وختامآ: أشكر المسلمين الذين لم يمارسوا معنا السقوط

Quote: ومهما هم تأخروا فإنهم يأتون

Quote: أرهقونا بحروبهم المتعده اشكالها لكننا لن نستسلم.. مسلمين ضد مسلمين وبالطبع أيضا ضد كل الاديان والمعتقدات.. كأن الله سبحانه وتعالي قال لهم الدنيا لكم وبكم انتم قط!

Quote: فلتبقي تلك الازقة..هي مافي ذاكرتنا..وزكرياتنا... وانتماؤنا الاصيل..الي(تراب) الوطن....ذلك الطين الذي خلقنا ,,كلنا,, منه اتينا و اليه نرجع... اما الطغاة...فما يزيدنا تسلطهم علينا,الي حبا الي بلدنا..(ناسه..حياته..محبته..اجتماعياته...و...و...كل الاشياء)

Quote: وشان خاطر ناس حلوين بحبوك وبعزوك انسي,وياكا رافت

Quote: أنت يا رأفت جزء من نسيجنا الاجتماعي وأحد مفردات التنوع الثقافي والاجتماعي والديني في بلادنا ...قوة بلادنا تكمن في الأعتراف بهذا التنوع وإثرائه ونبذ التعالي العرقي والديني والثقافي وبناء وطن يقوم علي أساس دولة المواطنة..........أنت منا وفينا يارأفت ولا يستطيع أحد المزائدة علي إنتمائيك ومواقفك.....

Quote: الله يجازى السبب فى غربتنا يا رافت ولكن ليتهم يعلمون ماتعلمناه من غربتنا وهو حـــب الوطن واحترام الاديان والآخرين وحرية الرأى وهذا يكفى بان تكون انساناسويا وتستحق العيش فى اى مكان فى العالم

Quote: كتب حسن نجيلة في سفره القيم ملامح من المجتمع السوداني

Quote: اذا طمبجت في مستنقع جدال اب وشين طمبج لكن تدق خروج صدقني ابدا ما مقبولة ما لسيسة منك يا قريبي

أنا قاعد قاعد يا أشرف .. وما عندى حلل ..
لكن "الطمجة مع هؤلاء مطلوبة .. ومعاهم زى شوكة الحوت .. بس أفلحوا كتير فى جذبنا الى مستنع حرب الأديان ..
زمان فى الديم ما تتذكر دينك شنو الإ يجى رمضان وتلقى روحك الوحيد الفاطر .. بالمناسبة دى زمان رجاء العباسى فتحت بوست إسمه لـو كـنـتُ قـبـطـيـا... موضوعه عن إضطهاد الأقباط فى مصر .. الجماعة سابوا الموضوع إنهالوا غزل فى أقباط السودان .. أفحمهم صلاح عبدالله بوصلة ديامية لامن آمنوا .. كتب:

Quote: رجاء .. سلام .. ما يحدث للإخوة الأقباط في مصر ، شئ غريب . غريب بي فهمنا نحن السودانيين ، لأنو ما اتعودنا على حاجات زي دي .. وبعدين لو في زول عايز يتكلم عن الأقباط في السودان ، فما ح يلقى حاجة يقولها .. وأي كلام يتقال ح يبقى كلام ما عندو معنى .. يعني شنو أقول والله هم كويسين ، وعشرتهم طيبة ، وما عارف شنو ؟؟ طيب ده ما شئ طبيعي ، لأنهم ببساطة سودانيين زيي وزيك ، وزي أي زول عايش في السودان .. ما عارف إذا قدرت أوصل فكرتي صاح والا لا ، لكن أنا عندى رأي في قصة التمييز الغريب ده !! وده بيحسس الزول كأنو الناس ديل مختلفين عنو ، وإنهم ما بيشبهوه ، وده كلام ما صاح أبداً ، على الأقل على مستوى منطقة ( الديم ) .. والله ما عرفنا ولا حسينا بفرق بين أي زول ( ساكن ) في الديم . وحتى في الكلية القبطية (حيث درست) كنا مسلمين ومسيحيين ، طلبة ومدرسين ، ما في أي فرق . بعد سنة تسعة وتمنين كتير من (السودانيين) هاجروا من السودان ومن ضمنهم الأقباط ، وده شئ طبيعي ، حكومة إسلامية ، وناس متشددين ، ومضايقات ، وسيطرة تامة على كل شئ في البلد ، الهجرة لكل من يختلف مع هؤلاء الانقلابيين كانت حق مشروع ، وحل وحيد. الآن بدأت عودة الطيور المهاجرة مرة أخرى، وقد التقيت بالكثير منهم في السودان لم تغيرهم سنوات الهجرة الطويلة ، بل زادتهم (سودانية) الواحد فيهم كأنو عايز يعوض سنوات الهجرة الطويلة ، تلقاهو لافي الاربعة وعشرين ساعة ، وما يخلي زول ما يقابلو .. آسف للاطالة ، ولكني لا أرى فرقاً بين رأفت ميلاد ، وعماد عبدالله ، وجورج جيّد ، أو خالي سيد ، وعمي فيلوثاوث فرج جارنا.

ده الشعور الطبيعى بالإنتماء والمواطنة .. وتثمين الناس بأفعالهم .. ممكن يكون قبطى أو مسلم إبن ستين .. وممكن يكون إبن حلال .. ودى المواطنة ..

