دعواتكم لزميلنا المفكر د.الباقر العفيف بالشفاء العاجل
|
|
 مـريخ x هـلال .. هلاريـخ : 23 / أكتوبر
|
حتى الآن
الهــلال في الصــدارة
المــريخ في المركـز الثـاني
المــريخ أقــوى دفـــاع
المــريخ أقــــوى هجــوم
هــداف الدوري مازال مجهـولاً
فيصل العجـب: 19 هــدف
هيثـم طمبـل: 19 هــدف
|
|
 
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
ثابت محمد الجاك
يا صديقاً من زمن جميل
جئت أحييك وأهنئك بإنضمامك للمنبر العام بسودانيزأونلاين .
انا أثق كثيراً أنك ستكون إضافة نوعية .
بفعل عوامل كثيرة ، والتغيرات التي تطرأ على حيواتنا، أو قد يكون بسبب أيضاً من تردي الواقع الرياضي الذي لا ينفصل عن واقعنا السياسي والإقتصادي والإجتماعي قد تضاءل ذلك الحماس الرياضي الذي كنت تعرفه عني . لو أتيح لي أن أشهد مباراة أجد نفسي منجذب للهلال بحكم ( الريدة القديمة ) لكنني أنسى ما تم فيها بعد دقائق من صافرة النهاية .
أجدد التحية لك ولضيوفك
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: عاطف عمر)
|
عاطف عمر محمد صالح
ياااه
أثرت شــجوني
حفظك الله ورعاك ونسأله أن نلتقي قريباً
أما نحن فقد سـرى في عروقنا عشق الأحمــر ولا فكاك منه
وبيني وبينك كدا أنا ما عاوز أتفك
عشان أنسى ورم ووجع سياستنا وساستنا
لك الأمانى الجميلات
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
حل المريخ ثانياً في الممتاز خمس مراتٍ من قبل فهل اعتبر أهله ذلك إنجازاً لهم
وحل وصيفاً في سيكافا مرتين.. ولا نذكر أن أحداً من أهل المريخ أورد ذلك ضمن إنجازات ناديه أبداً
وإن خسروا يوم الأحد سيحزنون قطعاً لأن (الثاني مثل الأخير) في عرف المريخاب
ألم نقل لكم إن التاريخ لا يحتفي إلا بالأبطال.. ويهمل ما سواهم
ينتظرون ميدو.. وعجبكو.. والنونو.. والقلق الشديد في انتظار الآخرين
ينتظرون عودة الحبيب الغائب.. لأن الفرحة عندهم لا تكتمل بالوصافة.. أبداً!
ينتظرون التتويج داخل الرد كاسل.. ليرفعوا الكأس فوق المظلة.. مثلما رفعوا
المقصورة.. والمظلة
ينتظرون معانقة الدرع.. ليقولوا للوالي اذهب إن شئت.. وإن شئت فابقى.. فمهر بقائك عندنا بطولة مستحقةٍ.. ونصر مؤزر
ينتظرون الفرصة الواحدة.. ولهم الصدر دون العالمين أو القبر.. لأن فرحتهم لا تكتمل بتتويج يتحقق بالتعادل
وختام المقال طرفة مفادها أن أحد الحمر أصر ألا يزوج بنته إلا لأزرق.. وعندما سئل عن السبب قال:
( الجماعة ديل صبروا على فريقهم 75 سنة بدون بطولة جوية.. ما يصبروا على بنيتي )
والله يدينا الفي مرادنا
من عمود كبـد الحقيقـة .. مزمل أبو القاسـم
| |
|
|
|
|
|
|
|
|
 Re: مـريخ x هـلال .. هلاريـخ : 23 / أكتوبر (Re: ثابت محمد)
|
ثابت
كلن يغنى على ليلاه ولكن انا المدعو بلدى يا حبوب وبكامل قواى العقلية اعلن عن توقعى بفوز الهلال على المريخ 2 = صفر والله على مااقوله شهيد
وكانت ساعة النصر اكتمال الهلال
وما تنسى انو فى هذه الايام اكتمل الهلال قمرا وتبقى ليشع فرحا امسية الاحد
تحياتى
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: بلدى يا حبوب)
|
العزيز / ثابت
أن كان النصر يستحقه الأعلى كعبا وألأكثر جمالا وفننا وبهاءا وضياءا واستعدادا وعدة وعتادا وتاريخا وأنجازا ولاعبين فهو من دون شك من حق (الزعيم) أما أن كان يأتى بضرب حظ ترجيحيه أو (تمثيلا) أو عن طرق حكم غير نزيه أو مرتش فنحن عنه زاهدون!!
