|
|
 نفسى فى .. بقنية .. وشربوت .. ودكاى .. وكوجومورو
|
في سيرة العقوق .. عودٌ على بدء
ثم ..
عشمان فينا يا وطن ؟؟
و نحن الرفاق - الذين تظن -
أبناؤك يا بلد !! .. نحن ؟
الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!!
في محرابك القدس نفعل ذلك يا أبانا ..
و أنت سجودٌ للقضية .
لا تنتظرنا ..
سيقتلك الإنتظار قبل أن تغتالك الشهوات المريضة .
موت بغبينتك .. يا بوي .
أو .. بشلاليت غفلتنا و هوانك علينا .. سيان .
مرصعون نحن - كالدُمى - بألوان الكلمات العاليات الفارهات الهاتفات ..
و بعد ؟؟
يا وطنٌ تتقاسمه قمامات الأمزجة و ملتاثات الهوى .. و ينادينا ..
تنادينا ؟ .. أنسى ..
لا حياة لمن تنادي يا أبانا ..
نحن خصيانٌ في خلافاتنا ..
( النار تلد الرماد )
يا عجوز و وحيد .. و متسول لمرؤتنا ..
فـ .. ( شيل شيلتك ) براك ..
لا دَين لك عندنا - باستثناء أبوتك -
ليس لدينا ما نعطيك إلا الغناء و اجترارات المرارة ..
و الهتاف الإختلاف .
أفيكفيك ؟؟ ..
فاقد الشي لا يعطيه ..
نحن فقط نودّك ( عطية مُزيّن ) ..
تُسحل أو تُزهق أو تنسلُّ أطرافك منك ..
ما همّ ..
لا نملك لك من الامر شيئا ..
نحن عُزّل ..
نعم هكذا ..
نحن عُزّل ..
و ( قفانا أعوج ) يا أبي .
لسنا أبناؤك ..
نحن أبناء سِفَاح ..
و نعُقّك حتى نتمكن من جوهرة قلبك ..
فنعتصرها لجهويتنا و قبليتنا و طائفيتنا و عُهر أطماعنا ..
نحن عُصبة شتات - و معصوبو الأعين بعصبيتنا -
كاذبُ وردي يغنينا , فنطرب للكذبة الطامة :
( نحن أبناء ملوك في الزمان ) ..
و : ( نحن أباؤك في الفرح الجميل ..
نحن أباؤك في الحزن النبيل ) .
نحن أخيلة مآتة ..
فزاعات دلقان .
كاذبة هرطقاتنا نشنف بها سمعك - الذي أوهنه كِبر الصوت و صِغر العمل -
ساقطون نحن ..
و لواؤك منكسُ حتف شمممك يا أبانا ..
تمرغ عزته أحذية الجند و لؤم السوم .. و غدر البنوة .
لا عليك ..
سألقن إبني أحمد أغنية كانت نشيداً بركاناً ..
و كنت تتبتني و تلوليني بها حين أنام .. أتذكر ؟
سامحنا يا أبانا ..
هكذا أرد دينك ( الفي رقبتي ) ..
بأغنية ..
ربما تؤنس جلسات أحمد في يومٍ ( عبوسا قمطريرا ) ..
و تيه ينتظره من إرثي الأجرب .
بعيدٌ , ستؤنسه أغنيتك ..
تحت سماء غريبة .. و أرض غريبة ..
و سِحنٍ أغرب تنادي عليه بـ : يا أجنبي .
أنا ألقنه فاشهد , حتى لا ( تتبلى عليَّ ) و تتهمني بعقوقك ..
أحمد يا ولدي .. قل :
( يا صانع التاريخ )
- : ( يا صانع التاريخ )
( يا شعبي الذي سحق الظلام )
- : ( يا شعبي الذي سحق الظلام )
( المجدُ لكْ )
- : ( المجدُ لكْ )
( البذلُ لكْ )
- : ( البذلُ لكْ )
( ما صوّت الداعي ينادي يا رجال )
- : ( ما صوّت الداعي ينادي يا رجال )
( الخلدُ لكْ )
- : ( الخلدُ لكْ )
( يا صارم القسماتِ يا حيّ الشعور )
- : ( يا صارم القسماتِ يا حيّ الشعور )
أحسنت يا بُُني .
ثم ارفع كأسك ..
و تذكر :
( من عَقّ أباه عقّهُ جناه ) ..
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .
Emad Abdulla
|
|
 
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: وليد محمد المبارك)
|
وليد الشفت | Quote: نسيت (الابيض ضميرك) الاسم المودرن للبقنية |
فى زمنا كان العرقى والله .. القام زت بقى إسمو شنو ؟
تتفن فى واطــة الله .. يجوبو ليك جردل دقة تطعمو بنصية .. المزة لحم تيس أصفااار على الجمر .. وجلسة صاااقطه .. والعرق زى الدهن فى جبهتك .. العيون تلمع بنقاء .. أنصع من ضمير كوز يصلى الصبح حاضر ..
ينوم هادئ البال بعد ما يضاجع نسوانو الأربعة .. ويكون رمل نص نسوان البلد .. وملى الخيران وليدات .. وكسر نفس أمة ..
شايف الجماعة بتصرمعوا كيف ؟؟
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Emad Abdulla)
|
Quote: كاسك يا رأفت ..
خلينا نطمبجا ..