ياخى الزول ده وين .. مشتاقين ليه كتير .. آخر عهدى بيه فى كوريا

Quote: اخي رافت الان الانسان في المنافي اول ما ينطق بها التميييز يقول لك دي امراة مسلمه لكي يزكيها لك او يقول لك ده زول مسلم كان المسلم افضل من الاخر

Quote: دائما أنت الهلال تحفك النجوم متبوءا فى الثريا المنبرا

ماعندكم مريخ عندو نجوم وتعفينى من الهلال ده

مشتاقين كتير والله

Quote: تلك الأرض هي امنا , ويبقي من خلالها الناس إخوة سواء كانوا ملحدين أو مؤمنين مسيحين أومسلمين بوذيين أو يهود .

Quote: معزرة اخوك مقصر ...لكننني احبك ..بدون لمز او همز ..كما ذكرت في بوست الحركة ...ايام المنظمة ..انا جاهز للمحبة

Quote: الإنسانية أخي رأفت...هناك حيث نلتقي جميعا عليها... أما الدين فاللة...ولة يوم حساب...

Quote: عندما كنا نضحك ونسخر من من يفكر مجرد تفكير في مسالة المسيحية والاسلام . اتذكر اجمل نكته كنا نرددها معا " انت الكافر ليها شنو".

Quote: ياخى ناس (دقينتى) راحت ديل حقو نشكرم لأنهم بينوا لنا موضع الفتق فى نسيجنا الإجتماعى.. ونقول ربنا يدينا البصيرة لنرتقه..

Quote: أخي ، انا متفائل ؛ شعبنا كما هو ، وبلادنا ، مهما يكن الأمر ، خير وأبقى وماتراه زبد سيذهب ، ولاشك ، جفاء.

Quote: لأني بريد دفء العلائق بين بني الإنسانية و ما بريد السقط(الصقط)والذي منه كنت بقعد في السهراجا أيام الزيقة والكتاحة

ياليت الكل له نقاء نظرتك وصفاء سريرتك .. بالطبع إنتى لا تشملك الكتاحة دى لا من قريب لا بعيد .. ولا من الزعلانين منهم ولا البنشكرهم والله لا جايب يوم شكرك ..

Quote: السقوط دي جمع صقط يارأفت !؟

بريه إنتى من السقط ..



طلتك مفرحة يا سمية

Quote: هذه اول مداخلة لي معك منذ انتسابي لهذا المنبر العظيم

Quote: كل الاسئلة عشان الواحد يفهم سبب البوست

قبل الشروع فى الإجابة على الأسئلة يا هاشم نعود لسبب البوست .. السبب لن ولا يجب أن يكون محددآ .. نحن فى حالة حرب أسلحتها قذرة .. جذبنا الكيزان الى بيزنطة و دهاليز قيصر .. جعلوا الصراع على المعتقدات .. إسلامى إسلامى .. وضدالعقائد الأخرى .. فينشغل الناس عنهم ويظلن يؤججون جمر الخلاف بين فنية وأخرى وهم ممسكين بتلابيب الأمر بسلاح التكفير ..

أصبح الصراع مسلمآ مسلمآ.. مسلمآ مسيحيآ .. معركة فى غير معترك .. فطنت أنا الى اللعبة والمناسبة .. زوال الغمامة من عينى فهنا إعتراف وتنبيه وجدت من واجبى طرح وجهة نظرى ..

ولنأنتى لأسألتك العسفية :

Quote: من هم المسلمين الذين مارسوا معك السقوط وماهو السقوط ؟ من هم معك فى "معنا" اى من انتم؟

يا هاشم نوريت السقوط يعنى وجود مستنقع .. والمستنقغ كما شرحت لك هو فخ البيزنطية الذى لهانا فيه الكيزان .. ونحنا فى "معنا" أقصد بها نفسى فلا تبخل عليـ(نا) ببعض التفخيم يا حبيبـ(نا) ..
ندمت يومآ عندما تصديت لأحدهم فتح بوست يجّرم الذين هنأونا بإحدى الأعياد .. فلو صبرت لأخرصه آخرون أكثر منه حرصآ على العقيدة .. وسقطت كثيرآ فى أفخاخ فرانكى وإى سليمان .. التصدى لهم واجب ولكن ليس للتفرقة مسيحى ومسلم وعلمانى .. ومن مارس معى السقوط كل من تجاوب مع إستفزازاتهم .. وأخطأوا فى حقنا دون أن يدروا .. وهم أقلية ..

حبيبـ(نا) نوريت دمت طيبآ

Quote: كلنا في الهم سودان .. وفي الحزن سودان ..وفي الحب سودان وعند الرب انسان

Quote: تعرف ايام استشهاد القائد العظيم جون قرنق وحتي كتابتي هذه يمر عليها اناس لا تعجبهم\ن وصف قرنق بالشهيد او العظيم انهال بعض اصحاب الذهن الذي تربي علي ثقافة ابغض في الله

Quote: الإسكايبي إختفي هل من عوده هل؟؟؟

Quote: الوطن الذى يرزح تحت ظل نظام فاشى وفاسد يتدثر بثياب الاسلام ,ويسعى بطريقة مكشوفة ومقصودة ومدروسة بعناية لدق اسفين الفرقة بين أبناء الوطن الواحد ,مستغلا الدين لتحقيق تلك الغاية الغريبة المريضة المجافية لتعاليم الاسلام نفسه , الذى يدعو لتعمير الأرض ونشر المحبة والالفة بين بنى البشر وليس الكراهية والبغضاء كما يفعلون , وهم بذلك يسعون بخبث لهدم صحيح الاسلام واقامة دينهم الذى لا يشبه ديننا الذى جعلنا اخوان فى الانسانية والوطن , هذا التنظيم الفاشى المتخلف يريد أن يعيدنا لقرون خلت ويحكمنا بأدواتها وفكرها السقيم الذى لا علاقة له بأى دين أو معتقد ,