل (Re: Amin Mahmoud Zorba)
|
حسع علاقة الحكومة بالضبان الفى وش الشافع دة شنو؟ وأزيدك كمان ليس هناك علاقة بين الفقر والصورة أعلاه !! يعنى أم الطفل دة لو مشت بيهو أى ترعة ولا رهد أو قريبة من النيل وحمتوا ولبستو قطعة دمورية وحاحت الضبان من وشو ما كان أحسن..ولا منتظرة الحكومة تجيب ليها بف باف وترش وش طفلها؟
أتألم جدا من منظر أطفالنا (خصوصا فى منطقة سكنى بأمبدة) وهم متسخين ومبشتنين ومغبرين فى الشوارع.. لماا لا يكون هناك إهتمام من الاباء والأمهات بالنظافة الشخصية للطفل ودة ما رفاهية يعنى كشح الطفل بموية صباح ومساء وتقليم أظافره ومراقبته وغسيل ملابسه أو بأول ليست بالأشياء الصعبة..
مشكلتنا فى تعليق أى ظاهرة سالبة فى شماعة الح..
| |
|
|
|
|
|
|
Re: صورة ................................. ممنوع الزعل (Re: ombadda)
|
Quote:
حسع علاقة الحكومة بالضبان الفى وش الشافع دة شنو؟ وأزيدك كمان ليس هناك علاقة بين الفقر والصورة أعلاه !! يعنى أم الطفل دة لو مشت بيهو أى ترعة ولا رهد أو قريبة من النيل وحمتوا ولبستو قطعة دمورية وحاحت الضبان من وشو ما كان أحسن..ولا منتظرة الحكومة تجيب ليها بف باف وترش وش طفلها؟
أتألم جدا من منظر أطفالنا (خصوصا فى منطقة سكنى بأمبدة) وهم متسخين ومبشتنين ومغبرين فى الشوارع.. لماا لا يكون هناك إهتمام من الاباء والأمهات بالنظافة الشخصية للطفل ودة ما رفاهية يعنى كشح الطفل بموية صباح ومساء وتقليم أظافره ومراقبته وغسيل ملابسه أو بأول ليست بالأشياء الصعبة..
مشكلتنا فى تعليق أى ظاهرة سالبة فى شماعة الح.. |
..... دي حقيقة وصدقت فيما قلت .. التوعية والاهتمام بالنظافة للأسف قليلة جدا في السودان ....
| |
|
|
|
|
|
|
Re: صورة ................................. ممنوع الزعل (Re: ناصر جبريل)
|
الاعزاء عبد اللطيف
والطيب رحمة بجيكم راجع لكن كدي النرد على دكتور امبده
الفاضل امبدة سلام واحترام اولاً شكراً لمشاركتنا هذه المغسة انت قلت
Quote: حسع علاقة الحكومة بالضبان الفى وش الشافع دة شنو؟ |
كويس انت راجل في الحقل الصحي كما اعتقد
عندي كم سؤال
1/ برامج التوعية الصحية ( رعاية الامومة والطفولة ) ما عندو علاقة بالحكومة
2/ برامج الصحة الوقائية ( رش الباعوض ردم البرك ) ماعندو علاقة بالحكومة
3/ زيارة ضباط الصحة للبيوت للتأكد من نظافتها ونظافة المكان ماعندو علاقة بالحكومة
4/ صحة البيئه ما عندو علاقة بالحكومة
5/ التعليم المدارس الصحية ماعندو علاقة بالحكومة الخ الخ الخ
6/ هل الماء متواجد في كل مكان وفي اي وقت بدون متور واذا وجد المتور هل توجد الكهرباء
7/ هل دخل الاسرة يكفي في تمانية ساعات عمل لتعيش بشكل كريم مما يتيح لهذه الاسرة الاشراف على اطفالها
قلت يا أمبدة
Quote: أتألم جدا من منظر أطفالنا (خصوصا فى منطقة سكنى بأمبدة) وهم متسخين ومبشتنين ومغبرين فى الشوارع.. لماا لا يكون هناك إهتمام من الاباء والأمهات بالنظافة الشخصية للطفل ودة ما رفاهية يعنى كشح الطفل بموية صباح ومساء وتقليم أظافره ومراقبته وغسيل ملابسه أو بأول ليست بالأشياء الصعبة.. |
الالم حقك ده عشان يتحول لوعي محتاج برامج من الحكومة عشان كده نحن بنقول يا هو ده الفيل وخليك من الظل
وتسلم يا أخي على المشاركة زوربا
| |
|
|
|
|
|
|
Re: صورة ................................. ممنوع الزعل (Re: Amin Mahmoud Zorba)
|
لو جيت امدرمان اسأل عن شارع عربات موية البلاعات والفضلات الادمية والكوش
دي كلها بيكبوها هناك ورا التعويضات ، شمال الثورات القديمة بمسافة
بعد داك تخيل الناس هناك عايشة كيف مع الباعوض ورائحة البالوعات وفضلات
الاحياء الراقية(من عشرات الكيلومترات)..عارف الباعوض مع فضلات الجماعة ديلك المغذية بسبب تركيبتها الكيميائية الغنية
بالمشهيات للحشرات ..بيكون بعوض مدرع وذباب حقار وخليك من تلك الرائحة..