فوووووووووووق ..
في صحة الزبالة يا ابن خالتي . |
والحلل شنو يا عمدة !! .. الجماعة بدوا يسكروا .. على الخيبة النحنا فيها ..
تتذكر أبشر بتاع الحلة الجديدة داك ..
هو سؤال كدة: الكيزان قبال يكونوا كيزان مش كانوا معانا برضو ؟
ما تيب ..
غايتو أنا كان عندى جارى فى الفصل أوبصة .. عندو هسة فيلا فى الفلل الرئاسية
ما إنتبهنا سااااكت يا إبن عمى ..
شفت الأبطال الحافظين ديل .. ما شاءالله (دى تقولا بالفلاتى)
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: اساسي)
|
اساسى ..
رغوه يمشى فيها السوسيو ...
بضبانتاوووووووووووقرعتا ووووووووحلتاووووووو وحلاة شلعتا
الجلسة هناك عند حواء كلاب ... وحليل امدر.. وحليل ناسا
طالما المشروع اياه فشل !!!
للاستثمار!!
عسلية معلبة !!! كوجو مورو مكيس !! مريسه " خالية الدسم" مبسترة !!!
انبولات دكاى !!! حبوب فوارة عرقى " بلح / عيش " !!!
اندايه .. تمليك !!!
وين اخينا المابيجنا الا ساعة الشربه دى ؟؟؟
شيركم ياخوانا!!!
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: يازولyazoalيازول)
|
| Quote: شايف الجماعة بتصرمعوا كيف ؟؟ |
المشكلة ما في النسوان الاتصرمحو معاهم هم مباشرة لان الكيزان قله وومن يتصرمحون معهم وان كثروا قله
المشكلة في من اجبروهن على الصرمحة بسبب الضنك وضغط العيش والحاجة .. ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته
زمان كانت الانادي معروفة وين العنده قروش وما عنده قبول بمشي ليها
لكن هسع الشغل بقى جوه الحلال والحواري والازقة والبيوت كمان
لعن الله الفقر ومن قبله الكيزان ومن بعدهم المناضلين الما بختلفوا عنهم
واداك العافية يا رافت
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: وليد محمد المبارك)
|
Quote: في سيرة العقوق .. عودٌ على بدء
ثم ..
عشمان فينا يا وطن ؟؟
و نحن الرفاق - الذين تظن -
أبناؤك يا بلد !! .. نحن ؟
الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!!
في محرابك القدس نفعل ذلك يا أبانا ..
و أنت سجودٌ للقضية .
لا تنتظرنا ..
سيقتلك الإنتظار قبل أن تغتالك الشهوات المريضة .
موت بغبينتك .. يا بوي .
أو .. بشلاليت غفلتنا و هوانك علينا .. سيان .
مرصعون نحن - كالدُمى - بألوان الكلمات العاليات الفارهات الهاتفات ..
و بعد ؟؟
يا وطنٌ تتقاسمه قمامات الأمزجة و ملتاثات الهوى .. و ينادينا ..
تنادينا ؟ .. أنسى ..
لا حياة لمن تنادي يا أبانا ..
نحن خصيانٌ في خلافاتنا ..
( النار تلد الرماد )
يا عجوز و وحيد .. و متسول لمرؤتنا ..
فـ .. ( شيل شيلتك ) براك ..
لا دَين لك عندنا - باستثناء أبوتك -
ليس لدينا ما نعطيك إلا الغناء و اجترارات المرارة ..
و الهتاف الإختلاف .
أفيكفيك ؟؟ ..
فاقد الشي لا يعطيه ..
نحن فقط نودّك ( عطية مُزيّن ) ..
تُسحل أو تُزهق أو تنسلُّ أطرافك منك ..
ما همّ ..
لا نملك لك من الامر شيئا ..
نحن عُزّل ..
نعم هكذا ..
نحن عُزّل ..
و ( قفانا أعوج ) يا أبي .
لسنا أبناؤك ..
نحن أبناء سِفَاح ..
و نعُقّك حتى نتمكن من جوهرة قلبك ..
فنعتصرها لجهويتنا و قبليتنا و طائفيتنا و عُهر أطماعنا ..
نحن عُصبة شتات - و معصوبو الأعين بعصبيتنا -
كاذبُ وردي يغنينا , فنطرب للكذبة الطامة :
( نحن أبناء ملوك في الزمان ) ..
و : ( نحن أباؤك في الفرح الجميل ..
نحن أباؤك في الحزن النبيل ) .
نحن أخيلة مآتة ..
فزاعات دلقان .
كاذبة هرطقاتنا نشنف بها سمعك - الذي أوهنه كِبر الصوت و صِغر العمل -
ساقطون نحن ..
و لواؤك منكسُ حتف شمممك يا أبانا ..
تمرغ عزته أحذية الجند و لؤم السوم .. و غدر البنوة .
لا عليك ..
سألقن إبني أحمد أغنية كانت نشيداً بركاناً ..
و كنت تتبتني و تلوليني بها حين أنام .. أتذكر ؟
سامحنا يا أبانا ..
هكذا أرد دينك ( الفي رقبتي ) ..
بأغنية ..
ربما تؤنس جلسات أحمد في يومٍ ( عبوسا قمطريرا ) ..
و تيه ينتظره من إرثي الأجرب .
بعيدٌ , ستؤنسه أغنيتك ..
