|
شقق للبيع في الخرطوم
|
الاخوة و الاخوات بورداب الداخل و الخارج ابحث عن شقة للبيع بالاقساط في الخرطوم ...... اعلم ان هنالك شركات متخصصة في هذا المجال لكن حبيت اخذ المعلومة من اصحاب المعرفة و التجربة قبل مراسلة هذه الشركات ...
المعلومات المطلوبة هي لشقة غرفتين لاربع غرف ... المعلومات هي
1 القسط الاول 2 مدة تسليم الشقة مشطبة 3 الاقساط الشهرية و مدة الدفع 4 هل يمكن تاجير هذه الشقق 5 الشرط الجزائ اذا لم يتم تسليم الشقة في موعدها 6 الشرط الجزائ اذ تم دفع المبلغ في فترة اقل من الفترة المتفق عليها 7 الخدمات المتوفرة 8 اذا لا قدر الله حصل شئ للبناية قبل التسليم الضمانات المقدمة من الشركة و التعويض 9 اذا لا قدر الله البناية بعد التسليم وقعت هل لي ملكية في الارض (شراكة) ام انتهت الملكية بتدمر المبنى
و شكرا للمساعدة
|
|
|
|
|
|
|
|
Re: شقق للبيع في الخرطوم (Re: Alfarwq)
|
Quote: المعلومات المطلوبة هي لشقة غرفتين لاربع غرف ... المعلومات هي
1 القسط الاول 2 مدة تسليم الشقة مشطبة 3 الاقساط الشهرية و مدة الدفع 4 هل يمكن تاجير هذه الشقق 5 الشرط الجزائ اذا لم يتم تسليم الشقة في موعدها 6 الشرط الجزائ اذ تم دفع المبلغ في فترة اقل من الفترة المتفق عليها 7 الخدمات المتوفرة 8 اذا لا قدر الله حصل شئ للبناية قبل التسليم الضمانات المقدمة من الشركة و التعويض 9 اذا لا قدر الله البناية بعد التسليم وقعت هل لي ملكية في الارض (شراكة) ام انتهت الملكية بتدمر المبنى |
يا الفاروق .. منتظرين معاكـ ...
| |
|
|
|
|
|
|
Re: شقق للبيع في الخرطوم (Re: Alfarwq)
|
في شركات بتعمل القصة دي تبني والتسديد باقساط زي شركة الحجاز + سارية + النصر
انا اتعاملت مع الحجاز وعندهم موقع في النت وقاعدين في الفيس بوك
اها شوف
| |
|
|
|
|
|
|
Re: شقق للبيع في الخرطوم (Re: SHIBKA)
|
قيمة الشقة في الخرطوم...بتجيب ليك شقة في لندن...ومعاها شقة هوادة في مدينة نصر في القاهرة...
او شقتين في الدقي هوادة...
أو تلاتة شقق في شارع الهرم هوادة...
او تجيب ليك شقة في الزمالك... ومعاها...بيت في الكلاكلة شرق
شقق البناية الجنب عفراء مول بتتباع بي 200 ألف دولار...فيها غرفتين تدفع مقدم...25% والباقي اقساط مضمونة...من بنك...وتظل الشقة مرهونة الي ان تستكمل قيمتها...من الاقساط... واذا اخليت بقسط...حقك راح
| |
|
|
|
|
|
|
Re: شقق للبيع في الخرطوم (Re: Alfarwq)
|
أخي الفاروق... إلى أن تتحل مشاكل الكهرباء والمياه الصالحة للشرب والصرف الصحي في الخرطوم، اقترح عليك أن تبتعد عن مشروع الشقة وتبحث لك عن بيت... عليك أن تعلم أنه في معظم بقاع العالم كلما ارتفع الطابق الذي توجد فيه الشقة، زاد ثمنها، إلا في السودان بسبب مشاكل إيصال المياه إلى الأدوار العليا، وكذلك الصعوبات التي يواجهها الساكن بسبب الانقطاع المتكرر للكهرباء واضطراره للتسلق السلالم...
| |
|
|
|
|
|
|
Re: شقق للبيع في الخرطوم (Re: محمد الأمين موسى)
|
شكر يا محمد الامين للمعلومة ... سبب سؤالي هو ان سمعت من احد الاخوة ان الشقة بالتقسيط دائما تكون في وحدات سكنية مزودة بكل الاساسيات من مولدات كهرباء و تصريف صحي و شبكة تلفون و انترنيت و التقاسيط مريحة
| |
|
|
|
|
|
|
Re: شقق للبيع في الخرطوم (Re: Alfarwq)
|
انا بقسط واحدة مع النصر جنب عفراء....الاسعار تترواح حسب المساحة مقدم30في المية باقي تقسم علي 20 شهر..اذا كملت 80في المية يمكنك السكن او التاجير....الجماعة معاماتهم كويسة ومتعاونين..بس المواضيع مابنفع فيهاالا زيارة
انت قاعد وين برة ولاجوة
| |
|
|
|
|
|
|
Re: شقق للبيع في الخرطوم (Re: نادية عثمان)
|
يا خوانا ايجار الشقة تلاتة غرف في فلل جبرا ، الدوحة ، الصحافة ، الشجرة، النزهة .. بكم؟ في حالة مفروشة او ما مفروشة ؟ جزاكم الله خيرا _______________ رب اني لما انزلت الي من خير فقير
| |
|
|
|
|
|
|
Re: شقق للبيع في الخرطوم (Re: Alfarwq)
|
يا حبيبنا انت ماعاقل ولاشنو
كان تستشير قبل ماتفتح البوست كنا اديناك المفيد
السودان بلد العجائب والمفارقات
انت كان جادى ابعد من الشقق
واشترى ليك ارض وابدء فيها شوية شوية لما تنتهى حاتلقاها ده النصف المفروض كنت تدفعوا لجماعة الشقق.
----------------------------------------------------------------
بعدين انت وين مختفى اخبارك نسمعها من ناس كانبرا
بالله نشوفك قريب
| |
|
|
|
|
|
|
Re: شقق للبيع في الخرطوم (Re: elnawrani margan)
|
افضل شئ انو الواحد يكون عندو قطعة ارض يبنيها بمزاجو...لكن حسب تجربتي في السودان الحكاية دي غير عملية للمغتربين لانوالسودان حرامية تقعد ترسل في القروش بعد شوية المقاول يفك ليك مكنة الاسمنت غلا بعد شويةالمطرة نزلت ...ووو تلاقي روحك دفعت قروش كتيرة وتشطيب سئ وكلواخطاء اكعب من الاخطاء الطبية
...فالشقة افضل خاصة مع التزام شركات بمولدات خدمة لعالجة موضع الكهرباء...
شفت مجمع النصر الشكل الخاري ماعلي كدا..لكن التشطيب ممتاز.. والموقع ممتاز..والجماعة متعاونين في الدفعات... وكونك تدفع ستين ولاسبعين عشان تسكن شي معقول يحفظ حقوق الطرفين .. في ناس مجرد يسكنو مابدفعو...الشقق هي افضل حل لمشكلة الامتداد الافقي وتوفير الخدمات الخرطوم دي ممكن نحصر في مجمعات بسيطة توفر خدمات افضل... يعني الفايدة شنو يكون عندك قصرفي الكلاكة مادام مضطر تجي الخرطوم للشغل والوازارات والقرف دا .....
| |
|
|
|
|
|
|
|