يا هو ده الهلال
فوق ... فوق ..... هلا لنا... .فوق
ياهوده النداء .. وهلالنا دائما فوق كده (سهم لأعلى مثل حركة الأصبع)
النجم بى نورو أهتدى وياهى دى الحقيقة مؤكده
يا هو ده الهلال وياهو ده النداء
شارف نهايات المدى ..
وياهو الخبر والمبتدأ
ورى فنونك .. كل زول دونك.. ربى يصونك
ما أنت كيانى وشريانى
وأنت الأول وانت التانى
أرفع صوتك عالى ماأنت الغالى وأنت هلالى
.............................................
فوق .. فوق.. هلا لنا فوق .. صاخب نداك
فوق فوق .. هلا لنا فوق .. بعيد سماك
فوق.. فوق.. هلا لنا فوق.. سامى ف علاك
فوق .. فوق.. هلا لنا فوق.. والله معاك
ورى فنونك كل زول دونك ربى يصونك
ما أنت كيانى وشريانى
وأنت الأول وأنت التانى
أرفع صوتك على مأنت الغالى وأنت هلالى
........................................
أرفع صوتك هادر وعالى
على هتافك أوعى تبالى
ساطع نورك وضوك يلا لئ
موجك .. أزرق فى بحرك أغرق.. وأنت الغالى
ورى فنونك كل زول دونك ربى يصونك
ما أنت كيانى وشريانى
وأنت الأول وأنت التانى
أرفع صوتك عالى ما أنت الغالى وأنت هلالى
................................
مرعب تنزل .. هيبة بتقدل.. فارس (تختال)
واصل سيرك قلبى أسيرك
بائن خيرك .. عظمة واجلال
مرر وهدف ، هدى ونضف
أوعى توقف وأروينا ذلال
ورى فنونك وكل زول دونك ربى يصونك
ما أنت كيانى وشريانى
أنت الأول وأنت التانى
أرفع صوتك عالى مأأنت الغالى وأنت هلالى
.....................................
فوق .. فوق .. هلا لنا فوق.. دائما تعلى
قدرك أغلى ولعبك أحلى
النص أملا , جل المولى.. واسحرنا حلال
روق ومزق
خطط ونسق
ناور وزنق
راقى وشيق
وما تخلى مجال
ورى فنونك كل زول دونك الله يصونك
ما أنت كيانى وشريانى
وانت الأول وأنت التانى
أرفع صوتك عالى ماأنت الغالى وأنت هلالى
...................................
هلالنا الصافى
فنك شافى
ذيك مافى
و(هيثم) كافى
وراجى الشبال
هلالنا عظيم .. فنان وحكيم
(سيدا) زعيم .. وما دائره جدال
ورى فنونك كل زولك دونك ربى يصونك
ما أنت كيانى وشريانى
وأنت الأول وأنت التانى
أرفع صوتك عالى ما أنت الغالى وأنت هلالى.
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
لو الهلال خاشي بي فرصتين
وهو الاقوي
والمريخ خاشي بي فرصة واحدة
وهو الاضعف
معناها
مبرووووووووووووووووووووووووووووووووووووووووووووووووووووك
للصهاينة...
ما دا الكرهنا الكورة زاتو...
********************
زماااااااااان كنا نطلق علي المريخاب === الصهاينه
والهلالاب === الرشاشات
لغاية هسي الكلام دا ماشي ولا غيرو؟
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
المريخ سيدخل مباراة اليوم ليهاجم بقوة.. وليس لديه أية نية للتراجع دفاعاً.. لأنه يرغب في الفوز وتكرار شريط مباراة النطة القصمت ظهر البطة!
ونحن نناشد المدرب محمود سعد ألا يستغني عن فيصل العجب في مطلع المباراة!