تحت سماء غريبة .. و أرض غريبة ..
و سِحنٍ أغرب تنادي عليه بـ : يا أجنبي .
أنا ألقنه فاشهد , حتى لا ( تتبلى عليَّ ) و تتهمني بعقوقك ..
أحمد يا ولدي .. قل :
( يا صانع التاريخ )
- : ( يا صانع التاريخ )
( يا شعبي الذي سحق الظلام )
- : ( يا شعبي الذي سحق الظلام )
( المجدُ لكْ )
- : ( المجدُ لكْ )
( البذلُ لكْ )
- : ( البذلُ لكْ )
( ما صوّت الداعي ينادي يا رجال )
- : ( ما صوّت الداعي ينادي يا رجال )
( الخلدُ لكْ )
- : ( الخلدُ لكْ )
( يا صارم القسماتِ يا حيّ الشعور )
- : ( يا صارم القسماتِ يا حيّ الشعور )
أحسنت يا بُُني .
ثم ارفع كأسك ..
و تذكر :
( من عَقّ أباه عقّهُ جناه ) ..
و نِمْ يا بني - إن استطعت إليه سبيلا - ..
نُمْ في أسمال روحك ..
و .. أبصق عليّ طويلا .
Emad Abdulla
|
ونفسي برضو في وطن مالك زمام أمرو
ومتوسد لهيب جمرو
حلو حلاوة ما بتنضاق
ومرا كلو كلو إن ضاق
وطن يعيد إلينا الحرارة
ونعيد إليه العافيه
ويغفر عنا كل ذنوب عقوقنا
شكرا يا رأفت على يقظة
البقنية والشربوت والدكاي والكوجومورو
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: dardiri satti)
|
Quote: Quote: ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته |
أبناء العاهرات!!! |
منو ديل يا الدرديرى ؟؟؟
ياخ حرام عليك أمهاتهم .. مرات البيت كلو تمام .. يطلع واحد بيضة فاسدة ..
عمك الترابى زاتو .. أمشى ود الترابى عندنا فى الجزيرة .. إمكن ما تلقى جبهجى هناك وأهله زى الفل ..
مرحبتين معانا هنا وفى المنبر
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: وليد محمد المبارك)
|
وليد | Quote: المشكلة ما في النسوان الاتصرمحو معاهم هم مباشرة لان الكيزان قله وومن يتصرمحون معهم وان كثروا قله |
المشكلة في | Quote: المناضلين الما بختلفوا عنهم |
Quote: المشكلة في من اجبروهن على الصرمحة بسبب الضنك وضغط العيش والحاجة .. ياخ اقبح شي تُجبر الانثى علي ممارسة الجنس لتعيش وتاكل وتسد حاجاتها الاساسية
والاقبح منو
انو الراجل يمارس الجنس بالمقابل المادي والابتزاز وليس لانه فحل ترغبه الاناث لفحولته |
هو سقوط مثل وقيم و إنهيار مجتمع Quote: زمان كانت الانادي معروفة وين العنده قروش وما عنده قبول بمشي ليها
لكن هسع الشغل بقى جوه الحلال والحواري والازقة والبيوت كمان |
| Quote: واداك العافية يا رافت |
ويعافيك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد مكى محمد)
|
محمد ود مكى Quote: كأسك ياوطن...
وفى صحتك وصحةعمادعبدالله..
وصحة كل أبناء وطنى..
متى نشرب نخب الحريه? |
بالطريقة الشايفا دى .. ما ظنيت
العالم كذبت كذبة كده .. وصدقوها .. حد يشرك لى نفسه ويبلع الطعم ؟؟
شيوية صعاليق يلعبوا بينا القيرا قيرا .. واحد أمنجى مقطوع يعملنا ضحكة مجالسه..!!
قال نضال .. كل وحد يشوف ليه ضل شجرة .. ويغنى ..
حوم الصفحة الأولى بس.. بالأكتر وجايك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: ابو جهينة)
|
أبو جهينة يا صاحب
Quote: | Quote: ( نحن أبناء ملوك في الزمان ) |
كنا و الله كذلك ... و صرنا الآن ( أبناءُ يلوكنا الزمان ) .. |
ما قالوا زمان .. التسوي كريت تلقاهو في جلدا .. ملوكيتنا دى زاتا .. كدى خلينا.. أو تكون أقصى واجبات الحفظ زى ما قال عماد ..
قصة طارق دى .. قال واحد تاب وبقى إمام .. يوم بخطب فى الناس قال: "تلعبون الميسر وتزنون وتشربون البيرة الصاااااااقطة .. وتريدون دخول الجنة"
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: طارق عبد اللطيف نقد)
|
Quote: ونفسى في هواء نظيف
وبراحات اوسع
و وطن يستوعب الجميع
وفيه بسيط من الحريه
وكثير من احتمال الاخر
وبيره0000باااااااااااااااااااااااارده |
تبدل معاى يا طارق دى بباغة عسلية بى رغوتا
حليلك يا سمسم القضارف
ما كان الهواء نضيف .. والنفوس مطايبة .. والدعوات مقبولة ..
