|
Re: الــرد .. الــــرد .. صــافـات والــسـد (Re: omer osman)
|
تعرف يا جنابو مسألة انك تبقي كوز دي ما عندي عليها اعتراض زي مسألة انو يبقي واحد شيوعي لانو اسرنا كلها فيها كيزان حتي وزراء وفيها شيوعيين اتجردوا من مناصبهم وبقوا عطالي وهم لو لقوا فرقة فيكم برضو فرصة احتمال ما يقصروا معاكم اختلافي مع سياسين البورد بما فيهم كيزان وشيوعيين وغيرهم من سياسيين البورد حاجة واحدة بس: بتجيبوا معلومة ناقصة وبتبنوا عليها حملاتكم التعبوية والانتخابية تبرريرات وجودكم في السلطة وبتصروا عليها
نقة كتيرة ما حبابا مصانع السكر يا حبيب
سكر كنانة ياخي: خش الوصلة دي الهي الموقع الرسمي للشركة http://www.kenana.com/broadband/kenana.htm وعشان ما اطلع كضاب لو ما في زول يعرف التفاصيل ،الموقع مقدمته فلاش يدخل علي this is kenana وتحت علي shareholders
كم تملك حكومة السودان والشركات الوطنية من نسبة الأسهم فيها عشان نتفاهم عندك كالكيوليتر عشان تجمع معاي؟؟؟
35.63 : حكومة السودان 0.16 : شركة قلف فشريز (محتار شركة زي دي عودها ركب هنا كيف؟) 30.50: هيئة الاستثمار الكويتي 4.45: consortium of Sudanese banks 5.66:Sudanese Development Co 10.92: حكومة المملكة العربية السعودية Arab Investment Company S.A.A : 6.96 5.56: الهيئة العربية للاستثمار
تجميع بسيط: نسبة الاستثمار الاجنبي مقابل الوطني = 54.1% مقابل 45.9% حسب القانون التجاري يا جنابو لشركات المساهمة العامة هل كنانة شركة سودانية؟؟؟ مع الغلم هل سمعتم بالشركات الوطنية المساهمة اعلاه؟؟؟ هذه شركات قرار سياسي يفرضه النظام علي المستثمر الاجنبي رجالة و قوة عين
برضو شركات السكر والاسمنت التانية جاينها
يا جنابو ياخي لما ترفعوا خبر راعوا انو في معلومة مبهولة في الانترنت...لو ما عايزين تراعوا ياخي اطلبوا مطبوعات من الشركات دي ياخي والله لو كنت بقيت كوز في المنبر ده كان راتبي بقي 28 مليون في الشهر ده دعاية ما بتعرفوا ليها يا كوادر يا سياسية ياخي دي مصيبة شنو
ليك ولي زمانك يا جنابو انت لما كنت ضابط انا كنت في الثانوي ...الزمن اتغير...استقوا المعلومة وقارنوها في كم حتة قبل تفرشوها لينا هنا
| |
|
|
|
|
|
|
Re: الــرد .. الــــرد .. صــافـات والــسـد (Re: GamarBoBa)
|
الاخ قمر بوبا تحياتي
انا قلت ليك دور زي ما انت عايز بس رأسك مايلف لكن ما سمعت النصيحة ورأسك لفه وبقيت تقول في كلام بصراحة ماعندوا معني
شنو يعني الشركة السودانية والا صينية المهم مصنع السكر في السودان ويستفيد منه اهل السودان وبتشتغل فيهو عمالة سودانية
خليك من السكر خد مثال شركة (زين) السودان موبيتل سابقاً مش شركة كويتية فيها كم كويتي شغال في فرع السودان وفيها كم سوداني
وفي كم مليون سوداني مستفيدين بشكل او اخر من وجود استثمار زي ده في السودان من الببيع اسكراتش للبيع موبايلات ... الخ
مصانع الاسمنت عطبرة ... السلام .... الخ بتستوعب عمالة سودانية كم ........
العبرة هي بقيام استثمارات ضخمة في السودان بغض النظر عن الملاك والمستفيد في النهاية السودان وشعب السودان.
| |
|
|
|
|
|
|
Re: الــرد .. الــــرد .. صــافـات والــسـد (Re: ياسر عبدالكريم محمد)
|
هييييييييييييع ..
ابشر بالخير يا اخونا عمر ..
لقد تابعت الاحتفال منذ بدايته . تابعت الطائرات وهي صناعة سودانية 100% وهي تحلق فوق هامات السحب وبهامات المجاهدين من الابطال في مجمع الصافات .
شاهدت السيد الرئيس المشير عمر حسن احمد البشير باني نهضة السودان الحديث وعلامة الرضا والفخر والاعزاز تبدو على وجهه
وجه الخير والسعد والفأل الطيب .
شاهدت الجموع الجامعة التي حضرت هذه المناسبة القومية وهي تهلل وتكبر ايذانا بدخول السودان عالم صناعة الطائرات
خطة خمسية اخي عمر نمتلك فيها خمسين طائرة بعون الله .
سننتقل باذن الله لصناعة الطائرات الكبيرة والعملاقة في وقت قصير ان شاء الله ..
الله اكبر .. الله اكبر .. الله اكبر ..
اللهم احفظ السودان وقيادته من كل مكروه..
اللهم احفظ الرئيس البشير من كل شر والقم اعدائه حمما بركانية ...
| |
|
|
|
|
|
|
|