ونطالبه بأن لا يبعد هدافه الأول.. وأن يلعب بثلاثة مهاجمين ثابتين منذ البداية.. لأن الفرق الكبيرة التي تعشق الهجوم لا تلعب بطريقة ( 10/صفر ) التي تلجأ إليها الفرق الصغيرة خوفاً من الهزائم العريضة
وعلى جمهور المريخ أن يحضر بكثافة مرتدياً اللون الأحمر وأن يحمل الأعلام ليؤازر لاعبيه حتى يحققوا الفوز ويحملوا درع الممتاز من داخل الرد كاسل لأن المريخ مؤهل للفوز بإذن الله
وبأقدام لاعبي المريخ سيتم وضع كل شيء في نصابه الصحيح.. ليعود المريخ قاطرةً تجر بقية العربات.. ويعود ملكاً يسوس الرعية.. وزعيماً لعموم أندية السودان
المريخاب اشتهروا بشدة البأس منذ قديم الزمان.. ومدافع الدلاقين لا ترهبهم
شيخ ديوب سجل ثمانية أهداف في الممتاز.. فكم سجل بيتر إسرائيل والصلوي والبركاوي للهلال ؟؟
سننتظر من ميدو أن يواصل مسلسل تمزيق الشباك بعد أن سجل 11 هدفاً في الدورة الثانية وحدها
نجمة الإنجاز لا تكفي الوالي الذي قاد أكبر ثورة للتعمير في تاريخ الرياضة السودانية
المتاجرة بالموت.. آخر مهنة لتجار الكلمة
قلق اختفى في المباريات السابقة.. ونتوقع أن يظهر اليوم.. ليفعل العجب.. مع العجب
قلق شديد جداً.. جداً.. جداً.. قلق خطير.. جداً جداً جداً
البرير بط قال ( سنهزم المريخ لتهتف جماهير الهلال لا كورة ولا مقصورة )
لا كورة ممكن إذا فاز الهلال.. بس لا مقصورة كيف يا برير
هل ستردم مقصورة المريخ كما ردمت حوض البط الذي أجبرك الأرباب على إعادة نبشه من جديد
( لا كورة ولا مقصورة ) ستكون هتافاً صادقاَ إن حدث المتوقع وغردت عصافير المريخ داخل الرد كاسل
وبالفعل ستكون حالتهم وقتها صعبة.. من دون كورة ولا مقصورة
تعال لتستمتع بالكورة والمقصورة واللوحة والإذاعة والمقاعد الفايبرية والمضمار والملعب السندسي
تعال يا برير لتشعر أنك في حلم جميل بل أن تستيقظ منه على الواقع المزري والغبار الذري للملعب( المُبّهر )
تعال لتنال المعلوم.. وترقص رقصة ( المردوم )
قديماً قال القبطان ( مريخ الهلال يختلف عن أي مريخٍ آخر )
الله يدينا الفي مرادنا
أعـلاه نجيمات مختارة من عمـود كبـد الحقيقة
للكاتب مزمل أبو القاسم . صباح اليوم
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
| Quote: حل المريخ ثانياً في الممتاز خمس مراتٍ من قبل فهل اعتبر أهله ذلك إنجازاً لهم |
طبعاً لا !!!!
لأن من إعتبر أن ذلك إنجاز هو الفريق الذي جاء في المركز الأول خمس مرات حينما كان المريخ ثانياً!!!!!!!!!
تخريمة :
ما قلنا ليكم يا صهاينة تاني الأوائل أفضل مليون مرة من أول الطيشة !!!!!
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
سؤال برئ ممكن ؟؟؟
اخر مرة الهلال إتغلب في مباراة دورية كان سنة كم ومن منو ؟؟؟؟؟؟؟؟؟
يا جماعة ما تنضموا ساي الهلال فريق الإنجازات مش محلياً لكن برضو راضين بيها !!!!!
الإتحاد الدولي الفيفا والإعلام الغربي بيتابع الفريق صاحب الإنجازات المحلية وفي كتير من الأحيان تلقى الصحافة متابعة الفريق المعجزة ويقولوا ليك الفريق ده لعب 40 مباراة ما خسر والفريق ده ليهو موسمين ما إتغلب محلياً والفريق ده اخر مرة إتهزم كان قبل سنتين !!
أها يا جماعة هو الإنجاز ده كيفنهو ؟؟؟؟؟؟
الهلال من سنة أسكت ما إتغلب محلياً !!!!!!!
قوموا لفوا كده ولا كده ...
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: عمر الفاروق)
|
عمـر الفاروق حبابك يازول شيل الصـبر هاك حبـة البندول دي لحدي بعدين  حصل قابلك زول نصيح بجيب قون بالطريقة دى ؟؟ أها ده عبد الحميد السعودي وبعدين عاوز أقول ليك حاجة بالنسبة لدولياً المريخ الفريق السوداني الوحيد الجاب بطولة وداخلياً المريخ الفريق الوحيد الذي فاس ببطولة الدوري بدون هزيمة ولا تعادل يعني النمرة الكاملة ولاااا قشة ما عترت ليهو بتصدق ؟؟؟ والباقي بتمو ليك بكرة
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
| Quote: شيخ ديوب سجل ثمانية أهداف في الممتاز.. فكم سجل بيتر إسرائيل والصلوي والبركاوي للهلال ؟؟ |
وكم سجل قودوين ؟؟؟؟؟؟؟؟؟؟
ما سجله قودوين يكاد ياسوي ما سجله ديوب الأشتر والنونو القصير مجتمعاً مع العلم بأن قودوين موقوف لمباراتين !!!!!!!