ضيقوها علينا .. الله يضيفا عليهم دنيا وآخرة
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Deng)
|
كيفك يا دينق | Quote: أنت داير تجهجه الكيزان في البورد ديل بالبوست ده ول شنوا؟ |
هم والله عالم ما بتستحى .. ماطنها(من يمط) على نفسهم نكاح سااااكت .. مثنى وثلاث ورباع .. وشى متعة وشى مسيار .. والما عرسوها دايرين يرضعوها .. الأطفال ما سلموا منهم .. وحاسدننا على جردل عسلية ولا نصية عرقى حر من وارد دنقلا .. عليك الله ده كلام .. Quote: بعدين شايفك نسيت:
العسلية،الابيض ضميرك والسكو سكو. |
والقام زت .. مانسيت العنوان أبى يشيل
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
| Quote: نفسى فى .. بقنية .. وشربوت .. ودكاى .. وكوجومورو |
يا ميلاد ...
بقنية دي و الله من بعيد شوفتها بنقوية عديييييل
يا دينق
سلامات يا مان ...
ياخ أنا جيت لحدي بلدكم ديك و ناس الـ Homeland Security ما قصروا معاي لما قلت ليهم أنا زميل دينق في البورد
شكراً يا أبو الزمل
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
رأفت يا طاشم .....
| Quote: نفسى فى .. بقنية .. وشربوت .. ودكاى .. وكوجومورو |
الطفاسة شنو؟ ديل كلهم؟ والله إلاّ تيقى سكرة ينّي البنسمع بيها .... بعدين يا غبيان .. إنت عندك البيرة الصااااقطة .. جاي للكوجو مورو؟
البوست ده طبعاً شرك لي دينق ... وأهو جاك
_______
تحت تحت: أنا غايتو معاك في الشربوت
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد أبوالعزائم أبوالريش)
|
محمد أبوالعزائم | Quote: الطفاسة شنو؟ ديل كلهم؟ والله إلاّ تيقى سكرة ينّي البنسمع بيها |
هي نفس ياخ نقعد نوفر فيها .. ينى البمشى يغنى .. زكرتنى واحد جا قاطع حلتنا ووقع من العجلة .. الليل كلو بحاول يركب .. فى الآخر نام والعجلة فوقو .. | Quote: إنت عندك البيرة الصااااقطة .. جاي للكوجو مورو؟ |
ماكانت البيرة مالية البلد .. الكجومورو براه ليه ملوكيته .. | Quote: تحت تحت: أنا غايتو معاك في الشربوت |
الدكاى حق المحس ما ياهو الشربوت بس الـ (Pale Dry)
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: almogira alemam)
|
| Quote: با المناسبة دى يا رافت عندنا فى الحلفاية واحدخواف شديد من الشرطة وجنو عرقى قام يوم قبضوه با السابتة مشى للقاضى قام القاضى سالو قاليهو انت قبضوك فى شنو قاليهو يا مولانا والله (شربوت ساااااااااااى) فبقت سايرة عليهو للان |
زكرتنى واحد فى أمدرمان .. قصتو معاكسة .. ده قبضوه وجلدوا ليك .. القصة حرقتو شديد .. بقى كل ما يضرب قزازة تطلع فى راسو يمشى للبوليس .. ينبزم ويتحداهم يودوه ينجلد .. يودوه يجلدوه يوماتى .. القصة إنقلبت وبقى ليهم فى رقبتم .. بقى العساكر لامن يشفوه يقوموا جارين
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا نصرانى 
عاوز تورط الجمهور ....
الناس تمطق و خايفة ....
انت اختصر القصة و قول: نفسي في انداية ...
حصل جربت حاجة اسمها "ميز"؟ اسال ناس الديم و العشش
المحيرنى عينة اساسي ده
ينطبق عليهو الكلام: نشرب انحنا و تشلعوا انتو
اساسي ده لو ما مات بكون شق الترب
مشو العبار ده سريع ....
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: خدر)
|
يا خدر | Quote: بلاهي اقرب بسط امن شامل قريب وين يا ابن العم ؟ |
بندسوا ياخدر .. زمن قوانين سبتمبر كنت فى السعودية .. سألت واحد عن الحالة كيف .. قال لى بسيطة .. تفرغ القزازة فى خرطوش تقفلو بيى فلتين وتلفو فى ماسورة العجلة .. وتقطع أجعص نقطة تفتيش | Quote: اساسي ,, ركس ده اصعب زول بكون |
ما أهو ناقش يا خدر .. أول زول برفعوك فى البوكس
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: esam gabralla)
|
يا عصام
Quote: يا نصرانى
عاوز تورط الجمهور ....
الناس تمطق و خايفة .... |
النفس فيها والقليب ما بيها .. دى ترجمتها يوم لمحسن خالد | Quote: انت اختصر القصة و قول: نفسي في انداية ... |
ببنابرا .. وتغزغز القزايز الفاضية فى الصريف قبلى وبحرى مجرى هوا لزوم الترطيب .. وتقعد تدوبى | Quote: حصل جربت حاجة اسمها "ميز"؟ اسال ناس الديم و العشش |
شايف صلاح ما قصر وأداك الخبر اليقين .. بس عطن الصيوان Quote: المحيرنى عينة اساسي ده
ينطبق عليهو الكلام: نشرب انحنا و تشلعوا انتو
اساسي ده لو ما مات بكون شق الترب |
أساسى ده ود حلتنا ياخ .. قدامو جمال ووراه النقر ما ياها المقابر فى نصها .. ده حالتو ما حضر زمنا
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: شول اشوانق دينق)
|
رأفت يا أصلي
كيفك ياخي
| Quote: نفسى فى .. بقنية .. وشربوت .. ودكاى .. وكوجومورو |
والله خرمتك عينة ..لكن لو شربتهم كلهم بيعملوا ليك ( نُفاخ ) أعمل حسابك ..
| Quote: تتفن فى واطــة الله .. يجوبو ليك جردل دقة تطعمو بنصية .. المزة لحم تيس أصفااار على الجمر .. وجلسة صاااقطه .. والعرق زى الدهن فى جبهتك .. |
ده شغل ( ديم ) عدييييييييييل ، شكلك كده محتاج ليك لي سفرة سريعة كده با ابن خالتي .. نتقابل هناك.