يعني الناس هناك منفي مع النفايات وتهميش مركب
| |
|
|
|
|
|
|
Re: صورة ................................. ممنوع الزعل (Re: عبداللطيف حسن علي)
|
Quote: لو جيت امدرمان اسأل عن شارع عربات موية البلاعات والفضلات الادمية والكوش
دي كلها بيكبوها هناك ورا التعويضات ، شمال الثورات القديمة بمسافة
بعد داك تخيل الناس هناك عايشة كيف مع الباعوض ورائحة البالوعات وفضلات
الاحياء الراقية(من عشرات الكيلومترات)..عارف الباعوض مع فضلات الجماعة ديلك المغذية بسبب تركيبتها الكيميائية الغنية
بالمشهيات للحشرات ..بيكون بعوض مدرع وذباب حقار وخليك من تلك الرائحة..
يعني الناس هناك منفي مع النفايات وتهميش مركب |
يا عبد اللطيف
تسلم شكراً ليك لنقلك هذه الصورة كتابةً ياريت لو مشيت صورتها وجبتها نزلتها هنا
يا امبدة مالك مبعد الخطى اسع الكلام الفوق ده نسأل منو ام الطفل ولا الحكومة يا امبدة جايك تاني وتالت ورابع
| |
|
|
|
|
|
|
Re: صورة ................................. ممنوع الزعل (Re: ناصر جبريل)
|
الاستاذ الفاضل جبريل سلام واحترام اعتذر عن التاخير في الرد وسماح
قلت بعد عملت اقتباس لكلام امبدة
Quote: دي حقيقة وصدقت فيما قلت .. |
انا ما فهمت أنت بتقصد كل كلام امبدة ولا جزء منه لو كل الكلام مابتفق معك
وبعد داك قلت
Quote: التوعية والاهتمام بالنظافة للأسف قليلة جدا في السودان .... |
يا اخي مسؤلية الصحة بشكل مباشر او غير مباشر هي مسؤلية تتحملها الحكومة تماماً
| |
|
|
|
|
|
|
Re: صورة ................................. ممنوع الزعل (Re: الطيب رحمه قريمان)
|
الاستاذ الطيب رحمة قريمان
مليون الف تحية وتقدير
شكراً كثير جداً على تواصلك معنا في هذا البوست
Quote: يا أخى الصورة دى عادية جدا ... تجدها فى كل أنحاء السودان و بكثرة !!!
لانه لا يوجد اهتمام بصحة البئة و لا صحة البنى آدم ... المراءة و الطفل ... او غيرهما |
طبعاً العادية هنا هي اس المشكلة ونحن من وجعة لي وجعة بنحس أن الوجعة الاولى احسن
الاهتمام من قبل الدولة بالمواطن وحياته صفر على الشمال ما معنى أن تكون عريان ولابس طاقية ماتفعله الحكومة هو بوبار في الفاضي
| |
|
|
|
|
|
|
Re: صورة ................................. ممنوع الزعل (Re: Amin Mahmoud Zorba)
|
شكرا زوربا على الرد العقلانى..
بس أن تساؤلى لم يكن: علاقة الحكومة بالضبان شنو؟ وإنما كان أكثر تحديدا:
Quote: حسع علاقة الحكومة بالضبان الفى وش الشافع دة شنو؟ |
يعنى الحكومة لم تفعل الأشياء التى ذكرتها فهل دة سبب لأم أو أب هذا الشافع بترك الضبان فى وجهه هكذا يتغذى؟ حتى لو كنا فى القرون الحجرية حيث العيش فى الغابة فدة أمر غير مستساغ ولا أعتقد تعليق فشل تلك الأم فى رعاية طفلها نعزوه لحكومة والدليل الصورة التى أوردها مزمل خير لطفل يافع فقير إلا أن بان نظيفا حليق الشعر وفمه نظيف...!!
نطالب الحكومة مثلا بمكافحة الذباب والناموس...ولكن إن لم تفعل فهل نترك البعوض والضبان يتغذى على أجسامنا بتلك الصورة المقززة؟ هناك أمم أفقر منا ولكنهم أنظف مننا !!
فبالإمكانات المتاحة يمكننا محاربة المرض بدل أن ننتظر قتل الفيل أو طعنه ...
| |
|
|
|
|
|
|
Re: صورة ................................. ممنوع الزعل (Re: ombadda)
|
Quote: يعنى كشح الطفل بموية صباح ومساء |
وهي في موية عشان يشربوها خلي يكشحوا بيها الطفل؟ .. لك ولأمين محمود التحية ...
والتحية للشاعر حاتم حسن الدابي الذي جسد حين قال :
كل الاغاثة المن وزارة الصحة نطلبها أندرين أدونا صحة بيئة نرقد ونستكين بعد داك البحر كان قلتو سدو من الفراعنة نردمو طين
أبو قصي
| |
|
|
|
|
|
|
Re: صورة ................................. ممنوع الزعل (Re: ABU QUSAI)
|
الاستاذ الفاضل ابو قصي
كيفك وكيف احوالك والاسرة
والغربة ....