يا ربي قودوين ده محترف في فريق شلعوها الخوالدة ؟؟؟
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: عمر الفاروق)
|
| Quote: يا ربي قودوين ده محترف في فريق شلعوها الخوالدة ؟؟؟ |
والله سألتني لكن
تصدق ؟؟
عبد الحميد السعودي مسجل ( 16 ) هدف
قدر قودين وهيثم مصطفى ومهند الطاهر وزيادة ؟؟
مع إنو
الود عبد الحميد لم يشارك فى خمس مباريات
وأغلب المباريات يلعب فى الشوط الثانى
وبرضو فرقو من طمبل ثلاث اهداف ؟؟
ياربى السعودي يكون بلعب فى ميدان عقرب ؟؟
بعدين ديوب ده ناس الهلال قالو معطوب
يازول أسكت ساااااي
مش قلنا ليك الكلام ده بكرة ؟؟ النقاش بعد الكاس
شيل الصبر
وتعــال بكرة
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
ثابت كتب
Quote: أحمد محمد عثمان
ســلام من الزمن الجميل
لو الهــلال خاشي بى ثلاث فرص نحن عاوزين نكسب
رايك شنو ؟؟
كدي خلينا نكسب الليلة وبعدها
نتفاهم فى الصهاينـة والرشـّـاشات
ومريخنا فوووق |
المشكلة انو دايما لو عندنا فرص بنضيعها ونخسر
ولو ما عندنا فرص
اكيد ح نخسر
مبروك عليكم يا الصهاينة وهاردلك يا الرشاشات
*****
مباراة ودية
استاد الخرطوم
قبل بداية الموسم وكان دوري السودان علي ما اعتقد
الهلال ضد الخرطوم ثلاثة
الشوط الاول 3 صفر للهلال
احرز الاهداف
الفنان المبدع الساحر
يوهانس
بدا الشوط التاني
يوهانس دور الكورة من الجهه اليسري للمرمي و
و
وقع
نقالة جات خاشة وشالوهو
قالو ملاريا
ودو كسلا
قالو كتبو
اول ما يشوف اللون الاحمر عيونو تزعلل
مات الراجل
ومن ديك كرهت ابوالليل واقجي زاتو
| |
|
|
|
|
|
|
|
|
|
Re: مـريخ x هـلال .. هلاريـخ : 23 / أكتوبر (Re: ثابت محمد)
|
يا ثابت :
كدي قول بسم الله وخت الرحمن في قلبك !!!!
الجقلبة ليك شنو يا زول ؟؟؟
إنت كنت بتتكلم عن المحترفين الأجانب وعشان كده انا جبت ليك سيرة قودوين !!!
السعودي ود فنان ماف كلام ولو عايز جنس المقاييس دي ممكن أذكرك بي معتز كبير الما لعب أغلب الدورة الثانية وبرضو بقا الهداف !!!!!!!
وبعدين يا أخوي هيثم مصطفى صانع ألعاب نحن بس خاتوا لي طمبل !!!!
بس ما تجي تقول لي العجب صانع ألعاب لأنو العجب ومنذ بداية الموسم بقا بيلعب مهاجم مش خلف المهاجمين وأتحداك لو تحسب لي عدد الأهداف الصنعا فيصل عجب !!!!!!!
Quote: الود عبد الحميد لم يشارك فى خمس مباريات
وأغلب المباريات يلعب فى الشوط الثانى
وبرضو فرقو من طمبل ثلاث اهداف ؟؟ |
إنت عارف يا ثابت العاجبني فيكم شنو ؟؟؟؟
العاجبني فيكم إنكم مقتنعين إنو الهداف بتاع الدوري هو هيثم طمبل ما العجب والدليل ياهو كلامك ده !!! يعني ما قلت فرقو من العجب ثلاثة أهداف !!! شفت الرعب ده كيف؟؟؟
Quote: وداخلياً المريخ الفريق الوحيد الذي فاس ببطولة الدوري بدون هزيمة ولا تعادل
يعني النمرة الكاملة
ولاااا قشة ما عترت ليهو
بتصدق ؟؟؟ |
فيييييييي ذمتك يا ثابت الكلام ده إنت حضرتو ؟؟؟؟؟
خلينا من كلام ناس عبده قابل بتاع سنة ستين وزمن ناس القطر وكمال عبد الوهاب والجاغريو وكرومة وسرور !!!
نحن بنتكلم عن إنجازات حييييييية ولسة ما تمت ليها سنتين انا حضرتها وإنت حضرتها !!!!
مشكلتكم يا مريخاب بتتكلموا بالماضي والتاريخ القديييييييييييييم يا ثابت ركز معاي شوية وخلينا في المهم نحن أولاد النهار ده !!!!
وإن شاء الله بكرة لناظره لقريب وإن شاء الله الهلال منتصر بإذن الله !!!!
| |
|
|
|
|
|
|
| |
ثابت محمد
عاطف عمر
بلدى يا حبوب
Ahmed Mohammed Osman
عمر الفاروق
abas
فيس بوك
تويتر
انستقرام
يوتيوب
بنتيريست