وشوف صاحبك عصام قال شنو ، الله عليك يا عصام يا قديم انت
| Quote: حصل جربت حاجة اسمها "ميز"؟ اسال ناس الديم و العشش |
الميز ده طبعاً( مريسة ) الحبش ، لونو قريب من لون المريسة لكن ما تقيل زيها ( آبري أحمر على فاتح كده ) وما فيهو ( حترب ) ..
تلاتة كبابي منو توزنك صاح .. طبعاً لغاية الآن الحبش بيقدموه في حفلات زواجهم ، والله بالبراميل ..
يجيبوه ليك بالجرادل ويختوه في التربيزة قدامك ومعاهو كبابي ، تقش فيهو لمن تقول بس ، وكل مرة تقوم تمشي ورا الصيوان ( تعملها ) وترجع ، تلقاهم ملوا ليك الجردل ، تلحسو كلو وتقوم تمشي تاني ورا الصيوان ..
___________________________
خدر يا حاقد ، عايز تفرتق الحفلة ؟؟؟
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Salah Abdulla)
|
يا صلاح يا فردة
قلت يعمل ليك نفاخ | Quote: لو شربتهم كلهم بيعملوا ليك ( نُفاخ ) |
| Quote: ده شغل ( ديم ) عدييييييييييل |
ياحليل الخالة عجبة .. لما تزنق يوصلك فى بطن البيت | Quote: يجيبوه ليك بالجرادل ويختوه في التربيزة قدامك ومعاهو كبابي ، تقش فيهو لمن تقول بس ، وكل مرة تقوم تمشي ورا الصيوان ( تعملها ) وترجع ، تلقاهم ملوا ليك الجردل ، تلحسو كلو وتقوم تمشي تاني ورا الصيوان .. |
أنت لقيت الجردل الما بفضى ده وحقصت .. تكون فاتتك أنجيرة العروس .. كان قعدت فيها .. بأكلوك البنات فى خشمك يا معلم .. خليك ورا الصيوان
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
يا حليك يا رأفت ود ميلاد ، يا اخى كلامك ده ذكرنى بالولد الذى وجدها فرصة سانحة عندما رأى شخصا من السكر راقد فى الارض وبهدل ملابسه فقال الولد شفت يا ابوى عاقبة السكر شنو ، فقال الوالد والله يا ولدى ابوك مشتهى ليهو واحده ذى دى ، انت فى احلى مكان و مازلت تحن الى ناس البقنيه ، يا خوى كان غلبتك الغربه ارجع والله ابقى لينا عشرة على المعاك . بلغت سلامك للحبيب هاشم كرار و بسلم عليك ، ما شفته الزمن سوه فيهو شنو .
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: هجو الأقرع)
|
كيفك يا هجو يا زول الدخلك فى المعمة دى شنو | Quote: فقال الوالد والله يا ولدى ابوك مشتهى ليهو واحده ذى دى |
دى يا هجو بقولوا أريتا فى راسى | Quote: انت فى احلى مكان و مازلت تحن الى ناس البقنيه ، |
أحييييا يا هجو .. مادى النارية زاتا .. ما فى البقنية .. فى ناس البقنية والحصل ليهم ومعاهم .. ما مريت على كلام عماد الفوق وهو بقول : Quote: الأبناء الذين إن ناديتنا للصلاة في حضرتك , خبأنا في كمّنا خنجر : اللون السياسي ..
و أقمنا صلاة الغائب .. و حدّ الحرابة على - أبناؤك - إخوتنا ؟!! |
وقعت ليك الوجعة يا هجو | Quote: ما شفته الزمن سوه فيهو شنو |
مالو هاشم .. الراجل دفعة ونحن لسة شباب .. بدرى من عمرك .. مش فى أغنية كده .. بطلوا الحركات أنت وكمال الزين تصغروا على حسابنا
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: أبي بكر سيد احمد)
|
أبو بكر يا عزيز
شايفك بى هناك .. ولابد ليك | Quote: ثانياً ما ملاحظين ان البوست دا (ريحته طااااقه ): |
بس الريحة الطاقة الشاقا راسنا .. فارقا معانا شديد .. أكان ريحة العرقى .. وريحة عرق أهلى فى حافلة ولا فى طابور رغيف .. ولا إنشاءالله مول عفراء .. كلو مريسة ..
الريحة الما بقدر عليها ريحة خشم تحتو دقن نازل على كرش مليانة بحق الناس .. وكلام كلو نفاق ..
جاينكم وكان ما لقينا منكم طلبنا نبقى على شربوت ناصر Quote: الريح على الأبواب ....