Quote: كل الاغاثة المن وزارة الصحة نطلبها أندرين أدونا صحة بيئة نرقد ونستكين بعد داك البحر كان قلتو سدو من الفراعنة نردمو طين |
دائماً مايعبر الشعر الصادق عن حال الوطن
والتحية للشاعر الدابي
ولك على اختيار هذه الابيات
والحديث عن تنمية الانسان في السودان موجع موجع حد السكلي
| |
|
|
|
|
|
|
Re: صورة ................................. ممنوع الزعل (Re: ombadda)
|
دكتور امبدة سلام رابع Quote: بس أن تساؤلى لم يكن: علاقة الحكومة بالضبان شنو؟ وإنما كان أكثر تحديدا: |
تساؤلك الاكثر تحديداً ده هو الاكثر اتساعاً شوف يا عزيزي الام او الاب او الاسرة من الذي يوعيهم بأهمية النظافة الحكومة هي مسؤلة مسؤلية كاملة عن فرع شجرة لو اتملخ من ريح نحن نسأل الحكومة والحكومة تمشي تعرف السبب الخلى الطفل وسخان سجمان ورمدان كده شنو ولا كلامي ده غلط
Quote: نطالب الحكومة مثلا بمكافحة الذباب والناموس...ولكن إن لم تفعل فهل نترك البعوض والضبان |
بالنسبة للحتة دي ممكن ارد ليك نفس الجملة بصورة مختلفة
( نطالب الحكومة مثلاً بمكافحة الذباب والناموس ...ولكن إن لم تفعل - فهل نترك الحكومة )
| |
|
|
|
|
|
|
Re: صورة ................................. ممنوع الزعل (Re: Amin Mahmoud Zorba)
|
الأخ / أمين
صورة عادية جداً في بلدنا ، حيث يفتقد الكثير التوعية والنظافة الصحية وهذه أمور شخصية وثقافة بيئة
وهناك أمثلة كثيرة لبيئات لا تمت لثقافة النظافة بأية صلة ، أقول هذا القول وأنا قابلاً الصورة ولست متقززاً ولا متأففاً .
والذي كنت سأفعله بدل ما آخذ له صورة بتلك الحالة ، كنت (هشيت عنو الذباب) وغسلت ليهو وجهو ووصيت والديه بالأهتمام بأمر نظافته . ( بس الخوف موية زاتها ما في)
| |
|
|
|
|
|
|
Re: صورة ................................. ممنوع الزعل (Re: Amin Mahmoud Zorba)
|
هذا هو تعريف المصور لهذه الصورة
In the Nubian villages along the Nile you see a lot of children with eye, nose and skin infections.
Nubia (not to be confused with Nuba, a collective term used for the peoples who inhabit the Nuba Mountains, in Kordofan province, Sudan, Africa) is the region in the south of Egypt, along the Nile and in northern Sudan. Most of Nubia is situated in Sudan with about a quarter of its territory in Egypt. In ancient times it was an independent kingdom
نفس المصدر
| |
|
|
|
|
|
|
Re: صورة ................................. ممنوع الزعل (Re: Amin Mahmoud Zorba)
|
تحياتى يا امين ام الشافع دا ياصاحبى - إن صدف وكانت على قيد الحياة - محمولة بالفقر بالجوع والهم والغم وهمها الاوحد انو تملى بطنو كيف ما اتفق وفى الغالب دا ياخد منها اليوم كلو ونص الليل وطالما هو حى فى زمن اللصوص ديل نضافته من الضبان والوسخ دا ترف ساكت .
--------
Quote: أتألم جدا من منظر أطفالنا (خصوصا فى منطقة سكنى بأمبدة) وهم متسخين ومبشتنين ومغبرين فى الشوارع.. لماا لا يكون هناك إهتمام من الاباء والأمهات بالنظافة الشخصية للطفل ودة ما رفاهية يعنى كشح الطفل بموية صباح ومساء وتقليم أظافره ومراقبته وغسيل ملابسه أو بأول ليست بالأشياء الصعبة.. |
الاخ ombadda عشان انا برضو من امبدة اقول ليك كلامك نظريا صاح لكن عمليا دا وضع الموية فى امبدة ...
تعاني أم بدة الحارة «20» قرب مستوصف شفاء العليل أزمة حادة في مياه الشرب منذ «3» أسابيع ويقف المواطنون في انتظار تناكر المياه في صفوف طويلة منذ الصباح الباكر حتى موعد قدوم التانكر.. ووصل سعر الجركانة الواحدة «500» ج من كاروات الحمير.. وقد وصلت المعاناة الى شراء بعض الأسر المياه بالآجل أو الدين لضيق ذات اليد.. وأصبح استخدام الماء فقط للشراب وتركنا نظافة ملابسنا.. وقد تصل ميزانية شراء المياه إلى «4» جنيهات. رباب الطيب مدني - أم بدة الحارة «20» الراى العام :الثلاثاء 16 يونيو 2009م،
| |
|
|
|
|
|
|
|