مبرووووك عليكم.. تخفيض الكهرباء... مالكم ما جبته سيرتها؟؟؟؟؟؟ ولا بس فالحين تهاجموا في محمد فرح

Quote: معقول يا ميادة إنتي الكنتي وين؟؟؟ التخفيض دا طلع وهمة كبيرة ديل خفضوا الدعم العملوهو لينا مش خفضوا لينا الكهرباء تابعي في الرابط دا

Quote: سلام ياميادة كما قالوا التخفيض (الوهمة أو الكذبة) كغيره من وعود رئيسنا الفلتة... تصدقي عشرة جنيه فقط؟ والمواطن سدد قيمة الأسلاك ، الأعمدة ، المحولات ، العدادات القديمة والجديدة ، وأجور المهندسين والعمال صينين ووسودانيين ، وكمان رسوم شبكة ، ورسوم عداد وحاجات تانية .. يعني من حق المواطن أن يستأجر (شركة) بالإختيار لتدير هذا المرفق الذي أصبح (150%) ملكا خاصا من أملاكه .. لكن حكومتنا اللا رشيدة مصرة على مواصلة لعبة الوصايه على الشعب في كيفية إدارة أمواله .. الله غالب بالمناسبة دخل الكهرباء أضعاف مضاعفة يفوق دخل البترول .. أين هو ؟ الشفيع إبراهيم

Quote: أنت كنت وين يا ميادة ؟؟ بس ما تكون كهربتكـ كانت قاطعة ؟ أكثر من خمس أو ست بوستات تحدثت عن الموضوع في الربع الماضي و الحكاية طلعت زوبعة في فنجان حيث أن التخفض يبلغ فقط عشرة جنيهات شهرياً و هو ما أثار حفيظة الجميع بما فيهم ملاسي .. تصدقي؟؟ ما تفرحي شديد والله فاتورة المحل ترجعي تلقيها عشرة مليون

Quote: ولو أديتي الفكرة لأقرب كهربجي أو كهربجية جنبك تكوني ما قصرتي

Quote: الاخت مياده كدى خلصى الدراسه فى الاول والباقى هين بتلقى ليك خبر تقدرى ترفعى كويس وبجيب دخل ان شا الله .....................................................

Quote: سلام قلنا ليكم سعر الكهربا كويس خالص ولو عايزين يزيدوها يزيدوها.... الكلام ده انا قلته في بوست السيدح التتوفر في عضمها الكهرباء الباقي ما مشكلة. بالله من تصريح ناري لرئيس الجمهورية30% للقطاع الزراعي 25% للسكني تجو تصفي الحكاية علي عشرة ألف والخم لزومه شنو والنسب الكبيرة ما كان يقول عشرة الف ويريحنا من البداية

Quote: مبروك,,,,,,,,, يا مياده علي الصابرين والمنتظرين والذين يعرفون الفرق بين سعر وسعر أولئك هم الذين يستحقون ان نقول لهم الف الف مبروك اما الذين ينتظرون أن يخذلوا فلن تستطيعي أن تغيري نظرهم من تلك الوحات العتيقة التي يحلقون فيها سبحان الله بعض الناس تتم برمجته مرة واحدة يموت عليها تحياتي ومبروك

Quote: سلام يا مياده والله المواطن لو نقصوا ليه جنيه واحد برضو كويس معاه لكن دى نوعية الاخبار البتحبط أعداء السودان مش قالوا سد مروى كللللللللللللللللله طلع اشاعة وفشنك يعنى حاتنتظرى شنو من ناس زى ديل بالله وكما قال الشاعر قديما : قد تنكر العين ضوء الشمس من رمد وقد ينكر الفم طعم الماء من سقم ونحن نسأل الله ان يشفينا جميعا ويجعلنا نرى النور ونرى الشمس فى رابعة النهار ولا نحتاج لأحد لكى يشير لنا عليها حتى نراها ونسأله تعالى ان يجنبنا الهوى ويهدينا الصواب دوما ويجعلنا نرى حسنات خصمنا ولا نبخسه اياها وبذات القدر نرى نقائصه ونهديه الى الصواب عل ان يصيبنا من ذلك اجران ..

Quote: سلام يا مياده ومن غير العشره جنيه ، نورك عم البورد حمدا لله بسلامة العوده

Quote: ولا بس فالحين تهاجموا في محمد فرح

Quote: قد تنكر العين ضوء الشمس من رمد وقد ينكر الفم طعم الماء من سقم

Quote: (في أغلبها) لا تحمل تحتها كثير قيمة