بتقسم الإحساس للغاشي والماشي
كل الوطن للناس
لا خاصة لا عامه ..
ومهما العرق دساس
شرف الكتابه عيون ...
في اللوح وفي الكراس .... |
بديع
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: osman righeem)
|
عثمان رغيم .. وييين يا زول
ولا أنا المافى .. لكن الحال ياهو Quote: عندي فسيخ بلزمك
ولله بتشم ساي |
يازول أنا ما باكل فسيخ إلا وارد كوستى ..
والله هسة الحجة كان شافت مداخلتك دى تطلب تلفونك بالسريع .. تبقى فى قصة والله كنت بهزر ساكت ..
لكن بصراحة الفسيخ ما بخارج مع السنة .. بنعس وينومك فى البمبر .. تبقى عليك قصة زول هجو داك
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: محمد أبوالعزائم أبوالريش)
|
| Quote: عرقى حر من وارد دنقلا |
زح من أهلي يا حلبي يا منعول ..
قالوا ( يكفينا شر قلنا و قالوا ) عمك عمر اللوري يغرز منو في الباجة و يقطع ..
يتموهو من تنك العرقي ..
و يبروا نفسهم معاهو جبدة جبدتين ..
آخر ما آخر .. يقوم اللوري .. و تقوم الناس ..
و الدنيا عديلة و في أمانة الله .
و كده و كده و زاد وجدي .
.....
كاسك يا شاب ..
و على نيل بلادنا .. سخام .
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Emad Abdulla)
|
رأفت يا عزيز تحياتى .
فى حاجة اسمها أم تبعج , وأظنو من اسمها واضح بتعمل شنو , أم تبعج دى
من ابداعات اخوانا التشاديين , ودى مكان نشاطها الرأس والمعدة والمؤخرة ,أى والله
المؤخرة , يعنى ما زى المزة حقت الحبش والمريسة حقتنا تشرب وتبول , والعرقى تشرب
وتبذق , دى يا زول تشرب وتشوف ليك سهلة واسعة وتتفرجخ , ويفضل شرابها فى موقع
العمليات ذات نفسه لأنها ما بتدى الواحد فرصة عشان يفتش المكان المناسب .
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: فيصل عثمان الحسن)
|
Quote: فى حاجة اسمها أم تبعج , وأظنو من اسمها واضح بتعمل شنو , أم تبعج دى
من ابداعات اخوانا التشاديين , ودى مكان نشاطها الرأس والمعدة والمؤخرة ,أى والله
المؤخرة , يعنى ما زى المزة حقت الحبش والمريسة حقتنا تشرب وتبول , والعرقى تشرب
وتبذق , دى يا زول تشرب وتشوف ليك سهلة واسعة وتتفرجخ , ويفضل شرابها فى موقع
العمليات ذات نفسه لأنها ما بتدى الواحد فرصة عشان يفتش المكان المناسب . |
قلت لى أم تبعج يا فيصل ياخ .. يعنى دى الواحد كان لازم يرجع بالمواصلات إلا يكون لابس بامبر .. ياخ لا أم تبعج لا بتها .. وبعدين الكلام ده جبتو من وين ؟ أصلو ما شفت لى تشادى سكران .. بتاعيين عروق سااااكت ..
عليك الله أم تبعج يا حكمندار .. والله ده كان لقيتو أسلمو خدر
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Emad Abdulla)
|
Quote: زح من أهلي يا حلبي يا منعول ..
قالوا ( يكفينا شر قلنا و قالوا ) عمك عمر اللوري يغرز منو في الباجة و يقطع ..
يتموهو من تنك العرقي ..
و يبروا نفسهم معاهو جبدة جبدتين ..
آخر ما آخر .. يقوم اللوري .. و تقوم الناس ..
و الدنيا عديلة و في أمانة الله . |
اللوارى دى فى مدنى كنا بنعرف مواعيدا .. تجمع بدرى بدرى فى موقف الحلة الجديدة .. تتفن معاهم فى الواطـة .. عليك لعضة وعليهم السنة .. والحلة (بكسر الحاء) وراكم .. بس كضابين خلاس بعد يسنسنوا .. جنس قصص .. وكلها فى البلد .. دنقلا ولا تكساس | Quote: و كده و كده و زاد وجدي . |
ونوم عينى أصبح قليل Quote: كاسك يا شاب ..
و على نيل بلادنا .. سخام . |
كاسك يا وطنى .. المهم ما تفطنى .. كان كاسى مليان دبلوا ..
__________
عندى ليك سلام لزيز .. جاييك فى المسنجر بدون مؤامرات
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
طلعت بتاع { جو *} يا رأفت
غايتو تقعد تباري لي الملعون المسمى ب عماد عبدالله
الشافك أو سمعك بيك غيرت السوائل أو الفواكه أعلاه
بهوائيات وأعشاب وخرنديز
ما كضب
* الجو : لقب يطلقه الديامة على الأنادي
الكانت كائنة في مكان المجمع الديني للبرهانية حاليآ
المتاخم للسوق الشعبي وميدان سباق الخيل وأرض الحيوان
والتي لاتبعد كثيرآ عن ديم سلك حيث قطن رأفت ميلاد بعض الوقت
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: أبو ساندرا)
|
أبو ساندرا Quote: غايتو تقعد تباري لي الملعون المسمى ب عماد عبدالله
الشافك أو سمعك بيك غيرت السوائل أو الفواكه أعلاه
بهوائيات وأعشاب وخرنديز
ما كضب |
أنت لسة بتقول فيها Quote: * الجو : لقب يطلقه الديامة على الأنادي
الكانت كائنة في مكان المجمع الديني للبرهانية حاليآ
المتاخم للسوق الشعبي وميدان سباق الخيل وأرض الحيوان
والتي لاتبعد كثيرآ عن ديم سلك حيث قطن رأفت ميلاد بعض الوقت |
الترجمة على الشريط .. واحدة سمعتنا بنتكلم .. قالت لى ونستكم زى الفلم المدبلج
هسة أنت بتوصف فينا كدة زى المارى بالديم ماشى لى بيتكم فى نمرة 2 .. تعرف بيوتنا جمب ميدان الديم وسط .. تعرف بيت خالتك بتاع العسلية .. نصحى يوم الجمعة بدرى زى الماشى المطار .. ولا تلقى ناس العربات جايين من ويين وين بى جركاناتم لحسوها كلها ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
سَيِدي الفاضِل / رأفت ميلاد ... المُحترم
هذا ذكرني بِطُرفة ... قاليك زول في أمريكا إتقريف ليهو لِسيجارة قام شحد ليهو خواجة
هيا خواجة عِند سيجارة عادِية ؟
ما بدخِن
ولا بنقو ؟
أبداً
سمِح كأس ويسكي ساي ؟
ما بشرب الخمر
سمِح وِكِت ده كلو ما بتسويهو ، كافِرلا شِنو !
ودُمتُم ،،،
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عماد شمت)
|
الاخ هناك انا من امس راجى واحد يجيب معاهو العضة
فيصل جاب ام تبعج وام دى ما بتنفع الا فى مناطق العمليات
والعجب لو كان فى واحدهارب وداقين لية كمين الكلام دا ليك يا قيصل
انا عليى العتوت فيصل عليك راس النيفة عماد عليك الاقاشيى وعصام جراللة يجيب الكوارع ويجيى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Adam Omer)
|
اخوي ادم اقاشي اجيبه من وين؟؟ العشش دقسوا وشالوها..
الواحد كان يقطع الظلط يلقي الاطايب ...لكن بجيب ليكم الكجيك !!!
والله مع الدكاي في حاجة اسمها النبيت بطلع بعد ما يعملوا الدكاي بسكر شويه
لكن لو كترت منه ياهو النبيت!! ما بتحلك الا تبيت ثلاثه ايام, يعني تشرق وتغرب مع الشمس
وانت في السرير
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عزام حسن فرح)
|
عزام أولآ مرحب هنا وهناك وفى كل مكان
عزام دى كان جات فى آخر الإسم .. كان قلت ليك من أولادنا بتوع أمدمان Quote: هذا ذكرني بِطُرفة ... قاليك زول في أمريكا إتقريف ليهو لِسيجارة قام شحد ليهو خواجة
هيا خواجة عِند سيجارة عادِية ؟
ما بدخِن
ولا بنقو ؟
أبداً
سمِح كأس ويسكي ساي ؟
ما بشرب الخمر
سمِح وِكِت ده كلو ما بتسويهو ، كافِرلا شِنو ! |
دى ذكرتنى زمان لمن الدنيا بخيرا وما فيها فرز .. قالوا إتنين أصحاب طالعين ونازلين .. طبعآ أولادنا بتوع المسالمة الأقباط .. ما بتفرزوا .. اللون أخدر والأسامى مشتركة .. المهم يا زول يوم لاقاهو واحد صاحبو قال ليه فردتك القبطى وين الليلة .. قال ليه "ياتو ده" .. قال ليه فلان .. مشى ليه من دربو وقال ليه "يا زول أنت مسيحى" قال ليه أيوة ..
قال ليه ياخوى نحن سكرنا سوا .. داقشين الحلة سوا .. رمضان فاطرنو سوا .. الكافر ليها شنو
مرحب بيك تانى
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: عمر سعد)
|
Quote: الاتنين الباقيات ديل ما عرفتهم
بقنية ودكاى
فسر ؟ابقى فشرها........................ |
عمر سعد خت لى تلفونك ياخ .. لا ضربت لا حاجة
وبعدين سيبك من رجالة أبو ساندرا دى .. قال بتاع نسوان قال ..
البقنية يا عمر شربوت المريسة .. والدكاى عرقى الشربوت .. فهمت حاجة !!
يعنى البقنية مريسة بيوت مخفة ومصرح بيها .. وفى العيد بشربوا منها العيال عشان ينوموا بدرى بدرى .. ويمصما الراجل ومرتو عشان يعيدوا كويس .. عشان المريسة الجد بتدى قفاك وتنوم ..
أما الدكاى الدرجة التانية من الشربوت فى التعتيق .. وكلو تمر .. شربوت ثم دكاى ثم عرقى ..
ما شفت ليك حجة ضاربة دكاى !! إنت جاى من ياتو موردة ..
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: Haitham El Galal)
|
| Quote: ذكرتنى يا رأفت قالو زمااااااااااان جماعه قالو يمشو مزرعه واحد معاهم يخمو الرماد كم يوم كده قبل رمضان ما يكابس الجماعه دخلو المزرعه بجماعتهم وهاك يا افراح وليالى ملاح وكلو المهم بعد ما طولو رجعوا للناس لقو اجازة العيد انتهت |
هيثم الجلال كيفك ومشتاقين والله
جماعتك ديل ماخمو الرماد بس .. ديل خمو رمضان والعيد زاتو ياخ
أظهر ياخ
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: رأفت ميلاد)
|
سأل عمر سعد :
بقنية ودكاى
فسر ؟ابقى فشرها
--------------------------
البقنية : دي مريسة أهلك الجعليين أو بالأحرى الجعليات
وكمان ناس الغرب ، وهي أصلآ بتاعت نساء عشان خفيفة
وبتصنع من تخكير الكسرة أو تخفيف الذريعة
بإختصار هي مريسة خفيفة ، خففت للنساء
الدكاي : ده بتاع شايقية وميزته انه بيدفن حتى يقوى ويتعتق
{ الدافننو في جوف الخوابي } زي مافال سماعين حسن
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: أبو ساندرا)
|
Quote: البقنية : دي مريسة أهلك الجعليين أو بالأحرى الجعليات
وكمان ناس الغرب ، وهي أصلآ بتاعت نساء عشان خفيفة
وبتصنع من تخكير الكسرة أو تخفيف الذريعة
بإختصار هي مريسة خفيفة ، خففت للنساء
الدكاي : ده بتاع شايقية وميزته انه بيدفن حتى يقوى ويتعتق
{ الدافننو في جوف الخوابي } زي مافال سماعين حسن |
ياخوى البقنية شربناها مع ناس الزيداب .. يضربوا البقنية .. وبالليل الذكر .. كان عندهم حولية إسمها أولاد ود غميد .. نقعد بعيد فى الخلا فى الضلمة ونمزمز .. لما صوت النوبة يخفت كدة بنعرف الفتة وصلت .. نتسلل من ورا الصيوان .. وتخمش ليك اللحمة من فوق الفتة وفللى ..
أما الدكاى يا سيدى محس سااااكت .. الغرب فيه تمر !!
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: سيف الدين مصطفى كرار)
|
آدم يا خوى , أم تبعج دى الا يجيبا لينا عبدالباقى شحتو , لأنو بعرف الدريبات كويس
وممكن يسويها براهو , لكن بينى وبينك عبد الباقى محتال وممكن يسويها مضروبة , عشان
كدة أول حاجة نجربها فيهو .
بعدين يا رأفت وكت تشرب أم تبعج مواصلات شنو العايز تركبا , الا تكون مشتهى ليك فيضحة
ساكت , أم تبعج دى يا زول قلنا ليك شراب خلا , والمكان البتشرب فيهو تنوم فيهو , ما فى
أى طريقة للانتقال لمكان آخر فى حضرة أم تبعج , يعنى بالواضح كدة فلة ما بتحلك تقول لى
بامبرز .
| |
|
|
|
|
|
|
|
|
|
Re: نفسى فى .. بقنية .. وشربوت .. ودكاى .. وكوجومورو (Re: فيصل عثمان الحسن)
|
Quote: آدم يا خوى , أم تبعج دى الا يجيبا لينا عبدالباقى شحتو , لأنو بعرف الدريبات كويس
وممكن يسويها براهو , لكن بينى وبينك عبد الباقى محتال وممكن يسويها مضروبة , عشان
كدة أول حاجة نجربها فيهو . |
فيها شحتو ؟؟ والله قلبى ان حاسى Quote: بعدين يا رأفت وكت تشرب أم تبعج مواصلات شنو العايز تركبا , الا تكون مشتهى ليك فيضحة
ساكت , أم تبعج دى يا زول قلنا ليك شراب خلا , والمكان البتشرب فيهو تنوم فيهو , ما فى
أى طريقة للانتقال لمكان آخر فى حضرة أم تبعج , يعنى بالواضح كدة فلة ما بتحلك تقول لى
بامبرز . |
يا فيصل اخوى ما أهم حاجة الحوامة .. خلا شنو الببيت فيه ..
ذكرتنى زمان فى ود نباوى الحفلة عند الجيران .. قلنا حق القماير كعب .. نمشى الديم .. غازى إتفلسف علينا وقال أمشوا لى حواء وقولوا ليها من حق الطيارين .. لامن قلنا ليها كحلتنا كحلة سريعة كده .. وأدتنا من القفة البى وراها .. بنظرة كدة زى قصة بطلوا الفلسفة .. قعدنا فى الحوش .. تلاتة كاسات الشمس ضربتنا .. لا شفنا لا حفلة و بتاع .. القزازة صبحت مليانة مافى زول كاسا تانى
| |
|
|
|
|
|
|
|
| |
رأفت ميلاد
كمال علي الزين
Emad Abdulla
يازولyazoalيازول
اساسي
يوسف محمد يوسف
محمد مكى محمد
Mohamed Abdelgaleel
طارق عبد اللطيف نقد
ابو جهينة
د.محمد حسن
Deng
غباشي
محمد أبوالعزائم أبوالريش
almogira alemam
خدر
شول اشوانق دينق
هجو الأقرع
أبي بكر سيد احمد
osman righeem
أبو ساندرا
عزام حسن فرح
عماد شمت
Adam Omer
عمر سعد
صلاح أبودية
عمار عبدالله عبدالرحمن
فيس بوك
تويتر
انستقرام
يوتيوب
بنتيريست